رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الاربعون 40
جابتني الفطنة لقيت روحي فوق السرير معلقينلي سيروم راسي يسطر نشوف كلشي مضبب يوسف شادلي يدي شافني قالي الحمد لله على السلامة قتلو واش صرا قالي والو تغاشيتي برك بقيت نسترجع واش صرا قتلو تعيش قولي منام وماما راها لاباس قالي يا حنونتي هذا قضاء وقدر ربي يرزقك الصبر وليت نبكي قتلو واش صرالها قالي اجلها لحق حنا هكا دخل الطبيب قالي عظم الله أجرك يا بنتي ربي شاهد درنا لي علينا والعملية فاتت لاباس فطناها وخليناها فالانعاش مكاش 10 دقايق عيطولي كي لحقت لقيتها تشهد يا بنتي ربي لي عالم أني انسان مولا ضمير وهاهو سي يوسف يعرفني مليح ونحلفلك أنو وفاة يماك ماعندها حتى علاقة بالعملية قتلو حابة نشوفها معليش قالي واه تقدري داني يوسف رجليا يرجفو موش قادرة نمشي بالسيف وصلت دخلنا عندها مغطيينها قاع نحيت الغطا عليها وبقيت نبوس فيها من وجها من يديها
ودموعي واد جبت قريب نص ساعة عندها مرة نبوسها مرة نتأمل فيها نحفظ في وجها خايفة ننساه حط يوسف يدو على كتفي قالي بسمة هيا نروحو قالو هذاك الطبيب تديها ولا حتى غدوة قالو لالا ضوك شوية ونخرجها ندفنها معندهاش ناس بعاد باه نستناوهم خررجوني سيف مرة مرة ونتلفت ورايا حتى كي ركبنا فاللوطو تفكرت قتلو يوسف خالتي وين قالي سبقتنا للدار غير وصلنا للدار لقيت غاشي كبير اللواطة عند الباب الغاشي داخل خارج قالي يوسف ادخلي مقدرتش بقيت غير نشوف معاه ليمن ندخل حليمة موش هنا ليمن جيت أنا دارني تحت جناحو ودخلني فوتنا طول للبيت رميت روحي على سرير ماما ونبكي جات خالتي بختة عنقتني هي تبكي وانا نبكي حتى نشفو دموعنا تكسلت في بلاصة ماما سمعت يوسف قاللها خالتي متغفليش عليها راها مكالمية ضوكا غير بالدوا قاتلو اتهنى زاد قاللها راني برا كاش ما احتجتي قوليلي قاتلو جابولي صحابك كلشي ربي يحفظك ويخليك قاللها بلا مزية المهم كاش حاجة عيطيلي خرجو هوما شوية جاتني دلال درت راسي
فحجرها ونبكي وهي تصبر فيا جاو خالاتي لي جامي شفتهم مرت خالي وبناتها الجيران يا ضوكا ولات حليمة محبوبة كي كانت حية مكاش لي طل عليها ايه يا دنيا مع العصر دخل يوسف قال لبختة راهم جايبينها راح ندخلها هنا يشوفوها وندوها ندفنوها دخلوها عندي للبيت مقدرتش نشوفها فالنعش جيت اللور وقعدت ودلال معايا حتى دخل خالي غير شفتو ونطير ليه اخرج والله متشوفها عياو معايا والو قتلهم غير هو لي ميشوفهاش و
- يتبع الفصل التالي اضغط على ( رواية بنت الغير شرعية ) اسم الرواية