رواية ابن العم كاملة بقلم مريم سرور عبر مدونة دليل الروايات
رواية ابن العم الفصل الثالث 3
الشاب حاول يمسك اسيل من دراعها ويخلعها الحجاب واسيل كانت بتصرخ عشان حد ينجدها
زقت الولد ووقعت على الارض قامت تجري والولاد بيجرو وراها
وهي بتعيط
فجاه ولد من اللي كانو بيجرو وراها مسكها من شعرها وضربها وطلع سكينه من جيبه وفضل يتكلم بالالماني فجاه سمعت حد بيتكلم الماني بس صوته مألوف كان آسر
_آسر؟؟؟الحقني والنبي
آسر ضرب الولاد وكسر دراع الولد اللي كان بيحاول يضربها وشد اسيل وطلع يجري بيها
_انتي عبيطه ؟!!ايه اللي ممشيكي بليل لوحدك وف المانيا !!!
عيطت جامد وهي بتحاول تاخد نفسها
_كنت عايزه امشي ومش عايزه اشوف حد
_خلاص بطلي عياط بس ابن عمك بيدور عليكي وهيتجنن
_متقلهوش عشان خاطري … ممكن يضربني
بصلها بعصبيه
_يضربك وانا اكسر له دراعه
وبعدين بص ليها وهو مخضوض
_فين طرحتك؟!!!
ضرخت اسيل وهي بتخبي شعرها بعد ما نست ان الولد شد الطرحه منها
_اه شعري ….الولد شد …الطر..
_خلاص فهمت …خدي الجاكت خبي بيه شعرك ده
ركبو تاكسي وهما مروحين لزياد وعمها اللي كانو قلقانين عليها
نزلو من التاكسي وزياد كان متعصب وقرب ناحية اسيل
_كنتي فين …. انتي فاكره نفسك ف مصر ؟!!!
_خلاص ي استاذ زياد محصلش حاجه هي كانت بتعيط جمب السور مش اكتر
_وطرحتك فين ي أستاذة؟!!!
اسيل بصت له وهي متعصبه ولاول مره تزعق له
_ملكش دعوه اتقطعت
زياد قرب منها عشان يضربها بالقلم بس باباه مسك دراعه
_اوعى تفكر تمد ايدك عليها طول ما انا عايش …انت سامع؟!!!!
عم اسيل بص لآسر وابتسم له
_شكرل ان رجعتها لينا سالمه غانمه
آسر بص لآسيل اللي دموعها موقفتش
_الشكر لله ي عمي المهم انها كويسه
اسيل بليل وهي نايمه على السرير قعدت تفكر وافتكرت لما آسر أنقذها وقامت بسرعه بعد ما افتكرت ان السلسله بتاعتها مش معاها
_زمانها وقعت هناك دي غاليه اووي عليا
بصت على الجاكت بتاع آسر
_اه غبيه نسيت ارجع الجاكت بكره بقى وانا راحه للدكتور
*******
اسيل مكانتش بتكلم زياد خالص وكانت كل شويه تفتكر كلامه مع منار عليها
زياد بصلها وهو بيركب العربيه ورايح يوديها للدكتور
_انتي مخصماني ولا ايه ؟!؟
_دكتور زياد معتدش ليك علاقه بيا احنا بس نرجع من المانيا تبقى ابن عمي وانا بنت عمك مش اكتر من كده تمام ؟!
_ايه الل حصل لكل ده؟!!
_عشان ترضي اللي بتحبها تقول عليا مجنونه ومريضه؟!!!!
_ما انتي كده فعلا ي اسيل
اسيل برقت من الصدمه ودموعها نزلت جامد ومعرفتش تاخد نفسها معقوله شايفها مريضه ؟!!
_زياد ….انا بكرهك انت سامع !!!
وبعدت وشها وهي بتتحسر على نفسها .
_اسيل مكانش قصدي …والمرض مش عيب
_لا عيب لما تفضحني قدام واحده لسه مش من عيليتنا وتقول عني مريضه قدامها ….وانا مش مريضه هي اللي مريضه
_اخرسي …اياكي ثم اياكي تتكلمي عنها كده
_اشمعنا لما هي اتكلمت عني وحش سكت و اتكلمت معاها
_عشان هي معاها حق وانا بحبها
اسيل كانت مصدومه من زياد لاول مره تشوفه على حقيقته ازاي كانت بتتمنى انه يحبها
_تصدق انا فعلا كنت مريضه لما فكرت اني اعجب بواحد زيك
_حلو ي اسيل هنروح من المانيا ولا تعرفيني ولا اعرفك
_ببقى احسن
دخلت اسيل عند مراد الدكتور وهي بتعيط
_انا بكرهه ….انا بكرهه ….ده بيقول عني مريضه …انا؟!!
مراد بص ليها وهو مستغرب
_مين؟!
_زياد ابن عمي
_احكي لي
اسيل حكت له اللي حصل من ساعه م نزلت من عنده المره اللي فاتت
_خلاص ي اسيل كويس انك عرفتي الحقيقه وكويس …انك معتديش شاغله بالك بيه ..جدعه
_انا بكرهه …. انا بكرهه
_لا ي اسيل متكرههوش ولا تحبيه هو ابن عمك بس
نزلت اسيل لحديقة المستشفي وهي ماسكه جاكت آسر ومستنيه تشوفه عشان تديه ليه
لقت اسر داخل عليها بشورت وجاكت بدله ونضارة شمس ولا كانه تامر حسني ف افلامه الكومييدي
_وينه الجاكت ؟!
_اهو
_خلي بالك انتي مديونه ليا
_ليه؟!
_بسببك معرفتش انام امبارح
اسيل قلبها دق جامد وبصت له
_ايه!!!
خلع النضاره وبص لعيونها وهو بيمثل انه متعصب
_ي ستي كنت نايم احلا نومه ف حياتي وكنت بحلم احلى حلم ف حياتي كنت بحلم اني اتجوزت اخيرا و بقا ليا سند وضهر الاقي حاجه بتشوك فيا اتاريها ايه ؟!
_ايه؟!
طلع السلسله بتاعتها من جيبه
اسيل قامت وهي بتصرخ بفرحه
_سلسلتي ؟!!!! كنت خايفه انها ضاعت
خدت السلسله ورمت الجاكت له ومشت وهي فرحانه جدا
آسر بص ليها بصدمه
_مادم انا لسه بتكلم …ومخلصتش كلامي
_مش لازم
_لا جيتي ف اهم كلمه وتمشي ؟!!!
بصت له بعصبيه
_انجز
بص ف عنيها وتاه وقال هو مرتبك
_تحبيني ؟!! اقصد تتجوزيني
- يتبع الفصل التالي اضغط على ( رواية ابن العم ) اسم الرواية