Ads by Google X

رواية بنت الغير شرعية الفصل الثامن و الثلاثون 38 - بقلم ياسمين

الصفحة الرئيسية

    رواية بنت الغير شرعية كاملة بقلم ياسمين عبر مدونة دليل الروايات 


 رواية بنت الغير شرعية الفصل الثامن و الثلاثون 38

 
نضت الصباح لقيتو مكاش في البيت وقيلا راح خرجت غسلت دخلت للكوزينة صبحت على خالتي وسقسيتها عليه قاتلي شرب قهوة وراح قالي عندي خدمة شربت حتى انا قهوة قتلها نعاونك قاتلي خلاص وجدت الغدا والحالة ناقية منسيقوش جينا فالبيت وبقينا نتفرجو حتى دقدق الباب جيت نحل قاتلي خالتي خلي نفتح أنا شفتي البارح واش دار راحت فتحت عليه سمعتها تقولو يا وليدي كاين كل خير على شقيت روحك قاللها زيادة الخير خيرين بسمة ناضت ولا مزال قاتلو لالا ناضت اهي في البيت دخل عندي صباح الخير لاباس كيف صبحتي قتلو سافا طولت اعطيني تيليفونك نعيط لماما قالي فرحت حسبت توحشتني ونتي تحوسي على تيليفوني قتلو كون درت معايا الزينة نتوحشك قالي علاه بسمة ملي عرفتيني جامي درت معاك الزينة سكت قالي هاكي عيطي ليماك حتى هي تستنى فيك عيطتلها من صوتها تبان مليحة الحمد لله رجعتلو تيليفونو
حتى قالي هيا وجدي روحك طرت فيه وين محال نرجع معاك قبل ما تبرا ماما وترجع للدار بقى غير يشوف معايا ممبعد قالي لهاذي درجة شايفتني حيوان وبلا ضمير قتلك وجدي روحك باه نديك تشوفيها قتلو ميخلوناش قاتلنا البارح الزيارة حتى على 2 كي تكوني وحدك تدخلي على زوج معايا تدخلي وقت ما تحبي خرج سمعتو فتح لوطوه بقيت نطل عليه من التاقة شفتو مرجع راسو لور وحاط ذراعو على وجهو بقى وقت من الزمان وهو هكا وانا نطل عليه حتى جات خالتي قاتلي يوسف وينو قلتلها برا قاتلي عيطيلو يتغدى يكون جاع فطر الصباح بكري جيت عند الباب عيطتلو مسمعتيش روشتلو بيدي والو مشافنيش خرجت طبطبتلو فالكارو تخلع هبط قالي الخير علاش خارجة قتلو من الساع نعيطلك باه نتغداو مسمعتينيش قالي اسمحيلي رقدت قتلو علاه مرقدتش الداخل دخلنا للكوزينة لقينا خالتي ديجا سقاتنا وتستنى قعدنا نتغداو كليت شوية وحبست بقى يشوف معايا كولي قتلو خلاص شبعت قالي واش كليتي حتى شبعتي قاتلو خالتي غير خليها ملي جات وهي هكا بسيف نحتمولها لقمة قتلها راني شبعانة شفتيني مفطرتش بكري قالي مالا وجدي روحك باه نروحو نطلو على خالتي قتلو خلي

شوية روح دير لاسياست نتا وخالتي راكم نعسانين ونروحو قالي أوكي ناض راح للصالون وخالتي لبيتها وانا غسلت الماعن وجيت لبست ووجدت روحي حتى ناضو رحنا لماما شرالها فالطريق سلة نتاع فاكية والماكلة قالنا ممنوعة غير دخلت عندها عنقتها وبديت نبكي قاتلي يا طفلة ذي الدمعة جامي شفتها طاحت وهذو يامات راها غير على الشفر مالكي قتلها توحشتك برك وخفت عليك قاتلي هاني لاباس وبالاك ضوك نخرج معاكم فرحت قتلها صح حتى قاللها يوسف لالا خالتي مزال شوية حتى يروح النفخ نتاع رجلك بقينا عندها حتى للمغرب قالنا يوسف هيا نروحو نخلوها تريح قاتلو ماما يا يوسف وليدي كون غير تقوللهم يخلو بختة معايا قاللها علاه متهلاوش فيك كاش ما ديرونجاوك قاتلو لالا والله تهلاو بزيادة بصح من جهة والفت بختة منجمش بلا بيها وحشمت من هاذوك لبنات صغارات ويبدلولي تحتي (ماما كانت دايرة الكاتي في يدها ممبعد ولا يباردي رجعوهلها في فخضها أيا هذي المرة لتهب وطار وقريب دارلها ديقا مهيش تقدر تحرك رجلها مالا راها بلاكوش مسكينة ) راح يوسف هدر معاهم وجا قاللها يا لالة حليمة ميكون غير خاطرك ضحكنا خلينا خالتي ورحت غير أنا وياه حبس عند ريسطورون
قالي هيا نتعشاو قتلو موش جيعانة قالي هيا والله انا جيعان هيا نزلنا تعشينا ورجعنا للدار بقينا غير ساكتين ونشوفو في بعضنا حتى قالي حاب ندوش معليه قتلو نوغمال رحت وجدتلو الدوش وجبدتلو سرابت مديتهملو هو دخل يدوش وتيليفونو غير يصوني محبسش نيميرو معرفتوش شوية بداو يدخلو لي ميساج كلاني قلبي بغيت نشوفهم بصح تيليفونو بالكود ومنعرفوش غير كمل وجا قتلو تيليفونك شافو ممبعد قالي خدمة برك قتلو خدمة خدمة ولا خدمة الليل لي موالف بيها قالي بسمة اخطينا من المشاكل قتلو هاني خاطياتك ودرت الجهة الاخرى وخليتو طول وهو قاعد أنا رقدت ، الصباح نضت قبلو طيبت قهوة وحطيتها وطيبت الغدا ناض جا عندي الكوزينة صباح الخير رديتلو كون خليتي جبت من برا قتلو ويديا واش ندير بيهم بقى
يضحك سيقت وهو جا فالبيت وباقي يتفرج قتلو راح نغسل الحوايج اعطيني حوايجك قالي خلي عليك قتلو ماشينتك رايحة تغسلهم قالي صحا ذوك نجيبهم من الطونوبيل راح جابهم درتهم فالماشينة تغسلو جا وقت الغدا تغدينا وغسلت الماعن قالي هيا نروحو ليماك قتلو نعسانة نرقد شوية ونروحو قالي براحتك قيلت شوية ونضت وجدت روحي ورحنا لماما حتى لليل باش جينا من عندها جينا نرقدو قالي يوسف بسمة صايي سامحتيني قتلو محال نسامحك للممات بقى مخلوع فيا قتلو راك ضيفي تهليت فيك ميروحش بالك لبعيد .
google-playkhamsatmostaqltradent