Ads by Google X

رواية بنت الغير شرعية الفصل الرابع و الثلاثون 34 - بقلم ياسمين

الصفحة الرئيسية

    رواية بنت الغير شرعية كاملة بقلم ياسمين عبر مدونة دليل الروايات 


 رواية بنت الغير شرعية الفصل الرابع و الثلاثون 34

 
جبدت عليه درت للكارو وغير نبكي حتى قريب نوصلو حبس ونزلني قالي هاكي غسلي متدخليش عليهم هكا غسلت وكملنا للدار غير وصلنا سلمت غير عليهم وجيت في بلاصة ماما ورقدت جات عندي واش بيك بنيتي قتلها والو عيانة من الطريق وزاد مريضة كي شفت ماما غاضتني عمري بغيت نعيط ونقوللها علاه حصلتني هذي الحصلة علاه زوجتيني منو سيف بصح نرجع نسكت نخاف تطلعلها لاتونسيو ولا السكر ، جبت سمانة في دارنا غير بكا ورقاد توسوست مني ماما وخالتي عياو معايا يا طفلة احكي واش صرالك علاه هكا مبغيتش نهدر تيليفوني مجبتوش كامل معايا يوسف كل يوم يعيط عند ماما غير تجيبولي ندير روحي راقدة ولا مرات كي تسيف عليا نكوبي عليه ونقوللها ريزو راح زعما درتو فالروجوتي ولا يعيط من نوامر أخرين دلال كل يوم عندي حتى هي عيات تحاول معايا والو ،وحد اليوم مع العشية الدقديق حسبتها دلال كيما موالف شوية
جات ماما قاتلي نوضي راجلك هنا غير قاتلي هنا تهسترت بديت نعيط للي خلقني هذا علاه جا واش جاب جدو حاوزيه قوليلو يطلقني محال نرجع معاه محال نشوفو وتنوض ليا ماما كيفاه يطلقك علاه اسمعي معنديش بنت تتهجل نوضي ضرك طيري معاه ، بديت نعيط منروحش معاه وغير هو منرجعلوش واذا موش قابلتني ساهلة نخليلك دارك ونهج بدات تضرب فيا حتى دخل يوسف فكني منها ياه ذي الدنيا كي عاملة أكثر انسان أذاني يحامي علي ومن شكون أمي قاللها خالتي حليمة كيفاه تضربي فيها قاتلو راك تسمع شا راها تقول قاللها خلاص ضوك أنا نتفاهم معاها هي خرجت وانا طحت فالارض غير نصادي قالي حبيبي علاه ديري هكا قتلو بلع عليا منبغيش تقولي هذو الهدرات واذا حاسب تكلخني بيه غير روح لعب بعيد ومن تالي الرجعة معاك موحال انساها انساني يا ربي متفهمش قالي خلاص هاني رايح تهدني برك خرج سمعتو يهدر فالكولوار مع ماما
كانت عند الباب تصنت علينا قاللها خالتي والله مراهي مليحة خليها يمات تريح ويفرجها ربي ونزيدك أنا غلطت معاها تعيشي تهلاي فيها ومتزيديش تحطي يدك عليها الله يخليك ، باين فيه راح وأنا تسقمت فبلاصتي ورقدت للصباح اليوم جابتلي ماما عجوز هذي كيما يقولو تضرب الخفيف الله غالب ماما وخالتي من النوع لي يامنو هذو الخرافات عييت معاهم خلوني منها حلفو غير لازم تصبلي الرصاص دارو رايهم وبدات هذي غير تخلط عليهم وبنتكم بيها عين حاسدة وبنتكم فيها وراهم علملينلها كذا وكذا المهم كذبات ياسرين وراحت .
 

      google-playkhamsatmostaqltradent