رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الثالث و الثلاثون 33
نضت نعيط ونفارع زرب يوسف شعل الضو بقى يهدر تهدني مكان والو خلاص راح كلش بسمة فتحي عيينيك مكان والو خلاص مع فتحت عينيا لقيتو قدامي يحاول يحضني بعدت عليه قالي خلاص حنونتي مكان والو بقيت غير نشوف معاه بنظرة غل كره حقد تقزز كرهتو رفدت تيليفون عيطت لماما غير قاتلي أهلا بنيتي واش لاباس بداو دموعي يطيحو مقدرتش نجاوب وليت غير نبكي عيات تهدر بسمة بسمة اهدري منيش نسمع فيك جا نحالي التيليفون وكوبا عليها قالي يماك مريضة متزيديش عليها قتلو زعما هماتك مالا علاه محسيتش بيا البارح غلقلي فمي خلاص تعيشي انساي البارح انساي واش صرا البارح قتلو محال ننسى خاطر البارح قتلتني خاطر البارح حطمتني قالي عارف بلي غلطة البارح كبيرة ومنيش عارف كيفاه نصلحها قتلو صح حاب تصلحها قالي ايه والله نحاول نصلحها يا لوكان يبقى يوم من عمري قتلو ساهل طلقني هكا تتصلح قالي محال ممكن من قبل نطلقك بصح بعد البارح من سابع مستحيل نطلقك علابالي صعيبة عليك ضوكا بصح مع الوقت والله راح نسيك في شي
لي صار هيا تتعشاي وتشربي دواك شفت مع الساعة لقيتها 8 ليل يا شحال رقدت حطلي العشا كليت شوية شربت الدوا وساعفت روحي خرجت للبالكون جا عندي قالي بسمة غير ادخلي راه البرد وضوك تمرضي قتلو مخنوقة حابة نبقى هنا دخل جابلي فاست وغطا لبست وتغطيت وبقيت تما حتى قريب 2 نتاع الصباح دخلت لقيتو مزال نايض ويتفرج حكمت بلاصتي بقيت نتفرج معاه حتى رقدت مع الصباح نضت لقيت روحي جسمي كامل مكسر راسي قتلني بالسطر حلقي يحرق محمومة باينة تقريبيت رحت غسلت بالسيف فطن بيا يوسف كي فتحت الباب نتاع البالكون قالي وين خارجة مديتهاش فيه وخرجت تبعني قالي هبلتي راه البرد يقطع ومراكي لابسة والو واش بيك علاه وجهك حمر ومنفخ مع مسني لقاني نغلي بالحمة قالي هاكي مرضتي عجبك الحال هاكا دخلني بالسيف للبيت وراح خرج شوية لقيتو جابلي كاس حليب سخون قالي اشربي قتلو موش قادرة قالي اشربي يا لوكان غير شوية على جال الدوا شربت هذاك الحليب عطالي براسيتامول وغريباكس شربتهم
وتكسلت رجعت رقدت فطنت غير بالهدرة فتحت عيني لقيتو هو يماه قاتلو واش كاين علاه راكم غالقين على رواحكم فالبيت قاللها والو بسمة مريضة استروحت جات قعدت بحذايا حطت يدها عليا قاتلو يوسف راها تقلي بالسخانة اديها للطبيب قتلها شربت الدوا ضوك نريح وجبدت روحي منها كرهتها حتى هي كرهت كامل عايلتهم ،داني للطبيب بالسيف وجبت الدوا جبت سمانة مريضة في حالة دار روحو صح خايف عليا كل وقتو هنا فالشومبرة وليت نتخنق منو مزية كاين البالكون ولا وقتي كامل فيه فوق المرجيحة اهلو مشفتهمش كامل قتلو مش حابتهم يدخلو عندي غير الخدامات يجيبولي الماكلة ولا يخملو ولا يدو الحوايج يغسلوهم ماما هدرت معاها قتلها مريضة برك وحتى صفية ورجاء عيطولي كي مرحتش نقرا قتلهم مريضة برك ، اليوم فالليل قلت ليوسف اديني لدارنا قالي مزالك مريضة وزيد القراية كيفاه قتلو منقراش مذابيك تبلوكيلي العام قالي بسمة يامات تريحي وتندمي متزربيهاش قتلو ندمت على كلش بقات غير هاذي قالي خلاص ابراي شوية ونديك عيطت عليه حابة غدوة نروح يا تديني يا نروح وحدي قالي خلاص ميكون غير خاطرك غدوة نديك.مع الصباح فقت قبلو غسلت ولبست ونوضتو ناض
مخلوع واش بسمة واش كاين قتلو اديني لدارنا قالي مزال الحال عاد 6 صباح قتلو هذا هو الوقت موش موالف تديني على 4. قالي خملتي قشك قتلو منحتاج والو هيا برك فرح قالي يا مالا نروحو ونجو قتلو لالا نروح ومنرجعش قالي شا هذي الهدرة كيفاه مترجعيش وقرايتك وانا قتلو قرايتي قتلك نحبسها ونتا واش الله يسلملك جيبك لي كل يوم يشريلك مرأة قالي بسمة واش هذي الهدرة قتلو. معجباتكش وقيلا علاه نتا قليل ما قوتلي قالي خلاص حنونتي شوفي نديك لداركم قعدي سمانة ريحي ونساي كلش ونوعدك كي ترجعي نبداو حياة جديدة قتلو الحياة الجديدة عيشها نتا ما أنا خلاص موت علاش شفت نتا واحد مات ورجع الحياة قالي بسمة متكحليش قلبك هيا تعيشي جبد فاليزة خملي شوية قش غسل ولبس هبطنا لقينا يماه هو صبح عليها أنا لالا بقات غير تشوف معايا قالي هيا افطري ونروحو قتلو منفطرش نقارعلك فاللوطو افطر وارواح قاتلو يماه واش كاين وشبيها مرتك قتلها حتى اليوم تسقسي علاه معلابالكش ولدك سكتني بسمة صايي قالها يما عندي خدمة متسناينيش وممبعد نعيطلك وخرجنا حبس عند كافيتيريا قالي هيا تفطري قتلو مش جيعانة ماناكلش قالي كي تجوعي
قولي جبنا طريق كاملة غير سكات عيا يحاول يهدر معايا بصح منجاوبوش لحقت 12 قالي نتغداو ونكملو قتلو لالا مناكلش قالي علاه ديري هكا هيا بديت نعيط مناكلش ناكل سيف ديجا وين شفت ميت ياكل قالي خلاص غير تكالماي عاود قالي بسمة مراكيش كامل مليحة واش رايك نبقاو في لوتال خير موش حاب يماك تشوفك هكا وهي مريضة قتلو خايف عليها ولا خايف منها متخلينيش نرجع معاك بعد عملتك تبسم وقالي بسمة أنا موش ند ليك ومتحطيش راسك براسي مزالك متعرفينيش عادي قوليلها واش صرا وانا نقوللها هي حرمتني من حقي الشرعي درت فيها هكا وليت نضرب فيه واش طلع خبيث ورخيس بدا يعيط يا ر#ك راح تقلبي بينا الطونوبيل.
- يتبع الفصل التالي اضغط على ( رواية بنت الغير شرعية ) اسم الرواية