Ads by Google X

رواية بنت الغير شرعية الفصل السادس و العشرون 26 - بقلم ياسمين

الصفحة الرئيسية

   رواية بنت الغير شرعية كاملة بقلم ياسمين عبر مدونة دليل الروايات 


 رواية بنت الغير شرعية الفصل السادس و العشرون 26

 
رحت طول غسلت وخرجت لقيتو دخل وجهو ميتفسرش محبيتش نسقسيه واش همني فيه حليت الخزانة نجبد حوايجي ملقيتهمش شفت معاه قتلو حوايجي مكاش بدى يتلعثم قالي ايه أنا قتلهم يدوهم جبتلك معايا حوايج جدد وقلت هذوك معندك مديري بيهم هبط جاب لي فاليز وحدة نتاعي لي ديتها لدارنا وزوج أخرين وحدة نتاعو وحدة قالي هذي ليك قتلو صحا ورحت لساكي جبدت دراهم عطيتهملو قالي واش هذو قتلو دراهم لي مديتهملي محتجتهمش كامل ديت منهم غير مليون ومنبعد نرجعو قالي شديهم عندك وبركاي من التبهليل حطيتهملو على السرير قتلو مش محتاجة عاود رفدهم وحطهم في ساكي قالي آخر مرة ترجعيلي حاجة نمدهالك سيرتو الدراهم واذا زعفتي من هدرتي مقبيل مقصدتكش بحديثي كنت على روحي أنا راجل مجاياش يصرفو عليا بصح نتي انثى علابالي مش فاهمة واش معناتها نهار تفهميها راح تفهميني قالي شوفي واش جبتلك حليت هذيك لافاليز لقيتو جايب من كلش لبسة ريحة مكياج سبابط صح شابين بصح واش فايدتهم وانا
مش هانية في راسي شكرتو رحت بدلت ورقدت ، نضت مع المغرب هو مكاش بقيت نخمل فقشي ونخمم حتى دخل قالي وقيلا توجدي في روحك لغدوة قتلو واه هبطنا تعشينا ورجعنا رقدنا صباح نضت بكري غسلت لبست مشطت درت مكياج خفيف ناض هو قالي صباح الخير رديتلو غسل ولبس هبطنا تقهوينا قالي هيا قاتلو عجوزتي وين على الصباح غير الخير قاللها تقرا قاتلي صح تقراي حسبت غير هدرتيها برك قتلها لالا صح نقرا فالجامعة وهذا عامي التالي قاتلي ربي ينجحك ممبعد قاتلو خليها تروح مع مروى قاللها ندي مرتي وحدي ونجيبها وحدي وزاد ذيك وين راها منعرف إذا ناضت ولالا قاتلو عندك الحق يا ولدي بقيناها على خير ورحنا وصلنا لافاك دخل معايا للادارة هدر مع المدير باين فيه يعرفو ممبعد سقسى وين نقرى وصلني عند المدرج قالي هيا وكي تكملي عيطيلي نجي نديك قتلو اوكي هو راح وأنا دخلت قريت حتى للعشية جا رجعني للدار .
google-playkhamsatmostaqltradent