رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الثالث و العشرون 23
دخلت غسلت كي خرجت لقيتو يخمل في حوايجو شا راه يدير هذا جبت حتى أنا فاليزة خملت شوية حوايج وجبدت سروال وبيل لبستهم وزدت فاست خفيفة من فوق عندهم بدا يبرد الحال مين ولاية داخلية وسط بصح قريبة للشرق مش كيما حنا ولاية ساحلية حتى اكتوبر نوفمبر يبرد الحال المهم مشطت شعري كان هو ديجا كمل ويستنى فيا هبطنا لقيناهم لتحت يفطرو صبحنا عليهم وبقيناهم بخير في نفس الوقت قاتلو يماه اقعدو فطرو قبل قاللها لالا رانا روطار نفطرو فالمطار واش من مطار راه يهدر عليه حتى قالو محمد خلي نوصلكم قالو لالا نروحو وحدنا بقات آمال غير تشوف معايا كون لقات تاكلني تقتلني خرجنا من عندهم وقلعنا لقيتو رايح فطريق دارنا مالا دايني لدارنا وعلاه قاللهم المطار بغيت نسقسيه ممبعد تفكرت هدرتو البارح مالا راني رخيسة كان هدرت معاه جبنا طريق كاملة سكات داير موسيقى قور كي عوايدو ويرحي فالدخان حتى وصلنا ولايتي كي ولينا قريب نلحقو للدار قارا لوطوه بجهة جبد تيليفون كبير شباب قالي هاكي وكي نعيط من اول مرة تهزي هذي
الاولى بيس فيها انترنت راح نعيط بلاكام ياربي وتكوني فالتوالات يسموك تفتحيها وردي بالك نلقى تيليفون طافي وتسبي بلي الريزو مكاش مش عليا هذا اللعب ثاني حاجة بخلاف الفايسبوك لي فاتحولك منلقاش وحدوخر ردي بالك ، ثاني حاجة الخرجة من داركم ممنوعة بتاتا قبل متقوليلي ونبه عليك راني عاسك كون تغلطي وديريها تخلصي بالدوبل حاجة أخرى علابالي دلال جي عندك محال الخرجة معاها ياربي ورايحة للمسجد بقيت غير مشنفة عليه قالي سمعتي هدرتي قتلو واذا مسمعتهاش واش راح دير قالي من دير والو جيست ريفوزي دوسي نتاع يماك لي بعثتو للترك حليت عينيا على وسعهم قتلو كيفاه قالي كيما سمعتي دوسي يماك بعثتلو واول ما يلقاولها متبرع بكلية راح يبعثولها مالا الباقي عندك زاد جبد بيلة دراهم قالي هذو 10 ملاين صرفو منهم هذو يامات حتى نرجع شديتهم عليه قتلو صحا ربي يحفظك وليت ذليلة قدامو خاطر ماما فاللعب واش ندير كملنا للدار نزلنا بقى ماما وخالتي على خير وراح ، مع دخلت الدار دخلنا للصالون لقيتو مبدل كانابيات الله الله الطابلة تابل دو كوان ذيك الشورة الحنونة الكاش ريدو جاني غير يوسف قاعد حشمت غير راح نضت نجري نقرعج على دارنا دخلت لبيت ماما وخالتي بلازما من الكبار زوج سرير نتاع بلاصة كيفاه شابين بلي تابل دونوي نتاعهم ذيك الخزانة رح.
دخلت لبيت ماما وخالتي بلازما من الكبار زوج سرير نتاع بلاصة كيفاه شابين بلي تابل دونوي نتاعهم ذيك الخزانة رحت للكوزينة اليكتروميناجي قاع جديد فريجيدار كويزينيار ماشين نتاع قهوة اكسبريسو روبوات طابلة بست كراسة بوا روج تهبل كلش يشعل وجديد قلتلهم مين جاوكم هذو آ حليمة هذا افار كاش ورث ولا كاش شايب طحتو عليه ولاو يضحكو قاتلي ماما هذا خير راجلك ربي يحفظه ويخليه ليك ولينا صراحة دهشت متوقعتهاش منه قتلهم كون غير كمل خيره وخرجكم من هنا كرالكم في بلاصة شابة حتى قاتلي خالتي موك وجه الميزيرية عيا معاها ومحبتش نطقت ماما قاتلنا قلتلكم نخرج من دار والديا للجبانة برك محال نخرج منا عنقتها قتلها بعيد الشر عليك لاه تفاولي على روحك معليش يا سيدي اقعدي هنا بقينا متحاكين حتى مع الليل عيطلي بلاكام فتحت كنا فالبيت مجمعين رحت للصالون حكيت معاه شوية قالي صاي وصلت وراني
فلوتال ونتي واش درتي قتلو والو غير مع ماما وخالتي حقا يعطيك الصحة على القش لي جبتولهم قالي بلا مزيتي أيا تصبحي بخير غدوة وكوبا رحت حتى أنا رقدت خاطر عيانة من الطريق والبارح من الزعاف قاع مرقدتش ، مع الصباح نضت تقهويت وقلت لماما أنا نديك اليوم قاتلي وراجلك شاورتيه كذبت قتلها واه علاباله خليتلو ميساج فالمسنجر ورحت مع ماما دياليزات وجينا لقيت دلال تما واش فرحت جمعت أنا وياها حتى لليل عيطلي كام فتحت هدرنا سافا سافا ممبعد سقساني يماك كيفاه راها قتلو لاباس دارت اليوم دياليز ورحت معاها قالي مليح بصح مش قتلك مكاش خرجة بلا متقولي قتلو ياك خليتلك ميساج قالي منا وجاي عيطي حتى نرد عليك باه تخرجي قتلو أوكي حتى زاد سقساني دلال مليحة تسمرت في بلاصتي وين علابالو بلي دلال جات أنا مقتلوش قتلو لاباس مسلمة عليك قالي مليح كاش ما تحتاجو قتلو والو قالي مالا مع السلامة رايح نرقد وكوبا كي لحقت 2 نتاع الصباح فطنت بالتيليفون يصوني لقيتو هو فتحت وهدرت معاه قالي نوضي اشعلي الضو باه نتأكد بلي في داركم قتلو الله يهديك وين باغية نكون بدى يطيح فالهدرة واش قتلك على الله يهديك كي نجي نتفاهمو عليها جبنا سمانة على نفس الحال يعيط سيرتو فالليل حتى 3 مرات ولازم يتاكد بلي فالدار مرة خرجت بلا نقولو مزية غير عند الدار شريت وجيت لقيتو عيطلي قلب الدنيا تاكدت بلي صح عاسني كرهت من شكو بصح معندي ماندير اليوم فالليل عيطلي بلاكام كيما العادة حكينا غير شوية حتى نسمع في صوت مرا معاه مفهمتهاش واش تقول بصح متأكدة من واش سمعت زرب
كوبا عييت نعاودلو محبش يفتح رجع ديكوناكتا كامل وتيليفون منعرفش نعيطلو هبلت وليت غير رايحة جاية كل حاجة مني ترجف صح منحبوش وميعنيلي والو بصح على الأقل يحتارمني هبلت بغيت نخرج في هذا الليل تخنقت النفس حبس فيا خالتي بختة مسكينة شافتني طولت مع لي موالف نحكي معاه بالخف جات تطل عليا لقاتني في حالة متنشافش بقات تكالمي فيا جابتلي شربت قاتلي يا طفلة مالك واش صرا طرطق بالبكا قتلها راه مع وحدة قاتلي استغفري شا راكي تهدري قتلها والله ثلاث راه مع وحدة سمعت صوتها قاتلي بالاك تيلي.
- يتبع الفصل التالي اضغط على ( رواية بنت الغير شرعية ) اسم الرواية