رواية نجمة في الصعيد كاملة بقلم ملك نصر الله عبر مدونة دليل الورايات
رواية نجمة في الصعيد الفصل الواحد و العشرون 21
حمزه صحي ، ونجمه كانت لسه نايمه وشعرها منكوش جنبها حمزه قرب منها وهو بيبص لشفايفها بتوهان(سافل وربنا مفيش كلام) بعدين فاق لنفسه وبعد بضيق وهو بيقول بخفوت: يخربيتك الواحد مش عارف يمسك نفسه تاني
حمزه هزها بخفه: نجمه نجمتي
نجمه بنوم: امم
حمزه: امم ايه قومي يلا علشان ننزل
نجمه قامت قعدت بنوم
حمزه بحنيه: نامي طيب شويه علي ماخد شاور
نجمه هزت راسها وهي بتنام اصلا ومش فايقه لحاجه
حمزه ابتسم ودخل اخد شاور بعدين خرج وهو بيجفف شعره وراحلها
حمزه: نجمه نجمه
نجمه بنوم: ايه تاني
حمزه بهدوء: يلا انا خلصت
نجمه بحنق: انت لسه داخل
حمزه ضحك: قومي يااختي الساعه 12 ونص
نجمه قامت بنوم وهي بتقول: هدخل اخد شاور واجي
حمزه هز رأسه بهدوء وهي اخدت لبس ودخلت شويه وخرجت كانت بتجفف شعرها حمزه بصلها وهو بيقول في نفسه( اه اقولها غطي شعرك قدامي علشان بيغريني وكده هتهور)
حمزه بضيق: نجمه
نجمه بتوجس: قول يا حمزه ، مش هتخرجني ؟
حمزه بسرعه: لا ، هخرجك انهارده
نجمه بحماس: اشطا قول بقا هتقول ايه
حمزه بهدوء: خلاص لما نرجع هقولك
نجمه بحماس: طيب هتخرجني الساعه كام
حمزه: الساعه 2 هروح لـ ابويا المصنع وهشوف الشركه واجيلك
نجمه: مش هتروح الكليه ؟
حمزه بغزل: لا اليوم كله انهارده لنجمتي
نجمه ابتسمت
نجمه كانت واقفه قدام المرايا بتسرح راح حمزه حضنها من ضهرها نجمه اتوترت وقالت
نجمه بتوتر: في ايه ياض
حمزه بهمس: في ايه مراتي وبحضنها واحشتني مثلاً حقي ولا مش حقي
نجمه بهمس: اا اه لا حقك
حمزه بخبث: بس بصراحه كده انا عايز اعمل حاجه
نجمه بتوتر: واللهِ عارفه ان في حاجه
حمزه قرب بتوهان باس رقبتها برقه نجمه جسمها اترعش بعدين حمزه بعد وهو بيقول: اخلصي ياست انا الشيطان واقفلي
نجمه هزت راسها بكسوف
حمزه راح رقد عالكنبه وهو بيقول بحنق: ولا كان ليا في الحب ولا ليا في الستات اصلا ويوم ما احب احب واحده كل ما اقربلها تقولي احنا اخوااااط
نجمه ابتسمت بتوتر وقالت: احم انا خلصت يلا
حمزه قام وهو بيبصلها بحنق ومسك أيدها
نجمه بخفه: مكونتش بتمسك ايدي في الخطه كمان ، الله يسامحك عالخطه دي
حمزه ضحك: مانتي اللي حجر
نجمه ضحكت بخفوت: انا مش حجر والعيب في عيونك القمر
حمزه بصلها: قولتي عيونك القمر بجد
نجمه هزت راسها بكسوف
حمزه بحب: بعشق كسوفك دا ، ولا ياختي انتي حجر
نجمه ضحكت بخفه: ولا ابدا دانا غلباانه
حمزه بخبث: طب ما تجيبي بوسه وتثبتي كلامك ..نهي كلامه بغمزه
نجمه بصتله: ما انا مش بيخوفني منك غير بصه حمدي الوزير دي
حمزه بحنق: مانتي بصراحه بطل والواحد ماسك نفسه بالعافيه
نجمه ضحكت بخفوت: احم وشي سخن يلا ننزل
حمزه بخبث: هو من ناحيه سخن فهو سخن واحمر وبقا مغري ، بطلي اغراء فيا
نجمه شدته من أيده وهي بتضحك
تحت
نجمه كانت بتحضر الفطار وميرنا وعز دخلوا عليها وهو قعد يلقَط من التلاجه حاجات(دنا م عز🫶🏽)
عز بخفه: نجوم عايز اكل ، اعمليلي فطار
نجمه ابتسمت: هنفطر انا وحمزه كل معانا
ميرنا بخفه: يارب حمزه يسمعك ويطلع عينك
عز بحنق: اسكتي يابت
ميرنا قربت من نجمه بتوتر
ميرنا بتوتر: نـ نجمه انا اسفه
نجمه حضنتها: اسفه ايه مش حصل حاجه
عز ضحك: هو فعلاً مش حصل حاجه ، انتي متأثرتيش كنتي بتدخلي تعملي بشاميل انتي كوين يابنتي
نجمه ضحكت: الاكل هو الحاجه الوحيده اللي بتطلعني من الزعل
عز ضحك هو وميرنا بعدين ميرنا قالت
ميرنا بخفه: عزوز
عز: احرقي
ميرنا بغيظ: هتشتريلي اسكيت ولا اروح اقول لحمزه انك قولت لنجمه “يا نجوم و أنها كوين”
عز بخفه: انا مبخافش يا حبيبتي شوفي انتي رايحه فين
ميرنا: اشطا سلام انا بقا
نجمه ضحكت: حمزه أيده تقيله ياض
عز بخفه: ولا يفرق معايا
حمزه واقف عالباب: وايه كمان
عز بغباء: هو بس عنده عضلات شايف نفسه بيها و ايه دا هو في ايه
عز كان مدي ضهره لحمزه
عز بخوف: نجمه افتحي أي حله بسرعه استخبي فيها
نجمه ضحكت جامد: يخربيتك دا بيطلع دخان من ودنه
عز: يا صغيره علي البهدله يا لوزه
حمزه قرب منه ومسكه من قفاه: ولا انا مش قلتلك متقولهاش يانجوم علشان مزعلكش
عز: ذله لسان يا كبير واللهِ
حمزه: وبتقولها كوين دي كمان ذله لسان
عز بص اميرنا وعز: انا قولت كده أسأل ميرو هتقولك لا
ميرنا بخفه: لو هتجيب الاسكيت يبقي لا مش قال يا حمزه علشان الظلم حرام برضوا
حمزه بحنق: اخر مره تقولها كده ياض
عز هز رأسه بغيظ وهو بيقول: حُطها في برطمان واسمع مني هترتاح واللهِ
حمزه بصله بغيظ وقرب من نجمه
عز بغيظ: انت كمان هتزنقها في المطبخ وقدامنا راعي اني سنجل وحيد بائس
نجمه بصت لحمزه بإحراج وقالت بخفوت: ابعد يا حمزه عز هيفضحك
حمزه بخفوت: سيبك منه دا اهبل المهم ..كمل بحده.. بطلي تضحكي كتير
نجمه برقه: حاضر
حمزه بخفوت: بقولك اترق الواد عز وتديني بوسه صغيره
نجمه بتوتر: عيب كده بقا
عز بغيظ: اديله بوسه يا نجمه ومتراعيش اني سنجل
حمزه بحده: بس يا حيوان علشان مقولش لابوك علي البنات اللي شاقطهم في الكليه ..كمل بخبث.. هقوله علي كوكي هاا
عز بتوتر: يخربيتك انت عرفت منين
حمزه بغرور: انا حمزه رضوان ياض
عز بغيظ: اعملي الفطار يا نجمه علشان اطفح واغور من وش جوزك
نجمه ابتسمت بخفوت راح حمزه قالها
حمزه بخفوت: اشطر كتكوته بتسمعي الكلام
حمزه سابها وقعد علي الترابيزه اللي في المطبخ وفي وشه كان عز ماسك موبايله
نجمه جابت الفطار وكان بياكلوا وحمزه كل شويه يشتم في عز علشان بيتكلم مع نجمه عز خلص اكل
عز: اقوم انا بقا ، تسلم ايدك يا نجو لا يا نجمه
نجمه ضحكت وهزت رأسها
عز خرج راح حمزه قال
حمزه: مش قولتلك بطلي ضحك
نجمه بغيظ: ماضحكش ازاى يعني ، اصلا بتكون ضحكه صغيره
حمزه بضيق: طيب متضحكيش كتير
نجمه برقه: حاضر
حمزه قام: هروح المصنع والشركه هبعتلك ماسيدج قبل ما اجي تكوني جهزتي
نجمه هزت راسها بحماس وحمزه قرب باسها من خدها وخرج
نجمه ابتسمت بتوتر وقالت بخفوت(يخربيتك عملت فيا ايه)
حمزه راح المصنع ودخل لباباه مكتبه
حمزه: عامل ايه ياحاج
رضوان بهدوء: الحمدالله يا ولدي وانت
حمزه بحب: بخير الحمدلله
رضوان بحده: نجمه بنتي يا حمزه لو كملت معاها علي اسلوبك دا هطلقها منك
حمزه بضيق: خلاص يابابا اتصالحنا امبارح
رضوان بهدوء: طيب الحمدلله ، مروحتش الكليه ليه
حمزه: راحت عليا نومه
رضوان ابتسم: طيب
حمزه: هروح اشوف الشركه وهخرج نجمه انهارده
رضوان بهدوء: تمام حافظ علي نجمه مش هتلاقي زيها يا ولدي
حمزه بحب: في قلبي ياحاج وبعدين دي روحي حد يفرط في روحه
رضوان بغيظ: طيب واحترم نفسك قدامي يا حيوان
حمزه بحنق: كل دا علشان قولت دي روحي انا مااشي
رضوان بضحك: قبل ما تمشي خطوبه شيرين وأسر بكره
حمزه بهدوء: طيب انا ماشي
حمزه مشي راح الشركه قابل هناك مراد
مراد: بقولك يا حمزاوي عايزك
حمزه: قول يا غالي
مراد: عايز عنوان ساره صاحبه نجمه
حمزه: في ايه ياض اتقل كده ، وبعدين خطوبه أسر بكره وهي هتيجي علشان شيرين
مراد ابتسم ببلاهه: احلف بالله
حمزه: يخربيتك واقع واقع يعني ، انا ماشي
حمزه بعت ماسيدج لنجمه وروح لقاها بتحط لمسات بسيطه من الميك اب
حمزه ابتسم: حلو بس
نجمه: طب تعالي اختار معايا احط الروچ دا ولا دا
حمزه قرب منها واختار واحد فيهم
حمزه: دا حلو ثانيه بقا انا اللي هحط
نجمه: هتخرب الدنيا
حمزه ضحك: لا بعرف أقف ساكته بس
نجمه وقفت وهو حطلها الروچ بصت عليه في المرايا
نجمه بانبهار: وااو جميل ..كملت بشك.. لا ثانيه انت عرفت تحطه ازاى
حمزه ضحك: عادي يعني
نجمه: لا مش عادي ، حمزه انت كنت تعرف بنات قبلي
حمزه:…….
- يتبع الفصل التالي اضغط على ( رواية نجمة في الصعيد ) اسم الرواية