رواية العشق الابدي كاملة بقلم لبنى دراز عبر مدونة دليل الروايات
رواية العشق الابدي الفصل العشرون 20
الَّذِينَ اتَّخَذُوا دِينَهُمْ لَهْوًا وَلَعِبًا وَغَرَّتْهُمُ الْحَيَاةُ الدُّنْيَا ۚ فَالْيَوْمَ نَنسَاهُمْ كَمَا نَسُوا لِقَاءَ يَوْمِهِمْ هَٰذَا وَمَا كَانُوا بِآيَاتِنَا يَجْحَدُونَ
🌱🥀🌱🥀🌱
عن النبي-صلى الله عليه وسلم- قال: (من استعاذ بالله فأعيذوه، ومن سألكم بالله فأعطوه، ومن دعاكم فأجيبوه، ومن أتى عليكم معروفًا فكافئوه؛ فإن لم تجدوا ما تكافئونه فادعوا له حتى تعلموا أن قد كافأتموه).
العشق الأبدي بقلمى✍️___________لبنى دراز
فـ ڤيلا المزرعة
بعد ما رجعت من المستشفى و صممت ان الاء تقعد معاها لغاية حفلة سبوع البيبى دخلتها أوضة أمينة هى و حازم و قالت
حلم:: بـ ود .. انتوا هتقعدوا فـ أوضة ماما هنا بعيد عن باقى الاوض عشان تاخدوا راحتكم
حازم :: يابنتى خلينا نرجع بيتنا كفاية عليكى اللى عندك
حلم :: ولااااا هو انا كنت اشتكيتلك .. اتلم احسنلك يا حازم بدل ما ألمك انا و لا نسيت
الاء:: يا لومى فارس بيغير عليكى و أكيد هيضايق من وجودنا هنا
حلم:: شكلك اتهبلتى زى جوزك يا الاء .. اولا انتوا قاعدين سوا و معاكم لوما الصغيرة .. ثانيا فارس عارف كويس علاقتى بيكم ايه و ثالثا بقى و ده الأهم لازم يقبلنى زى ما انا بكل اللى فـ حياتى .. انا مش حرة نفسى او واحدة مهمشة هقبل اتستت فـ البيت و استنى لما يرجع سي السيد من شغله و لا ايه
حازم:: تمام بس برضوا لازم تبقى عاملة حسابه و حساب غيرته عليكى و حبه ليكى
حلم:: أكيد عارفة الكلام ده .. بس عايزاه يتعود ع حياتى و شغلى و يقبله .. زى ما انا هتعود ع حياته و شغله و هقبله
حازم:: صح كدا ده اللى المفروض يحصل انكم تتعودوا و تقبلوا بعض بكل حياتكم بس المفروض يبقى فيه شوية تغيير بسيط يحسسكم بوجودكم سوا ولا ايه .. و يلا بقى كدا من غير مطرود برة الأوضة خلينى أقعد مع حريمى براحتى
حلم:: بضحك .. حررريييمك !! ههههههههههههه ماشى يا سلطان زمانك
و بالفعل خرجت و سابتهم لوحدهم و طلعت اوضتها أخدت شاور و دخلت سريرها عشان تنام ماعرفتش كل ما تغمض عينها تفتكر اللى حصل بينها و بين فارس طول اليوم و قامت بتعب طلعت التراس قعدت فـ مرجيحتها و بتغنى
رجعوني عينيك لـ أيامي اللي راحوا
علموني أندم على الماضي وجراحه
اللي شفته قبل ما تشوفك عينيا
عمر ضايع يحسبوه إزاي عليّا
فارس:: دخل التراس لانه هو كمان ما كانش عارف ينام لنفس السبب و سمعها .. و غنى معاها
اللي شفته، اللي شفته قبل
ما تشوفك عينيا
عمر ضايع يحسبوه إزاي عليّا
اللي شفته قبل ما تشوفك عينيا
عمر ضايع يحسبوه إزاي عليّا، عليّا
اللي شفته قبل ما تشوفك عينيا
عمر ضايع، ضايع يحسبوه إزاي عليّا
حلم:: قامت و عينيها فـ عينيه و الاتنين فـ نفس الوقت مع بعض
إنت عمري، إنت عمري اللي إبتدى بنورك صباحه
اللي إبتدى بنورك صباحه
إنت، إنت، إنت عمري
فارس:: تعرفى ان صوتك حلو اوى
حلم:: ع فكرة صوتى عادى جدا المفاجأة فعلا صوتك أنت .. فيه شجن و دفى غريب بيحسسك انك فـ عالم تانى خالص
فارس:: ياااه كل ده فـ صوتى .. اول مرة أعرف
حلم:: اه كل ده فـ صوتك .. ممكن تغني تانى لو سمحت ؟
فارس:: بغلاسة .. لأ مش ممكن
حلم:: عشان خاطري .. ده اول طلب أطلبه منك هتكسفنى عايزة أسمعك و انت بتغنيلى
فارس:: خاطرك غالى يا قلبى من عينى .. و غنى فعلا
عليكى عيون
لا بتنافق و لا بتخون
و فيها من الأمان مخزون
و فيها من الجمال أسرار
عليكى كلام
يمشي الحزن و أبقى تمام
يطمن قلبي يرجع خام
فـ أكون أنا و إنتى كالأطفال
عليكى سلام
يقويني على الأيام
في طاقة تزقني لـ قدام
و بها بكمل المشوار
عليكى هدوء
حلاوة صوت و نظرة شوق
أكون زعلان أشوفك أروق
و أحس براحة و إستقرار
عليكي جمال
و قلبِك صافي و ابن حلال
معاكي بعيش في راحِة بال
و من غيرك بكون محتار
وجودك خير
بضحكة تخلي يومي جميل
بتسند ضهري وقت ما أميل
انا فعلا عرفت اختار.
عليكى سلام
يقويني على الأيام
في طاقة تزقني لـ قدام
و بها بكمل المشوار
عليكى هدوء
حلاوة صوت و نظرة شوق
أكون زعلان أشوفك أروق
و أحس براحة و إستقرار
حلم:: يااااه بجد صوتك هادى أوى و دافى أوى .. اممممم انت كنت مخبى كل المواهب دى فين قولى .. مرة شعر و مرة غُنى ايييه شكلك كنت حبيّب قديم باين عليك
فارس:: بحب .. هتصدقينى لو قولتلك انى اكتشفت نفسى لـ أول مرة من يوم ما حبيتك
حلم:: بأندهاش .. معقول !!
فارس:: قبلك فعلا ماكنتش عايش .. كنت اسمع عن الحب ده لكن عمرى ما جربته لغاية ماشوفتك .. و ع رأى الست أم كلثوم و بغُنى
إبتديت دلوقتي بس أحب عمري
إبتديت دلوقتي أخاف، أخاف
لا العمر يجري
كل فرحة اشتاقها من قبلك خيالي
إلتقاها في نور عينيك قلبي وفكري
حلم:: بتكمل معاه
يا حياة قلبي يا أغلى
من حياتي ليه، ليه
ليه، ليه، ليه ما قابلنيش
هواك يا حبيبي بدري
فارس:: بأبتسامة .. المهم بقى ممكن أعرف حبيبتى سهرانة ليه لغاية دلوقتي
حلم:: ماعرفتش أنام .. و انت سهران ليه
فارس:: لـ نفس السبب برضوا ما عرفتش أنام
حلم:: ليه.. بتفكر فـ إيه
فارس:: فيكى .. بفكر فـ اليوم اللى هيجمعنا سوا ورا باب واحد و تحت سقف واحد عشان كدا ماعرفتش أنام .. و أنتى بقى ما عرفتيش تنامى ليه
حلم:: بمكر .. أبدا كان فى ناموسة بتزن فـ ودانى قلقتنى .. ما عرفتش انام بسببها بس كدا
فارس:: بغيظ مصطنع .. بقى كان فى ناموسة بتزن فـ ودانك
حلم:: ببرود .. أه ناموسة فيها ايه دى
فارس:: يلا ابت ادخلى نامى امشى قال ناموسة قال ههههههههههههه
حلم:: تصبح ع حبى
فارس:: و أنتى مني و جوة قلبى
و بالفعل كل واحد فيهم دخل اوضته عشان يناموا و فعلا غلبهم النوم من كتر تفكيرهم فـ بعض .. و تانى يوم
فارس راح يطمن ع أخواته البنات قبل ما يمشى من المزرعة و يرجع شقته هو و أدهم و هو رايح لـ أوضتهم سمع بالصدفة
ياسمين:: بعصبية انتى اتجننتى ازاى تعملى كدا ازااااى
مها:: غصب عنى يا ياسمين ضحك عليا و انا صدقته أنا مش عارفة أعمل ايه
ياسمين:: بغيظ .. ضحك عليكى ازاى كان فين عقلك .. ازاى تصدقيه و تسلميه نفسك بسهولة كدا
مها:: برجاء .. أرجوكى ساعدينى يا ياسمين انا هربت من المنصورة و مش عارفة أروح فين عشان خاطرى قوليلى عنوانك أجيلك
ياسمين:: بصدمة .. ايه هربتى !! و كمان عايزانى اساعدك
مها:: أرجوكى انا ماليش حد اروح له
ياسمين:: هروبك مش حل يا مها لازم تروحيله و تعرفيه انك حامل و هو يتصـ…….
فارس:: بغـ ضب فتح باب الاوضة .. ياااااااسمييين
ياسمين:: بخضة رمت الموبايل من ايدها .. فارس ؟!
فارس:: أيوا فارس يا أنسة ياسمين .. انا مش حذرتك قبل كدا و قولتلك بلاش زفتة مها دى .. ماسمعتيش كلامى ليه
ياسمين:: و الله يا فارس انا مش بكلمها من يوم ما قولتلى .. دى هى اللى كلمتنى
فارس:: واااضح جدا يا هانم بدليل انها بتكلمك و بتحكيلك أسرارها كمان .. و انا كلامى مالوش أى لازمة مش كدا
ياسمين:: بدموع و الله أبدا يا فارس انا عمرى ما كـ سرت كلامك بس هى عندها مشكلة و كانت عايزانى اساعدها
فارس:: بعصبية و هتساعديها ازاى بقى ان شاء الله هتروحى معاها لـ دكتور عديم الضمير و لا تكلميلها الحيـ وان اللى غلطت معااااه و لا تكونيش هتساعديها تهرب و تيجى تستخبى هنا انننطططقييي
ياسمين:: بصدمة .. انت سمعت !!
فارس:: للاسف كنت جاى اطمن عليكم قبل ما أمشى و سمعتك بالصدفة و من ردودك عليها فهمت الموضوع .. و بـ أسف معقول انتى أختى اللى كبرت ع إيدى تعرفى ناس بالاخلاق دى
ياسمين:: سامحنى يا فارس عشان خاطرى بلاش تزعل منى أرجوك
فارس:: برغم نرفزته و غيظه منها بس ضمها لـ حضنه انا أه زعلان منك و نفسى أكـ سر دماغك بس مبسوط انك سمعتى بنفسك انها بنت مش كويسة و ساهلة اى حد يقولها كلمتين تصدقه و تسلمه نفسها
و النتيجة أهى قصاد عينك .. و بهدوء ياسمين عشان خاطرى بلاش البنت دى نهائى أعمليلها بلوك من عندك و من حياتك كلها لو مش عايزانى ازعل منك و أمشى و انا مطمن عليكى ممكن
ياسمين:: حاضر يا فارس .. بس عشان خاطري سامحنى
و بالفعل فارس أحتوا ياسمين و فهمها انه لما منعها من صاحبتها دى كان شايف فعلا انها بنت مش كويسة و انه بحكم خبرته كظابط له وجهة نظر فـ الشخص اللى قصاده و كانت فعلا فـ محلها
_________________________
ڤيلا المزرعة قبل السبوع بيوم
مر أسبوع من غير أى أحداث مافيش غير تسليم الطلبيات و تقفيل الحسابات و تجهيز حفلة سبوع حلم الصغيرة .. و عزومة كل حبايبهم و أصحابهم ع الحفلة
حازم:: لـ حلم بصى بقى انا ماليش دعوة باللى انتى هتعمليه .. انا أن شاء الله هد بح عجـ ل و أعمل عقيقة بنتى
حلم:: و انا مالى ما تعمل هو انا منعتك .. المزرعة عندك ماشاء الله خيرها كتير .. روح و خد اللى يعجبك
حازم:: كله بحسابه يا حلم ماااشى
حلم:: هو حد قالك انى فاتحاها سبيل أكيد طبعا كله بتمنه .. بس اخلص انت و ألحق وقتك
و فعلا راح حازم مزرعة المواشى و أشترى منها العجـ ل اللى هيد بحه عشان العقيقة
تانى يوم من الصبح بدرى حلم بعتت تجيب طباخين يطبخوا و يغدوا كل العمال اللى فـ المزرعة من العجـ ل اللى دبـ حه حازم و هى دبحـ ت واحد تانى وزعته لله كله عشان خاطر حلم الصغيرة
نجوى:: وصلت مع فارس و أدهم و معاهم أمل و بسعادة شالت النونة .. ماشاء الله تبارك الله ايه الجمال ده .. ربنا يخليكى لـ بابا و ماما و يجعلك ذرية صالحة يارب .. و هى بتديها لـ ألاء تانى أديتلها هديتها
ألاء:: ربنا يباركلنا فـ حضرتك يا طنط عقبال ماتشيلى ولاد حلم و فارس
فارس:: ياااااااارب
نجوى:: بضحك ع رد فعل فارس .. مالك يا سيادة العقيد مستعجل ليه اوى كدا .. مش لما تتجوزوا الاول ههههههههههههه
حلم::بخجل قوليله يا خالتو .. و لـ ألاء مااااشى يا كلـ بة البحر انتى حظك بس انى مش فاضيالك
حازم:: جاى من وراهم و سامع حلم .. مالك بـ مراتى ابت انتى .. و قبل ما يكمل كلامه شاف
فارس:: بهزار .. حاطط أيده فـ وسطه حاااازم مين دى اللى بت يا أخ انت
حازم:: أسف اباشا انا أقصد حلم بنتى يا كبير مش حرمكم خاااالص
حلم:: بضحك .. جبت ورا ليه يا برنس ههههههههههههه
أدهم:: العمر مش بعزقة يابنتى .. الراجل لسة مستجد فـ عالم الابهات و عايز يربى بنته .. لازم يجيب ورا طبعا ده فارس باشا مش اى حد برضوا
حازم:: بضحك قولها يا دكتور ههههههههههههه
شوية و رن جرس الباب و راحت فاطمة تفتح كان هشام و معاه أحلام و جلال و هاميس و لميس بنات أحلام
هاميس:: دخلت جرى ع حلم .. حوووورى وحشتييييننننييييي
حلم:: قعدت فـ الارض و أخدت هاميس فـ حضنها .. قلب حور يا هموسة .. و انتى كمان وحشتينى
لميس:: جريت عليها .. خالتوووو حبيبتى وحشتينى اوى اوى و بحبك اوى اوى اوى
حلم:: لميستى و انا كمان بحبااااااااك قد الدنيا دى كلها
فارس:: متابع حلم و تصرفاتها مع بنات أختها اللى أول مرة يشوفهم .. و سلم ع هشام و جلال و سكت
هشام: :لـ حلم بهزار .. ع فكرة البنات مش جايين لوحدهم يا انسة يعنى
حلم:: قامت من الارض و أخدت هشام بالحضن .. حبيبى والله حمد الله ع السلامة بس انت عارف بقى القمرات دول بياخدونى فـ حتة تانية
أحلام:: بأبتسامة صفرا .. أكيد يا حور ما هما بناتك برضوا
حلم:: أكيد يا أحلام بناتى و ليا فيهم أكتر منك كمان
جلال:: بسماجة و طمع .. طيب طالما بناتك بقى روقى عليهم كدا بكام مليون ههههههه
حلم:: بصت له من فوق لـ تحت .. مش مستنياك عشان تقول يا جلال .. كل واحدة فيهم ليها وديعة بأسمها فـ البنك بـ 3 مليون جنيه و مش ها تتفك غير بعد 11 سنة ان شاء الله
أحلام:: بصدمة .. أنتى قولتى أيه !!
حلم:: ببرود .. ايه اتصدمتى ليه .. حبيبتى انا عارفة ان ده اللى انتى عايزاه و انا عملته بس ع فكرة ده للبنات بس .. مش حد تانى و عينيها ع جلال ماشى
فارس:: مستغرب طريقة كلامها مع أختها .. و قال حور ممكن كلمة لو سمحتى
حلم:: ممكن تعال ندخل المكتب .. و مشيت قبله دخلت المكتب و دموعها بتجرى ع خدها من كتر وجع قلبها من أختها
فـ المكتب
فارس:: دخل وراها و شافها .. و بعدين يا حور ليه الدموع دى
حلم:: بدموع .. أختى مش هتتغير أبدا كل همها الفلوس و بس يا فارس .. شوفت بتتكلم ازاى هى و جوزها
فارس:: قرب منها يمسح دموعها .. حبيبتى ما تعيطش تانى ابدا طول ما أنا موجود ممكن .. و بعدين انتى عملتى اللى هى عايزاه و من نفسك يبقى ليه الدموع
هشام:: دخل وراهم .. و بهزار ع فكرة يا باشا انت لسة ما كتبتش الكتاب
فارس:: يا عم هشام احنا فيها بالتليفون المأذون يحضر فـ الحال و لـ حلم و لا ليكى رأى تانى
حلم:: بأبتسامة وجع .. لأ ماليش
هشام:: لـ حلم حبيبتى ماتزعليش من أحلام انتى عارفة طبعها و طبع جلال و المفروض انك حفظتيهم .. المهم بقى اقعدوا كدا انتوا الاتنين عشان هتصل بـ حسام .. عايز يكلمكم سوا
فارس:: خير ان شاء الله
هشام:: و هو بيتصل بـ أخوه مكالمة فيديو انا بلغته طلبك و هو موافق بس عايز يسمعها من حور .. و بالفعل رد
حسام:: السلام عليكم ورحمة الله
كلهم :: و عليكم السلام ورحمة الله
حسام:: حور حبيبتى عاملة ايه وحشتينى يا قلب أخوكى
حلم:: بدموع و انت كمان وحشتنى اوى يا أبيه
حسام:: و ليه الدموع دى .. بذمتك فى عروسة تعيط كدا .. انتى عايزة العريس يطفش من اولها كدا ولا ايه
فارس:: لأ ماتخافش انا لازق مش هطفش بس ده مايمنعش برضوا انها تبطل عياط ههههههههههههه
حسام:: فارس ازيك عامل ايه
فارس:: الحمدلله بخير والله انت عامل ايه
حسام:: الحمدلله .. المهم هشام بلغنى بـ طلبك و انا طبعا موافق بس عايز أعرف رأى حور .. ها يا حور موافقة و لا نطيره
حلم:: بأبتسامة خجل .. مابيعرفش يطير يا أبيه و بعدين مايهونش عليا أطيره
حسام:: اممممم يعنى موافقة .. طب ما تقوليها بصراحة يا عروسة لازم يعنى اللف و الدوران ده
حلم:: بخجل .. و بعدين بقى يا أبيه الله
هشام:: بتريقة .. يا سلااام بقيتى قطة و مش طالعلك صوت دلوقتي .. اومال فين بقى حلم الرشيدي اللى ماحدش بيقف قصادها
حسام:: خلاص بقى يا هشام ماتكسفهاش .. المهم الف مبروك يا حبيبتى .. كان نفسى أكون معاكى بس انتى عارفة غصب عنى
حلم:: انا عارفة يا ابيه انه غصب عنك
فارس:: أستأذن منهم و خرج من المكتب نده ع أدهم و نجوى و قالهم و دخلوا المكتب معاه .. و لـ حسام اللى ع المكالمة لسة .. انا بطلب منك أيد حلم و عايز أعرف طلباتك ايه و اللى تؤمر بيه انا تحت أمرك
حسام:: و انا مش عايز منك غير انك تصونها و تحطها جوة عينيك .. عايز ابقى مطمن عليها مش أكتر
فارس:: هقولك زى ما قولت لـ هشام أختك فـ قلبى و عينى ماتقلقش
هشام:: طيب ايه رأيكم نقرا الفاتحة
نجوى:: بفرحة سلمت ع حسام و قالت لو كدا بقى يبقى نطلع برة و نقراها كلنا سوا قولتوا ايه
حسام:: أكيد تحت أمر حضرتك طبعا و انا كمان مراتى و ولادى يحضروها معانا
و بالفعل طلعوا كلهم برة المكتب و
فـ الليڤنج
هشام:: قال لكل الموجودين ان فارس خطب حلم و هنقرا الفاتحة دلوقتي و الفرح هيبقى وقت ما هما الاتنين يحددوه و هيبقى كل حاجة مرة واحدة شبكة و كتب كتاب و فرح
و بالفعل الكل فرح بأستثناء أحلام و جلال و شروق و ضحى
أحلام:: بهمس لـ جلال سمعته شروق ااااه يانى هتفرس يا جلال حور هتتجوز خلاص و الخير ده كله هيروح مننا
جلال:: بنفس الهمس .. خليكى عاقلة يا حبيبتى و بيّني انك مبسوطة و باركى لـ أختك و بعد كدا نفكر بهدوء نطفشه ازاى .. يلا يا احلام اعملى زى ما انا عامل كدا و أضحكى فـ وشهم و دارى جواكى
أحلام:: عندك حق يا جلجل .. و بعدين بأبتسامة مزيفة .. لـ حلم مبروك يا حبيبتى ربنا يسعدك يا قلب أختك و لـ فارس خد بالك منها انت هتاخد جوهرتنا الغالية حطها فـ عينيك و حافظ عليها
فارس:: أكيد ان شاء الله ماتقلقيش دى فـ قلبى و عينى دى حلم عمرى كله
شروق:: عينها ع أحلام و لـ ضحى .. بت شكلنا هنتسلى الايام الجاية
ضحى:: ليه بتقولى كدا
شروق:: أخت الغندورة شكلها ناوية تبوظ الجوازة
ضحى:: ياااشيخة بجد
شروق:: اه بجد .. بصى كدا ع شكلها و انتى تعرفى
ضحى:: سيبيهالى بقى دى جات ع حجرى ههههههههههه
نسيب بقى الحرابيق دول كدا شوية
دخلت هاجر و معاها أمجد خطيبها وقت قراية الفاتحة و هيصت الجو بجنانها هى و أمل و شوية و قال
سيف:: طيب بالمناسبة الحلوة دى بقى انا عايز أحدد ميعاد فرحى يا فارس شالله يخليهملك
قصي:: نط فـ الكلام .. و انا و انا كمان يا عمى عايز اتجوز ابوس ايدك
فارس:: بص لـ أدهم و نجوى .. أيه رأيكم نجوزهم ولا بلاش
نجوى:: بضحك .. مش لما تتجوز انت الاول
أدهم:: أه يا فارس انت الكبير و بعد كدا انا و خليهم هما فـ الاخر ههههههههههههه
سيف و قصي:: فـ نفس واحد ايييه هووو ده انا احتج
سيف:: ده ظلم ده بقى ع فكرة .. يعنى انا أحب و أخطب قبله و اتجوز أخر واحد ليييه
قصي:: اه و انا كمان فرشت شقتى و عينه ع ياسمين و خلاص مش فاضل غير قلبى تيجى تنورها .. تتجوز قبلنا ليه انت يعنى ان شاء الله
فارس:: برفعة حاجب .. خلصتوا مظاهرات انتوا الاتنين
سيف و قصي:: اه خلصنا
فارس:: ببرود .. ماعنديش بنات للجواز و يلا من هنا انت و هو
سيف:: مش يلا بقى و أدى قاعدة و قعد فـ الارض و شد عاليا تقعد جنبه احتجى معايا ع حكم اخوكى الظالم المستبد ده عايز اتجوزك و اخدك و نخلع من هنا
عاليا:: معاك يا سيفو يا حبيبى و يلا بقى زى ما تيجى تيجى ههههههههههههه
قصي:: تضامنا مع سيف .. خدنى جنبك كدا يا أخ لو سمحت و شد ياسمين قعدها جنبه .. اوعى تقومى من هنا انتى فاهمة و لا مش عايزانا نتجوز احنا كمان يعنى
ياسمين:: معاك يا قصي .. معاك ياحبيبى .. و ع رأى عاليا زى ما تيجى تيجى بقى .. و شكلنا كدا كلنا هنـ تنـ فخ و هنسلم ع الشهدا ههههههههههههه
نجوى:: بضحك من ريأكشنات قصي و سيف ههههههههههههه خلاص بقى يا فارس شايف شكلهم عامل ازاى ههههههههههههه
فارس:: ههههههههههههه ابدا خليهم كدا و برضوا مافيش جواز قبلى
أدهم:: يستاهلوا حد قالهم يعملوا مظاهرات و يحطوا راسهم بـ راس المُد مر و الاسطورة ههههههههههههه
حلم:: ههههههههههههه خلاص يا فارس وافق بقى و جوزهم الاول عشان خاطري
فارس:: يالهههههوى ع فارس و سنين فارس بس لو ماكنتيش تحلفى حاضر يا قلبى موافق احدد لهم ميعاد جوازهم
قصي و ياسمين و سيف و عاليا قاموا اتنططوا من الارض هيييييه يحيا العدل .. يحيا العدل ههههههههههههه
فارس:: و عينيه فـ عينيها عشان خاطر حلم عمرى فرحكم الشهر الجاى .. حبيبتى بس تؤمر و انا اقول شبيك لبيك حبيبك بين أيديكى
عاليا:: بذهول .. لـ ياسمين و هى بتشاور ع فارس .. مين ده
ياسمين:: بنفس الذهول .. ده معرفهوووش
أدهم:: وقف فـ نص بينهم و حط ايده ع كتافهم .. ده تقريبا كدا مستنسخ من فارس بس معموله سيستم جديد
سيف:: وقف جنب عاليا .. يا لهوى يانا يا أما .. هو ده اللى طول الوقت فـ المكتب ير عبنا و بيقلد فارس سييييف انا عايز أعرف انت ظابط ازاى .. عليه العوض و منه العوض ههههههههههههه
قصي:: جنب ياسمين .. أه يا حوستى و انا اللى كانت ركبى بتخبط فـ بعضها و عملت إزعاج للجيران و انا بطلب أيدك منه يالههههوى
أدهم:: لـ حلم ..انا عايز أعرف انتى عملتى ايه فـ الواد بالظبط ها .. بتلعبى فـ السيستم لييييه يا ماما بس .. أرجعه تانى أزاى انا دلوقتي
حلم:: بضحك بريئ يا بيه انا ماليش دعوة .. انا وخداه منكم كدا و النحمة ههههههههههههه
فارس:: برفعة حاجب و حط أيده فـ جيوبه .. امممم هى الحفلة شكلها عليا مش كدا .. طيب عشان تعرفوا تحفلوا كويس .. مافيش جواز و يلا من هنا منك ليها ليها له
كلهم جريوا ع حلم نبوس ايدك خليه يوافق و مش هنتكلم تانى
حلم::ههههههههههههه حبيبى خلاص بقى عيال و غلطوا ههههههههههههه
فارس:: استنى انتى يا قلبى شوية و خليكى جنبى هنا .. و اتفرجى لازم يعرفوا ان السيستم زى ما هو و ماحدش لعب فيه و لا ايه
سيف:: حرّمنا يا بيه ربنا يخليك
عاليا:: يارب يخليلك المزة العثل دى و تعيش فـ سعادة معاها سماح و النبى
قصي:: خلاص يا باشا الهى تنستر عيّل و غلط .. عايز اتجوز خللت جنب أمى شالله يخليك
ياسمين:: عشان خاطر القمر اللى جنبك دى يا كبير توافق قصي هيحمض مني
ههههههههههههه
حلم:: بدلع .. خلاص بقى يا فارس عاجبك شكلهم كدا يعنى و هم شبه شحاتين السيدة ههههههههههههه
فارس:: يا بنتى اعملى معروف بلاش فارس بالطريقة دى منك بتاخدى روحى بيها
حلم:: بهمس انت فارس قلبى و روحى و ما أقدرش ابطلها ابدا
فارس:: غمض عينيه بيحاول يتحكم فـ انفعالاته بسبب همسها و بعدها .. اااااه منك انتى يا حلم عمرى حاضر .. و بص ليهم عفونا عنكم و يلا حضروا نفسكم ع أخر اسبوع فـ الشهر الجاى
كلهم :: هييييييييه ههههههههههههه
أمل:: لـ أدهم انا أحتج انا كمان يا دومى عايزة أعمل فرحى معاهم ماليش دعوة
أدهم:: مولى حبيبتى بس يرجع معاذ أخوكى و أعملك أحلى فرح فيكى يا جمهورية
أمل:: أندومى حبيييبى معاذ خلاص راجع كمان أسبوعين حضر نفسك بقى
أدهم:: أمولا حبيبتى مش قولنا بلاش أندومى دى قصاد حد يا روحى
أمل:: حبيبى انا بكلمك بصوت واطى أهو و بعدين سيبت المهم و مسكت فـ أندومى دى .. بقولك معاذ راااجع خلاص بعد أسبوعين
أدهم:: عارف يا حبيبتى و الله و كلمته و اتفقت معاه كمان ع كل حاجة بس كنت عاملهالك مفاجأة يا قلبى و انتى حر قتـ يها ع نفسك ههههههههههههه
أمل:: يعنى هيبقى فرحنا معاهم صح مش كدا
أدهم:: حبيبتى اللى انتى ما تعرفيهوش ان هما اللى فرحهم معانا عشان انا و فارس محددين مع معاذ من بدري
أمل:: بفرحة .. بجد يا أدهم انا مش مصدقة
أدهم:: حبيبتى مش قولتلك كنت عاملهالك مفاجأة و انتى استعجلتى
نجوى:: بقلب أم فرحان و خايف فـ نفس الوقت .. مبروك يا ولاد ربنا يسعدكم و يتمملكم بخير يا حبايب قلبى .. و رفعت إيدها و بتدعيلهم
اللهم أسعد أولادى في الدنيا و الآخرة، و ارزقهم راحة البال وهناء العيش و صلاح الحال
اللهم إني أسألك أن تُسعد أولادي و أن ترضى عنهم وترحمهم وتغفر لهم، وباعد بينهم وبين فعل المعاصي يا الله
اللهم اكتب لأولادي السعادة و الهداية و المعافاة، و أبْعد عنهم ما يحزنهم و يضيق الدنيا عليهم يارب
كلهم:: اللهم أمين يارب العالمين و جريوا عليها و باسوا راسها بعد ما أمنوا ع دعائها
هاجر:: فـ عالم موازى خاااالص .. لـ أمجد .. ميجو حبيبى
أمجد:: قلب ميجو يا چورى .. عايزة أيه
هاجر:: تعال نطلع فوق سطوح الڤيلا
أمجد:: بأستغراب .. فوق سطوح الڤيلا ؟! ليه يا روحى هنعمل ايه فوق السطوح
هاجر:: نقلد تايتنك و تبقى انت چاك و انا روز
أمجد:: و ماله ياقلبى .. أحلامك أوامر يا حياتى يلا بينا يا عمرى
أدهم:: لفت انتباهه كلمة أمجد الأخيرة .. يلا بيكم فين يا أمجد لسة بدرى يابنى الحفلة لسة ما خلصتش
هاجر:: لأ احنا مش هنمشى يا دكتور .. احنا بس هنطلع فوق السطوح
حلم:: بأندهاش .. هتطلعى فوق السطوح تعملى ايه يا بلوتى
هاجر:: هقلد تايتنك ياختى ع السور فوق طالما مافيش ياخت
حلم:: تقلدى مين ياختى .. تايتنك
هاجر :: أه عندك مانع
حلم:: لا ياختى ماعنديش أطلعى
أمل:: و انا يا دومى بليييز
أدهم:: يا حبيبتى طيب دى و مجنونة و خطيبها أجن منها ..انا مال أمى ههههههههههههه
أمل:: عشان خاطرى يا دومى بقى بليز بليييز نقلد تاتينك و حلم تصورنا
حلم:: نعععم ياختى و دى أعملها ازاى بقى ان شاء الله
أمل:: من الجنينة يا حولم
حلم:: جواها حولم !! .. طيب يا امل بغض النظر عن حولم دى ماتجيش من الجنينة يا ماما المسافة بعيدة .. العبى غيرها
و طبعا بعد مشاكسات و محايلات طلعوا الاربعة فوق سطوح الڤيلا عشان يقلدوا الفيلم
أمجد:: ايه ده مافيش سور
هاجر:: حبيبى السور هناك أهو حديد
أمجد:: هاجر حبيبتى انتى عايزانى انا و انتى نقف ع السور ده
هاجر:: أه و فيها ايه يعنى
أدهم:: انتى مجنونة يابنتى .. مش شايفة شكل السور عامل ازاى .. قربى منه و اعملى اللى انتى عايزاه بس خليكى فـ الارض
هاجر:: لـ أدهم انت مالك انت .. إيش اخششك بينى و بين ميجو حبيبى
أدهم:: تصدقى انا غلطان .. نفذ لها يا ميجو ياكش تو لعوا فـ بعض .. و لـ أمل تعالى احنا نقعد بعيد عنهم يا أملى
أمل:: يلا يا أندومى يا حبيبى خلينا بعيد
هاجر:: روحى روحى كدا بالأندومى بتاعك ده .. و لـ أمجد يلا يا ميجو بقى نطلع ع السور
أدهم:: لـ أمل عاجبك كدا خليتى مجنونة هانم تتريق علينا
أمل:: خلاص بقى يا دومى يا حبيبى خلينا فـ تايتنك بقى و أنسى
نرجع لـ أمجد و هاجر
أمجد:: لالالالالا مستحيل يا حبيبتى انا كدا هخرج من الدنيا مش هدخلها لا يمكن .. بصى يا روحى هناك كدا واقفين حلوين ازاى خلينا نقف زيهم كدا بلاش حكاية السور دى صعبة
و بالفعل وقفوا زى أمل و أدهم شوية و بعدين نزلوا
حازم:: بهزار بعد ما نزلوا .. ع فكرة بقى دى حفلة سبوع بنتى يعنى المفروض كدا تغنولها و تهيصوها و لا ايه يعنى
ألاء:: بضحك عندك حق يا زوما دول شكلهم جايين يحققوا أحلامهم هنا بدل ما يشيلوا لوما الصغيرة و يرشولها الملح و يدقوا الهون قلبوها حفلة خطوبة و جواز و تايتنك كمان ههههههههههههه
حلم::بضحك اه يا بلد لو صبر فيكى الـ قا تل ع المـ قتـ وووول انما اقول ايه .. و ندهت ع فاطمة يلا يا بنتى أعملي السبوع و دقى الهون
و فعلا اتعمل احلى سبوع لـ حلم الصغيرة و أخيرا خلصت
حفلة السبوع بعد وقت طويل كله ضحك و فرح و هزار وكمان قراية فاتحة حلم و فارس و الجو كله كان مبهج جدا و كل واحد رجع بيته و مافيش غير شروق و ضحى اللى مارضيوش يمشوا و نجوى قعدت معاهم و كمان اخوات حلم هشام و أحلام و جلال و بناتهم
___________________________
فـ الڤيلا
تانى يوم الصبح نزلت حلم زى عوايدها بعد ما تصلى الفجر تتابع شغلها فـ المزرعة قبل ما تروح المصنع و بعد ما خلصت شغلها و رجعت الڤيلا تانى و كان فـ الليڤنج قاعدين نجوى و أحلام و شروق و ضحى
حلم:: السلام عليكم و سلمت ع نجوى و باست ايدها و بعدها ندهت فاطمة
فاطمة:: تحت أمرك يا هانم
حلم::أعملى فنجان قهوة و هاتيه المكتب و ابعتى لـ بدر عايزاه
فاطمة:: حاضر يا هانم اللى تؤمرى بيه
حلم:: شكرا يا بطوط روحى انتى .. و لـ أحلام .. هشام فين
أحلام::فوق فـ اوضته .. خير فى حاجة
حلم:: أبدا هو عشان بسأل عنه يبقى لازم فى حاجة ؟ و هى رايحة المكتب دخل
بدر:: أوامرك يا حلم هانم
حلم:: تعال يا بدر عايزاك .. و دخلت المكتب فعلا و معاها بدر .. أخبار الامانة ايه
بدر:: فـ الحفظ و الصون و اتعاملت بكل أحترام زى ما حضرتك أمرتى
حلم::طيب أجهز هشرب قهوتى و نروح لها
بدر:: تحت أمرك .. استأذن انا
حلم:: شاورت له يخرج و فـ نفس اللحظة دخلت فاطمة بالقهوة .. تسلم ايدك يا بطة حطيها عندك و ابعتى حد لـ هشام ينده له من اوضته عايزاه هنا
فاطمة :: تحت أمرك يا ست البنات
حلم:: بأبتسامة أيوا كدا ارجعى زى زمان ههههههههههه
فاطمة:: و غلاوتك ما يحصل ابدا طول ما العقا رب دول هنا يا ست هانم يا قمر انتى
حلم:: يلا يا بت من هنا و بطلى رغى خلينى اشرب قهوتى بمزاج و ماتنسيش هشام
فعلا خرجت فاطمة و بعتت واحدة من البنات اللى بيشتغلوا تطلع تنادى هشام و فعلا نزل و دخل المكتب
هشام:: خير يا حور عايزة ايه
حلم:: و هى بتفتح خزنتها و بتاخد منها اوراق و حاجات مهمة .. تعال معايا هنروح مشوار مهم
هشام :: مشوار ايه ده .. و ايه الاوراق دى
حلم:: هشام حبيبى ما تستعجلش يا خبر بفلوس بعد دقايق هيبقى ببلاش
هشام :: خلاص اوك يلا بينا
و خرجت فعلا من المكتب هى و أخوها و استأذنت من نجوى انها هتطلع تخلص شغل وترجع و شاورت لـ بدر يمشى قدامها لغاية ما وصلت عند زر يبة المواشى
حلم:: أفتح الباب
بدر:: تحت أمر حضرتك و فعلا فتح الباب
هشام:: انا مش فاهم حاجة .. و سامع صوت عزة
عزة:: قاعدة فـ الأرض وسط المواشى .. انننتتتووووا يا بهاااااااايم ياللى بررررة حد يطللللعنى من الأررررف ده
حلم:: مش قولتلك اصبر ما تستعجلش .. و لـ عزة بكل برود .. صوتك عالى ليييه يا عزة
عزة:: بغضب .. أنا هوديكى فـ داااااهية هبلغ عنك يا حوووور و هقول انك خطـ فتـ ينى
حلم:: قعدت ع كرسى قصادها و حطت رجل ع رجل و ضحكت بكل قوتها هههههههههههههههههههه .. و لـ هشام اقعد يا حبيبى واقف ليه
عزة:: خافت منها بس مابينتش خوفها .. هو انتى فاكرة انك هتفلتى بعملتك دى بس أطلع من هنا و أعرفك مقامك يا حلم يا رشيدي
حلم:: ع نفس وضعها هو انتى فاكرة ان حلم الرشيدي بتتهـ دد يا عزة .. عيب عليكى حتى ده انتى عيشتى معانا 3 سنين و عارفانى كويس .. بصى يا عزة عشان نخلص بسرعة و ما نحـ ر قش كلام و مجهود كتير قدامك أختيار من اتنين و مدت ايديها الاتنين بـ ملف الاوراق اللى كان معاها و فلاشة عليها كل اتفاقاتها مع عابد .. أما تمضى ع الملف ده أو أسلم الفلاشة دى لـ فارس المنصورى بأعتباره الظابط اللى قبض ع عابد .. و أعتقد انتى عارفة فارس شغال فين .. ها قولتى ايه
هشام:: ممكن افهم ايه الاوراق دى و الفلاشة دى فيها ايه
حلم:: من غير ما تتكلم سلمت الملف لـ هشام و بعد 5 دقايق شاورت لـ بدر يشغل الفلاشة
هشام:: شاف الفيديوهات و اتعصب جدا و لسة هيقوم يضربها
حلم:: بسرعة منعته .. هشااااام أهدى و أقعد لو سمحت الامور ماتتحلش كدا بالضـ ـرب .
هشام:: بنت الـ…… بقى أنا أمنتها ع اسمى و سلمتها نفسى و ما أملك و هى ….. .. و لـ عزة مش كفاية سممتى أفكارى ناحية أختى و سرقتيها كمااااااان تحر ضي ع خطـ فها انتى اييييه
حلم:: و عينها ع عزة اهدى يا حبيبى كل اللى له حق هيرجعله ماتقلقش .. عزة عاقلة و هتمضى ع الملف ده و هى زى الشاطرة و حطته تانى قصادها .. و لـ عزة مش كدا يا عزة و لا ايه
عزة:: بتتنفس غيظ .. فى ايه الملف ده
حلم:: تعجبينى كدا .. شوفى يا حلوة هفكرك بحاجة صغيرة قد كدهو🤏 الاول ..
عزة:: حاجة ايه دى ان شاء الله
حلم:: يوم ما أخويا هشام الرشيدي راح و اتقدملك ما كنتيش لاقية حتى تجيبى طقم تلبسيه وقتها انا و بتشاور ع نفسها .. بعتلك بدل الطقم .. 3 أطقم و كلهم ماركات .. و رغم اعتراض ماما الله يرحمها عليكى وقفت فـ صفك .. انا اه ماكنتش مقتنعة بس شايفة أخويا بيحبك ما حبيتش أكـ سر قلبه و ساعدته ان يجيبلك جهازك اللى عليكى يعنى جيتى بيت أخويا حتى من غير شنطة هدومك .. و بغـ ـضب جحـ ـيمى فاااااااااااكرة و لا نسيييييتى .. و لما شششبببعععتى طمعتى فيااااااااا و قلبتيه و سممتى أفكااااااااره و خليته يتكلم فـ سمعتى و شرفى قصاااااااد شباب بيشوفهم لـ أول مرررررة فـ حياته من غير حتى ما يفكر ممكن يعملوا ايه فيا بعد ما يسمعوا كلامه .. لأ و مش بس كدا ده انتى اتفقتى مع أكتر واحد بيكرهنى و نفسه يأ ذينى و مش مرة لأ مرتين و حر ضتيه ع خطـ فى و ساعدتيه أفتكررررتى و لا لسة .. شوفى بقى و من الاخررر قصادك حل من اتنين اما تتنازلى عن كل حاجة خدتيها و ترجعى مطرح ما جيتى و ما تخافيش حقوقك الشرعية اللى كفلهالك ربنا هتاخديها من هشام أو أسلم الفيديوهات دى لـ فارس زى ما قولتلك و ساعتها يا حلوة مش هتشوفى الاسفلت تانى قولتى اييييه
عزة:: بغباء .. و لو رفضت
حلم:: ما عندكيش مجال للرفض و يلا ما تضيعيش وقتى أكتر من كدا أنجزى يلا .. و لـ بدر استعد عشان تنفذ لان شكلها مش هتمضى .. و لـ هشام و هى بتقف يلا يا حبيبى عندى شغل كتير
عزة:: حاضر همضى .. هاتى قلم
و فعلا مضت ع التنازل عن كل حاجة حتى الفلوس اللى خدتها من عابد مقابل سرقة حلم و تزوير امضتها و سلمتها الاوراق
حلم:: شاطرة يا عزة و لـ هشام كنت كاتب لها مؤخر و قايمة قد ايه
هشام:: 25 الف و قايمة بـ 150 الف
حلم:: اممممم يعنى 175 ألف و عليهم من عندى 25 كمان تاخديهم و ما شوفش وشك فـ طريقى نهائى و خليكى فاكرة أنى لو لمحتك بس او لمحت خيالك من قريب او من بعيد وقتها هسلمك تسليم أهالى و مش هسمى عليكى فاهمة
و فعلا كتبت لها شيك بالمبلغ و رميته فـ وشها و قالت لـ بدر وصلها مكان ما جبتها و اتأكد ان ماحدش يعرف غير انها كانت مسافرة و خلى عينك عليها دايما و طلعت هى و هشام رجعوا الڤيلا تانى كأن مافيش حاجة حصلت
بقلمى✍️____________________لبنى دراز
فارس :: أخرسى خاااااالص مش عااااايز اسمع صوووووتك
و شغل الفويس و حدف لها الموبايل فـ وشها .. صوتك ده ولا مش صوتك
@::……….؟؟
- يتبع الفصل التالي اضغط على (رواية العشق الابدي) اسم الرواية