رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل التاسع عشر 19
عيطتلو قتلو قالي خلي حتى نجي نخرج أنا وياك نشريلك قتلها محبش عيطت هيا لمحمد يا ديني كيفاه تهدر معاه نحس روحي صح راجل قدامها فيما قاتلو أهدر مع يوسف يخلي بسمة تخرج معايا قاللها أوكي مكاش 5 دقائق عيطلي يوسف قالي اخرجي مع أميمة ومطولوش وميشقاش نوصيك تلقاي دراهم فالكوفر فالخزانة ارفدي واش تحتاجي قتلو أوكي ربي يخليك بغيت نقولها قريني كيفاه نقضي صوالحي واحشمت قتلها خلاص قبل قاتلي مالا بعد الغدا نرقد رنوش ونخرجو ، خرجنا لبست روب سيغ طاي نواغ ميجي ومونش لبست معاها أديداس وساكودو البلون ودرت ظفيرة مكياج خفيف عندنا مدرنا وشرينا أنا نقولها خلاص وهي تقولي مزال كي تكون منيش موالفة بالشوبينغ هذا عييت بصح الصراحة استحليت اول مرة لي تعجبني نرفدها منخممش بالاك الدراهم ميكفوش ولا بالاك نحتاجهم نهار آخر كملنا قاتلي هيا نتقهواو ونروحو للدار قتلها هيا دخلنا
صالون دوتي يا ماما العزيزة دوموندات هي وبقينا نحكو كانو مقابلينا وحد لي جون مخلطين بنات وولاد واحد منهم بقى غير يشوف معايا قلقني انتبهت أميمة دارت حتى شفتو جاي عندنا يا ربي لحق عندنا سلم على أميمة واش بنت خالتي سافا لاباس قاتلو الحمد لله ونتا خالتي قاللها لاباس ممبعد غمزها وهزلها راسها نتاع شكون هذي قاتلو كريم خويا هذي مرت يوسف بدى يصفر قاللها وين طاح عليها هذي الحبة قاتلو كريم قالنا أرواحو اقعدو معانا قتلو لالا صحا هو راح بقيت انا واميمة شوية صونا تيليفوني لقيتو يوسف جاوبتو قالي ر#ك ضوكا للدار عندك 5 دقايق نلقاك تما وكوبا قاتلي واش كاين قتلها معلاباليش شوفي واش قالي قاتلي هيا نروحو باينة حاجة خرجنا تبعنا هذاك كريم قالنا نوصلكم قتلو لالا وزربت حكمت طاكسي غير وصلنا ودخلنا للدار لقيناهم فالصالون مجمعين (هوما هذي بلاصتهم يا برا يا مجمعين هنا ) حتى دخل يوسف مقلوب تحسب وحش مع محمد شدني طول من ذراعي وطلعني للشومبرة غير دخلنا جابني بكف طحت فوق السرير وهوما
دخلو ورانا قاتلو عجوزتي يا طفل واش بيك قاللها هوما علابالهم قاتلو أميمة والله يا يوسف خويا غير رحنا شرينا وجينا قاللها والجماعة لي كنتو معاهم شكون قاتلو والله مكونا مع حتى واحد شرينا ورحنا لصالون دوتي حتى عيطتنا رجعنا قاللها وكريم واش كان يدير معاكم وجا يزيد يضربني شدو محمد قالو اصبر نفهمو قبل قاتلو والله لقيناه تما جا سلم عليا وسقساني عليها قتلو مرت يوسف وراح قاللها متتمسخريش بيا كيفاه يبعثلي الفوطو نتاعها وزيد كاتبلي شوف معامن راني أنا كنت في عالم وحدي تخمامي غير فالكف لي ديتو راس من راس يقولي نوضي ليه ضربة فيا وضربة فيه وهي فرات نوريلو كيفاه فرخ كيما هو يضربني ممبعد نرجع نحشم على روحي ماه وخوه هنا خليهم يروحو ونتفاهم مع جدو نوضتني من سرحتي غير كي قاللهم بعثلي فوطوها خطفتلو تيليفون من يدو يا نندب هذا وينتا صورني وعلاه حتى صورني نطقت قتلو أنا والله مهدرت معاه قاع هدر
مع أميمة وراح قالنا اليوم نقتلو نوريلو اللعب كيفاه داير وخرج خرجو تبعوه واميمة عنقتني قاتلي ضربك اسمحيلي كامل في جرتي قتلها معليش مصرا والو هي راحت وانا غسلت وجيت فالبالكون ونخمم الف حاجة دور في راسي ، مع الليل دخل يوسف لقاني فالبالكون قاعدة قالي أيا نتعشاو قتلو منجيش أهبط وحدك قالي علاه قتلو مش جيعانة قالي هيا بركاي متلعبي فيها زعفانة وقفت قتلو مش نلعب فيها راني صح زعفانة و تزيد ترفد يدك عليا نكسرهالك حشرني مع الحيط قالي يا والله تكسريلي يدي مليحة هذي طبعتو ودخلت تبعني قالي هذي الاولى نتاعك تعاوديها ندمك على النهار لي عرفتيني امشي قدامي لتحت قتلو ماناكلش مش بالسيف قالي كولي الرهج وهبط جيت فبلاصتي نتفرج حتى رقدت .
- يتبع الفصل التالي اضغط على ( رواية بنت الغير شرعية ) اسم الرواية