رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الخامس عشر 15
قالي ندوش أنا منبعد نتي علابالي طولي دخل الدوش وأنا بقيت ساهية فالشومبرة شحال واسعة فيها شومبرة كوشي نواغ بصح شابة في كوانة داير بيرو نتاعو تيلي معلق فوتاي طويل قدامو زربية كانيش صغيرة وزوج بيبان واحد دخل يوسف منو يعني دوش فالشومبرة حاجة شابة حليت الباب الثاني نتاع زجاج لقيتو بالكون كبير دايرين فيه كرسي نتاع دوم مرجيحة وزوج كراسة مع طابلة صغيرة كل حاجة متحوفة فالشومبرة تحسب نتاع اوتيل مش دار سيرتو مين جامي شفت ديار هكا عاود دخلت بقيت قاعدة على طرف السرير حتى خرج لابس غير شورت وديباردور قتلو نعيما قالي يسلمك روحي نتي دوكا قتلو معليش جيبلي فاليزات نتوعي خاطر مطلعهمش قالي خلي لغدوة قتلو واش نلبس قالي هاهي غارد روم وفتحها بقيت داهشة معبية حوايج نتوعمن هذو يا ربي ميكونوش نتاع مرتو برك بقيت غير شاردة مع الحوايج حتى قالي واش لحق جبدلي بيجامة نتاع ساتان هذوك لي يرقدو فيهم وقالي شوفي فالدرج تلقاي كلاكات باينة حوايج مرتو كي راه عارف بلايصهم ديتهم
ودخلت للدوش بقيت حالة فمي شحال كبير فيه توالات اونغلاز أعزكم الله ومن الجهة الاخرى لابينوار كبير لافابو بلي تيغواغ (قجور) فتحتهم كل واحد واش فيه واحد سرابت واحد فيه لي شومبوان وجال دوش بزيادة واحدة فيه لي كرام منيش عارفة نتاع واش ولقيت حتى سيشوار وليسور تما باين فيهم ماركة المهم دخلت في هذاك لابينوار بعدما عمرتو واش ريحت شللت وخرجت شعري ممسيتوش هكا وصاتني دلال لبست هذيك البيجامة لقيتها بالتيكي مزية أوموان مش لابستها وخرجت للشومبرة لقيتو مطفي الضو شاعل غير واحد لضواو خفاف غوج داير هذاك بلافوبلاتر ولا معلأباليش كيفاه يسموه المهم في البلافون كاين لضواو بزاف وتشعلي الضو لي تحبيه وزيد بتيليكوموند ولقيتو هو راقد آو جامي سمعت عريس يرقد نهار عرسو قبل ميفري ذيك الحاجة أنا جاتني على 16 قلت تهنيت منو جيت معاه فالسرير بصح بعيدة عليه شوية خاطر سرير كبير يرقدو
فيه 4 نورمال بقيت غير نتقلب مين اول مرة في هذي الدار بالسيف لارقدت مع الصباح فطنت بيه ينوض فيا نسيت قاع وين راني نضت مخلوعة قالي هاكي يماك غير تعيط مع قلت الو وتقلع نبع الحنان يا الحلوفة وين راكي راني من الصباح نعيط تشطنت عليك حتى عيطت ليوسف والوخذا داير اوت بارلوغ قتلها هاني راقدة وين باغية نكون قاتلي يا حوجي راقدة يا حمارة نوضي لوليد ناس وجيدلو قهوة ولا راكم. البنت غير الشرعية
- يتبع الفصل التالي اضغط على ( رواية بنت الغير شرعية ) اسم الرواية