رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الثالث عشر 13
كي جاو لقاوني متكسلة قاتلي ماما نوضي شوفي واش شريتلك لقيتهم شراولي لي نويزات يا ذاك الفضح زربت خبيتهم ولاو يضحكو زادت جبدت سلسلة ومنقووش وقورمات وزوج خواتم قتلها وهذو علاه ياك شريت قاتلي معليش بنيتي تفرحي بيهم ان شاء الله عنقتها قتلها علاه هاخليني عندك لاه حابة تبعديني عليك قاتلي يا بنتي مدوملك غير دارك وراجلك حابة نتهنى عليك العشية جات دلال قاتلي اليوم نبات عندك راني عيطت لماميدو ولعبتها مريضة باغية نموت ولينا نضحكو بقات تحكي وتحاول معايا قتلها يا دلال غير مكان لاه قلبي مش مرتاحلو اطلاقا قاتلي نقولك ان شاء الله كي اليوم جيني وتقوليلي هابلة
عليه ومش قادرة بلا بيه قارعي وتشوفي حنا هكاك حتى عيطلي قالي غدوة عندي خدمة الصباح راح نبعثلك طاكسي على 9يوصلك للحفافة قتلو ميشقاش نروح وحدي قالي هذي الثانية نتاعك قتلك منعاودش الهدرة قتلو خلاص صحا كوبا ديراكت واش كرهتوا معاملتو معايا تقول واحد مع خديمتو ، رقدت للصباح لبست سروال جين والشوميز جين الاديداس البولون والساكودو وخرجت مع دلال لقينا طاكسي قدام الباب وصلنا عند الحفافة وراح دخلنا لقيت هذيك المصفارة نتاع المرة لي فاتت قاتلنا مرحبا بيكم ممبعد عيطت لوحدة من لبنات قاتلها تهلاي راها من عند أميمة قاتلنا تفضلو واش تديرو قاتلها دلال عروسة قالتلها ذيك البنت آه صحا زادت عيطت لزوج بنات دارولي نيتواياج دو بو ممبعد ايبيلاسيون لكامل جسمي حتى هذيك المنطقة مع الاول أنا محبيتش حتى توغت عليا دلال قاتلي بلعي زادو دارولي هذاك مانيكيير بيديكير جبنا ل1 وحنا تم راحت
دلال جابت سندويشات فطرنا قاتلي هذيك أسماء ضوكا شعرك واش حابة ديري قتلها خليه كيما راه عياو معايا ديري ليماش قتلهم والو خلوه هكا قاتلي صحا نديرلك غير لافوغم دارولي ايفيلي على طولو ودارتلي بروتين وسشوراتولي جات ديرلي مكياج قتلها مكالاه حتى غدوة العرس قاتلي ربي يهنيك قتلها يسلمك دلال دارت ليماش ودارت نيتواياج دو بو ومنكير حنا هكاك لقيتو يعيط كملتي قتلو ايه نستنى في دلال برك قالي خلاص ذوك نجي ليكم قلت لدلال راه جاي قاتلي أسماء نوضي نديرلك مكياج خفيف كملنا سقسيتها شحال قاتلي هذيك المصفارة لالا والله مصرات ربي يهنيك تهلاي غير خبري أميمة بلي تهلينا فيك شوفي رجعناك بوبية وراحت قاتلي أسماء ضوك تديهم دوبل من عند أميمة المهم خرجنا لقيناه يستنى ركبنا معاه
- يتبع الفصل التالي اضغط على ( رواية بنت الغير شرعية ) اسم الرواية