Ads by Google X

رواية بنت الغير شرعية الفصل الحادي عشر 11 - بقلم ياسمين

الصفحة الرئيسية

  رواية بنت الغير شرعية كاملة بقلم ياسمين عبر مدونة دليل الروايات 


 رواية بنت الغير شرعية الفصل الحادي عشر 11

هي راحت وانا رحت لماما قتلها السيد مزوج قاتلي لالا مطلق راه قالنا قتلها علاه طلق قاتلي مندريش عليه قتلها تعيشي يا ماما باغية نكمل قرايتي ونخدم منيش نخمم فالزواج قاتلي حتى هو مراحش يبطلك قالي نخليها تقرا يا ربي كيما جيت معاهم جاوني بايتة نبكي ونتقلب حتى للصباح رقدت شوية لقيت ماما تنوض فيا قتلها غير الخير قاتلي راه يوسف جاي باه تخرجو مع بعض قتلها كيفاه نخرج معاه وعلاه حتى نخرج معاه قاتلي نوضي بركي ما تكسريلي في راسي نضت بالسيف غسلت مشطت شعري درتو ضفيرة لبست سروال وتريكو فالنواغ وبيما جيت خارجة قاتلي خالتي وين رايحة قتلها نستنى ذاك الهم توغت عليا ماما راجل نتي مشي ادخلي حتى يعيط اخرجي ليه وزيد واش ذي اللبسة لي لابستها قتلها واش نلبس هذا معندي قاتلي مشي لبسي جلابيتك الباج يا حي نندب رجعت لبست الجلابة جايتني سيغ طاي جابتلي كحل

كحلت عينيا بانو كبار بالرغم من البساطة بصح تبدلت نتاع الصح شوية عيط عند ماما قاللها قولها تخرج عيات معاه ادخل تقهوا محبش قاللها خلي حتى نكمل شغالاتنا خرجت عندو ركبت فاللوطو بالزعاف شاف فيا وديمارا غير خرجنا من حومتنا قارا على طرف الطريق وقالي بالعياط والزعاف شوفي يا وسمك قتلو بسمة قالي بسمة وردة مهمنيش فيك متنسايش روحك نتي شكون ووين تلاقيتك حنا الزوج فينا مصلحة قتلو كيفاه قالي نتي تحتاجي دراهمي قتلو مش طامعة في دراهمك الله يسلم يديا قالي بلعي وآخر مرة تقاطعيني كي نهدر أنا راح نعاونك باش تداوي ماماك وممكن حتى نبعثها للترك دير زرع كلية حليت عينيا على وسعهم قالي هذي العملية كي تظلي تخدمي وتباتي تخدمي متلحقيهاش قتلو والمقابل قالي نتي راح تتزوجيني عادي وكي يلحق وقت مصلحتي نقولك عليها ديريهالي تفاهمنا وتشناف هذا غير نحيه ولا ندمك عليه بقيت ساكتة

معرفتش شا نجاوبو رحنا سونترفيل دخلنا عند واحد البيجوتري في حياتي ماخممتش ندخل عندو قالو جيبلي لي باغوغ لي عندك جابنا غير حاجة الكبيرة هوما صح شابين بصح أنا مهوش نوعي قتلو حابة حاجة سامبل نتاع كل يوم جابلي بزاف خيرت واحد نتاع حبة البندق حاجة سامبل وشابة قالو شحال قالو 20 مليون أنا الحمى شدتني قالو خملو وقالي زيدي واش تدي قتلو هذا بزاف قالو اعطيني مقايس عطالو زوج الواحد 7 ملاين زاد خملهم وخرجنا من عندو رحنا لوحد لي بوتيك الفوتة منفووتش عندهم غير دخلنا لقينا بنات يخدمو تما والله منحاو عينيهم منو

google-playkhamsatmostaqltradent