رواية نجمة في الصعيد كاملة بقلم ملك نصر الله عبر مدونة دليل الورايات
رواية نجمة في الصعيد الفصل العاشر 10
حمزه بحده: دي مراتي اللي انت بتتغزل فيها دي يا زفت ، لما اخرجلك
عز بخبث: اه ياباشااا حقك حد قدك ، الناس بتدخل خطوبه الاول انت دخلتها جواز
حمزه بصراخ: عززز
عز بخوف: خلاص حقك عليا انا غلطان فعلا
نجمه ضحكت
حمزه بصلها بحنيه ومسك وشها: مش عايز اشوف دموعك تاني يا نجمه ، انهارده اول مره اشوفك بتعيطي
نجمه بتوتر: حا حاضر
حمزه بهدوء: فين بيت ساره صاحبتك
نجمه بتعجب: ليه بتسأل ؟
حمزه: عادي السؤال جه فى بالى
نجمه:ااه .. هي في الشارع اللي بعد بعد اللي ورانا
حمزه: طيب .. يلا تعالي نخرج
اخدها وخرجوا
علي الغدا
حماصه: انا كنت هكبر واتجوزك يا نجمه كده تجوزي دا ( وبيشارو ع حمزه )
حمزه بغيظ: تجوز مين ياض اقعد ساكت بدل ما اضربك
ميرنا بضحك: بتغيري يا بيضه (لفهد)
حماصه بكيد: انا اللي في قلبها عفكره
كلهم قعدوا يضحكوا
اسر وهو بيحضن حمزه: مبروك يا صاحبي
حمزه بحب: الله يبارك فيك يابو الصحاب
اتعشوا وكله طلع علي اوضته
نجمه مسكت موبايلها ورنت علي ساره
نجمه بتوتر: الو يا ساره عامله ايه
ساره بهدوء: الحمدالله يا نجمه انتي عامله ايه واخبار كليتك ايه
نجمه: الحمدالله انا بخير وكله تمام
ساره: يدوم حمدك
نجمه بتوتر: ساره بكره فرحي
ساره بصدمه: نعععم فرحك ازاى يعني
نجمه: مش هعرف احكيلك في الموبايل ، مش هتجيلي توقفي معايا ؟؟
ساره بهدوء: لا مش هعرف اجيلك والله
نجمه بدموع: ليه
ساره: بابا مش هيوافق انتي عارفه
نجمه بهدوء: تمام
ساره: عايزه حاجه انا هقفل
نجمه بخنقه: لا عايزه سلامتك
عند شيرين كانت بتصلي وتدعي أنه يكون مجرد اعجاب بحمزه مش حب
الصبح كان يوم الفرح(عقبال عندكم😂♥️)
نجمه كانت نايمه دخلت عليها ميرنا
ميرنا وهي بتكب عليها مايه: نجمممممه
نجمه بخضه: ايه مين ، بغررررق
ميرنا بضحك: قومي يايت فرحك انهارده
نجمه بخضه: فرح مين امتا ازاى ؟؟؟؟
ميرنا بضحك: في ايه يا نجمه فرحك علي حمزه
نجمه بضحك: ااه تصدقي نسيت
ميرنا بضحك: يلا قومي خدي شاور وهطلعلك الاكل تأكلي وهجيب شروق والميكب ارتست تكون جات
نجمه بحب: ربنا يخليكي ليا يا حبيبتى
ميرنا وهي بتحضنها: حبيبتشي ويخليكي♥️
ميرنا نزلت ونجمه قامت اخدت شاور خلصت وكانت بتفطر لقت الباب بيخبط قامت فتحت
نجمه بصدمه: ساااره
ساره اخدتها في حضنها: واحشتيني يا كلبه يا واطيه يا حيوانه يا…
ميرنا بضحك: كل دا كفايه
ساره بحب: ايوا كفايه العروسه مش بتتهزق
نجمه بدموع: صدقت انك مش هتيجي
ساره وهي بتحضنها تاني: مقدرش اسيبك في يوم زي دا لو ايه حصل
نجمه بحب: جيتي ازاى
ساره: انا كده كده كنت هاجي وكنت محضره حاجتي من بليل وحددت اللوكيشن وكنت هاجي مواصلات بس الصبح لقيت عربيه واقفه قدام الباب وفيها ميرنا
نجمه بصت لميرنا بتعجب: انتي عرفتي منين انها صاحبتي
ميرنا: لا انا مش عارفاها دا حمزه هو اللي بعتني مع السواق علشان تطمن اني تبعك وقالي انها صاحبتك بس كده🫶🏽
نجمه بتوتر: حمزه
ميرنا: اه
شيرين دخلت وكان معاها الميكب ارتست
شيرين: يلا يا ست العروسه الميكب ارتست جات(اسمها هاله)
نجمه بتوتر: يلا
ساره بحب مسكت ايدها: متوتره ليه خير إن شاء الله .. احنا جنبك
نجمه بصتلها بحب
(ما الصحاب مش بالكلام♥️🥹)
ميرنا: هنزل اجيب حاجه نشربها واجي
شيرين: اشطا
هاله: عايزه ميك اب معين
نجمه: اه عايزه ميكب سيمبل ، بصي اكني مش حاطه ميك اب اصلا
هاله بابتسامه: أن جيتي للحق انتي مش محتاجه ميك اب ، انتي جميله لوحدك اصلا
نجمه بحب: ربنا يخليكي دا من زوقك
هاله بدأت تعملها ماسكات لـ الاسكين كير الاول
شيرين كانت بتعمل ليها ولـ ساره
ميرنا جات..
ميرنا: نجمه حمزه اداني دا وبيقولك شعرك ميابنش من الطرحه
نجمه بحماس: دا الفستان طب افتحي افتحي
شيرين بعدته: لا لما تجهزي خليها مفاجئه
نجمه: اممم طيب بسرعه بقا يا هاله
هاله ضحكت: طيب ياستي قدامنا زي 6 ساعات
نجمه بحنق: كتير خالص
شيرين بضحك: كده كده هتلبسيه
ساره بحب: نجمه هنزل اكل واطلع انا جوعت
نجمه بضحك: اشطا خلي فطومه تغرفلك هتتوصا
ساره بضحك: يبقي اروح لفطومه
تحت ..
فريال: فاطمه اطلعي شوفي البنات
فاطمه: حاضر يا حاجه
الحاج رضوان: فين حمزه
هدي: تقريبا في أوضته هو و الشباب
الحاج رضوان: طيب جاب الفستان
فريال: اه واداه لـ نجمه
بليل..
كان مراد بيحط لحمزه البيبيون وعز بيظبطله البدله و أسر كان بيسرحله شعره
عزه بضحك: زينه شباب العيله الحيله
حمزه بضحك: اسكت ياض بقا يخربيتك
اسر بضحك: يسكت مش انت فعلاً زينه الشباب العيله وفرحك انهارده
مراد بحنق: ابعد ياض انت وهو عنه ابعدوا كده علشان اشوف الهيئه العامه عامله ازاى
عز بحنق: شوف يخويا
اسر ضحك بحب: والله العظيم اوسم من توم كروز
حمزه بضحك: هتغر عليكم
عز بخبث: حقك يباشااا اتجوزت في يوم وليله ..وكمل بحنق.. اقولك اخطبها تروح متجوزها بتقرطسني يا حمزه !!
حمزه بغيظ: بطل قر امك دا بقا
مراد بضحك: يلا ياعم علشان تنزل لعروستك حاسس هيحصلك حاجه من قر الواد دا
عز كان بيبص علي حمزه راح حط أيده علي وشه وقال
اسر بضحك: عينك ياض
تحت في البيت
فريال: يلا يا رضوان انت وإبراهيم اطلعوا اقفوا مع نجمه
ابراهيم ورضوان: حاضر
فوق عند نجمه
هاله: خلصت يلا هتلبسي الفستان
نجمه بتوتر: خلاص كده
ساره: اه يلا يا حبيبتي انا هفتحه
ساره فتحت الفستان وكان جميل جدا وبسيط خالص
نجمه توترها راح خالص واتبدل لحماس اول ما شافت الفستان
نجمه بحماس: واااو لبسيني خليني اشوف نفسي
هاله بضحك: انتي يابنتي عندك انفصام
نجمه بضحك: بيقولوا كده
لبست الفستان ولفت الطرحه وكانت جميله جدا ورقيقه خالص
ساره كمان لبست فستان سواريه شيك جدا كان لونه بترولي وطرحه اوف وايت وهي كمان بشرتها بيضه كان فعلا جميله
ميرنا لبست فستان سواريه لونه نحاسي
شيرين لبست فستان لونه سلڤر
شويه وكان ابراهيم و رضوان طلعوا
ابراهيم قرب منها واخدها في حضنه
ابراهيم: ما شاء الله ما شاء الله ولا القمر في سماه
نجمه بخجل: ربنا يخليك يا عمو
الحاج رضوان: ما شاء الله عروستنا مفيش زيها في الصعيد كلاته
نجمه بحب: تسلم يا جدو
ميرنا: تعالي يا نجمه اقفي برا في الصاله حمزه طالع
نجمه بتوتر: شكلي حلو
شيرين بالحب: قمر عروستنا القمر يقوملها من نفسه
نجمه بحب: حبيبتشي♥️.
ساره: يلا تعالي اقفي زي ما ميرنا قالت وادي لحمزه ضهرك
نجمه مشيت معاهم وقفت زي ما قالوا
ثواني عدت وكان حمزه طلع ومعاه صحابه
حمزه قرب منها بتوتر ولفلها رفع كانت مطاطيه رأسها راح رفع رأسها وحضنها راحوا البنات سقفوا والشباب صفروا
عز بصراخ: ايوااا يا حمزه يا جااامد
نجمه بتوتر: احم ابعد جدو واقف وعمو ابراهيم كمان وو
حمزه قاطعها بهمس: انتي مراتي يا نجمه ، انتي ازاى كده ؟؟
نجمه بتوتر: كده ازاى !! ، شكلي وحش ؟
حمزه نفس الهمس: وحش ايه ، انا مشفتش في جمالك ولا في رقتك ، لا بجد انتي ازاى كده
نجمه بكسوف: ربنا يخليك ، انت كمان شكلك جميل
حمزه بضحك: تعالي نطلع شقتنا وملناش دعوه بالفرح
نجمه ضحكت بتوتر: احنا اخوات متنساش يباشا
حمزه بحنق: لا فاكر يااختي ، يلا تعالي ننزل
حمزه مسك أيدها ونزل ووراه البنات والشباب
فريال حضنت نجمه بحب وفرحه
فريال بدموع: بقيتي عروسه واجمل عروسه في الصعيد كلها يابنت الغالي
نجمه حضنتها وضحكت: تفتكري هنفع في الجوازه دي
فاطمه بحب: هتنفعي ، هو في زيك انتي حبيبتي
نجمه بحب: ربنا يخليكي يا فطومه ، يا رافعه معنوياتي
الفرح كان في جنينه البيت ، وكان في ناس كتير جدااا
البنات كانت بتسقف وحمزه بيرقص هو ونجمه علي اغنيه ( ارسمني في ليلك نجمه♥️)
حمزه بهمس: القُرب فيه مُخاطره
وعنيكي كات خَطره
ولا تلتوميت خاطره
دلوقتي عايز اعيش
وما بين بعيش واعيش
الفرق كان فيكي♥️.
( اجوزوا اللي زي حمزه يا جمااااعه♥️🥹)
(الكلام اللي حمزه قاله كتبه كريم عيد مش انا♥️)
نجمه بصتله بكسوف : اا انا مش بعرف ارد
حمزه بحنيه: كفايه عنيكي ردت
نجمه بحب باين في عينيها: شـ شكرا
حمزه: علي ايه
نجمه: علي تفهمك لضغطي
حمزه بحب: ولا شكرا ولا حاجه انتي حالياً مراتي ايا كان بقا هنطلق أو لا ، بس انتي مراتي ودا حقك
الاغنيه خلصت وحمزه قعد شويه علي الاستاج بعدين عز والشباب جم اخدوه وقعدوا يرقصوا
نجمه كمان كانت عند البنات وشيريت كانت خرباها رقص لحد ما جالها مكالمه اخدت الموبايل من ميرنا وخرجت ترد ورا البيت خلصت المكالمه وراجعه سمعت حد بيقولها
بضيق_ ممكن تبطلي رقص شويه الشباب بيبصوا عليكي
- يتبع الفصل التالي اضغط على ( رواية نجمة في الصعيد ) اسم الرواية