Ads by Google X

رواية احببت تلميذتي الفصل التاسع 9 - بقلم محمد

الصفحة الرئيسية

  رواية احببت تلميذتي كاملة بقلم محمد عبر مدونة دليل الروايات 


 رواية احببت تلميذتي الفصل التاسع 9

 

فاطمه ، ملك : هههههههههه يالهوى عليكى يا اية دمك شربات يا مضروبه !

اية : اى خدمه .

ملك : اللى يشوفك اول مدخلتى ميشوفكيش دلوقتى .

اية: امااال دنا محدش يتوقعنى !

فاطمه ، ملك : هههههههههه

فاطمه : اه اه مش قادرة كفاية معدتى وجعتنى .

اية : طيب خلاص سكت .

فاطمه : قوليلى بقى انت فى حد متكلم عليكى ؟!

اية : ليه عندك عريس! .

فاطمه : اها عاوزة ولا نلغى ؟ هههههه

اية : لو بالشوكولاته اشطا جبيبلى .

ملك :هههههههههه

فاطمه : ههههههههه بتكلم جد .

اية : انا داخله على امتحانات ٣ ث ومظنش حسام هيوافق حاليا .

فاطمه : اها زعلتينى .

اية: ليه هو مين العريس ؟

فاطمه : اخويا

اية : اى ؟!

فاطمه : ا خو يا .

(وش اية بقى زى الطماطم من الاحراج )

ملك : ههههههههه ينهار شوفى وشها حمر ازاى حرام عليكى احرجتيها .

فاطمه : مكنتش اعرف انك بتتكسفى كدة هههههههه خلاص خلاص فكك اخوكى حسام بقى مرتبط ؟

اية : ليه عندك عروسة كمان ؟!

فاطمه : اها

اية: لا كدة انتوا داخلين على طمع انا واخويا فى نفس الوقت .

فاطمه : ههههههههه مش ليا متخفيش انا عندى واحد .

اية : اوباااا احكيلى بقى مين ؟

فاطمه : جوبينى الاول وانا هجاوبك .

اية : اخويا بيحب وحدة وهيتقدم ليها قريب بعد امتحنات ٣ث .

فاطمه : هى ادك برضه ؟

اية: اها وصحبتى كمان .

فاطمه : مشاء الله ربنا يتممله على خير .

اية : امين يا رب .ها قوليلى بقى مين سعيد الحظ اللى هياخد الجميل بتاعنا ؟!

فاطمه : عبد القادر .

اية: المستر !


فاطمه : ايوة مالك فى اى ؟

اية: لا بس مجاش فى بالى هو اتقدملك ؟

فاطمه : لا لسة

اية: ربنا يكتبهولك يا رب …… الوقت اتأخر وانا لازم اروح عشان مزاكرتى ودروسى لو ينفع تقولى لحسام بعد اذنك !

فاطمه : اكيد من عيونى استنى .

***********

حسام : آش صحبة اية !

عبد القادر (بصدمه) : اى ؟!

حسام : آش صحبة اية .

عمرو: ينهااار !

عبد القادر : بس انا اتقدمتلها .

حسام : اتقدمت لمين ؟

عبد القادر: ليها .

حسام (بعصبية كبيرة ) : انت بتهزر اى اللى بتقوله ده ؟

عبد القادر: اللى سمعته دى نفسها البنت اللى انا حبيتها !

حسام : ازاى تعمل كدة ازاى مستحيل يا صحبى يعنى دون على البنات كلها اخترت اللى انا حبيتها واتمنتها اشمعنا هى ؟

عبد القادر: وليه مش هى ؟! انا اعرفها اكتر منك … واعرف ابوها عم جمال ياما روحتلها البيت عشان ادرسلها اللى فات ومع الوقت اتعودنا على بعض وحكتلى مشاكلها وحياتها ! يما كنت اروح اللعب مع ابوها لحد ترجع من باقى الدروس عشان اطمن انها وصلت …. لغيت مجموعات كتير وظبطت الدنيا على وقتها عشان اقدر اشوفها كل يوم …. بمجرد مشوفها بتضح بضحك حتى لو مهموم ولو لقيتها زعلانه بحاول قدر الكمان اسعدها بدعمها فى باقى دروسها وموصى عليها المدرسين متابعها بصمت بحب اعرف اخبارها اول بأول عشقتها وعشقت شخصيتها المرحة وتقلبات مزاجها الفجائية اتعودت عليها فى حياتى لدرجة مش متصور حبقى ازاى من غيرها ولما فاض بيا الامر اتقدمتلها انهردة .

حسام : …………. !

عمرو : ………..

فاطمه (بصوت بيطلع بالعافية وعيون مليانه دموع ) : حسام اية عاوزة تمشى .

حسام : خليها تيجى انا كدة كدة ماشى .

عمرو : ليه كدة يا حسام استنى !

حسام : خلص الكلام ويكون فى معلمكم مش لازم تعرفوا اسبابى بس هى ليا ومحدش هياخدها غيرى مهما حصل !

عبد القادر: انت بتقول اى !

حسام (بصوت عالى جدة يسمعه الجيران ) : يلا يا اية !

اية : انا جاهزة اهو مالكم فى اى ؟!

حسام : مفيش حاجة يلا ورايا !

***********

(فى بيت حسام )

اية : يا حسام متقلقنيش عليك اى اللى حصل !

حسام : قلتلك محصلش حاجة وادخلى نامى

اية : محصلش ازاى بس انت مش شايف حالتك ازاى ؟!

حسام : قلتلك مفيش ! مفيش ! اى مبتفهميش !! غورى من وشى !

( كانت اول مرة حسام يكلم اية بالطريقة دى لدرجة اترعبت ووقعت على الارض وفضلت تبكى )

حسام (بعد مستوعب اللى حصل ) : اية انا اسف ! بس صدقينى مش قادر ارجوكى سامحينى .

اية : اى اللى حصل طيب خلاك فى الحالة دى ؟

حسام : مش قادر اتكلم دلوقتى ! روحى نامى وبكرة اكون هديت واحكيلك !

اية: وعد ؟

حسام: وعد .

***************

( عند فاطمه )

ملك : اهدى بس فى اى !

فاطمه : مبيحبنيش طلع بيحب وحدة تانية الخاااين والله لوريه !

ملك : اى اللى حصل بس فهمينى ؟

فاطمه كنت راحة انادى على حسام ولقيته بيقول ان بيحب صحبت اية اللى حسام بيحبها !

ملك : اى ! هى البنت دى سحرالهم بسببها حسام مبصش عليا حتى مع ان شباب كتير بيتمنونى ومحدش شاف فى جمالى . الحال من بعضوا اهو .

فاطمه : انا بكرها بكرها !!!

ملك : ومين سمعك منا زيك .

فاطمه : ااااخ لو اعرف شكلها !!

**********

( عند عمرو )

عمرو : اى كل اللى حصل ده ؟!

عبد القادر: مش هسبهالوا والله مهسبهالوا دنا مسدقت رجعت احب حياتى تانى بسببها يقوم ياخدها منى عشان شافها كام مرة بس وعجبته !

عمرو : اهدى بس متتعصبش !

عبد القادر: ادى اخرة مجايبك عرفتنى على واحد بيحب حببتى لا واى كان بيوصلها ويرجعها على اساس انها صحبت اخته واتريه عمل كدة لما عرف انها بتاخد عندى ! الخاين .

عمرو : اهدى بقلك والله حسام طيب انا مكنتش اعرف هى مين ولا كنت اعرف ان كل ده هيحصل !

عبد القادر : اهدى ازاى بس ! انا لازم احل الموضوع بأسرع وقت انا ماشى ……

عمرو : استنى بس انت ناوى على اى !

عبد القادر: مش دلوقتى سلام .

**********


فاطمه : اى ده فون عبد القادر!

عمرو : اه تصدقى هو . ياربى طب انا مسافر افجر شغل طارئ هوديهوله ازاى .

فاطمه : ابعتلى مكان بيته وانا هبقى اوديهوله !

عمرو : انتى بتقولى اى تروحيلوا البيت لا طبعا مستحيل .

فاطمه : مهو مش معقولة يقعد من غير تليفون اكيد هيحتاجه فى حجات مهمة متنساش انه مدرس .

عمرو: وجهت نظر تحترم خلاص هو تقريبا عنده حصص بكرة فى السنتر هبعتلك عنوانه .

فاطمه : تمام تصبح على خير بقى !

عبد القادر: وانتى من اهل الخير .

*********

(فون عبد القادر بيرن )

فاطمه : حياتى ؟! اكيد هى . ….. آلو

آش: الو يا مستر

فاطمه: مين انتى يا حببتى .

آش : هو مش ده رقم مستر عبد القادر ؟

فاطمه : ايوة

آش : طيب حضرتك مين ؟

فاطمه : خطبته يا جميل !

آش : اى .

فاطمه : خطبته اى مبتسمعيش !

آش : لا العفو انا بس اتفاجأة لانى مكنتش اعرف .

فاطمه : لية وانتى لازم تعرفى كل حاجة ؟

آش : لا لا مش القصد عموما لما المستر يبقى فاضية اتمنى تبلغية يبقى يرن عليا !

(قفلت السكة فى وشها )

آش : اى قلت الزوق دى ؟!

**************

( فى اليوم التانى )

( عدت فاطمه على عبد القادر عشان تديله الفون بتاعه )

طق طق ✊

عبد القادر: اتفضل !

فاطمه : السلام عليكم

عبد القادر: وعليكم السلام ازيك يا فاطمه ؟

فاطمه : الحمد لله ازيك انت ؟!

عبد القادر: الحمد لله اتفضلى يا آش اقعدى ثانية وراجع يا بنات !

( بصت فاطمه على آش لمدة طولة بعيون كلها غل وحقد ) .

عبد القادر: فاطمه ! فاطمه !

فاطمه : ااء …..نعم

عبد القادر: اتفضلى ! ……. تحبى تشربى اى ؟

فاطمه : لا شكرا مش معايا وقت اتفضل تليفونك نسيته عندنا امبارح !

عبد القادر: اه والله دنا قلبت الدنيا عليه شكرا جدا !

فاطمه : العفو . سلام

عبد القادر: فى حفظ الله !

************

عبد القادر: تمام يا بنات احنا كدة خلصنا تقدروا تروحو وبالتوفيق فى الامتحان !

البنات : شكرا يا مستر

آش : الف مبروووك يا مستر !

عبد القادر: الله يبارك فيكى بس على اى ؟

آش: على خطوبتك !

عبد القادر: بس انا مخطبتش ؟

آش : ازاى دنا مكلماها امبارح على فونك !

عبد القادر: بس انا فونى مكنش معايا من امبارح .

آش : ردت عليا وحدة وقالت انها خطبتك وطريقتها فى الكلام مكنتش حلوة !

عبد القادر: وحدة ! تمام متشغليش بالك دى اكيد كدبة بعتذر عن اللى حصل .

آش : مفيش مشاكل حصل خير !

عبدالقادر : آش !

آش : نعم يا مستر ؟!

عبد القادر: انا بحبك انتى ….. انتى وبس …. انا عارف ان ده مش وقته بس صدقينى مش هلبس دبلة حد غيرك وعد منى وهستناكى لحد متخلصى .

( فى الطريق )

آش : ليه غبتى انهردة ؟! مش هتتصورى اى اللى حصل !

اية: حصلت ظروف عندى بس ها احكى اى فى ؟!

آش : المستر قال انه بيحبنى !

اية: اى !

آش : بقلك المستر قال انه بيح…………

(صوت فرامل عربية جامد وصراخ )

اية : آش فى اى اى اللىحصل واى الصوت ده آش ! آش !

 رواية احببت تلميذتي الفصل التاسع 9 -  بقلم محمد
nada eid

تعليقات

ليست هناك تعليقات
إرسال تعليق
    google-playkhamsatmostaqltradent