رواية نجمة القاسم صعيدية كاملة بقلم رنا احمد عبر مدونة دليل الروايات
رواية نجمة القاسم صعيدية الفصل الثالث 3
في فيلا زهران..
في غرفه نجمه …
كانت تسير بدموع وضيق وهي ترمي الاشياء بأهمال بغيظ .
/ماشي ي قاسم ماشي فاكر انك عملت الي انت عاوزه انا هوريك مبقاش نجمه لو الجوازه دي تمت .
فرحه بابتسامه مرحه /الف مبروك ي عروسه .
نجمه بغيظ شديد/عروسه ده بعده انا مش هتجوزه لو السماء انطبقت علي الارض .
فرحه بابتسامه /ليه عاد ي حبيبتي هو فيه زي قاسم والله مافيه احن ولا اطيب منه وهيشيلك جوه عنيه .
نجمه بصدمه /ده مين ده الي طيب ده خبيث وطماع كل الي هو عمله ده علشان الميراث .
فرحه وهي تجلس بجانبها بابتسامه /يبقا لساتك معرفتيش قاسم زين الفلوس ده اخر همه قاسم همه كل الي حواليه صدقيني كل ده علشان يحميكي وبس ولعلمك الي انتي مش طيقاه ده متعمليش فيه ايه بينكم بعد كده ربنا كبير ي نجمه ادي لنفسك فرصه ي حبيبتي مع قاسم محدش خابر .
نجمه بدمع وحزن /وطاهر الي مالك قلبي أنساه بالسهوله دي.
فرحه بحزن شديد/طاهر الله يرحمه ي نجمه بس صدقيني الحب مش كل حاجه في الدنيا الحب ساعات بيوجع ويذل .
نجمه باستغراب /ليه كل الوجع ده ي فرحه وليه دايما بحس انك انتي وصالح مش كويسين .
فرحه بحزن شديد/علشان هي دي الحقيقه ي نجمه أسواء حاجه انك متلقيش راجل يحبك ويصونك الله يسامحه ابويا هو الي وصاه يتجوزني قبل مايموت وانا اهوه الي بدفع التمن غالي دايما حاسس أنه بيعطف عليا وأنه اتجوزني شفقه بيعامل القرقصات وبنات الليل ولا الملكات علشان كده بقولك ي نجمه محدش عارف الخير هيكون ليه فين ومع مين .
****************.
في مكتب زهران…
كان يقف زهران بغضب شديد.
/اسمعني كيف ي قاسم مش معنا اني طلبت منك تتجوز نجمه وتكون ليها ضهر وسند انك تقسا عليها كده وتفتكر أنها خلاص بقت ملكك البت دي مش هتتبهدل طول مانا عايش لما اموت ابقا اعمل مابدالك .
قاسم باحترام كبير لوالده /الف بعد الشر عليك ي ابوي انت خابر زين أن البت دي دماغها ناشفه وطاهر الله يرحمه كان مدلعها وانا مبحبش كده .
زهران بحده /قاسم اسمعني زين البت دي وصيه اخوك الله يرحمه .
قاسم بغيره /خلاص عاد ي ابوي لاحظ أنها هتكون مراتي مش لازما كل شويه تفتكرني أنها كانت مرات اخوي عن اذنك هشوف الناس علشان الفرح .
زهران بخبث ومكر/انا خابر زين الي في قلبك ي قاسم بس هسيب البت نجمه تسويك علي نار هاديه.
********************.
في فيلا جعفر .
كان يجلس جعفر علي مائده الافطار ليرمي تلك الدعوه التي أرسلها إليه زهران .
/شوف زهران بعتلي الدعوه وهو خابر زين اني مش هروح بس علشان يكسرني علشان يقولي اني ولادي خايبين محدش عارف يتجوز ويجبلي العيل الي يشيل اسمي وياخد ده كله من بعدي .
مالك بزهق /ربنا يديك طوله العمر ي ابوي أن شاء الله هتجوز ورده ونملالك البيت عيال .
جعفر بحده /انا قولتلك قبل سابق جوازك من البت دي شبهه مستحيل فاهم ولا لا .
مالك بضيق /اسمعني زين ي ابوي انا مش هتجوز غير ورده لو الزمان طال واخد عمري كله مش هتجوز غيرها .
هشام بابتسامه /صباح الفل عليكم .
جعفر بغيظ /تعال شوف اخوك الي عايز يجبلي جلطه مصمم علي بنت زهران .
هشام بضيق /وبعدهالك عاد ي مالك مانت خابر زين انهم شاكين أن ابوك هو الي قتل طاهر الله يرحمه .
مالك بسخريه وغيظ /ده علي اساس انك معلمتهاش مش كده بقولك ايه ي بشمهندس خليك انت وابوك في حالكم انا رايح العياده.
جعفر بغيظ /شايف الواد وعمايله .
هشام بملل /سيبك منه ي ابوي المهم خلينك في الي احنا فيه.
جعفر بشر /دي هتبقا الضربه القاضيه ي واد ي هشام الواد صالح ولد زهران الكبير خاربها مع الرقصات ومراته مدرسه في المدرسه الي انت المفروض تشتغل فيها وتعمرها ي بشمهندس البت دي محتاجه صدر حنين مهمتك انت بقا ي هشام عايزها ضربه قاضيه ل صالح وأبوه بعد متاخد منها كل الي انت عايز وتجيب مناخيرهم الارض .
هشام بشر وخبث /بموت في خططك الشريره ي ابوي هههههههه.
*******************.
في جنينه فيلا زهران …
كان يقف قاسم لتقارب منه نور اخت نجمه بابتسامه صافيه .
/ابيه قاسم ممكن اتكلم معاك شويه.
قاسم بابتسامه ساحره/اؤمري ي ست البنات .
نور بابتسامه /خلي بالك من نجمه دي اغلب من الغلب وعيله في نفسها كده هي صحيح عنديه كده بس طيبه اوي .
قاسم وهو يقبل رأسها بحنان /انا خابر زين ي ست البنات .
نجمه بعصبيه /انتي ايه الي موقفك هنا ي نور ادخلي جوه .
قاسم وهو يغمز نور /طيب ي نور مش وقته البومه جات نتحددوا وقت تاني .
نور بضحك /ماشي سلام .
نجمه بغيظ /ابعد عن اختي ي قاسم .
قاسم لاستفزاز /وانتي مالك ي بومه خليكي في حالي مشاء الله اختك زي السكر مش طلعالك .
نجمه بغيظ /المفروض اعمل ايه انا دلوقتي .
قاسم بجديه /البنات الي جولك هنه المره الي فاتت انا بعت اجيبهم هيكونوا عندك بليل بس علي الله يعملوا اي حاجه في الخلقه دي .
نجمه بغيظ شديد/اوعا تفتكر انك كسبت ي قاسم انا بعمل كده بس علشان امي واخواتي .
قاسم بجديه/وانا كمان بعمل كده علشان خاطر امي وابويا انا مش ميت فيكي انتي اصلا مش من التيب بتاعي .
نجمه بصدمه /نعم .
قاسم بضحكه ساحره /ايه مالك عاد انتي فكراني علشان متربي وسط الأرض اني جاهل لا انا خابر الي انتي مش عرفاه وعارف كمان الي عايزه تقوليه علاج امي الحاجه عندها من بدري ومصاريف جامعه اختك ادفعت بالكامل .
نجمه بصدمه /عملت كل ده قبل مانتجوز .
قاسم وهو ينظر في عيناها بدقه /انا مش وحش زي مانتي خابره وقولتلك قبل سابق أن جوازنا ل مصلحتك سلام ي نجمه القاسم اعتبر ماسيكون ي عني.
ليتركها ويرحل لتبتسم بخفه علي ذلك اللقب .
*****************.
في جامعه ورده …
كان ينتظرها مالك لتخرج بابتسامتها العذبه .
/برضك صممت انك تيجي تاخدني النهارده كمان مش قولنا نخف مقابلتنا دي ي مالك احنا مش ناقصين .
مالك بابتسامه عاشقه /انا مراتي المستقبليه متركبش مواصلات وانا موجود وبعدين تعالي هعزمك علي عصير ونتكلم شويه .
في أحدا المطاعم ….
ورده بصدمه /بتقول ايه ي مالك .
مالك بجديه /هو ده لازم يكون قرارنا ي ورده انا هروح اطلبك من ابوكي واخوكي لو موقفوش هنتجوز ي ورده ونحطهم قدام الأمر الواقع وساعتها محدش يلوم علينا هما المفروض يطلعوا حكايتنا وحبنا برا صرعاتهم دي
في شقه صافي الراقصه ..
كانت تجلس في احضان صالح بدلع ودلال .
/ي عني ايه ي حبيبي هتفضل متجوزين في السر كده كتير .
صالح وهو ينفخ سيجارته/جرا ايه عاد ي ست البنات مش ده كان اتفقنا عايزاني اروح ل ابوي أقوله اتجوزت رقاصه هههههه .
صافي بغيظ شديد/ومالها الرقاصه بقا ي سي صالح .
صالح وهو يقبلها بشغف /احسن ناس ي غسل انت بس تعالي بقا نكمل كلامنا ده انتي وحشاني جوي.
****************.
في جنينه فيلا مهران ..
كان يجلس قاسم وهو بدون بعض الملفات الهامه لتجلس نجمه بجانبه بهدوء لينظر إليها باستغراب .
/مالك فيه حاجه.
نجمه بثقه وثبات/قاسم ايه الهديه دي الي انت سيبهالي وكلامك الي عليها ده كلام واحد بيحب .
قاسم وهو ينظر في عيناها بثقه /طب مانا فعلا بحب وغرقان لشوشتي
- يتبع الفصل التالي اضغط على ( رواية نجمة القاسم صعيدية ) اسم الرواية