رواية شمس العاصي تشرق من جديد الجزء (2) الفصل العاشر 10 - بقلم نورة عبد الرحمن

   رواية شمس العاصي تشرق من جديد كاملة بقلم نورة عبد الرحمن عبر مدونة دليل الروايات 

  رواية شمس العاصي تشرق من جديد الجزء (2) الفصل العاشر 10

 

 استئذنت حليمه وتركت عزت وغزلان لوحدهما بالغرفه المزينه..فقد تفنن عزت بتزيينها فهذا اليوم الذي كان يحلم به طوال حياته..

تقدم نحوها بهدوء ..اما الاخرى فما زالت دموعها تغرق وجنتيها بصمت دون ان يشعر بها عزت رفع ذقنها لينظر الى وجهها الذي اشتاق اليه ليصدم برؤيتها تبكي ..اغمض عينيه بغصه ومسح دموعها برقه هامسا امام شفتيها مبرووك…

مسحت دموعها ونظرت اليه مطولا بصمت…

ابتعد عنها الاخر محاولا التحكم بمشاعره فلطالما كان يمنع نفسه عنها..

اما اليوم فهي زوجته ..ملكه وخاصه به..لكن لا …لن يفعل هذا الان لن يجبرها على شيء …ستكون له لكن بأرادتها ..

سمع صوتها الباكي لتغرز سكينها بصدره : انت عملت كده ليه ياخالووو..

شعر بأنفاسه تهرب منه شيء ثقيلا يطبق على صدره ليقول مبتسما ببهوت : هو في عروسه بتقول لجوزها خالوا..

ردت بانفعال لم يعهده منها : عشان انت خالي والجوازه دي انا ..انا معرفش حصلت ازاي …انت ..انت فاهم الجوازه دي يعني ايه..

صمت ولم يجيبها بل تهرب بعينيه منها..

اقتربت منه لتدير وجهه اليهأ بصلي هنا ياخالوقولي ان ده محصلش ..قولي انك هتفضلى خالي دايما سندي بالدنيا دي.اللي ربتني وكبرت على يدك قولي ان كل ده كابوس وبس عشان خاطري.

عزت : جوزك ياغزلان افهمي بقى …. انا جوزك وهفضل جمبك لحد اخر يوم فعمري جمبك وفظهرك..

صاحت به بدموع تناثرت لا لا انا مش عايزه كده انت مش ممكن تبقى جوزي..بغتها بقبلة عميقه وعنيفه والاخرى تحاول ابعاده دون جدوى..ليبتعد عنها بعد لحظات وهي تاخذ انفاسها بصعوبه…لتجلس على الارض بانهيار..

اما هو فلم يحتمل مظهرها هكذا ليلتقط مفتاح سيارته ويغادر …

*********

بتعملي ايه..قالتها هنا لشمس التى تنظر لصورة لتخفيها بسرعه وتقول بحرج ولا حاجه..

هنا : مش هتخليني اشوف صورته..

شمس بارتباك : هو هو مين ده..

هنا :مش دي صورت جوزك برضو.

شمس : لا … انا … انا…انا….

هنا :هو انتي سبتي جوزك ليه.. لو بتحبيه للدرجه دي

ابعدت شمس نظرها عن الاخرى وتغيرت ملامح وجهها..

لتقول هنا : انا اسفه ان كنت قولت حاجه زعلتك..

شمس : لا ابدا ياهنا مقولتيش حاجه..بس احيانا البعد احسن لينا وبيحافظ على مشاعرنا وكرمتنا اللي بتنتهك كل ثانيه مع اللي بنحبهم..

هنا : بس البعد ضعف انتي بتتخلي عن حاجه انتي عايزاها ومحاولتيش تحافظي عليها ..بصي مثلا لاسمح الله لو زعلت من رؤوف فيوم مش ممكن ابعد عنه …عارفه هعمل ايه هتمسك بيه هتكلم معاه هاعتبه هفهمه زعليي على ايه ومن ايه…

شمس : الكلام مش هينفع في ظروفي..

هنا :و الهروب كمان مش هينفع….

شمس :بس انا ماهربتش ياهنا..

هنا :هو انتي شايفه نفسك مهربتيش لما جوزك ميعرفش مكانك..

شمس: هو انا مديقاكي بقعادي عندكم ..

هنا :لا طبعا انا مش قصدي كده..انا اسفه مكنش قصدي اللي انت بتقولي عليه ده.والله.

شمس : ولا يهمك..

هنا :انا والله بس كنت عايزه اريحك بدل منتي كل الوقت ماسكه صورته كده .وشايفه الزعل بعنيكي..صدقيني اي ست لازم تدي جوزها فرصه وحده على الاقل عشان متخسرهوش وانتي فكري بابنك ياشمس..

شمس…..

هنا : ياشمس لازم تقعدوا تتكلموا .. وافتحوا قلوبكم لبعض…

شمس : ..خلاص ياهنا احنا هنطلق مبقاش ينفع الكلام ده..

هنا : بس هو رافض الطلاق.

شمس : مصيره يوافق…

هنا :مضنش ياشمس مهو واضح انه متمسك بيكي..

شمس بغصه : متمسك بيا عشان ام ابنه..

هنا ابتسمت بسخريه : عشان ام ابنه لا انتي فاهمه غلط مفيش راجل بتمسك بست عشان هي بس ام عياله

شمس : قصدك ايه..

هنا : قصدي هو متمسك بيكي انتي ياشمس وعايزك انتي…فكري بكلامي كويس…

انا هروح اعمل الاكل. لتكمل بابتسامه عشان انتي عارفه رؤوف لما يجوع يقلب ازاي…

ابتسمت شمس ببوهت وغاصت بذكرياتها مع عاصي واخذت تفكر بكلام هنا لها…..

********

في المستشفى..

عثمان : عاصي روح يابني ارتاح شويه خلاص عمك بقى كويس ..

كان عاصي يضع رأسه بين يديه يحاول تجميع شتاته…ليقول لعمه : انا بجد محتاج ارتاح ياعمي …ارتاح لفتره كبيره من كل حاجه…

عثمان ربت على كتفه ربنا يعينك يابني..قوم روح يابني..

نهض عاصي وقال لو جد حاجه بلغني ياعمي ماشي وانا هكون عندك الصبح بدري…

اومأ له عثمان براسه ليغادر الاخر واخرج هاتفه واتصل بتميم..

تميم : ايوا ياعاصي..

عاصي : عرفت مني اللي عمل كده

تميم خالد النجوي ياعاصي دخل بمناقصات وهميه وخسر عمي احمد كل حاجه..عشان كده تعب وخدوه المستشفى..

جز عاصي على اسنانه ليسمع صوت تميم ..هنعمل ايه دلوقتي..

عاصي : سيبني افكر وهبلغك اكيد مش هنسيب خالد يتمادى معانا اكتر من كده..

تميم : ماشي ياعاصي سلام ..

عاد عاصي الى منزله ليقول لاحدى الخادمات ان تعد له القهوة .. واتجه الى غرفته هو وشمس ..فتح الخزانه ومرر يده على ملابسها واشيائها وكأنها تعمدت ان تترك كل الاشياء التي تذكره بها….

اخذ قطعه ثياب واستنشقها بعمق وكأن شمس بين يديه ..قطع شروده الخادمه التي استأذنت وقدمت له القهوه…ثم غادرت وتركته غارق بذكرياته معها ..

وبعد لحظات….شعر بنفسه يتعرق بشده انفاسه بدأت بالتسارع..ليسمع الباب يفتح وخطوات نسمه الهادئه تتقدم نحوه كانت تضع الزينه وكأنها عروس بيوم زفافها ..تقدمت نحوه بقميص نوم يظهر مفاتنها لتجلس على حجره وتحيط عنقه بدلال هامسة وحشتني…لم يدع لها مجال لقول شيء اخر ليعتليها ووووو

*******

عمران قوم رجع مراتك زمانها هتموت عشان ابنها..

حازم خليها تتربى ياعمران ..

عمران: حازم انتا عارف اهلها وطباعهم قوم هاتها واجمع عيلتك كفايه لحد كده لو مش عشانها عشان ابنك ..

حازم…..

عمران اسمع كلامي ياحازم خلاص بهيه اكيد حرمت..

حازم سيبه كمان شويه انا عاوز اربيها ياعمران عايزها تحرم تعمل كده تاني ..انا بحبها اه بس مبحبش كميه السواد اللي جواها لازم بهيه تنظف لازم تتغير..

عمران : وانت فاكر البعد هيغيرها ..ده ممكن يقسيها اكتر قوم ياحازم قوم ياخويا ربنا يهديك ربنا يهديك…

ليقاطعهم صوت هاتف عمران وكانت هند تبكي..

هند الحقني ياعمران عهد تعبانه جدا..

انتفض عمران من مكانه بقلق مالها عهد فيها ايه..

هند ببكاء مش عارفه سخنه قوي تعالى بسرعه..

عمران طب طب اهدي اهدي ياهند وانا مسافه السكه وهكون عندك…

هند بشهقات بسرعه ياعمران بسرعه عشان خاطري.

• يتبع الفصل التالي اضغط على ( رواية شمس العاصي تشرق من جديد ) اسم الرواية