رواية اميرتي كاملة بقلم سلمي تامر عبر مدونة دليل الروايات
رواية اميرتي الفصل الاول 1
_يبني بقولك محدش في البيت خالص تعالى نقعد مع بعض شوية
_يامنه مش هينفع انتِ عايزة ابوكي يقفشنا ونروح فيها
منه ببرود
_متقلقش هما اصلا مش هنا ومش هييجوا دلوقت خالص..تعالى بقا يا سيف ومتبقاش رخم
سيف بقلق
_ماشي هاجي وربنا يستر
راح سيف لبيت منه اللي فتحتله وحضنته بإبتسامه
_وحشتني اوي
بادلها الحضن واتكلم بخبث
_وانتِ اكتر..متأكده ان محدش هيطب علينا من عيلتك
بعدت عنه ونفخت بضيق
_سيف بطل جبن شوية قولتلك محدش هنا
بعد شويه جت بنت وفتحت الباب بالمفتاح ودخلت وكان شكلها مرهق جداً
فتحت باب اوضتها هي ومنه واتصدمت وهي شايفاها قاعده في حضن شاب غريب وبيتكلموا بهمس
_ايه اللي بيحصل هنا ده !
منه بتوتر
_شروق متفهميش غلط..ده..ده صاحبي عادي وكنا قاعدين بنذاكر
قربت منها شروق وشديتها من شعرها
_بتذاكري في حضنه يا ز.بالة..ده انا هربيكي من اول وجديد
سيف طلع من الاوضه بسرعه وكان هيهرب بس شروق مسكته واتكلمت بغضب
_وانت يا شحط انت بتضحك على عيلة صغيرة
سيف ببجاحه وهو بيحاول يبعدها عنه
_ابعدي عني يابت انتِ اختك هي اللي قالتلي اجيلها
سمعوا كلهم الباب بيفتح وبصوا لبعض بإرتباك وتوتر
دخل ابوهم وامهم واخوهم اللي اكبر منهم وبصوا لسيف بإستغراب
والدهم بحده
_مين ده وبيعمل ايه هنا
منه بتدخل وهي بتشاور على شروق وبتتكلم بكدب وبتقلب الترابيزة عليها
_انا جيت من الدرس يابابا ولقيت شروق معاها الشاب ده وكانوا حاضنين بعض
- يتبع الفصل التالي اضغط على ( رواية اميرتي ) اسم الرواية