رواية ابن الجن كاملة بقلم عمر ناجي عبر مدونة دليل الروايات
رواية ابن الجن الفصل الاول 1
اول مرة اشوف حالة بالشكل دا بقالى عشر سنين دكتورة امراض نسا وولاده دايما لما بتجيلى واحدة وتقولى انها بتحس نفسها معدتها مش مظبوطة وعندها وخم وكسل فى جسمها خصوصا لو سنها صغير زى ابتهال باعملها اختبار حمل وفى العادى اول مابقولها مبرووك انتى حامل الفرحة بتنط من وشها صحيح معظم الستات بيجوا وهما تقريبا عملوا اختبار من بتاع الصيدلية وكلامى بيبقي تاكيد مش اكتر ابتهال كان رد فعلها غير كل الناس هى اصلا غريبة ومش طبيعيه انا جيت العيادة فى ميعادى لقتها موجودة هى وانتين كمان وتوقعت انها تدخل التانية ولا التالته حتى لكنها مدخلتش والعيادة اتزحمت بصيت بصه على الكاميرا شوفتها قاعده فى ركن لوحدها وشها عليه سواد وعنيها باين عليها حمرا من الدموع لما الممرضة دخلتلى بحالة مقدرش امنع نفسي واشاور لها عليها واقولها البنت اللى قاعده هناك دى مدخلتش ليه انا شايفها من بدرى الممرضة قالتلى دى يادكتورة قالتلى خلينى اخر كشف انا موريش حاجه استغربت اكتر وانا شايفاها حطه ايدها على بطنها وبتضغط على شايفها يعنى فى الم طب ليه مدخلتش معرفش كملت كشوفات ومتبقاش حد غيرها اول ما دخلتلى قولتلها اطلعى على الشزلونج هنا الناس عارفه عيادات النسا بتكون ازاى ووضع الست عليها ازاى لقتها متسمرة مكانها وبتقولى لا مش هاطلع انا عايزاكى تعرفي انا حامل ولا لاء قولتلها بس كدا هناخد عينه دم ونشوف حالا ومسكت ايديها كانت بتترعش وبارده لكن عروقها ظاهرة مخدناش وقت اخدت العينة ودخلت جوه اشوف لقيت فى حمل بالتاكيد خرجت وانا متوقعه ملامحها تتغير للاحسن تبتسم تضحك تعمل اى حاجه غير اللى عملته دا لسه باقولها مبرووك ياستى حامل وهى جسمها كله بدا يتهز يتهز بعنف شديد عنيها برات بشكل غريب حسيت وشها بيتغير شفايفها اترفعت لفوق وكانها فى جلطه رمت حجابها عن شعرها ونكشته يغطى وشها وصرخت بصوت عالى عالى جدا وفى لحظه جريت على الادوات بتاعتى وبتمسك بايديها المقص وبترفعه عشان تخبط نفسها بيه فى بطنها الممرضة كتر خيرها لحقتها مسكت ايديها لكنها مالت براسها على كتفها وبدات تعض فيها والممرضة بتصرخ مسبتهاش غير وسنانها فيها دم من كتفها وفجأة اترمت على الارض فاقدة الوعى بسرعة حاولت افوقها وفى نفس الوقت عريت كتف الممرضة وبدات اطهر لها مكان العضه اللى كانها كلت بيها حته من لحمها وبقيت محتاسة ومش عارفه ليه عملت كدا وليه انا بالذات تجيلى البلوة دى لحد عندى
المهم الممرضة بقت قاعدة قدامى عرقانه وبهتانه ومش مصدقه وبترتجف بتبص لجرحها وهى بتترعش فعلا وفى نفس الوقت ابتهال مرمية على الارض طبطبت على كتف الممرضة التانى
معلش
هزت راسها
هاشوفها هى كمان لازم نفوقها
هزت راسها تانى قومت من معاها وروحت على ابتهال بدات احاول افوق فيها واقيس نبضها نبضها كمان كان غريب اوى دقات سريعه اوى ووشها عرقان جامد حاولت افتح عنيها ايه دا مفيهاش غير بياض وفجاة جسمها كله اتخشب لكنه اتحرك وحسيت بيه ولسه باحط ايدى على قلبها مسكتها بايديها المتخشبه حسيت عضم ايدى هينكسر بدات اصرخ منها ومرة واحده جسمها ارتخى تانى ولقتها بتفتح عنيها وبتقول انا فين
قولتلها متخافيش انتى هنا فى العيادة وانا دكتورة اسراء بصتلى وهى مستغربانى وقالتلى انا ايه اللى جابنى هنا معرفتش اقولها ايه
انتى كنتى هنا من بدرى واستنيتى لما خلصنا ودخلتى عشان تتاكدى انك حامل
حامل قالتها من غير استغراب
مانا عارفه انى حامل
قولتلها ضرورى عملتى اختبار فى البيت قبل ماتيجى
قالتلى لا معملتش بس هو قالى انى حامل فى ابنه
هو مين اللى قالك جوزك
اومال مين اللى قالك بقي دكتور غيرى قولتها بهزار وكتخفيف للتوتر
بصتلى وقالتلى هو لما بيقول حاجه بتحصل وهو قالى انتى خلاص بقيتى حامل منى
هو مين دا
العفريت
- يتبع الفصل التالي اضغط على (رواية ابن الجن) اسم الرواية