Ads by Google X

رواية تيم الغريم الفصل الرابع عشر 14 - بقلم اسرار رحمة الله

الصفحة الرئيسية

 رواية تيم الغريم كاملة بقلم اسرار رحمة الله عبر مدونة دليل الروايات 


 رواية تيم الغريم الفصل الرابع عشر 14

  
“علي اليابسة ويحاوطني الغرق ؛في عمق الماء واحترق؛ كل التناقض يساورني ولا أستطيع المقاومة ”
رقم غريب شافته علي شاشة الفون بتاعتها ومردتش .
صوت اشعار الرسائل نفس الرقم: ” هتردي ولا اعمل مصيبة تخليكي تردي”
شافت المسج ومردتش بردك
مكالمة تاني
مكالمة تالت
“انتي ازاي هتتجوزي بسهولة دي وتتخلي عني ؟! ” اتاها صوته مزمجرا ثم اكمل :” جميلة لو قدرك تجوزي غيري يبقي قدري اني اتمحي من علي وش الدنيا “
مردتش وفضلت ساكتة بردك
” جميلة ردي عليا ؛عشان والله العظيم ما هيحصل خير لو اتجوزتي البني ادم الحقير ده انتي متعرفيش حاجة عنه ”
صوت جميلة بتقوله بتعب :” متقولش علي جوزي كده “.
ادهم بعصيبة:” لا هو حقير وااطي ووس…”
جميلة قفلت الخط ف وشه
بص ناحية غزل وقالها:” تعرفي لو اختك اتجوزت مراد والله لاقتل مراد واقتل نفسي ونرتاح كلنا بقي علي الاقل وقتها هتتجوز شخص نضيف بعدنا ”
غزل وهي بتحاول تهديه:” ما هو مراد شخص كويس مش هننكر ده”
ادهم:” بعد كام ساعة هتعرفي لو هو شخص كويس او لا ؛ كلكم هتعرفوا ده $
غزل بعد ساعات ايه:” دي جميلة بتلبس الفستان دلوقت وتجهز نفسها عشان تجوزه ”
ادهم:” ثقي في كلامي مراد ده هتتفاجئ بيه اما تعرفه بجد ”
داس بنزين وبقي سايق بسرعة
غزل:” انا معاك يا باشا لسه عايز اعيش هاه والنبي انا لسه عندي احلام وطموحات خفف سرعة الله لا يسيئك ”
ادهم سمعها زود سرعة كمان
غزل سكتت فضلت تتحسبن عليه ومرعوبة

كم دقيقة وقف انزلي وصلنا .
غزل :” وصلنا ايه ده المطار ؛ طب والنتيجة”
ادهم:” انزلي بقولك مروحين ” بعصيبة كده خوفتها وبعدها نزلت
” طب وحاجتي ”
ادهم :” اسبقيني وحاجتك هتلاقيها قدامك هنزلها من العربية اهو
______
” الفرق شاسع ؛ بين ما تختاره ؛ وبين ما يختارك ؛ بين ما تحبه ؛ وبين ما يحبك؛ الفرق شاسع لكن القلب يهوي بنا فلا نشعر ولا نتقين صحة الطريق والاختيار ”
ماما نوسة بحزن باين علي وشها :” جميلة يا بنتي ؛ اختيار غلط واحد في وقت زعل قادر يدمر حياتك كلها ؛ فكري كويس دي حياتك اللي جاية كلها معتمدة علي القرار ده ”
جميلة ودموعها مليت وشها :” بس انا اتخذلت منه ؛ لو تعرفي انا حبيته اد ايه يا ماما ؟! ”
ماما نوسة : ” انتي م اديتيش حبك فرصة انتي بتعيطي عليه قبل ما تتجوزي بعدها هتعيطي اكتر بعدين فكري لسه الوقت ما فاتش “
جميلة:” الوقت فات خلاص وقلبي ضاع وكل حاجة حلوة بهتت وبقيت من غير ملامح ”
دخل عليهم سليمان الخولي عشان يطمن علي بنته؛ جميلة ودت وشها الناحية التانية هو بحنية
” جميلة انا مستعد الغي الجوازة دي انا بعترفلك اني غلطت في الاول واديني هصلح غلطتي ”
جميلة:” بابا عمره ما غلط في اختيار ليا انت صح ف كل اللي قولته ”
سليمان:” لا مش صح ادهم شخص كويس و..”
قاطعت:” لا مش كويس انت متعرفش حاجه وقفل علي الموضوع ”
سليمان :” مش مشكله هقفل الموضوع بس هتعرفي انك بتغلطي غلطة عمرك ”
جميلة مردتش عليه وبعد شوية نزله هي وامها عشان تجهز ومعاهم مسك .
بعد كام ساعة خلصوا ومراد جه وخد جميلة.
مراد اول ما شافها :” تعرفي انه لو شوفتك بعيني انت اجمل واحدة اتخلقت علي وش الارض؛ لو بعين قلبي م اتخلقش أجمل منك بجد ”
جميلة:” شكرا يلا بينا نروح مش عايزين نتاخر ” ومبصتش عليه حتي
هو :” حصل مش عايزين نتاخر يلا بينا ؛ مش مصدق انك مراتي بجد
اول ما وصلوا الصالة الدنيا كانت عادي ؛ جميلة كانت جميلة بجد وكل اللي شافها صلي علي النبي من جمالها وذكر اسم ربنا وكانت بسيطة اوي بس تسحر العين ؛ كلهم كانوا موجودين ما عدا هاجر .
كان الدنيا رايقة وكل حاجة تمام ؛ لحد مامسك شافت أدم وبعد ما فضلت تراقبه شافت أسيل كل شوية يروح ويجي ناحية م هي قاعدة .
مسك قربت علي أسيل:” ازيك يا أسيل؛ انتي معزومة ؟!”
اسيل وهي ماسكة فونها ومرفعتش عينها من عليه :” اومال جيت لوحدي ”
مسك :” جاية لوحدك ايه انا لسه شايفة ادم جاي من جمبك ؛ ياتري أدهم يعرف ؟! ”
اسيل سابت الفون ورفعت حاجبها مستعجبة :” اذا كان يعرف او ميعرفش ده يخصك في حاجة ؟! ”
مسك :” يخصني اوي لو تعرفي بس مش وقته خالص سلام ” اديتها ضهرها ولسه هتروح اسيل مسكتها من ايدها :” تقصدي ايه بيخصني اوي دي ”
مسك سحبت ايدها بقوة :” اوعي تستعملي معايا الاسلوب ده يا حبيبتي انا بعرف ارد كويس هاه !”
اسيل بنرفزة :” تقصدي ايه انجزي ”
مسك وهي بتقرب من ودنها :” اسألي سي أدم بتاعك يعرفني منين ؟! وعلاقته بيا ايه ؛ اهو واقف وراكي “وسابتها ومشيت
اسيل اتلفت لقيته وراه واقف مخضوض :” وشك جايب الوان ليه يا أدم في حاجة ”
بلع ريقه :” لا مفيش حاجه بس تعرفي مسك من فين؟!”
اسيل بخبث :” ايه ده انت تعرف مسك كمان من فين ان شاء الله ”
ساعتها الناس ابتدت تتلم وراحوا ناحية العرسان عشان كتب الكتاب ؛ ادم لاقاها فرصة وسحبها من ايدها :” يلا نلحق احنا كمان بتفائل اوي بالحاجات دي ”
اسيل :”انت بتهرب يا أدم؟! سيب ايدي ”
ادم :” اهرب ايه بس يا بنتي انا ماسك ف ايدك تقوليلي بهرب بعدين تعالي نشوف ونحضر كتب الكتاب عقبالنا بقي واحنا مبسوطين مع بعض “
اول ما مراد لمحه قام وسلم عليه وخده بالحضن وهمس ف ودنه
:” انا جبتك هنا وخليتك تجيب اسيل عشان تبعد ادهم وتهدده بيها هاه متنساش ”
ادم وهو بيضحك :” اللهم امين ياعم اهي عروستي جمبي ”
اسيل سلمت عليه وهي بتبص في وش ادم استنيته يبعد : ” هو قالك ايه هاه؛ ومتتعاملش معايا بمبدأ اني عبيطة عشان انا بفهم ”
ادم وهو مبتسم :” ما انت فعلا عبيطة مسمعتيش ردي عليه ”
اسيل زعلت :” انا مروحة بقي شوفلك عبيطة تتجوزك ” اتجهت ناحية الباب وهو فضل يبرطم مع نفسه ويجري يحاول يراضيها عشان تفضل : ” هو ده وقت قمص منك لله هو انا ناقص ”
اول ما ما وصلت الباب شهقت :” ادهم !!!! ”
ادهم وهو حاطط ايديه في جيبه :” ايوة ادهم شوفتي البعبع يا عين نين اخوكي ؟! ”
ادم نط وقف قدامها اول ما سمع الإسم
ادهم بهدوء :” ايه يا ادم يس ناوي تموت الليلادي ولا ايه ؟! ”
ادم:” لا مش ناوي اموت بس بدافع عن حبيب..”
ادهم:” اوعي تخلص الكلمة هدفنك وانت حي ” طلع ايده من جيبه واشر علي ناحية العربية .
” بص معايا مين بقي ؛ غزل سليمان الخولي ”
ادم:” بس انا متوقع ”
اللي مش متوقعه اللي انا هعمل دلوقت وبسرعة وكزه في دقنه ورماه علي الارض اسيل فضلت تحاول تمنعه معرفتش .
ادهم بعصيبة :” ابعدي من قدامي “
مسك ادم من ايده وهي ملوية وزقه لقدامه لحد ما وصل مكان ما الماؤذن وجميلة والعيلة كلهم موجودين وكل الناس كانت بتبعد عن طريقه بحكم الغضب وصوته اللي كان مالي المكان
المأذون:” أترضين بمراد شرف الدين ابن ليلي محمد زوجا لك ”
ادهم :” وقف عندك يا مأذون في حاجات لازم تتوضح الاول وبعدها نشوف توافق ولا لا .
جميلة وقفت وقالتله:” مش كفاية اللي انت دمرته جيت عشان تدمرلي اللي باقي مني ؟! ”
ادهم:” وعهد الله انا هبقي مبسوط وسعيد لو انتي هتبقي مبسوطة في الجوازة دي بس مراد هو اللي هدمرك صدقيني ”
مراد:” انت بتقول ايه ”
أدهم:” هشششش مش عايز اسمع صوتك ”
كمل واشر :” تعالي ”
كلهم بصوا ناحية ما اشر :” غزل جات وماسكة ايدها وبتبص لتحت ”
ادهم بصوت عالي :” لسه مجاش اللي اليوم اللي تنزلي فيه راسك غزل ارفعي رأسك وبص في عين كل واحد انتي مش عامله حاجة غلط ؛ المفروض كلهم واحد واحد يعتذرلولك ”
زين مشي بسرعة ناحيتها ويوسف بس سليمان وقفهم.
بعد شوية واول ما وصلت بص علي جميلة:” انا اسف بالنيابة علي العالم الوحشة اللي محاوطينك ؛ انا اسف بالنيابة عن العالم انه خذلك بس لازم افضح كل واحد فيهم عامل ايه ”
بص ناحية نوسة :” بنتك بريئة يا خالتو بنتك بريئة وملهاش في المشي الباطل صدقيني ”
نوسة بصتله بتعجب : ” بس وانا شوفته ف المستشفي والتحاليل ”
ادهم قال لعمو سليمان يمسك ادم وميهربش ؛؛ سليمان مسكه وهو فضل يدور علي مسك
نوسة :” انت بتدور علي مين ؟! ”
ادهم سحب مسك من ايدها من ورا نوسة :” اللي بتستخبي ورا ضهرك وهي نفسها اللي حنت ضهرك يا خالتو ”
صوت هاجر جاي من اول الصالة:” فاتتني دراما كتير ”
أدهم:” ازاي ودي تجي نبداها من غيرك ”
هاتي البروجكتر وتعالي بالفيلم .
هاجر فضلت بتبعد في الناس من قدامها وشغلت البروجتكر ؛ شغلت الفيديو؛ كان في مكتب مراد ؛ كانوا بيتفقوا ازاي هينفذوا الهجوم علي ياسر الخطيب عشان ينشغل أدهم بيه ويفضل ملهي ؛ وازاي ادم هيستغل اسيل لنفس السبب في حال انه ياسر محصلوش حاجة.

جميلة:” بس ده بردك مش مبرر اسيب مراد لو انت عامل كل ده عشان اسيبه ”
ادهم قرب ناحية جميلة وحط ايده في جيبه وساب مسك :” اهدي يا بيبي دي البداية ؛ تعرفي مسك ؟! ”
جميلة:” انت ازاي تسالني سؤال عارف اجابته ؟! ”
سالها تاني وصمم تجاوب وسألهم كلهم واحد واحد .
أدهم:” احب اعرفكم بمسك اللي متعرفوهاش ” بص ناحية اسيل وكمل :” ودي المفاجأة التانية ليكي عشان اما اقولك ادم مش كويس تصدقيني ”
طلع ورق وحطه في قدامهم وكمل كلام :” مسك زوجة ادم يس ؛ بش طبعا زواج عرفي ! ”
جميلة اتخضت !!
وأدهم فضل مكمل :” وده مش المهم ف الموضوع ؛المهم انه ادم استغل اختك وبنتك يا ماما نوسة وبابا سليمان عشان تديها دوا كل ما تعمل فحص تلاقي فحص الحمل إيجابي وبالتالي انتو تتعصبوا وتخلصوا عليها ؛ مراد يرضي يتجوز بنتك وتشوفوه عامل جمايل عليكم ”
يوسف مسك ادم من رقبته : ” الكلام ده صح ؟! ”
ادم بتأتأ :” انا مليش ذنب كله بسببه مراد
مراد كان متفاجئ ومخضوض أدهم قرب منه وهمس ف ودنه :” انا عارف انك مش عارف بس بستغل ظروفك زي ما استغليت ظروفي واحدة بواحدة مبروك يا عريس ”
مراد بص ناحية جميلة :” استني والله ما كنت اعرف اديني فرصة هفهمك ”
جميلة وقعت واغمي عليها وكلهم جروا ناحيتها ادم ومسك استغلوا الوضع وكانوا خارجين بيهربوا .
ياسر الخطيب طلع قدامهم واداله بالقلم :” علي فين يا بني لسه بدري الحفلة ف اولها “

 رواية تيم الغريم الفصل الرابع عشر 14 -  بقلم اسرار رحمة الله
nada eid

تعليقات

ليست هناك تعليقات
إرسال تعليق
    google-playkhamsatmostaqltradent