رواية رهينة تحت تهديد السلاح كاملة بقلم نور احمد عبر مدونة دليل الروايات
رواية رهينة تحت تهديد السلاح الفصل الثالث عشر 13
الالفي بغضب: فوزي ده تعدى حدوده هو ازاي يخطف احفادي ويخليهم عنده لحد دلوقتي
مراد بصدمه وفي سره: يعني غزل تبقى بنت عمي وهو ضحك عليا كرهينه ليا
عادل بسرعه: لا لا لا انتوا فاهمين غلط هو حكالي الحقيقه
مراد بتركيز: حكالك اي
عادل بدأ يحكي اللي قاله فوزي وبعد ما خلص مراد قام بسرعه
مراد بصوت عالي: كدب الكلام ده كله كدب هو ضحك عليك بالكلمتين دول عشان بس يفلت مني….
عادل: والله يا مراد بيه كان شكله زعلانه على ياسين انه هيفارقه
الالفي: انا عايز اروحله دلوقتي حالا
عادل: بس الساعه دلوقتي 10
الالفي: ميهمنيش انا عايز اشوف حفيدي دلوقتي
عادل: ماشي
وقاموا هما التلاته ومراد متغاظ جدا ازاي فوزي يضحك عليه ويجوزه بنت عمه كرهينه ليه
……….. في منزل فوزي………..
خرج ياسين من البيت علشان يشم هوا لانه كان مخنوق جدا
بينما عربية مراد وقفت قدام البيت بتاع فوزي.. وعادل خبط على الباب ففتح فوزي
فوزي: الالفي بيه؟… اتفضلوا
دخلوا البت فـ مراد مسكه من ياقة هدومه بغيظ وغضب
مراد بغضب: بقى انا تضحك عليا يا فوزي وتجوزني بنت عمي وانا معرفش
عادل بيحاول يبعده عنه
فوزي: والله ما كنت اعرف
مراد بغيظ: انا ميضحكش عليا بالكلمتين دول مفكرني غبي
الالفي بصوت عالي: بااااااس ابعد عنه يا مراد
مراد بعد عن فوزي وكان في قمة عصبيته
الالفي بحده: قصدك بأيه جوزك بنت عمك يا مراد
مراد بتوتر:اااا.. غ.. غزل
الالفي: مالها غزل
مراد: هي بنت عمي
الالفي: احكيلي كل حاجه
مراد: حاضر يا جدي….. انا جيت هنا من غير ما تعرف يا جدي وو… وكان معايا شوويه حراس واقتحمنا البيت ودار حوار بيني وبين فوزي واتفقت اني اتجوز بنته غزل كرهينه ليا بس مكنتش اعرف انها بنت عمي……. وضحكت عليك بأنها بنت واحد تاني غير فوزي
الالفي بصرامه حاده وصوت خشن من الغضب:لينا كلام تاني في البيت وهنتحاسب بعدين
وبص لفوزي اللي بيصب عرق من الخوف
الالفي بصوت خشن: فين حفيدي
فوزي: مش هنا خ. خرج من شويه يشم هوا لانه كان متضايق
الالفي: هنستناه هنا
فوزي: تشرفونا .. اتفضلوا اقعدوا
قعد كل من عادل والالفي ومراد اللي بيبص ليه بغيظ
فوزي: تشربوا اي
مراد بحده: ولا حاجه
………….في القصر…………
جنات: انا خارجه
زينب: الساعه 10 رايحه فين دلوقتي
جنات: صحبتي رجلها اتكسرت فرايحه اطمن عليها مش هتأخر هى ساعه وهرجع
زينب: تمام خلي بالك من نفسك
جنات: ماشي سلام
وخرجت ممن القصر وركبت عربيتها وفضلت تمشي بيها فوقفت عند بيت ونزلت من العربيه ودخلته وخبطت على الباب وفتحتلها واحده ست
_اهلا اهلا اتفضلي
جنات: يزيد فضلك
ودخلت
_اي الغيبه الطويله دي يابت… احلويتي فيها يا جذمه
جنات ضحكت: والله انتي اللي احلويتي يا طنط
_بجد شكرا يا حبيتي….. عامله اي انتي
جنات: تمام الحمدلله
_جايه تطمني على صحبتك الموكوسه اللي كسرت رجلها
جنات هزت راسها بضحكه
_جوا ادخليلها… جاها وكسه ساايبه عليا شغل البيت
جنات ضحكت فدخلت الاوضه حيث كانت واحده قاعده على السرير وماسكه التلفون
جنات: نونو يا نونو
نورهان: اهلا ادخلي
جنات: مش بتسألي عليا يا كلبه
نورهان: قال يعني انتي اللي بتسألي عليايا جذمه
جنات: طيب اخبار رجلك اي
نورهان: مش عايزاها تروق
جنات: ليه
نورهان براحه: احسن معامله والعز اللي انا قاعده فيه ده
جنات: ايون ايون سايبها كل حاحه على امك الغلبانه
امها من ورا جنات: اه يا كلبه البحر فرحانه عشان رجلك اتكسرت
جنات ضحكت ونورهان لوت بوزها
……….عند ياسين ……….
كان قاعد على الرصيف وكان في طفل ماشي مع امه وسمع حديثهم مع بعض
الطفل: ماما انا عايز ايس كريم من ده
وكان بيشاور على واحد بيبيع ايس كريم بس على الرصيف التاني
امه: لا الجو برد وانا مفيش مراره اني اتحمل تعبك
الطفل بتذمر: بس انا عايز ايس كريم
امه: مفيش ايس كريم
الطفل: لا انا عايز
امه: مش هنجيب
الطفل غضب فساب ايد امه وفضل يجري عشان يروح لصاحب الايس كريم
امه بصوت عالى: عززززيييز ارجع يا عزيز والله هضربك
عزيز تجاهلها وفضل يجري… فقام ياسين بسرعه جري عليه لما لقي عربية جايه ناحيته
……….. قبل ذلك بقليل………..
جنات: يلا انا ماشيه عشان انا قولت مش هتأخر
_نورتينا يا حبيبتي ابقي تعالي مره تانيه
جنات: ان شاءلله
ومشيت وخرجت من البيت وركبت عربيتها ومشيت…… وهي ماشيه تليفونها رن وكان على المقعد اللي جنبها بس بعيد شويه انحنت عشان تجيبه لكن ظهر طفل صغير كان بيجري
جنات بفزع: اععععع حاسبب
امه: عززززيييززز
لكن لحقه ياسين ومسكه من هدومه وشده ليه ووقعوا والعربيه اتخطتهم وبعدين وقفت ونزلت جنات بهلع وخوف
جنات بفزع: ااا… انتوا كويسين
ياسين وهو بيقوم بتعب: ااه كويسين
جنات بدموع: انا اسفه مكنتش واعيه
ياسين: حصل خير
ام الطفل جت وحضنت عزيز بخوف ولهفه
امه: حبيبي انت كويس حصلك حاجه
عزيز هز راسها بخوف وحزن
امه: حسابنا في البيت
وبعدبن وقفت وبصت لياسين بأمتنان
امه: شكرا ليك انا بشكرك بجد
ياسين بأبتسامه: العفو
امه: يلا بينا يا عزيز حسابنا في البيت.
ومسكت ايد عزيز بغضب
ياسين: براحه عليه هو لسه صغير
هزت الام راسها واخدت ابنها ومشيت… اما جنات بصت لياسين
جنات بأبتسامه: انت جدع
ياسين بصلها: هااا… لا اي حد غيري كان عمل كده
جنات: بس مش كل الناس
ياسين: قصدك اي
جنات: قصدي. انت شجاع بس
ياسين هز راسه بتفهم: فرصه سعيده
جنات ابتسمت: طيب مع السلامه
وركبت عربيتها ومشيت. ام هو فضل يمشي لحد البيت وهو بيفتكر ابتسامتها اللي كانت جميله حس بالنجذاب ليها… فتح باب البيت ودخل وقف مره واحده لما لقي الالفي وعادل ومراد قاعدين مع ابوه بس هما مخدوش بالهم منه
فوزي: اظن ان المحامي عادل قالكوا على الحقيقه
مراد بغضب: كلها كدب انت بتحاول تبرر لنفسك كده عشان متتحاسبش على فعلتك دي
الالفي: مررراااد
مراد سكت لكن فاجئهم صوت ياسين الغاضب
ياسين بغضب: انت تاني….. بتزعق لبابا كده ليه
كلهم بصوله والالفي لما شافه قرب منه
الالفي بتركيز في عيونه: انت ياسين
ياسين: ايوه مين ا….
قاطعه حضن الالفي اللي حضنه بحب
الالفي بعد عنه بحنان: شبه باباك اوي الله يرحمه كأنه واقف قدامي دلوقتي
ياسين: بس انت مين
الالفي بحنيه: انا جدك الالفي
- يتبع الفصل التالي اضغط على ( رواية رهينة تحت تهديد السلاح ) اسم الرواية