رواية اسرت عقلي كاملة بقلم هاجر الغريب عبر مدونة دليل الروايات
رواية اسرت عقلي الفصل التاسع 9
حمدان قفل على ليالى فى المخزن كويس وخرج
ليالى بدموع: يارب نجينى من الراجل دا
فضلت تدور على اي مخرج بس كل حته متقفله بحديد
فضلت تبكى وتفكر وتدعى ربها لحد ماضغطت على السلسله بالغلط
عند يامن
رماح ليالى ضغطت على السلسله الموقع ظهر
طب يلا نتحرك مستنين ايه
يلا
نزل رماح ويامن يتحركو بالعربية ناحيه الموقع ويامن فى شدة القلق على ليالى وبيدعى ربه انو يحميها
ليالى: يارب انقذنى يارب
يامن: ها يلا الموقع فين
رماح: خلاص قربنا نوصل اهو
اية المكان الغريب دا
مش عارف الموقع بيقول ان هى فى المخزن دا
استنى دا اللى واقف هناك دا حمدان
طب هنعمل اية
متقلقش انا هتصرف
نزل رماح وراح ناحية حمدان
حمدان: رماح بيه اية اللى جابك هنا
ابوى كلمنى وقال اروح اتصرف مع ليالى ابعد عنى علشان انا متعصب
يارماح بيه شريف بيه بلغنى اسيبها سليمه مأذيهاش
ابعد من قدامى يا حمدان انا هتصرف معاها مش هأذيها
لازم اتصل بشريف بيه الاول ابلغه
يامن جه من وراه وضربه على دماغه ووقع
ازاى ابوك يعمل كدة فى ليالى
ابوى ممكن يقتلنى انا علشان الفلوس
للدرجه دى بقا كده
واكتر من كدا يا يامن يلا بسرعه ندخل
يامن اخد المفتاح من حمدان اللى واقع على الارض وفتح الباب بسرعه
لاقى ليالى قاعدة على الارض وضامه رجليها وبتبكى وبتقول كلام غريب
يامن: لياااالى ردى عليا انتى كويسة مالك
ليالى كانت فى نوبة بتجيلها وعمالة تقول كلام
بابا لا متسبنيش ياباباااا لااااا
ليالى ردى عليا انتى معايا ردى
رماح دخل فى ايه هى كويسه
لا مش كويسه عماله تقول كلام غريب
شكل جاتلها النوبه تانى سيبها انا ههديها
نوبه اية
هحكيلك بعدين سيبها
ليالى ردى عليا انا جنبك ليالى
رماح بابا مااات
اهدى بس انا جنبك اهو متخافيش اهدى
رماح حضنها وحاول يهديها وفجأه محسش بنفسها بيبص عليها لاقها اغم عليها
يامن بقلق هى حصلها ايه شيلها خلينا نوديها المستشفى
يلا
رماح شال ليالى وركبها العربية وركب جنبها ويامن ساق باقصى سرعه وراح اقرب مستشفى ودخلها
دكتور بسرعه
الدكتور: فى اية
يامن: اغم عليها ومش عارف حصلها اية
الدكتور قاس النبض لاقاه بدأ ينخفض
جهزولى غرفة الانعاش بسرعه
رماح: فى اية يادكتور
الدكتور: المريضة نبضها بيقل لازم ناخدها الانعاش
………….
ليالى
بابا انت فين باباااا
انا هنا ياحبيبتي
بابا وحشتنى اوى يابابا
انتى كمان وحشتيني اوى ياليالى عامله اية
مش كويسة من غيرك يابابا انا عاوزاك
ينفع كدا يا ليالى عاوزة تسيبى ماما لواحدها
لا انا بحب ماما ومش عاوزة اسيبها بس. انا تعبت اوى يابابا عمى الظالم. عاوز يأذينى
مش هيعرف يأذيكى طول ما معاكى يامن
اشمعنا يامن يابابا لية مش رماح
هتعرفى كل حاجه فى وقتها يا ليالى متستعجليش
متسبنيش يابابا
انا معاكى على طول فى قلبك جواكى بس لازم ترجعى علشان الناس اللى قلقانين عليكى وبيحبوكى
حاضر سلام يابابا
سلام ياحبيبتي
واختفى طيف خليل والنور اختفى
الممرضة: دكتور النبض رجع طبيعى
الدكتور: خلاص وقفى الصعقات وعلقى ليها محلول دلوقتي
حاضر
الدكتور طلع من غرفة الانعاش
يامن: طمنى يادكتور
الدكتور: الحمدلله نبضها رجع طبيعى بس لازم تفضل على الجهاز النهارده تحسبا لاى خطر
يامن: تمام
رماح حط ايده على كتف يامن متقلقش هتبقا كويسه وهتفوق
ياريت بجد تقوم
حبيتها يا يامن
للاسف حبيتها جدا عشقتها مبقتش قادر استغنى عنها خالص وخايف انها لما تعرف الحقيقة تبعد عنى
لية بتقول كدة
لانى اتخليت عنها وسافرت انا كنت امانها الوحيد وفجأه سبتها ومشيت
متقلقش هتسامحك يا يامن
يامن راح وقف قدام غرفة الانعاش وبيبص على ليالى من الازاز ودموعه نزلت
سامحينى ياليالى انى سبتك بس مكنش فى ايدى حاجة اعملها سامحينى
………………
يعنى اييييه ازاى تهرب منك دى حتة عيله لا راحت ولا جت تهرب منك
ياشريف بيه انا كنت واقف بحرسها ودخل عليا رماح بيه وكان باين عليه الغضب وكأنه عاوز يقتلها مقدرتش امنعه وروحت علشان اتصل بيك بس فى حد ضربنى على راسى ووقعت ومدرتش بحاجة تانى
غبى انا غلطان انى سبتها مع واحد زيك بس عادى فلتت مرة مش هتفلت التانية
شريف قام من بيته وراح على دوار اخوه وخبط فتحتله فريدة
فريده: اتفضل ياشريف خير فى حاجه
شريف: خير ان شاءلله يامرات اخوى الحكايه ومافيها بنتك
فريده بقلق: بنتى مالها
بنتك المصونه اللى راحت مصر علشان تدرس قاعده مع شاب لواحديهم
كيف يعنى اية الكلام دا
زى مابقولك قاعده مع واحد فى بيته
والله اعلم بقا اذا كانت عملت حاجه ولا لسة
عنوانها اهو لو مش مصدقانى روحى شوفى بنفسك
وقام وسابها
مستحيل ليالى تعمل كده دى بنتى وانا عارفاها واستنت لتانى يوم علشان تسافر لبنتها وتتاكد
….
……………………
فى المستشفى
ليالى اتنقلت اوضة عادية وبدات تفوق
لاقت يامن ورماح نايمين على الكنب وهى مش فاكره حاجه حبت تخضهم
رمااااااااااااح
رماح قام مفزوع ويامن كمان
رماح: ايه فى ايه مالك
هههه لا مفيش انا كنو عاوزة اخضكو بس
يامن: تخضينا ياشيخه قطعتى خلفى من قبل مااخلف
فدايا المهم دلوقتي قولولى هو انا ايه اللى جابنى هنا وايه اللى حصل
رماح بص ليامن
رماح: مفيش حاجه حصلت انتى بس دوختى شوية واغم عليكى شكلك مكلتيش
ممكن برضو طيب انا عاوزة اروح
يامن: حاضر انا هروح اشوف الدكتور يكتبلك على خروج
ليالى سرحت وافتكرت الحلم اللى شافته وهى نايمه وباباها
رماح: لياااالى
ها فى ايه
انتى سرحتى في ايه
ولا حاجه
يامن دخل عليهم
الدكتور جاي يطمن عليكى علشان تخرجى
الدكتور كشف على ليالى
لا دى بقت كويس خالص الحمدلله تقدر تروح مين هو حضرتك جوزها
رماح: لا مش جوزها انا اخوها ودا صاحبى
طيب لو سمحت عاوزك فى كلمه
رماح: ايوة يادكتور فى حاجه
اللى حصلها دا ناتج عن حاله نفسيه هى مصابة بيها ولو اتكررت وملحقتوهاش هتسبب انخفاض فى ضربات القلب والوفاه فاانا بقترح عليك توديها لدكتور نفسى
تمام شكرا يادكتور
العفو
ليالى انتى قادرة تمشى
ايوة انا كويسة يا يامن
طب يلا قومى هنمشى
رماح دخل وسندها ونزلها العربية ويامن ساق وروحو البيت
………………………
فى دوار خليل جبران
فريدة: كدة ياليالى ماشى يابت بطنى اه لو طلع كلام عمك صح انا هدبحك بأيدى ياليالى
وحضرت شنطتها واستعدت علشان تسافر القاهرة
………………………
ياترى اية اللى هتعمله فريدة مع ليالى
- يتبع الفصل التالي اضغط على ( رواية اسرت عقلي ) اسم الرواية