رواية اسرت عقلي كاملة بقلم هاجر الغريب عبر مدونة دليل الروايات
رواية اسرت عقلي الفصل الخامس 5
ليالى: حسام
ازيك ياليالى كويس انك لسة فكرانى
انت بتدرس هنا فى الجامعه
ايوة بدرس هنا
اه تمام طيب عن اذنك علشان عندى محاضرة
ماشى
ليالى مشيت وهى بتكلم نفسها دى شكلها هتبقى سنه مش لذيذة خالص
………………
ليالى طلعت المحاضره وكانت اول محاضرة ليها وقابلت هناك سما وبدأوا المحاضرة
اهلا ياشباب انا الدكتور مختار هشتغل معاكو السنه دى ان شاءلله نبدا محاضرة لينا تعارف كل واحد يقوم يقول. اسمه
كل واحد قام يقول اسمه ويقعد وجه الدور على ليالى
ليالى خليل جبران
مختار: اية ليالى
ايوا يادكتور فى حاجه
لا ولا حاجه اتفضلى اقعدى
وبعد شوية خلصو المحاضرة
سما: قوليلى ياليالى هو الدكتور مختار كان مستغرب من اسمك لية
مش عارفة ياسما والله
مختار: انسة ليالى لوسمحتى ممكن تيجى على مكتبى
حاضر يادكتور
بقلك اية ياسما روحى انتى وانا هشوف عاوز اية واروح
نقف هنا لحظة(دكتور مختار عزيز دكتور فى 45من عمرة متزوج ومعندوش اولاد)
الباب خبط
مختار: اتفضل
ليالى: ايوة يادكتور حضرتك طلبتنى
تعالى يا ليالى اتفضلى انتى اسمك ليالى خليل جبران صح
ايوا يادكتور صح فى حاجه ولا ايه
كنت عارف انه هيجى يوم وهشوفك ابوكى الله يحرمه خليل مكنش مجرد فلاح صعيدى ابوكى كان متعلم وكان عارف كل حاجه كمان كان عامل لنفسة شغل هنا من غير ماابوه يعرف ولما كان بيسأله بتسافر لية كان بيقولو انو بيجيب اسمدة ومستلزمات للارض هتخلى زرعهم احسن زرع فى البلد وطبعا جدك كان يهمه اسمه وسمعته بين البلد بس فى نفس الوقت كان يهمه الفلوس برضو فكان سايبة داير الشغل المهم ابوكى لما جه القاهرة علشان يدرس اتعرف عليا وبقينا صحاب اوى ولما خلصنا الجامعه عملنا شغلمع بعض
طب لية بابا مقاليش انه درس وكان ديما بيتعمد انه يبين كدا
لان حلمه مكتملش جه يوم وعمك راقب خليل وعرف انه بيدرس ورجع بلغ جدك وقتها جدك عاقب خليل وحبسة وخلى علية حراسة وطبعا عمك مسكتش فضل يقول لجدك انو يحرمه من الورث علشان غلط وفعلا جدك كان حرمه من الورث بس لحد ماابوكى شاف بنت من البلد وحبها وقرر انو يتجوزها وفعلا اتجوزها ولما جدك حس ان ابنه رجع فى حوار السفر دا واتجوز قرر انه يكتب ورثة لاول طفل يجيبة والطفل دا هو انتى بعدها لما كبرتى شوية ابوكى للحظ انك حابة الدراسة والقراءة زية بالظبط فخاف عليكى من عمك وجدك فقرر انه يخبى عنك انه متعلم بس دا ميمنعش انو كان عارف انك فى يوم من الايام هتتعلمى وهتسافرى برضو علشان كدا كلمنى وقالى انك لو عملتى دا فى يوم من الايام وهو مش موجود اخد بالى منك واسلمك الشغل بتاعه
كل دا بابا كان مخبيه عنى طب ازاى
باباكى كمان قال انك ليكى ابن عم كان برضو حابب الدراسة وكان معاكى على طول كان اكبر منك بس مش فاكر اسمه
اسمه رماح يادكتور
لا مش دا فى واحد تانى بس مش فاكر اسمه
اه يامن بس دا مات يادكتور وعمى اخد عزاه
الله يرحمه المهم دلوقتى انا عاوزك علشان اسلمك الشغل وافهمك طريقته
اكيد طبعا يادكتور بس هو بابا كان بيدرس اية
باباكى كان بيدرس تجارة ادارة اعمال
شكرا يادكتور انا هروح دلوقتي البيت وابقا اتواصل مع حضرتك علشان محتاجه وقت افكر وارتب دنيتى
اكيد معاكى وقتك واول ماتكونى جاهزة بلغينى بس قوليلى هو عمك يعرف انك هنا
لا عمى لما عرف اصلا انى هسافر رفض وكان حابسنى بس ابن عمى رماح هربنى من غير ما هو يعرف
طيب خلى بالك على نفسك كويس عمك دا ممكن يأذيكى ملوش امان
متقلقش يادكتور انا هعرف اقف قصاده عن اذنك
اتفضلى يابنتى واعتبرينى زى والدك بالظبط والدك كان اعز الناس عليا
تسلم يادكتور مع السلامه
سلام
………………………..
فى بيت يامن
يامن: مالك ياليالى بتبكى لية
ليالى بدموع: ولا حاجه بس حاجة دخلت فى عينى
لا انتى بتبكى ممكن تحكيلى اساعدك
هحكيلك قصتى كلها علشان مفيش غيرك دلوقتي يساعدنى
قولى سامعك
انا اسمى ليالى خليل جبران من مدينه قرنه مكان قريب من الاقصر وتلال طيبه انا وحيدة مليش اخوات ليا عم واحد وهو شريف جبران عنده ولدين رماح وبنت اسمها قمر ويامن بس يامن مات
يامن: مات ازاى وامتى
انا مش عارفه فى يوم من الايام وانا عندى 10سنين صحيت من النوم قالولى ان يامن مات وعمى نصب العزا لية المهم انا كنت بحب الدراسة وكان نفسي ابقا متعلمه واروح المدرسة بس بابا كان بيمنعنى بس انا كنت مصممه وكنت بحاول اتعلم القراية والكتابة عن طريق كتب بجيبها من ورا بابا ولما بقا عندى 12سنه بابا مات وسابنا انا وامى لعمى انا مكنتش اعرف ان هو ظالم وجبروت كدا وطلع كان بيعاملنى حلو طول الفترة دى علشان ياخد الورث منى اللى جدى كاتبة باسمى بس لما عرف انى كشفته على حقيقته بدأ يحبسنى ويقسى عليا ولما عرف انى كنت بدرس وهسافر القاهرة رفض وخلى عليا حراسة علشان مسافرش بس رماح هربنى وجبنى هنا
كملى وبعدين
ليالى انهارت وبدأت تبكى جامد ويامن حس انها لازم تهدى
خلاص كفاية متحكيش دلوقتي اهدى متبكيش تعالى ناكل انا جايب اكل تحفه هيعجبك وبعدين نعمل قهوة ونقعد نكمل يلا قومى اغسلى وشك بسرعه
ليالى مسحت دموعها زى بضهر ايديها زى الاطفال وقامت تغسل وشها وجات علشان تاكل
……………………
ياترى بقا هيحصل اية وليالى فعلا هتاخد الشغل بتاع ابوها ويامن هيساعدها ازاى
- يتبع الفصل التالي اضغط على ( رواية اسرت عقلي ) اسم الرواية