رواية لم يكن عالمي كاملة بقلم شيماء شاكر عبر مدونة دليل الروايات
رواية لم يكن عالمي الفصل الرابع 4
واقف بعيد في نفس أوضتها وقرب من سريرها بأبتسامه😈
هو كل ما يقرب
همس تحس بنسمه ساقعه وبتحاول تنام وتكدب أحساسها لغايط موقف قصاد سريرها
همس أعدت مفزوعه مره واحده وبقت تبص يمين وشمال بخوف لاكن مفيش أي حد
همس مقدرتش تستحمل ودموعها نزلو وحطت أديها على وشها : أي اللى بيحصلي انا مش عارفه أذا كنت حتى بتخيل أو لاء انا تعبت تعبت من الخوف اللى سيطر عليا
فاجئه لقت الفاظه اللى على الكمودينو وقعت
بصت على الكمودينو بفزع ودموعها بتنزل بلعت رقها وقامت جابت الفاظه الوقعه وبصت حوليها لقت شباك أوضتها مفتوح والهوا بيدخل منه
همس بصت على الشباك شويه بدموع وبعدها ضحكت في وسط دموعها :هههه أهدي ياهمس ده الشباك مفتوح وانا اللى كبرت الموضوع على الفاضى
همس راحت قفلت الشباك كويس ونامت على السرير بهدوء نوعآ ما وغلبها النوم
هو بصلها شويه وبعدها مشي
…………..
همس فاقت من النوم على منبه فونها فصلته وأعدت وتنهدت بضيق : الشغل مرتبه حلو جدآ مش عايزه اسيبو وفي نفس الوقت بحس انه يخوف
همس بتفكر : خلاص انا هشتغل ومليش دعوه بحد اخلص شغلى واجي على هنا اى اللى هيربطني بلمدير يعني غير الشغل
همس قامت دخلت خدت شور وجهزت للشغل
همس وهى بتاكل السندوتش : ماما انا نزله
ماما همس بابتسامه : طيب يا قلبي خدي بالك من نفسك متجيش متأخر تاني
همس بابتسامه : سلام يا قلبي
همس نزلت وركبت تاكسي
وصلها لشركه الحديدي للأستيراد والتصدير بتاعت مالك
طلعت راحت للسكرتيره تقلها جت ودخلت مكتبها بصت في الساعه لقتها ٨
وتأكدت المرادي انها مظبوطه
همس ابتسمت : علشان مسمعش محاضره اديني جيت على المعاد مظبوط اهو
الباب خبط
همس : اتفضل
السكرتيره دخلت ودتها الملفات اللى هترجمها
همس بصت للملفات ببق مفتوح
السكرتيره نور ضحكت وقفلتلها بقها
همس بصدمه وعياط مصطنع : لى كده يا نور هو انا يا بنتي عدوتك
نور : هههه اعمل اي طيب يا قلبي الشغل كتير وأجدعني علشان المدير مبيحبش الكسل
همس سمعت سيرة مالك بصتلها برتباك : هو انت ازاي بتتعملى معاه كا سكرتيره خاصه بحس ان التعامل معاه صعب شويه
نور اتنهدت : صعب كتير
بصت لهمس : بصي انا من معشرتي ليه ٥ سنين اقدر اقولك ان هو جد جدآ وشغله رقم واحد في حياته يعني شغلك كويس وظبوط هيكون كويس لاكن لو الشغل مش عاجبه مفيش فرصه تانيه رفد على طول اصلآ انا سمعت ان السكرتيره اللى قبلي رفدها علشان اتأخرت عن معادها في الشغل ١٠ دقايق
مستر مالك يعنى انضباط وشغل كويس غير كده متشتغليش في شركته
همس استغربت كلمها جدآ دي اتأخرت ساعه بحلها وقلها متكررهاش وخلاص وهددها برفد لو أتخرت تاني لاكن مرفدهاش
نور مشيت راحت مكتبها وهمس فكرت شويه في مالك وبعدين بدأت تشتغل
حست فاجئه بنسمه الساقعه اللى تقريبآ اتعودت عليها من ساعت مجت الشركه دي
همس غمضت عنيها والنسمه الساقعه بتذيد لغايط مهمس حاسه انها دخلت تلاجه لفت ايدها حولنها فتحت عنيها وبتبص يمين وشمال
همس قامت وقفت
وخرجت جري من المكتب
ووقفت قدام مكتب مالك وخبطت
مالك : اتفضل
همس دخلت بشجاعه وبصتله
اول ما عنيها جت في عنيه اتوترت ورتبكت جامد
مالك بصلها : في اي
همس بتوتر : انا عايزه استقيل
مالك قام وقف قصدها
همس بصتله بتوتر وفي نفسها : ياااه اي الطول ده انا بجد بدأت اخاف
مالك بصلها : قولتي عايزه اي
همس بتوتر وارتباك بترجع خطوات لورا ومالك بيتقدم خطوتها اللى بترجعها
همس لقت الباب ورا ضهرها ومفيش خطوات لورا تاني غمضت عنيها بتوتر : بقول عايزه امشي من هنا
همس حست بنفس النسمه الساقعه بس على اقوى وبقت تتنفس بصوت مسموع وده كله مغمضه عنيها
مالك مردش وهى بقلها تقريبآ دقيقه مغمضه
فتحت عنيها لقت نفسها في مكان غريب
بتبص حوليها زي المجنونه :
فين المكتب فين الشركه واي المكان ده الاهم من ده كله فين مالك
معقول انا بحلم لاء مستحيل انا مش فاهمه حاجه
المكان عباره عن غابات واشجار بس الاشجار غريبه وطويله اوووي
وخضرها غريب طيب فين مالك واي اللى جابني هنا اااه هتجنن
همس غمضت عنيها بخوف ودموعها نزلت وبتدعي ربنا تفوق من الوهم ده لأن ده ابعد ما يكون عن الواقع
حست بحد قدمها وقريب منها اووي
همس فتحت عنيها لقت مالك واقف قصدها في المكتب زي مكان واقف قبل متروح المكان الغريب
بصت حوليها بصدمه وخوف وأرتباك
مالك بصلها : عايزه تستقيلي
همس بصتله بتوتر وخوف معقول ده تخيل
وقالتلو: اصل …. الشغل كتير …. و..و القبض يعني
مالك قاطعها : عايزه فلوس ذياده على شغلك يعني
هممم طيب هذودلك الضعف يعني انت بتخدي ٥ هديكي ١٠اي رأيك
همس بتوتر : اللى تشوفو خلاص انا مش هستقيل وكمان مش علشان الفلوس علشان …. علشان انا فكرت وعرفت ان الشغل هنا احسن من اي مكان تاني
مالك ابتسم ابتسامه جانبيه😏 : اتفضلى على شغلك
همس خرجت بسرعه وراحت مكتبها واعدت على الكرسي كل ده بسرعه بتتنفس بصوت مسموع وقلبها بيدق بخوف
همس لنفسها : ازاي ؟!!!!!!
انا كنت فين معقول كان وهم او خيال وكمان انا كنت راحه علشان استقيل لي غيرت رأي ؟!!!!!…
الوهم اللى شوفته ده اكيد كان بيتهيألى علشان كنت متوتره ذياده
ركزي يا همس مالك؟!!!
اشتغلى وروحي وبطلى خوفك وتوترك من المدير المتسلط ده اوكي كل شىء تمام
همس بصت على مكتبها شافت الملفات
وبدأت تترجم فيهم وتنفض رسها من الافكار السيئه
خلصت يومها
والساعه جت ٣ ونص
همس خدت بقيت الملفات وحطتهم في شنطتها وخرجت من مكتبها
لقت نور مروحه
همس : ماشيه با نور
نور بأبتسامه : اه يا قلبي نمشي سوا
همس ابتسمت : اي رأيك نتغدي بره النهارده في اي مطعم مخنوقه بصراحه وعايزه اشم هوا
نور بابتسامه : اكيد يلا
نور خدت بلها من طرحت همس : طيب روحى الحمام اظبتي طرحتك علشان هتوقع اهى
همس حطت اديها على الطرحه :والله ؟
طيب
همس مشيت خطوتين وفتكرت النسمه الساقعه اللى بتجلها ديمآ
بصت لنور : تعالى معايا يا نور أقفيلي بره الحمام
نور ضحكت : بتخافي يا بيضه هههه
همس شدتها : اه يختي بخاف تعالى بقا
نور وهمس راحو الحمام نور وقفت بره جنب الباب
وهمس دخلت وقفلت الباب ووقفت قصاد المرايه
همس بصت يمين وشمال بخوف وبلعت رقها وبتحاول تظبط طرحتها بسرعه لاكن بتبوظ منها
همس بزهق : يلا بقا في اي
خدت نفس عميق : اوكي براحه هظبطها براحه
همس خلصت وبتسمت لنفسها في المرايه
بس فاجئه حست بحد وراها نفس قريب من ودنها غمضت عنيها جامد بخوف
الصوت قريب من ودنها جامد وبصوت خفيف خافت جدآ : همسس
همس هنا فتحت عنيها على وسعها ولفت بسرعه بس ملقتش حد
همس جريت على الباب بتفتحه بس مفيش
مش عايز يتفتح
همس بعياط بتخبط على الباب : نوور
افتحيلى
همس حسه ان في حد وراها بتلف مبتلقيش حد همس لفت تاني للباب وبتخبط جامد : افتحولى.. يا نوور
لقت الباب بيتفتح ونور وقفه قدامه
نور : اي يا بنتي ده كله بتظبطى الطرحه
نور لحظت شكلها ووشها العرقان : اي مالك في اي
همس خدتها وخرجت بره الحمام وبتنزل جري على السلم بس نور وقفتها : في اي يا همس هتوقعيني بتجري كده لى
همس سبتها ونزلت جري بخوف
رجليها اكعبلت في السلم حولت توزن نفسها بس مفيش غمضت عنيها بستسلام لقت ايد قويه جدآ مسكتها من وسطها وضغط عليه وقربها منه جامد لدرجه بقت في حضنه همس مسكت في هدومه جامد وغمضت عنيها بخوف ودموعها نزلو وبعدها فتحت عنيها براحه لقت نفسها مابين ايدين قويه جدآ بعدت وحده وحده وبصت للمسكها
مالك بصلها في عنيها وأيد حولين وسطها وأيد مسكا درعها
همس اتفجئت بمالك المدير المتسلط بعدت عنه بسرعه
وبصت في الارض بتوتر : ش..كرآ..شكرآ جدآ
مالك بصلها : مفيش مشكله
وسبها ونزل
ده كله تحت انظار نور الحارقه
نور قربت منها : انت كويسه
همس بصتلها : أيوا انا تمام بس كل حاجه جت بسرعه
نور بابتسامه مصطنعه : يا شيخه خضتيني عليكي لو كنتى وقعتي كنتى انتهيتي
همس ابتسمت بتوتر : لاء انا كويسه يلا
نور هزت رسها ونزلو سوا
راحو مطعم حلو وأعدو وطلبو أكل
همس بقا تفكرها في محورين مالك والنسمه الساقعه اللى بتجلها
همس بصطلها : انت مسمعتيش اي حاجه وانت قدام الباب ؟؟
نور بستغراب : حاجه زي اي؟!!!!
همس هنا اتصدمت : الباب كان معلق ومش راضي يفتح فخبط كتير ونديت عليكي اكتر مسمعتيش اي حاجه من دي؟!!!
- يتبع الفصل التالي اضغط على (رواية لم يكن عالمي) اسم الرواية