رواية زواج بالغصب كاملة بقلم الكاتبة الصغيرة نور عبر مدونة دليل الروايات
رواية زواج بالغصب الفصل الرابع 4
محمد: ألو خلصتي يا نور
ايمان بحرج: انا مش نور
محمد بخوف: امال نور فين
ايمان: نور بس تعبانه شويه عشان حصل حاجه ف المحاضرة
محمد : طب انا جاي حالاً انا ادام الكليه اهوه
ايمان: خلاص يا نور اهدي محصلش حاجه لدا كله
نور برعشه ودموع: شوفتيها كانت عاملة ازاي
ايمان وهي تنظر بعيد: اي دا مين المز اللي جاي علينا دا
نور: محمد
محمد بخوف: نور مالك فيكي ايه
ايمان بهمس لنور: اه يا بنت الفقريه بقا المز دا مش عاجبك
نور وقد ضربتها: لمي نفسك
محمد: فهموني بس حصل ايه
نور بدموع ورعشه: الدكتورة كانت بتقرأ قرآن وفجاة بنت قعدت تخبط ع المدرج جامد وتسد ف ودنها وتقول كلام مش مفهوم ولما قولنا ايه الكرسي البنت رجعت تكتب تاني ولا كأن حاجه حصلت
محمد وهو يضمها إلى صدره: طب اهدي يا حبيبتي محصلش حاجه خلاص بقا
نور: انا عاوزة اروح مش هكمل
محمد: طب يلا
ايمان: مع السلامه
محمد ونور مشيوا
سارة ل ايمان: هو مين المز اللي كان حاضن نور من شويه دا
ايمان: انتي دايماً حاشرة نفسك كدا
سارة: اخوها صح
ايمان بضحك: لا جوزها
سارة بضحك: بجد
ايمان: اه والله
ساره: هو دا اللي مكنتش عاوزاه
ايمان: شوفتي بقا فقريه بعيد عنك يلا احنا نكمل محاضرات يكش يجيلنا كتكوت ونتغصب عليه😂
سارة: يارب 😂
عند محمد ونور ركبوا الباص
محمد: خلاص بقا يا نور كفاية عياط محصلش حاجه
نور بدموع: كل شويه افتكر شكلها
محمد: خلاص حاولي تنسي ونامي
نور بحرج: انام هنا
محمد: نامي ع كتفي وانا صاحي متقلقيش
نور نامت ع كتف محمد ومحمد اخدها ف حضنه وقعد يقرألها قرآن لحد ما نامت
بعد ساعه
محمد: نور فوقي عما انزل اجيب حاجه ناكلها لسه نص ساعه ونوصل والباص مش هيقف تاني
نور: ماشي ومحمد نزل
سيدة كبيرة بالعمر تجلس خلف نور: باين عليه بيحبك اوي يبنتي ربنا يخليهولك
نور بابتسامه: شكراً
السيدة: انا هقولك نصيحة من واحدة العمر وراها كتير حافظي عليه يبنتي معتش فيه زيه اليومين دول دا طول الطريق واخدك ف حضنه وكان بيقرألك قرآن عشان تنامي متضيعيهوش من ايدك
نور بتفكير ف كلامها تذكرت كلام ابيها وسالي اختها: ليه كلكم بتقولوا نفس الكلام
السيدة: عشان الحب ساعات بيجي في شخص مكناش نتوقعه دايماً بنبقا مستبعدينه من حياتنا بس خديها مني اديلوا فرصه وانتي علفكرا بتحبيه بس بتضحكي على نفسك واكبر دليل انك نمتي ف حضنه لما كنتي خايفه الحب يبنتي امان وحنيه قبل كل شئ ولو محسيناش بالأمان والحنيه مع اللي بنحبهم يبقا مفيش منه فايدة فكري ف كلامي
قطع تفكير نور صوت محمد
محمد: معلش اتأخرت عليكي
نور بابتسامه: لا متأخرتش ولا حاجه
محمد: طب خدي كلي جبتلك باتيه وشيتوس من اللي بتحبيه
نور وهي بتاكل: انت مش هتاكل ولا ايه
محمد: هاكل اهوه وبدأ ياكل والباص اتحرك
محمد ل نور: تعالي كملي نوم
نور حضنته ونامت ع كتفه وظلت تفكر بكلام تلك السيدة فحقاً كلامها صحيح فالحب امان وحنيه وتمسك الشخص بك وظلت تشدد من احتضانها لمحمد ومحمد فرح بتصرفها وباس راسها الي ان نامت وبعد ان وصلوا محمد صحاها وذهبوا الى البيت
محمد: السلام عليكم
فريدة: وعليكم السلام حمدالله علي السلامه
محمد: الله يسلمك احنا هنطلع عشان نور تعبانه
فريدة بتأفف: ماشي
ف الشقه
محمد: ادخلي غيري وفكي كدا وحاولي تنسي
نور: حاضر ودخلت غيرت وخرجت ومحمد غير وخرج
محمد: كنت عاوز اقولك حاجه كدا مش عارف هتفرحي ولا ايه
نور بانتباه: قول
محمد: الجامعة عاملة رحلة معسكر ف الغردقه اسبوع ورايح فيها كلية طب واسنان وصيدلة وعلوم
نور بفرحه: بجد
محمد: ايوة
نور بحزن: تعرف من زمان وانا بقول لبابا اطلع رحلة بس مكنش بيوافق عشان بيخاف عليا
محمد: خلاص بقا ادينا طالعين اهو وهنقعد اسبوع كمان
نور بفرحه: شكراً اوي ع كل حاجه بتعمليهالي
محمد: ينفع معتيش تشكريني انتي مراتي يعني جزء مني وانا كفايه عليا اشوف ضحكتك دي🥰❤
نور بكسوف: هقوم احضر الغدا وكلو
ف الليل
نور قاعدة بتذاكر: يلهوي انا مش فاهمة اي حاجة ف العضوية دي يارب توب عليا بقا
محمد بضحك: ف ايه بس اي اللي مزعلك
نور بضيق: العضوية دي رخمه اوي والدكتور قاعد بيقرأ وخلاص والامتحان كمان اسبوعين وانا مش فاهمه حاجه
محمد: طب تعالي بس وانا هشرحلك وبدأ يشرحلها ونور فهمت
محمد: ها فهمتي
نور وحضنته: شكراً اوي انت قمر 🥰❤
محمد وقد ضمها اكتر: لو كل مره هشرحلك هتحضنيني وتقوليلي كلام حلو كدا فأنا هشرحلك ع طول 😂
نور وقد انتبهت ع نفسها فتركته بحرج: أنا آسفه مخدتش بالي
محمد بضحك: علفكرا انا جوزك يعني مش شقطاني😂
نور بضحك: شقطاك😂
محمد: ايوة يعني لو مكنتيش هتحضنيني هتحضني مين
نور بحرج: خلاص يعم مكنتش غلطة دي قوم يلا نام عشان الكليه بكرا
محمد: لأ انا عندي شغل بكرا وعشان اخد اجازة اسبوع للرحلة
نور: ربنا معاك تصبح على خير
محمد: وانتي بخير ❤
ف الصباح نور صحيت وجهزت الفطار وكلت ولبست
نور: طب اصحيه اقوله اني نازله ولا ايه ايوة لازم استأذن وخبطت ودخلت
نور: محمد قوم بقا
محمد بنوم: نعم
نور: انا رايحه الجامعه وحضرتلك الفطار برا اما تصحا ابقا افطر
محمد قام وشال الغطا
نور بحرج حطت ايدها ع عنيها: انت علطول تنام من غير تيشيرت كدا
نور بحرج: طب ابعد عشان عندي محاضرة
محمد وهو يتأملها: اي دا انتي حاطة روج
نور: دا مرطب مش روج
محمد وهو يمسحه: ميتحطش تاني
نور بحرج: حاضر
محمد بمزاح: لو عاوزة تحطيه ف الشقه يعني ماشي
نور وقد فهمت قصده: لأ ولا هنا ولا برا يلا سلام عشان اتأخرت وزقته ومشيت
محمد بضحك: عنيفه اوي
محمد فطر واخد دش وراح الشغل
عند نور
ايمان: الحقوا جبتلكم خبر بمليون جنيه
سارة: قولي بسرعه………
- يتبع الفصل التالي اضغط على ( رواية زواج بالغصب ) اسم الرواية