رواية اسرت عقلي كاملة بقلم هاجر الغريب عبر مدونة دليل الروايات
رواية اسرت عقلي الفصل الثالث 3
فى مكان اخر فى شقه واسعه جميله
يامن فى التليفون : لا يارماح مش هينفع طبعا اخدها عندى
رماح:لية بس ياخوى انت اولى بيها بدل ماحد يأذيها وهى بنت لوحدها
يامن: ليالى متعرفش ان انا ابن عمها يارماح
رماح: ومين قال بس انها هتعرف انا هقولها ان انت صاحبى فى القاهرة وخلاص
يامن: فكرك انها هتصدق
رماح: ومتصدقش لية ليالى طول عمرها عايشة هنا فى الصعيد يعنى متعرفش حاجه وكمان اهى منها تاخد بالها منك
يامن: خلاص ماشي هى جاية امتى
رماح: النهارده هى بتلم حاجاتها وهنمشى
يامن: رماح لو ليالى جت القاهرة ابوك هياخد ورثها
رماح: متقلقش هو اصلا كان مانعها تسافر علشان تمضى على ورق التنازل بس هى هتسافر من وراه كدة مش هيعرف ياخد حاجه
يامن: خلى بالك من مرات عمى علشان ميأذيهاش
رماح: متخافش يااخوى امانه فى رقبتى
يلا اقفل دلوقتي علشان ليالى جاية
يامن: ماشى سلام
ليالى: انا جهزت يارماح
رماح: انا هوديكى القاهرة عند واحد صاحبى هناك اسمه يامن هيقعدك فى شقه ويخلى باله منك هناك
ليالى: طب ولية التعب دا انا كدة كدة هعرف اخد سكن لواحدى
رماح: اسمعى الكلام ياليالى ويلا بقا دلوقتي علشان نلحق نمشى
ليالى: طيب هتوحشينى اوى ياماما
فريدة: وانتى كمان يابتى خلى بالك على نفسك زين يابنت خليل متخليش الغربه تغيرك
ليالى: متقلقيش ياامى انتى كمان خلى بالك على نفسك سلام
فريدة: مع السلامه
رماح طلع قبل ليالى يطمن ان مفيش حد
رماح: حمدان اية اللى موقفك كده
حمدان: بنفذ اوامر شريف بيه قالى اراقب ست ليالى
رماح: طب روح انت وانا هفضل مكانك هنا باين عليك تعبان
حمدان: ربنا يخليك لينا يابية
راح حمدان وطلع رماح وليالى على محطة القطر بعد شوية وصلو
رماح: خلى بالك من نفسك ياليالى اول لما توصلى هتلاقى يامن مستنيكى انا كلمته ولما تقابلية خلية يتصل بيا ماشي
ليالى: حاضر سلام يارماح
رماح: مع السلامه
قعدت ليالى فى القطر تفكر وتخطط هتعمل اية ونفسها فى اية لحد ما وصلت المحطة
يامن: يوه بقا هو انا فاضى لشغل العيال الصغيرة دا ودى هعرف شكلها منين بقا هخمن قطع تفكيرة بنت جميله اوى بتكلمة
ليالى: هو حضرتك استاذ يامن
يامن بتوهان: اه انا يامن انتى مين
ليالى: انا ليالى بنت عم رماح
يامن في نفسه: ليالى مستحيل لحقت تكون بالجمال دا
ليالى: احم احم استاذ يامن
يامن: ها معاكى انتى عرفتينى ازاى
ليالى: رماح ورانى صورة ليك علشان اعرف شكلك ماهو اكيد مش هتبقا عارفنى
يامن: اه طيب يلا تعالى علشان نروح
ليالى: تمام
يامن اخد. ليالى البيت عندة وبعد نص ساعه كانو وصلو
يامن: اتفضلى مفيش حد هنا
ليالى: ماشى ودخلت ليالى البيت وكانت مبهورة بتصميمه الجميل والهادى والوسع بتاع البيت كمان
ليالى: الله الشقه جميلة انت عايش فيها لوحدك
يامن: ايوا عايش فيها لواحدى وانتى كمان هتعيشى فيها الاوضة اللى فوق بتاعتك وانا هاخد الاوضة اللى تحت هنا
ليالى: تمام انا هطلع دلوقتي ارتب حاجتى
يامن: تمام متتاخريش علشان انا هجيب اكل
ليالى: طب ولية تجيب اكل انا بعرف اطبخ
يامن: انتى لسة جاية من السفر تعبانه مش عاوز اتعبك اكتر
ليالى: انا مش واثقة فى اكل برا دا وبعدين مفيش تعب ولا حاجه انا هنزل اعمل الاكل
يامن: طيب
طلعت ليالى للاوضة اللى يامن قالها عليها فتحت الباب لاقت اوضه كلها باللون الاسود ومتعلق فيها صورة واحدة متعرفهاش
ليالى: يالله اية دا كل دا لية الاسود يعنى مع ان شكله مش غامض ولا حاجه ربنا يستر
وبدأت ترتب حاجاتها فى الدولاب اللى هو اصلا كان عبارة عن غرفة لتبديل الملابس جواها دولاب
خلصت ترتيب حاجتها وغيرت هدومها ونزلت تحت لاقت يامن ماسك الاب وبيشتغل عليه سابته ودخلت المطبخ علشان تعمل الاكل بعد شوية
يامن: اية دا الريحه دى جاية منين بس ريحة حلوة اوى زى اكل البلد بالظبط
قام دخل المطبخ لاقى ليالى واقفه بتطبخ وبتغنى
القريب منك بعيد والبعيد عنك قريب
كل دا وقلبى اللى حبك لسة بيسميك حبيب
حبيب عينى حبيب احلامى حبيب دموعى والامى
كل دا ويامن واقف سرحان فى صوتها وبيفتكر لما كانت صغيرة وواقفة تغنى فى الجنينه
فلاش باك
ليالى: طيرى ياطيارة طيرى ياورق وخيطان بدى ارجع بنت صغيرة على سطح الجيران
يامن: ليالى بتعملى اية
ليالى: بسقى الورد جميل اوى صح
يامن: طبعا
باااك
يامن فاق على صوتها وهى بتقوله
ليالى: استاذ يامن
يامن: ها نعم
ليالى: واقف كدا لية
يامن: لا انا بس شميت ريحه حلوة فجيت اشوف بتعملى اية بس بتفرج من بعيد محبتش اقطع لحظتك
ليالى بكسوف من انه سمع صوت غناها: ط. طيب خلاص الاكل قرب يخلص روح انت وانا هجيبه لما يخلص
يامن: اممم تمام انا هقعد فى البلكونه شويه
ليالى: تمام
فى مكان اخر عند سما صاحبة ليالى
سما: ياحسام انا قولتلك انها جاية والله
حسام: عرفتى منين
سما: هى كلمتنى بنفسها وقالتلى انها جاية قريب
حسام: ماشى ادينى مستنى
سما: انت عاوزها اوى كدة لية
حسام بسرحان: مش عارف انساها من يوم ماشفتها معاكى مرة بعد امتحانات الثانوية
سما: اااه الموضوع حب والجو الملزق دا طب اخلع انا بقا سلام
حسام: سلام
- يتبع الفصل التالي اضغط على ( رواية اسرت عقلي ) اسم الرواية