رواية معشوقتي الشرسه (كاملة جميع الفصول) حصريا عبر دليل الروايات بقلم همس كاتبه
رواية معشوقتي الشرسه الفصل الثالث 3
(3)
دخل آسر الى الغرفة ووقف بصدمة و اتسعت عيناه
ماسة كانت واقفة قدام التسريحة لابسة بجامة آسر و كانت شالت كل هدومه من الدولاب وحطاها ع الارض و شالت كل عطوره و اكسسواراته الي مترتبة ع التسريحة و حطتها ع الارض كان شكل الاوضة مبهدل جدا
آسر بعصبية : مين الي سمحلك تعملي كدا
ماسة برفعة حاجب : انا سمحت لنفسي
آسر وهو يضغط ع شفتاه بغضب : انا آسر
السيوفي الي ما حد يقدر يقرب على غرض من اغراضي حتت طفلة تدمر اوضتي كده
صاحت ماسة به بغضب : ما تقولش طفلة انا عندي ١٩ سنة ، وكملت بتريقة ، وبعدين كل شوية آسر السيوفي آسر السيوفي ايه يا آخي شايف نفسك على ايه تكونش باني برج ايفل مثلا ، انت حي الله رجل اعمال قد الدنيا شايف نفسك على ايه
آسر مسكها من تلابيبها وقال : لا انتي زودتيها اوي ، انا هنفخك دلوقتي ، انتي ازاي تعملي باوضتي كدا
ماسة : يا شيخ بلا نيلة كل دي اوضة ، الا صحيح بتنضفوها ازاي وبعدين انا اعمل الي يعجبني انت مالك، وانت واخد كل الاوضة انا هحط هدومي فين ، ولا فاكر نفسك عشان غني وامور كدا اني هخاف منك وانام ع الارض واقعد اعيط كل شوية لا فوق يحبيبي ده انا اوديك البحر وارجعك عطشان وبعدين سيب الشاكيت برستيجي ضاع
آسر بشبه ابتسامة : والله انت مجنونة رسمي و شكلك هتتعبيني
راح اخد بيجامة عن الارض ودخل يغير
بعد شوية طلع
ماسة : قولي بقا هتنام فين
آسر : فين يعني هنام ع سريري طبعا
ماسة وهي تحك راسها : وانا هنام فين
آسر : ع السرير برضو
ماسة : لا يا راجل ، وانا ايه الي يضمنلي بقا انه الشطان ما يعملش معاك شغل و تخدش حيائي لا لا انت نام في البلكونة وانا هنام ع السرير
آسر : انت مجنونة يبت ، وبعدين اطمني يختي مش هقرب منك
ماسة : ماشي يسطا اهو كلام رجالة
آسر بقرف : يسطا ! في وحدة في ليلة دخلتها تقول يسطا
ماسة خدودها حمرت
آسر رمى الوسادة وقال : اتخمدي بقا
ماسة : انا اتخمد براحتي انت مالك
في اليوم التالي
استيقظت ماسة قبل آسر ونظرت له بسرحان
قلبها : خايف اتهور و احبه
عقلها : حب ايه يا مجنونة ده الي باع صاحبه و اتجوزك
قلبها : بس برضو هو حلو و امور وشبه الملايكة وهو نايم
عقلها : اه وايه كمان
قلبها : خايف احبه يطلع طمعان فيا
عقلها : طمعان في ايه هو انتي حيلتك حاجة اصلا
قلبها : اتلم بدل ما اديك بالشبشب
فاقت ماسة من سرحانها و قربت ع اسر وفجأة صرخت باذنه باعلى صوت
فاق آسر مخضوض وقال : ايه في ايه
ماسة : ولا حاجة بصبح عليك
آسر بعصبية : كدا تصحيني يا مجنونة قطعتيلي الخلف الله يحرقك
و زقها و قام
ماسة بضحك : وعاملي فيها شبح و انا آسر السيوفي هههههههه
وركضت الى غرفة الملابس واختارت فستان بيبي بلو مع شوز وحجاب ابيض وكانت زي القمر
و نزلت هي وآسر عشان تتعرف ع العيلة
سلمت ماسة على عز الدين وراحت للمطبخ تسلم على فاطمة
ماسة : صباح الخير يطنط ، تحبي اساعدك بحاجة
فاطمة : صباح الورد يحببتي ، انتي ايه الي دخلك المطبخ انتي عروسة
اتت من وراها ست و اسمها صفاء(مرات عم آسر ) ومعها بنتها رندة
وقالت : معلش يا ام آسر تلاقيها مفلحتش مع جوزها قالت اجي اوريهم اني فالحة بالطبخ ع الاقل
فاطمة كانت هتتكلم بس سبقتها ماسة وقالت : معلش يطنط مش كل البنات زي بنتك ، و بعدين انا مكنتش حابة ادخل المطبخ بس اعمل ايه في أسورتي نفسه ياكل من ايدي،و من ناحية فالحة مع جوزي اطمني يا طنط كم شهر و حفيد العيلة هينور القصر ، اسيبكو تحضرو الفطار اصل آسر جوزي حبيب قلبي ما يقدرش يقعد من غيري ثانية
وذهبت وهي تضحك بخبث و قالت : اهي اول عقربة بالقصر دا عرفتها
في المطبخ
ذهبت صفاء ورندة
وبقيت فاطمة واقفة مذهولة من تلك الماسة فهي توقعت انها هتكون ضعيفة نظرا لصغر سنها
قالت بخبث : شكلها دي الي هتربي القصر كله و اولهم آسر ابني ، والله و برافو عليكي يا ماسة انا كنت محتجالك من زمان اوي
في الجهة التانية
صفاء : شوفتي المفعوصة بتكلمني ازاي
رندة : هههه والله دي لسانها طويل و قوية
صفاء : البت دي مش سهلة لازم تنتبهي كويس وركزي بقا
رندة بلامبالاة : يماما انا مش فاهمة انتي عايزة ايه آسر اتجوز وخلاص
صفاء : ايوة اتجوز غيرك يا غبية وكل العز ده هيروح لأم لسان دي
رندة : هههه يماما والله انا لازم اتعلم منها
صفاء : هو انتي فاضية ما انتي ٢٤ ساعة مشغولة بنفسك كل شوية تطلعي بموضة شكل مش كفاية صابغة شعرك بنفسجي
( رندة بنت عم اسر بنت جميلة وعمرها ٢٤ سنة شعرها قصير جدا ولونه بنفسجي فاتح و عندها لامبالاة في كل الامور مش مهتمة غير بنفسها )
ع الفطار
الكل متجمع و في هدوء شديد ما فيش غير صوت الشوك و السكاكين وده استفز ماسة و قالت لآسر بوشوشة : هو في ايه
آسر بعدم فهم : ايه ،؟؟؟
ماسة : مالكو ساكتين يعني
آسر : وهنقول ايه ده وقت اكل مش كلام
ماسة برفعة حاجب نظرت لعز الدين وقالت بصوت واضح : عمو عز انت بتشتغل ايه
عز الدين باستغراب : عندي شركة استيراد وتصدير
ماسة : وانت بقا الريس و برستيج و كدا صح
عز الدين بضحك : ايوة بالزبط
ماسة لآسر قالت بدلع : وانت يحبيبي بتشتغل مع عمو
آسر برفعة حاجب : حبيبي !!! ونظر امامه وجد صفاء متابعة كل دا وعرف انه ماسة بتكيدها وقال : لا يحببتي انا عندي شركتي الخاصة
ماسة بصدمة : ازاي ليه سايب عمو لوحده هو صحيح مز و مش باين عليه انه والدك بس برضو خلفك عشان تساعده مش تنافسه
فاطمة بضحك : انتي بعاكسي بجوزي يبت
آسر : على فكرة انا وبابا بنشتغل مع بعض يماسة بس كل واحد ليه شركة خاصة فيه
ماسة و انسجمت معاهم بالحديث
وده اثار استغراب الجميع و خاصة عز الدين لانه اول مرة يحس انه العيلة مندمجين مع بعض ودا هيقربهم من بعض اكثر
صفاء : وانتي بكلية ايه يماسة ،اه يمكن ما معكيش فلوس تدخلي كلية او اصلا مكملتيش تعليم
ماسة : لا يطنط انا كنت شاطرة جدا بالمدرسة و جبت امتياز بالثانوية بس انا قلت لنفسي اتجوز بالاول و ازبط اموري بعد كدا اتعلم واكملت بدلع مش كدا يا أسورتي
عز الدين انفجر ضاحكا لما سمع اسورتي
آسر بشلل: اسورتك ؟؟؟؟ اه يحببتي اتفقنا على كدا
عز الدين بضحك : أسورتي بتقولك أسورتي ههههههه
آسر : ايه انتو ما سدقتو
فاطمة : ربنا يهنيكو… يا اسورتي ههههه
آسر : انت كمان يماما
وقرص ماسة من خصرها وقال بهمس : والله لعمل منك بطاطس محمرة
ماسة بنفس الهمس : خليها مقرمشة
وضحكت
بينما صفاء طقت من الغيظ
صعد آسر لغرفة التمارين و صعدت ماسة لغرفتها ونادت ٢ من الخدم وقالت
: انتو هتعملولي الاوضة دي بالديكور دا
واعطتم صورة واكملت : مش عايزة ولا غلطة
رن تلفونها برقم غريب بس هي كنسلت و
نزلت عند فاطمة لشرب القهوة
فاطمة : ماسة حببتي اهلك هيجو كمان شوية و عايزة كمان اعرفك ع بنتي ديمة
هترجع من السفر بكرا
ماسة : ايه دا هو انتي عندك غير آسر ده انا افتكرتك انك حرمتي الخلفة واتسدت نفسك من بعده
فاطمة بضحك : والله انتي مجنونة و آه يستي عند ديمة و محمد كمان
ماسة : و عندهم كام سنة
فاطمة : ديمة ٢١ و محمد ٢٧
ماسة : اممممم
رن تلفون ماسة بنفس الرقم الغريب بس برضو كنسلت
وبالوقت ده دخلت نعمت و ايمن و منة صاحبة ماسة
سلمت عليهم ماسة و قعدت مع اهلها
تركتهم فاطمة ياخدو راحتهم وايمن قعد مع عز الدين
عند ماسة
قعدت مرات ابوها جنبها
و منة بالجنب الثاني
نعمت : ايوة طمنيني يبت عملتي ايه
ماسة باحراج : عملت ايه في ايه يا طنط
وكزتها منة بكوعها وقالت : ماسة ما تستعبطيش انتي عارفة هي بتتكلم على ايه
ماسة بخجل : عيب كدا
نعمت : يا بت اتكلمي
ماسة : ولا حاجة
مسكتها منه : يعني ايه
ماسة : اتلمي بقا والله اقول لأمك
منة : انا عايزة مصلحتك يغبية
وقضو وقت مع بعض بعدين روحو
صار وقت الغدا
ونزلت ماسة اول وحدة واخرجت علبة صغيرة فيها مادة وحطت منها شوية بطبق صفاء وشوية بطبق رندة
اتجمع الكل ع السفرة تناولو طعامهم
بعد شوية قعدت صفاء وفاطمة وماسة ورندة مع بعض
وكالعادة صفاء فضلت تضايق ماسة بكلامها وماسة ولا معبراها وشوية بدأت صفاء ورندة بالصراخ و ……
بقلمي همس كاتبة
🦋اللهم صل على سيدنا محمد 🦋
•تابع الفصل التالي "رواية معشوقتي الشرسه" اضغط على اسم الرواية