Ads by Google X

رواية نوارة الفصل الحادي والثلاثون 31 - بقلم فرح احمد

الصفحة الرئيسية

 رواية نوارة (كاملة جميع الفصول) حصريا عبر دليل الروايات بقلم فرح احمد

رواية نوارة الفصل الحادي والثلاثون 31

ـ╗══════════════════╔
ـ  رواية نوِّاره الحلقة الحادية والثلاثون 
ـ╝══════════════════╚

عطاء:-
_رامي إنتَ صحبي و أخويا صح...؟!

رامي:-
_أكيد يا عطاء

عطاء:-
_طب أنا هقولك .... أنا شيلت مادة 

رامي بعتاب:-
_ليه يا عطاء..؟!

عطاء:-
_العربي صعب أوي يا رامي .. و مبعرفش أفهمه و الإمتحان كان جاي في مستوي الطالب طه حسين مش زي ... فـ حاولت أجاوب أي حاجة كُله في الباي باي .. فـ كتبت إسمي و قعدة 5ق و سلمت الورقة " وضحكت بإستخفاف "

رامي أخد شهيق و زفير و قال بضيق:-
_هتغيري المستر تمام .. و تذكري تمام

عطاء بإبتسامة:-
_تمام ... هاتلي بقا طبق مكرونة بمناسبة الشيل

رامي بسخرية:-
_هنحتفل عشان شيلتي ... صبرني يارب

عطاء وطلعت لسانها بإستخفاف وقالت بضيق:-
_يعني أضايق نفسي عشان شيلت ... الكلام دا للبنات الدحيحه إنما أنا إلي زي بيعدي بدعوة الوالدين و ليلة الإمتحان

رامي:-
_ماشي يا دعوة الوالدين ... تعالي نتغدي في النادي عشان عندي تمرين كمان

عطاء:-
_تمام

و ركبوا العربية و قلبت الراديو و ثبتت علي أُغنية 

عطاء بدندن مع الاغنية:-
_و إيه بيحصلي حتي و أنا بصلي من قلبي بدعيلك اكتر ما بدعي لنفسي  ...!!

وقالت بتريقة:-
_إللهم قوي إيمانك يا أنسة " و ضحكت "

و رامي إبتسم إبتسامة بسيطة و كمل طريقه

عطاء بتكمل دندنه:-
_في قلبي لمسني و بروحك حسسني يا أجمل ماشافت و هتشوف عنيا ... مفيش حد زيك بيفهمني زيك مفيش حد غيرك حنين عليا ... أصلك متعرفشي لما تكون جمبي انا ايه بقولهولك بيني وبين نفسي..!! و إية بيحصلي حتي وانا بصلي ..!! يا قلبي بدعيلك اكترما بدعي لنفسي .... و لقيت معاك كل الي بحلم بي و إلي بفكر فيه و إلي  زمان يا ما من زمان كان قلبي مستنيك ...!!

رامي بسخرية:-
_خلاص يا فنانة ... عرفت إنك رومانسية و كُله ... فـ إسكُتي بقا عشان صوتك صدقيني مُقرف

عطاء بضحك:-
_طب ما أنا عرفه .. بس لن أستسلم 

رامي:-
_بعيد عني لوسمحت

و راحو النادي و أكلت عطاء و راحوا التمرين و قاعدة علي كُرسي و شجعت رامي 

و دخلت كاميليا بطلاتها الفظيعة ... لأبسة بنطلون أبيض مقطع و بلوزة وردي أوف شولدر و كوتشي وردي بكعب .. و شعرها الأسود الطويل الحرير إلي عامله كيرلي و مكياجها الصارخ و ريحة البرفيوم بتاعتها الفظيعة  .. و إلي يشوفها يقول بنت 25سنه .. و هيا 18 .. قد رامي 

كاميليا برقة شارسه و صوت ناعم:-
_هاي يا شباب

الشباب الهيمان عليها سلم و في بعض مردش أصلًا و بنات جُم سلموا عليها و الكابتن من بعيد قال " هاي " و كمل تدريب مع رامي 

إلي مدهاش قيمة أصلًا و كمل تدريبة

أما عطاء متابعها ... هيا كان نفسها تبقي صحبتها أوي مش زمالة مدرسة بس .. بس شخصية كاميليا عاكسها .. جرئية أوي .. مبيهماش حد عايشة أكبر من سنها ..  بس عطاء متنفعش .. عطاء شخصية عايشة سنها فيها نُضج و جدية بردو .. بس الطفولة و البراءه إلي فيها أكتر .. و ملهاش في جو كاميليا إلي كانت حت عايها فترة ماشية معاها و بتروح معاها النادي ... بس رامي منعها خاصًة لما شاف عطاء قعدة مع كاميليا و كان في شباب معاهم .. و شكلهم مش مضبوط ...!!

كاميليا بعد ما سلمت ع الجميع لمحت عطاء قاعدة فـ رحلتها و قعدة جمبها وقالت بإتبسامة:-
_هاي عطا

عطاء بإستغراب إنها جت قعدة جمبها و بتسلم عليها فقالت بإبتسامة:-
_هاي كاميليا ... بس أنا إسمي عطاء مش عطا

كاميليا بإبتسامة:-
_sorry ... إنتِ عاملة إية..؟!

عطاء:-
_بخير و إنتِ...؟!

كاميليا:-
_Fine .... عاملتي إية في الإمتحانات..؟!

عطاء:-
_كويسة بس شلت العربي

كاميليا:-
_معلش حبيبتي 

عطاء:-
_شُكرًا

كاميليا وقامت:-
_طب أنا ماشية ... see You later 

عطاء:-
_See You

و مشيت كاميليا و جا رامي علي عطاء

رامي:-
_مش قولتلك كاميليا لا 

عطاء:-
_هيا جت قعدة جمبي سلمت و مشيت ... معملتش أكتر من كدا

رامي:-
_ماشي يا عطاء ... هروح أغير و نمشي

عطاء:-
_تمام

و راح الإوضة و غير و ركب هو و عطاء العربية...!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

في مكان علي النيل ... كانت نواره قعدة مع أدهم و بتأكل سُندوتشات من محل كبده و سُجق بعد إلحاج من نواره عليه .. بس كان خايف عليها .. بس جابه

نواره:-
_دوق يا أدهم طعمه حلو والله

أدهم بضيق:-
_قولتلك لا ... و كُلي إنتِ لوحدك

نواره:-
_طيب ... براحتك !!

و هيا بتأكل شافت إتنين وقفين من علي قُريب و كان صوتهم واضح

الشاب:-
_ياحبيبتي كُلي إنتِ .. أنا مش قادر

البنت:-
_شاكر إنتَ جعان ... و عرفه إنك خرجتني عشان عارف إنِ نفسي أخرج بقالي كتير .. فـ عشان خطري كُل 

شاكر و أخد قطمه السُندوتش:-
_خلاص بقا أكلت .. كملي إنتِ

البنت و إبتسمت:-
_ربنا يخليك ليا 

شاكر و حط إيده علي بطنها وقال:-
_ويخليكوا ليا يا نوال 

نواره متبعاهم و عجبها منظرهم البسيط دا ... و حبهم لـ بعض و إحتواء شاكر و نوال ... إلي أكيد عايشين اليوم بيومه و علي قد العيشة الصعبة دي بس تهوين نوال عليه و بتحاول تخفف عليه الحمل بيهون و يخفف و يريح !! 

نواره:-
_أدهم

أدهم:-
_أيوه

نواره:-
_ممكن تأخدني تحت دراعك 

أدهم:-
_غالي و الطلب رخيص

و سابت نواره الطبق و نزلت تحت دراع أدهم و ضمته ليها بدراعها إلي لف علي جسمه و قالت:-
_تعرف إنِ بحبك أوي

أدهم بإبتسامة حُب و دفاء:-
_و أنا بحبك أوي أوي أوي كمان

نواره:-
_أحنا لو جبنا بنت هسميها مُليكة ... و لو ولد مصطفي علي إسم بابا الله يرحمه

أدهم بإبتسامة و ينكشها:-
_ماشي .. بس إعملي حسابك البيبي الجاي أنا إلي هسميه علي مزاجي ... لو بنت غرام و ولد كرم

نواره:-
_اشمعنا..!!

أدهم:-
_غرام علي إسم أُمي .. كرم لإن في ولد كُنت بشوفه دايما عند إشاره و كان صغير ... بس مات بسبب جُرعة من الكولاه 

نواره بزعل:-
_ربنا يرحمه يا حبيبي

أدهم:-
_يارب

نواره:-
_نفسك يا حبيبي نجيب كام بيبي..!!

أدهم:-
_5 كدا

نواره بضحك:-
_5 يا أدهم 

أدهم:-
_و لو ينفع يبقوا 10 و 20 نجيب ... نفسي في عيال كتير منك يا نواره 

نواره و حضنته أكتر وقالت بفرحة:-
_و يبقوا شبهك يا أدهم

أدهم:-
_أي حاجة .. يبقوا حته منك دا أهم

و ركبوا العربية و روحوا !!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

في كافيه فخيم 

حُلم و آسر قاعدين 

كابل هادئ و رقيق ... و علاقة نضيفة ما بينهم ... بـ نُضج آسر و تفهمه و طيبة و إحترام حُلم 

حُلم:-
_آسر هو إحنا لما نجوز ... و علاجي طول ،، هتطلقني...؟!

آسر و حط إيده علي إيدها وقال بجدية:-
_حُلم أنا مش فارق معايا الأطفال قوي ... و إن شاءالله تتعالجي و نجيب بيبي يملوا علينا البيت ... 

ثم قال بحنية:-
_و لو سمحت شيلي فكرة الطلاق دي من دماغك 

حُلم بإبتسامة رقيقة و حطت إيدها التانيه علي إيده:-
_حاضر 

آسر:-
_عايزين نبتدي نفرش بيتي ... و نتفق علي معاد الفرح 

حُلم:-
_إن شاء الله يا آسر  ... هتشرب إية بقا...؟!

آسر:-
_جوافه و إنتِ ؟!

حُلم:-
_فرواله

آسر:-
_تمام  , , متر 

و جا الجرسون و قاله آسر طلبه 

متر بإحترام و لهجة عملية:-
_تمام يا فندم !!

و إتكلمت حُلم عن الحالة الغربية إلي جتلها و تضحك هيا و آسر !!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

عدي أُسبوع 

و أخد عُمر ليل  عشان يفكوا الجبس !! 

في المستشفي 

ليل قاعدة و عُمر جمبها و شافت المنشار الصُغير إلي هيفكوا بي الجبس فـ قالت بـ خوف:-
_عُمر ،، هما هيقطعوا إيدي و رجلي !!

عمر بإبتسامة:-
_لا يا ليل ... دا يدوب هيفكوا بي الجبس ،، و مبيوجعش و لا هيصيبك حاجة

ليل بـ قلق و خوف لسه:-
_بجد يا عُمر ؟! ,, أنا خايفة لسه !!

عمر:-
_متقلقيش و لا تخافي 

و جا الدكتور و أخد المنشار و قرب من ليل إلي ماسكه في الممرضة جامد و إبتدي الدكتور يفك الجبس و مع صوت المنشار ليل صرخت و لما مصبهاش حاجة و لقت العملية دي عادية سكتت 

و الممرضة ضحكت علي عمايل " ليل "  

و خلص الدكتور وقال:-
_بالشفا يا مدام " ليل "

ليل بإبتسامة و ماسكة إيدها و رجلها:-
_شُكرًا

و خرج هو و الممرضه 

عمر:-
_بتصوتي يا " ليل " لية ؟!

ليل بإبتسامة مبرره:-
_مش عرفا .. بس كُنت خايفة !!

عمر بلا حول ولا قوه:-
_يالا يا " ليل " .. يالا نمشي

ليل و ضحكت و بتلعب رجلها و إيدها إلي كانوا متجبسين:-
_شايف إيدي و رجلي منورين إزاي !! 

و فردت إيدها و رجلها لـ قدام:-
_و أخيرًا هرجع أفرد رجلي و إيدي براحتي 

عمر:-
_يالا يا " ليل " عشان أنا عندي مراره واحدة

ليل بضحك:-
_ماشي

و  مشيوا من المشفي و ركبت عربية عمر ... و طلع عمر !!

ليل:-
_عمر .. أنا عايزة أقولك علي حاجة ... يمكن قولتها قبل كدا ... بس حاسه إنِ عايزه أقولها تاني 

عمر:-
_قولي !!

ليل بإبتسامة:-
_عمر .. أنا بحبك

عمر إبتسم 

ليل:-
_هتقول مجنونه تاني ... إشطا ،، بس أنا حسيت إنِ عايزة أقولها تاني ... أنا بحبك يا عمر

و فجأة طلعت م السقف الصُغير وقالت بصوت عااالي و إبتسامة مسيطره عليها و جنون:-
_بحببببببببببببببببك يااااااا عُمرررررررر يا سلماااااااااااوي 

عمر بيضحك و قال:-
_طب إنزلي يا مجنونه 

ليل وطت رأسها:-
_مش نازله لاااا .... عشان أنا بحبك و عايزه أقول لـ ناس كُلها ... بقولك إية يا عُمر إطلع علي (...)

عمر بضحك:-
_ليه ؟!

ليل:-
_إطلع بس

و طلع عليه و ليل طايره من الفرحة و نزلت شغلت أغاني و فضّلت تغني و تُرقص بإيدها 

و طلعوا علي أتيلية و دخلوا

و جا صاحبة الأتيليه وقالت بإبتسامة:-
_ليل .. إزيك ؟!

ليل بإبتسامة:-
_أنا بخير ... بقولك إية !! .. أنا عايزة أروح قسم المجانين عرفه

صاحبة الأتيلية:-
_طبعًا ... دا القسم الخاص بـ ليل النُقراشي

ليل:-
_أيوه بالضبط ... أقدملك عمر خطيبي المستقبلي ... عمر دي وسيلة صاحبة الأتيليه ... و صحبتي الروووح بالرووح 

عمر إبتسم ليها

وسيلة:-
_أهلًا أُستاذ عُمر

عمر بإبتسامة:-
_أهلًا مدام وسيلة

وسيلة:-
_يالا علي القسم

ليل:-
_أيوووه بقااا ... يالا

و إتحركوا 

عمر:-
_إية القسم دا ؟!

ليل:-
_هتعرف لما نُدخل أنا و إنتَ 

عمر:-
_ماشي

و دخلوا القسم 

وسيلة:-
_طبعًا المكان مكانك

ليل:-
_تسلمي يا سيله

و سابتهم 

عمر شاف القسم و كمية الفساتين الأشكال و الألوان ... و عرف ليه مجانين !! ... لإن الفساتين ألوانها غريبة فسفوري و أخضر و قصير و طويل و ألوان مخلوطه علي بعضها 

ليل و راحت عند دي جي صُغير و قالت بصوت عالي:-
_و الآآن .. يبدأ الإستعررراض 

و شغلت أُغنية أجنبي مجنونة ... و راحت لـ عُمر و قعدتة علي كنبة و قالت:-
_دقايق و جايه !!

و أخدة فُستان و خلال دقايق كانت لابسه و خرجت 

عمر إنبهر بيه .. و علي قد لون الفُستان الفظيع .. بس لايق علي " ليل " 

ليل و تقدمت عليه وقالت:-
_إية رأيك ؟!

عمر و حرك رأسه بـ معني مش حلو أوي ... عشان الفستان قُصير و كاشف لـ جسمها و هو مش هيسمح بـ دا !!

ليل لابسة فستان قُصير علي الرُكبة كاب .. لونه بمبي فااقع جدًا ... و عليه وردة كبيرة و ديل من الجمب ... و كاب 

ليل:-
_طيب

و راحت لبست غيره ... و خرجت بـ فُستان و كان مجنون أكتر ... و لما شافه عمر ضحك عليه

ليل و حاطه إيدها في وسطها وقالت بـ شموخ:-
_إيه رأيك بقا ؟!

عمر و هو بيضحك و حرك صُباعه بمعني " لا " 

ليل بضيق:-
_أووووف ... طيب

و دخلت البروڤا تاني .. كان فستانها أخضر علي أزرق ... الجمب الأخضر فستان قُصير و الأزرق بنطلون عليه أشكال بالامع و مع الكعب الوردي الغامق ... كان منظرها يضحك أكتر

و فضلت تلبس فساتنين مجنونه زيها و أفظع و عمر يضحك و يعترض لـ قُصرهم .. أو لـ حلاوتها فيه

مره تُخرج بـ فستان بنفسجي غاامق بنطلون عليه أشكال شفايف علي قلم روج ... و علي كعب أخضر

و مره بلوزه ورديه علي جيب طويلة صفراء و كعب أحمر 

و تتصور بـ كُل طقم 

لـ حد ما عدي وقت كبير في لبس أخر فُستان 

عمر:-
_خلصي بقا يا ليل ؟!

ليل:-
_ثوانِ

و عدي دقايق تانية ... و خرجت ليل 

عمر شافها إنبهر برقة و فخامة الفستان ... و جمال ليل في

ليل و رافعه رأسها بـ شِموخ و كانت المرادي أُغنية أجنبي رومانسي شغالة:-
_أُستاذ عُمر ... ممكن تتفضل جلالتك تُرقص مع سِمو الأميرة ليل النُقراشي

عمر بتأكيد و قلد الأُمراء و عمل حركة مسرحية:-
_أكيد طبعًا يا سمو أميرة

و إبتدوا يُرقصوا مع بعض

ليل لإبسه فُستان لبني ماسك من الوسط و نازل علي وسع فظيع .. مثل فُستان سندريلا ... و بحملات عريضه منفوشه 

و كعب أبيض عليه قلب صُغير 

القسم دا بيحمل كُل ما هو مجنون ... و دايما تيجي ليل تلبس و تأخد بالكميات من الفساتين دي .. و لما بتروح أي حفلة تبع الشُغل بتشد الناس برقة و فخامة فساتينها .. إلي زي الأميرات 

قسم المجانين .. قسم أميرات ديزني ... علي شوية فساتنين مجنونه إلي بتروحها لـ فرح أصدقائها 

و عشان كدا دايمًا مميزه ليل ... سواء بشخصيتها ... بملابسها الرائعة و فساتينها 

و ملامحها ... بـ عيونها الواسعة و الرموش الطويله و البياض الناصع جدًا ... و لون عيونها البني الغامق ... و شعرها الوسط الثقيل الأسود جدًا الكيرلي الطبيعي و نعومته مش غالبه أوي .. بس رائع و جميل عليها ... و جسدها الطويل المنحوت جدًا مثل ولدتها ... و بدون أي رياضة 

و خلصت الأُغنية و إنتهي اليوم بـ صور و الضحك و أخدوا الفُستان عشان خلاص قررت إن دا يبقي لـِ خطوبتها ... و دفع عمر حسابه و مشيوا وسط جو من الفرح و الضحك و الإستمتاع !!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

عدت الأيام و نواره و صحابها بيستعدوا لــلـ فرح ... و طبعًا ليلتها عملوا تهيصه و لما جت نواره تعمل حنة مكنش في مكان في جسمها يتعمل ... بس رقبتها م تحت شويه كتبت إسم " أدهم " مزخرف و شكله حلو و حطت إسمها جمبه بس بخط أصغر 

و عملوا كُل الفقرات الهندي و كله .. و رقصوا للصُبح

الهيصه كانت عيارة عن .. نواره .. ليل ,, مُزن ,, هنا ,, حُلم ,, حِصَه ,, عطاء إلي اصرت نواره إنها تجبها ,, و نبيلة مرات إبن عم باباها توفيق ,, و ملك إلي طول الوقت بتلعب مع مازن إبن هنا و كانت بتعتني بي .. و معتبراه زي أخوها الصُغير  

و فوزية طبعًا .. حتي باقي الخادمات البنات شاركوا ... في الحنه و الرقص 

و إنتهت الهيصه و جا أكرم عشان ياخد حِصَه و هنا و مازن

و عمر يجي يأخد مُزن و ليل 

و عطاء روحت مع السواق بتاعها 

و نبيلة روحت مع بنتها 

أكرم بـ خُبث:-
_مش كُنتم تخلوا الهيصه دي Mix دا حتي الواحد يتبسط شوية

حِصَه بضيق و ضربته في بطنه:-
_أأأأكرم

أكرم بوجع من الضربة و مع ذالك بيضحك:-
_الواحد مينفعش يهزر يعني معاكي يا واجب إنتِ !!

حِصَه بضيق:-
_إسمي حيييييصاااااه ... مش واجب يا أكرم

و ضحكوا عليهم و مشيوا 

أكرم قبل ما يمشي:-
_يوم هيصة مراتي .. هاجي اقعد معاكم

حِصَه:-
_أكررررم

و مشيوا و صلوا هنا إلي قعدة تضحك عليهم طول الطريق هيا و إبنها بسبب مناكشة أكرم لـ حِصَه و ضيق حِصَه إلي بهزار طبعًا 

و نزلت هنا بعد ما سلمت

أكرم:-                                                                                                                        
_إبنك نام ؟!

هنا:-
_أه  !!

أكرم:-
_طب إطلعي إنتِ و أنا هشيله و أجي

هنا:-
_مش عايزة أتعبك معايا يا أكرم 

أكرم بجدية:-
_كدا أنا أزعل بجد ... يالا إطلعي و أنا طالع وراكِ 

هنا:-
_ماشي .. سلام يا حِصَه 

حِصَه بإبتسامة:-
_سلام

و طلعت هنا و أكرم شال الولد و طلع وراها و حِصَه متابعة 

ولاحظت إهتمام أكرم بـ هنا و بإبنها ... و إبدت تفكر و حست بـ غيرك بسيطة جواها و لكن قالت:-
_إنتِ بتفكري في إية يا حِصَه !! ... شيلي الأفكار دي من دماغك .. أكرم لو عايزها كان إتجوزها من زمان ... و هو مفهمك العلاقة ما بينهم عامله إزاي 

و إستعاذت من الشيطان و نزل أكرم و وصلها 

أكرم:-
_بقولك إية ؟! .. ما توريني الحنه 

حِصَه بـ إستغفرت في سرها بضيق:-
_أكرررم ... قولت إتنيل إحترم نفسك

أكرم و غمزلها وقال:-
_مسيرك يا مُلوخية تيجي تحت المخرطة

حِصَه و خبطته بـ شنطتها في كتفه 

أكرم:-
_أنا ملاحظ إن من أول فترة كتب الكتاب ضرب ضرب .. مفيش شتيمة 

حِصَه بضيق:-
_مش يمكن إنتَ عشان سافل شوية

أكرم مبررًا:-
_كدا سافل !! .. أُمال لما نتجوز هتقولي إية ؟! 

حِصَه:-
_أكرم كمل طريقك و إنتَ سااااكت

أكرم بضحك:-
_ماشي يا .. يا لهطة القشطة

و إبتسمت حِصَه علي لقب " لهطة القشطة " 

أكرم بتهليل:-
_هالله هالله علي الضحكه دي .. أيوه كدا إضحكي خلي الشمس تِـدخل و تنور

و أخدها تحت دراعه و إبتسمت حِصَه  !!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

تاني يوم في عربية حاتم نازل من بيته بليل 

بيحط السلاح في التابلوه و يطلع الأول علي المشفي يطمن علي " ديما " ماهو من ساعة ما حطها و مرحلهاش يدوب بيطمن عليها بالفون من " عادل "

ركن العربية و دخل المشفي لأقي هرج و مرج فظيع في المشفي

لأقي ممرض معدي مسكه و سأله:-
_إية إلي بيحصل ؟!

الممرض بإستعجال:-
_الحالة إلي في أوضة " 10 " إنتحرت

و سابه المُمرض و حاتم نزل الخبر اليه زي الصاعقه .. أوضة 10 دي أوضة " ديما " 

و طلع يجري علي أوضتها و منعوا إنه يدخل و لكن دخل بالقوه و لاقي ديما  قعدة علي السرير

خبطها علي وجهها بالراحة وقال بـ دموع:-
_ديما .. ديما ... قوومي يا ديمااا ... قومي معايا .. أنا كُنت جايبك أعالجك عشان نتجوز بعدها .. أنا مكنتش عايزك تبقي زبالة زي ... ياا ديماااااااااااااااااااااااا

و شدوه من عليها و غطوا وشها و خرجوا برا

و طلع علي أوضة " عادل " و دخل من غير ما يخبط و هجم عه و خبطه في الحيطة و قال بعصبية و غضب و الشرار طالع من عنية:-
_قتلوتها يا ولاد **** ... و حياة إلي خلفووك يا عاادل لأكون قفلك المستشفي دي

عادل و الصوت بيطلع بالعافية:-
_يا حا-ت..م ... ه- يا .. إ إنت-حرت  ( يا حاتم هيا إلي إنتحرت )

و سابه حاتم و أدخ نفسه عادل و قال وهو بيكح:-
_الممرض---ة .. دخلت عليها .. لقيتها ش--انقة ن_فسها في ال--سقف ... أنا كُنت شايل كُل الأدوات الحاده أو أي حاجة .. حتي الهايفه شايلها .. لإنها حاولت قبل كدا تنتحر بردو .. مقدرتش

حاتم و سابه و مشي 

و ركب العربية و إتحرك بيها ... و مكنش عارف يعمل إية و لكن أخد القرار و....

ـ━━━🅐🅗🅜🅔🅓𖣘🅐🅛🅕🅐🅝🅝🅐🅝━━━❥

   •تابع الفصل التالي "رواية نوارة" اضغط على اسم الرواية 

google-playkhamsatmostaqltradent