رواية ليلة ساخنه (كاملة جميع الفصول) حصريا عبر دليل الروايات بقلم عمرو راشد
رواية ليلة ساخنه الفصل الثاني 2
مانا قولتلك يا ماما ، أنتي عارفة ان هند مبتاكلش أصلا طبيعي جدا تقع من طولها
= لا بعد اللي حصل دا لازم تاكل كويس ، انا هروح اعملك حاجة تاكليها يا حبيبتي بس خلو بالكم منها
" امي مشيت ولقيت عادل بيقرب مني وبيهمس
عشان خاطري متقوليش ل حد
" بعدت عنه ، كنت قرفانة منه بطريقة مش طبيعية ، مش طايقة انه قاعد جنبي اصلا ، زياد اتكلم
طبعا يا هند انتي مش هتقولي ل حد ، ومش عشاني ، دا عشان اخوكي
" حاولت اتعدل و اقوم
انت مش مكسوف من نفسك ، هو انت ليك عين تتكلم ، واحد زيك بعد اللي عمله دا المفروض مينطقش تاني
= على فكرة اللي انا عملته دا عادي ، أي اتنين بيحبو بعض بيعملو كدا
بيعملو ايه!! ، انت مجنون ، لا انت فعلا مجنون ، طب لما انت مش راجل وطلعت منهم كنت دخلت بيتنا ليه من الاول
= اهلي هما السبب ، انا عمري ما حبيتك ولا تقبلت وجودك أصلا
وخطبتني ليه لما انت مش عايزني
= عشان زي ما قولتلك ، اهلي عرفو اني بميل للرجالة ف غصبو عليا يجوزوني بالعافية بس بيني وبينك الموضوع جه معايا بفايدة لإني قابلت عادل وحبينا بعض
" عادل رد مكاني وقال
لو سمحت يا زياد امشي دلوقتي
= عشان خاطرك انت بس يا دوولة ، انا همشي ولما تفوق من حالة الاندهاش دي ابقو كلموني
#بقلم : #عمرو راشد
" زياد مشي ، انا حاسة اني في حلم ، مستحيل يكون كل دا حقيقي ، انا عمري ما كنت أتخيل ان خطيبي يبقا كدا ، لقيت عادل قرب مني وقال
انا اسف يا هند ، انا بجد اسف ، انا كنت مخبي الموضوع دا عنكو ومش عايز حد يعرف ، انا اكتشفت اني مش زي اي شاب ، اي شاب اول ما بيشوف واحدة ممكن يعجب بيها او حتى يبص عليها بس انا مش كدا ، مكنتش عارف أنا فيا ايه لحد ما شوفت واحد في الچيم خلاني اتلخبطت ، معرفش ايه اللي حصلي ، بقيت بفكر فيه جدا وعايز اقرب منه بأي طريقة ، ومن هنا اكتشفت اني شاذ ، يا هند والله الموضوع دا ما بإرادتي
= انت لازم تتعالج يا عادل ، لازم نشوف حل
ابوس ايدك يا هند بلاش ، ماما لو عرفت احتمال تموت ، انا هقطع علاقتي ب زياد نهائي ومش هكلمه تاني
= هي المشكلة مش في زياد يا عادل ، المشكلة فيك انت
عشان خاطري يا هند ، بلاش ماما تعرف
" كان بيعيط وهو بيتكلم ، صعبان عليا جدا لانه فعلا مش ب ايده انا بس مصدومة من اللي حصل ، انا مش عارفة اتصرف ازاي ، احكي لمين طيب ، مينفعش حد يعرف اساسا دي فضيحة ، بس لقيت حل ، عادل لازم يتجوز ، وبالفعل من تاني يوم كنت بقنع امي اننا لازم نخطبله
يا بنتي عادل لسة صغير
= عشان خاطري يا ماما هو بيحبها وبعدين عادل بيشتغل جنب دراسته و احنا معاه وهنساعده
و دي مين دي اللي عايز يخطبها
= ناهد بنت الجيران اللي قصادنا
" اختيار موفق مني انا عشان انا اللي اخترتها ل عادل ، ناهد بنت كويسة و محترمة وان شاء الله عادل هيتغير معاها ، انا عارفة ان الموضوع صعب بس انا معنديش حلول تانية ، روحنا و اتكلمنا وتقريبا اتفقنا على كل حاجة و حددنا معاد الخطوبة ، أما زياد فهو اختفى تماما من اخر مرة شوفته فيها ، كل حاجة كانت ماشية كويس الحمدلله ، جه يوم الخطوبة ، العروسة لبست الشبكة ، كنت فرحانة ان اول خطوة نجحت الحمدلله وممكن عادل يتغير خصوصا أنه مش قابل اللي هو فيه ، لقيت العروسة قامت وقالت بصوت عالي قدام كل الناس
معلش يا جماعة عايزاكم تسمعوني ، انا بشكر كل اللي جه النهاردة ، انا بس عايزة أقول ان الراجل اللي انتو جايين تباركوله على خطوبته طلع مش راجل أصلا ، اه والله ما راجل ، انا شوفته وهو بيبوس خطيب اخته في بوقه وطبعا انتو مش هتصدقو كلامي ، بس انا معايا الدليل
" لحظات عدت والناس في حالة ذهول من الكلام اللي هي قالته لكن كل دا كان ممكن يعدي لكن اللي مينفعش يعدي هو الفيديو اللي اشتغل ، عادل متصور مع زياد وهما بيبوسو بعض!!
" هذه الرواية حقيقية وحدثت بالفعل "
•تابع الفصل التالي "رواية ليلة ساخنه" اضغط على اسم الرواية