رواية اولاد العم الفصل الثاني 2 - بقلم نونا رامي

  رواية اولاد العم كاملة بقلم نونا رامي عبر مدونة دليل الروايات 

رواية اولاد العم الفصل الثاني 2

 

تجلس بجوراة فى السيارة بتوتر تنظر له من حين للاخر ولاكن كما هو لا يتحرك ينظر للطريق أمامه بكل هدوء ولم تصدر منه إلا جمله واحده :

_اى اللى منزلك فى الوقت دا

تحركت فى كرسيها بتوتر قائله بتلعثم:

_ك كنت بجيب شوكلت ومارشملو

ضغط بقوه على عجله القياده محاولا المحافظة على هدوءه :

_نازله الساعه اتنين بالليل تجيبى شوكلت يا موده

نظرت له لبرهه ثم اردفت قائله بتبرير:

_لا طبعا هو أنا اتهبلت عشان انزل الساعة اتنين باليل عشان اجيب شوكلت أنا كنت بجيب شوكلت ومارشميلو وعصير وكيكه

نظر له بسخريه قائلا بغيظ مُبطن:

_لا بصراحه فى دى عندك حق

تنهدت براحه قائله بغرور :

_شوفت عشان تعرف انى كبرت ومش طفله زى ما بتقولو

أوقف السيارة بغضب فأندفع جسدها بقوه إلى الأمام ليقول بحده وصراخ :

_انتِ مخك حصلو حاجه اكيد نازله الساعه اتنين بالليل ،الوقت اللى بيكون فيه الشمامين وقطاعين الطرق فى الشوراع عشان تجيبى شوكلت

تساقطت دموعها بقوه وهى تنظر له بفزع وخوف, لينظر لها ولحالتها ليتنفس بغضب محاولا أن يستعيد هدوءة ثم اقترب منها ينزع نظارتها ويمسح دموعها برفق قائلا بحنان :

_متعيطيش

لتشيح برأسها الجهه الاخرى بغضب وحزن ليصدر صوته قائلا بحنان :

_خلاص مش هزعقلك تانى متزعليش بقا

نظرت له بحنين ثم ألقت نفسها فى أحضانه قائله بدموع :

_وحشتنى اوى يا أسر

حاوطها بين يديه بحنان ورفق قائلا بمشاكسه :

_دا هو اسبوع يا بسوسه

نظرت له موده ومازالت اثار الدموع فى عينيها :

_ولو بردو كتير

ابتسم بشده ثم قبل رأسها قائلا بحنان وهدوء:

_انتى عارفه لو مكنتش جيت فى الوقت المناسب كان اى اللى هيحصل يا موده

نظرت له ببراءه قائله بتوتر :

_كانو هيسرقو منى الشوكلت صح

تنهد تنهيده طويله على برائتها الشديده التى طالما حافظ عليها ليقول بسخريه وهو يعاود القياده :

_كل همها على الشوكلاته ومش مهم نفسها بس اما اروح للحيوان اللى امنتو عليها

نظرت له بأستغراب قائله بضحك شديد :

_انت اتجننت يا أسر بتكلم نفسك

ضغط على شفتيه قائلا بحسرة:

_ولا يا قلب أسر وهو اللى يقعد معاكى ثانيه يبقي عاقل بردو

انطلقت ضحكاتها مرة أخرى ليبتسم بشده وهو ينظر إليها بحنان متوجها نحو المنزل

”””””””””””””””””””””””””””””””””

تركض خلفه بغضب شديد محاوله أن تمسكه صارخه بحنق:

_هات يا حرامى كيس الشيبسي بتاعى

انطلقت ضحكاته بقوه وهو مازال يركض منها حتى اختبئ خلف اول جسد قابله :

_مش هيديكى حاجه

لم يكمل كلامه حتى شعر بأحد يأخذ منه كيس الشيبسي بكل برود قائلا بسماجه وهو يتوجه نحو الاريكه ويجلس عليها:

_عجبك كده يا طفس اهو مؤيد اخده ولا انا ولا انت دوقناه

نظر لها بضحك قائلا من بين ضحكاته:

_ريلاكس يا رحمه ريلاكس يا بابا عشان ميجلكيش السكر انتى لسه صغير

نظرت له بغيظ ولاكن سرعان ما تحولت نظراتها للخبث قائله بأستفزاز :

_جرا اى يا حمزه اشحال كنت معلمه عليك قبل كده ولا نسيت

لم تكمل كلامها حتى كان منقضا عليها ممسكا شعرها بقوه قائلا بغيظ :

_والله لاوريكى

مؤيد ببرود وهو يجلس على الأريكة يأكل الشيبس :

_اديله يا بت يا رحمه متسكوتيلوش

ليزداد العراك شراسه ولاكن توقف الجميع على صوت هز أرجاء المنزل ولم يكُن إلا أسر قائلا بغضب حارق :

_فين الحيوان اللى اسمه سيييييييف

• يتبع الفصل التالي اضغط على ( رواية اولاد العم ) اسم الرواية