رواية سيدة القصر كاملة بقلم منال عباس عبر مدونة دليل الروايات
رواية سيدة القصر الفصل السادس و العشرون 26
بعد تجمعهم لمعرفه نتيجه التحاليل ..فتح باسم جميع التقارير لمعرفه انسب شخص ل لوسيا
فكان يتوقع أنه اقرب شخص لهذه النتيجة…
ولكنه وقف مندهشا .
باسم : اكيد فى حاجه مش مظبوطه…
مراد : يعنى ايه …
باسم : علميا المفروض انا اول شخص تتطابق معايا
النسب …لكن التحاليل بتقول غير كدا …
أشرقت : يعنى ايه كلامك دا يا باسم …
باسم : النسب غير متطابقة …..
والأغرب أن النسب دى متطابقه تطابق كلى …مع ريم …
لؤى : ازاى بس دا …
ريم : طب الحمد لله ..المهم أن لوسيا تعمل العمليه وترجع لينا بالسلامه…
باسم : الافضل نعيد التحاليل دى …النتيجه دى مش واقعيه ….
سندس : المفروض اننا درسنا ..أن ممكن ولو بنسبه بسيطه أن الانسجه تتطابق حتى لو من شخص غريب …
باسم : عندك حق يا سندس بس مش تطابق كلى…
وكمان انا اخوها ازاى مفيش تطابق …
أشرقت : انا عارفه السبب
اندهش الجميع لرد أشرقت
أشرقت : لو سمحت يا باسم شوف نتيجه التحليل التانى دا
حسام : بس يا ماما …
أشرقت : لو سمحت يا حسام …يلا باسم
باسم باستغراب : التقرير بيقول أن النتيجه ايجابيه
بس دا عبارة عن DNA
أشرقت : علشان ريم تبقي حفيدتى
الكل فى حاله استغراب
أشرقت : ايوا .. ريم حبيبتى والدتك اسمها ايه
ريم : ماما آينور
حسام : آينور تبقي اختنا ..
لؤى : يعنى ريم تبقي بنت عمتو آينور !!!
أشرقت : أيوا …
مراد : بس آينور ماتت واحنا دفناها
أشرقت : قولت ليكم دى مش بنتى …ومحدش صدقنى …واكملت ببكاء ..آينور كانت عايشه ..طول السنين دى ولسه ميته من فترة صغيرة واقتربت من ريم واحتضنتها
مراد : دى يأكد الشبه الكبير بينك وبين آينور
انا قلبي كان حاسس انى اعرفك …
سندس : الحمد لله يا ريم ..طول عمرك نفسك يبقي ليكى عيله …والحمد لله طلعت عيله كبيرة اهو. والواد الدكتور ابن خالك …
يضحك الجميع على حديثها ….
ريم : انا بجد مش مصدقه نفسي …
لؤى : وانتى عرفتى ازاى يا نانوووو
أشرقت : وهى تشير إلى السلسله فى رقبتها
من اول ما شوفتك يا حبيبتي وانا حاسه انك منى
ولما شوفت السلسلة والصورة اللى فيها ..قلبي ساعتها اتأكد …دا غير التحاليل …اللى أكدت كل شكوكى…بقلم منال عباس
باسم : تعالى يا سندس ..نروح نفرح لوسيا
خرجا سويا
سندس بفرحه : انا فرحانه اوووى علشان ريم …
باسم بحزن : اه
سندس بحزن : مالك يا باسم شكلك مش فرحان
باسم : نتيجه التحاليل …
سندس : ماهى الحمد لله ..اهو ..ولقينا المتبرع بكل سهولة..
باسم : الموضوع مش كدا خالص …انا اللى شاغل تفكيرى دلوقتى عدم التوافق اللى حصل بينى وبين لوسيا …المفروض اننا اخوات …
سندس : يا عم افرح ..وبلاش تدور على حاجه تزعلك …يلا نروح نفرح لوسيا …..
عند لوسيا
سامح : حبيبتى ..لازم تخلصي الأكل كله
لوسيا : كدا كتير ..كفايه يا سامح ..مش قادرة
تدخل سندس هى وباسم
سندس : مبروووك يا حبيبتي
لوسيا : على ايه
سندس : عندى خبرين حلوين ليكى …أولهم أن خلاص لقينا المتبرع ليكى …وهى ريم …
الخبر الحلو التانى برضو يخص ريم …أن ريم طلعت بنت عمتكم آينور
لوسيا باندهاش : بجد الكلام دا
لتدخل ريم هى ولؤى
ريم : ايوا بجد يا لوسيا واحتضنتها بفرحه …
سامح بفرحه وهم أن يحتضنها : ريم بنت عمتوووو
لؤى : حيلك حيلك …ريم ممنوع اللمس أو الاقتراب
سامح بضحك : حقك ..طبعا ..انا اى حد بيفطر يبص لوسيا ..ببقي هموت ….
بعد مرور الوقت قرر الجميع العودة إلى القصر
وظل سامح ومراد بالمستشفى
وغادرت أشرقت وحسام وسندس وباسم وريم ولؤى
فى القصر
تجمع الجميع بالهول مباركا لعودة أشرقت مرة أخرى إلى القصر ..
وفاء : حمد الله على سلامتك
أشرقت : الله يسلمك …
سعاد وهى ترحب بعودة أشرقت بحب : الحمد لله انك رجعتى تنورى المكان من جديد …
أشرقت : منور بيكى يا بنتى
سعاد : دى تبقي منى اختى
رحبت أشرقت بها
سالم : ديما منورة بينا يا ماما
أشرقت : تسلم يا سالم ..عايزة اعرفكم بخبر حلو
انتبه الجميع لها
أشرقت : ريم ..تبقي حفيدتى و بنت آينور
وفاء : ايه الكلام دا ..
البنت دى نصابه وباين وراها سر ..آينور ماتت من زمان ازاى تبقي آينور بنتها …
حسام : الزمى حدودك يا وفاء …ما تنسيش أن اللى بتتكلم تبقي ماما …وماما مش هتقول اى كلام
واحنا خلاص اتأكدنا من كل حاجه
وفاء بعصبيه : قول بقي …كدا الأمور اتضحت
تروح انت وابنك تجيبوا البنت دى …وطبعا عارفين إن طنط أشرقت منتظرة آينور …
علشان تمثل علينا كلنا أنها بنتها …وفى الاخر انت وابنك تكوشوا على القصر …
أشرقت : خلصتى اللى عندك …ولا لسه يا وفاء
وفاء وهى تنظر إلى ابنها : باسم ..شوف اللى بيحصل عايزين ياخدوا حقك …اتكلم ..دافع عن حقك …
سالم : عيب كدا يا وفاء …
ريم ببكاء : انا عايزة امشي من هنا …ارجوك يا لؤى
أشرقت وهى تمسك بيد ريم : انتى سيدة القصر
وانتى اللى تقعد ..القصر دا ملكك ..واللى مش عاجبه ..هو اللى يمشي ..كلامى مفهوم
حسام : ارجوكى يا ماما ..ما تتعصبيش …انتى لسه يا دوب راجعه من المستشفى…
وفاء : يا مرات عمى ..انتى بتغلطى غلط كبير
والناس اللى فاتحه ليهم بيتك دا …ناس ما نعرفش اصلهم من فصلهم …
النهارده مثلا …الاسورة الدهب اللى على شكل ثعبان بتاعتى …انتى عارفه اد ايه انا بحبها لأنها هديتك ليا فى زوجى من مراد ..وديما بلبسها
فجأة ملقتهاش …مع انى ما خرجتش …
أشرقت : ايه الكلام دا …عمر ما حاجه انسرقت هنا فى القصر ..
وفاء : ما دا اللى بقول عليه ..احنا معانا ناس غريبه ..بقلم منال عباس
ليتحدث سالم بهدوء وثبات : تقصدى دى ..وأخرج من جيبه الاسورة ..
وفاء بارتباك : انت لقيتها فين ..
سالم : هعرفك لقيتها ازاى وأخرج الفون وفتح الفيديو الذى صورته منى فقد ارسلته إلى فون سالم
حيث شاهد الجميع ما فعلته وفاء ..
حسام : انتى بجد اتحولتى لانسانه مريضه …ازاى وصل بيكى الحال لكدا ..
وفاء : علشان بدافع عن حقى وحق اولادى …
كنا عايشين في امان ..انتم اللى روحتوا دخلتوا الناس دى فى حياتنا …
نظر باسم لوالدته نظرة لوم وعتاب فهناك تساؤلات كثيرة تدور فى رأسه ..ثم تركهم وصعد إلى حجرته
أشرقت : الافضل تروحى اوضتك يا وفاء …وانا ليا كلام مع مراد لما يرجع …
ذهب كل فرد الى حجرته والجميع يفكر فيما فعلته تلك المرأة الحقودة وفاء …
عند باسم فى حجرته
تطرق سندس الباب
باسم : مش عايز اكلم حد ….
سندس : ارجوك افتح يا باسم …علشان خاطرى
فتح باسم لها …دخلت سندس وجدته منهار
سندس : ممكن نتكلم شويه
باسم : نتكلم فى ايه …بعد اللى حصل …ازاى ماما تعمل كدا ..ازاى تفكر بالشكل دا ..
سندس : طب تعالى نقعد الاول وجلسوا على الكنبه
أخذت سندس رأسه على صدرها وجلست تلعب فى شعره
سندس : ممكن تغمض عينيك وتهدى …حاول تنسي كل اللى حصل ..
باسم : ازاى بس يا سندس
سندس : هسسسس ..أهدى ..غمض عينيك …ما تفكرش ..كل اللى عايزاك تعرفه ..انى بحبك ..فى اى وضع …وانت مالكش ذنب فى اللى حصل ..
باسم : اوعى تبعدى عنى ..
سندس وهى تملس على خده : انا بعشقك يا واد يا مز انت وجلست تلعب باظافرها فى شعره حتى غط باسم فى نوم عميق ….
قامت سندس بهدوء ووضعت الوسادة تحت رأسه
واحضرت الغطاء و وضعته عليه وخرجت فى هدوء …
خرجت سندس وذهبت إلى حجرتها حيث كانت خالتها منى فى انتظارها ..
سندس : خالتو حبيبتى ايه اللى مسهرك
منى : الست وفاء دى تصرفاتها ما تطمنش
انا بجد قلقانه عليكم هنا ..دى غير أنها هتبقي حماتك ..ربنا يستر
سندس : مش هقدر تعمل حاجه ..لانى انا وباسم بنحب بعض ..دا غير أن اونكل سالم …بيحب ماما زى ما انتى شايفه
منى : ربنا. يطمنى عليكم …
سندس وهى تتحدث بدأت في العطس و السعال
منى : مالك …شكلك اخدتى برد
سندس : تقريبا كدا ..
منى : طب تعالى اتغطى وانا هنزل اعمل ليكى حاجه دافئه …
نزلت منى الى الاسفل ودخلت المطبخ وبدأت تبحث عن اى مشروب لتحضره الى سندس
وفى الاخير وجدت ليمون بالثلاجه
أحضرت الماء المغلى …وحضرت الليمون …لتجد أمامها …حسام
ارتبكت فوقع منها كوب الليمون على يدها فاحترقت ..
حسام بقلق : انا آسف ..مقصدتش اخضك …انا شوفتك بتدورى ..جيت اساعدك
منى بتألم : ايدى …
حسام : تعالى اقعدى ..وأحضر الثلج وكريمات مضادة للحروق وجلس بجانبها لاسعافها ….
وفاء بخجل من قربه الشديد : كفايه كدا كتر خيرك
ليرفع حسام عينيه ولأول مرة يشاهد ملامحها الرقيقه ..
حسام فى نفسه وهو ينظر بعينيها : وانا اللى كنت مستغرب سالم ..ازاى يفكر فى الحب والزواج فى العمر دا …شكلى هحصله ….
عند لؤى
لؤى : الو
ريم : الووو
لؤى : وحشتينى
ريم : احنا لسه سايبين بعض من دقيقه
لؤى : انتى ديما وحشانى يا مغلبانى
ثم .انا بقيت قلقان عليكى من طنط وفاء
لؤى : احنا لازم نتجوز فى أقرب وقت ..ونروح بعيد عنها وعن أذاها …
ريم : اطمن حبيبي ..طول ما انت معايا انا فى امان …
لؤى : طب ممكن اطلب منك طلب وتنفذيه
ريم : طبعا …….
لؤى : عايزك …………. ………..
ريم : خلاص فهمتك …حاضر
يمر الوقت وينام جميع أبطالنا ….
يأتى شخص غريب وملثم إلى حجرة ريم …
- يتبع الفصل التالي اضغط على ( رواية سيدة القصر ) اسم الرواية