رواية احببت وصية رسول الله كاملة بقلم نورهان محمد عبر مدونة دليل الروايات
رواية احببت وصية رسول الله الفصل الواحد و العشرون 21
ليقطع حديثهم دخول شخص ما
عائشه باستغراب خالتو هند
هند بحزن عامله ايه ياحبيبتي
عائشه الحمد لله ياخالتو
لتكمل عائشه نزلتي من السفر امته
هند سفر ايه
عائشه عمو حسن اللي قال كده
هند انا بردو لما كلمت خالتك وامك علشان اباركلهم علي كتب كتاب احمد وخديجه قالوا نفس الكلام
انا كنت في القاهره ماانتي عارفه
عائشه ايه دا بجد احنا اتخيلنا انك مسافره بره زي ماعمو حسن فهمني
هند هو مفهمكم كده
عائشه اه ليه
هند هو عمي حامد والباقيين فين عايزه اتكلم معاهم
عائشه الكل جوا
هند تمام
ليترجل الجميع إلي الداخل خلفها
فرح الجميع برؤيتها وبدأت الاستقبالات
فاطمه وحشتيني جدا يابنت عمي
هند وانتو كمان والله
لتكمل عاملين ايه
زينب والله الحمد لله بخير
لتهتف زينب بحب مش عائشه حامل
هند بفرحه بجد
لتقترب من عائشه وتحتضنها مباارك ياعيوني وربنا يتمملك حملك على خير
عائشه اللهم آمين
هند مبارك ياعمر ياحبيبي
عمر الله يبارك فيك ياخالتو تسلمي
زينب ايه يا هند مكنتيش ناويه تنزلي من السفر
هند باستغراب انا كنت في القاهره علشان بتابع حاله شفاء بنتي انا راجعه من فتره وقاعده في القاهره حتي انا اتخيلت أنكم عارفين
فاطمه لا والله أول مره نعرف منك احنا كنا كل ما نسئل حسن يقولنا لسه مسافره
هند انا اصلا عايزه اتكلم معاكم في موضوع مهم
محمد خير ياام محمود مالك
هند انا الصراحه حاسه ان حسن متغير حاسه ان دا مش جوزي اللي اعرفوا
أحمد يعني ايه ياخالتو
هند يعني مثلا طول اليوم بره دا كمان ليل ونهار نادر لما بنشوفوا دا غير طبعا المكالمات الكتير اللي بتجيلوا متأخر وعدم اهتمامه بالاولاد حتي شفاء مش بيسئل عن حالتها ولا بقا مهتم
ساعات كتير بحس انو مش هو
فاطمه ايه الكلام اللي يقلقك دا
أحمد ايوه حتي محضرش كتب كتابي والمفروض انو كان بيكون أول الحاضرين في أي حاجه تخصنا
هند انا فعلا قلقانه جدا داانا حتي رجعت من القاهره بسبب كده قولت اكون معاكم واحكيلكم
زينب ان شاء الله هنعرف في ايه متقلقيش
لتكمل شفاء عامله ايه دلوقتي
هند يعني الحمد لله بدأ يكون في تحسن
فاطمه علي خير ان شاء الله
هند ايوه خير بإذن الله ثقتي في ربنا كبيره
لتكمل عمي انت بتفكر في ايه
الجد حامد ابدأ يابنتي انا بس قلقان علي حسن ليكون فيه حاجه
هند عندك حق ياعمي هي فعلا حاجه تقلق
ليبدأ بينهما الحديث
بعد مده بسيطه
هند انا هستأذن بقا
زينب لا خليك شويه لسه الوقت بدري
هند معلش بقا في علشان شفاء ببقا قلقانه عليها
محمد ربنا يطمنك عليها
هند اللهم آمين بكره رمضان كل سنه وانتو طيبين متنسوهاش بقا من دعائكم
خديجه متقلقيش ياخالتو دايما في دعائنا
هند ربنا يباركلي فيكم ويديم لمتنا
اوصلها احمد واطمأن عليها ثم عاد إلي الفيلا مره اخري
عمر بعد اذنكم هنطلع احنا بقا
محمد اتفضل يابني
فاطمه تنزلوا علي السحور
عمر حاضر ياامي
توجهوا سويا إلي شقتهم
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
الجد حامد توجه إلي غرفته
وتوجه محمد خلفه
الجد حامد تعالي يا محمد كنت عارف انك هتاجي
محمد بصراحه ياحج عايز اتكلم معاك
الجد حامد اتكلم يابني
محمد طبعا ياحج انت سمعت كلام هند
الجد حامد ايوه طبعا
محمد من الواضح أن في حاجه غلط
الجد حامد باين كده فعلا
محمد انا كان لا يمكن اشك في حسن
بس بعد اللي حصل حاسس بحاجه غلط
الجد حامد وانا كمان بس لازم نتأكد الاول
محمد هنتأكد بس لو طلع اللي في دماغي صح هتبقا كارثه
الجد حامد ربنا يستر ياابني ويخلف ظننا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في شقتهم
عمر بابتسامه عملك مفاجأه
عائشه بتشويق ايه
عمر وهو يخرج الشنط الممتلي بافرع النور والزينه المبهجه
ليكمل ايه رائيك بقا
عائشه اللهم بارك ايه الجمال دا
لتكمل عارف يااحمد انا كان نفسي نحتفل في شقتنا كده ونعمل جو مبهج وخصوصا انها أول رمضان واحنا مع بعض
عمر ما انا حاسس بيك وعلشان كده حبيت اعملك مفاجأه
ليكمل يلا بقا انا هعلق وانتي بس تتفرجي وتستمتعي بالاجواء
عائشه بسعاده حاضر
كان جو مبهج في ما بينهما فهما كان يفعلان هذه الأشياء بسعاده ومرح
وكان لا يخلو من مزاحهم وفرهم خلف بعض وظلوا علي هذا الحال لبعض
عمر وهو يجلس انا تعبت من ناقص غير اني اروح اعلق الزينه في المستشفي
عائشه طيب والله هتكون فكره حلوه حتي المرضي يحسوا بالاجواء دي وبردو هتخفف عنهم المهم
عمر ما عملت كده خليتهم يعلقوا زينه في كل الغرف وفي الطرق والاستراحات في كل مكان في المستشفي
ليكمل ربنا يجعلنا سبب في سعاده الغير والتخفيف عنهم
عائشه اللهم ياعمر ربنا يشفي كل مريض
عمر اللهم آمين
ليكمل مش عايزه تشوفي المفاجأه التانيه
عائشه لسه في مفاجأه تانيه
عمر ايوه طبعا
عائشه طيب ايه
عمر وهو يحمل بوكس كبير ويضعه امامها افتحيه وانتي تعرفي
عائشه بابتسامه بدأت في فتحه
لتجد فانوس كبير وفانوس آخر صغير
عائشه بسعاده ايه الجمال دا بجد حبيبت المفاجأه دي جدا
لتكمل وهي تضحك وكمان فانوس البيبي الصغير دا شكلو حلو جدا
عمر ربنا يقدرني واقدر اسعدكم دايما
عائشه وهي تحتضنه وجودك جنبنا بالدنيا ومافيها ربنا يديمك في حياتنا
عمر ويديمكم في حياتي ياحبيبتي
ليكمل يلا بقا نزين المصلي وبعدين نتوضي ونصلي ونقرأ قرآن مش عايزين نضيع وقت
عائشه بمرح يلا بينا
توجهوا نحو المصلي وبداوا في تزينوا أيضا
عائشه وهي تجلس الله شكلو بقا حلو اوي ياعمر
عمر بابتسامه اه فعلا شكلو جميل اوي
ليكمل عائشه عايزين نستغل الشهر دا افضل إستغلال مش عايزين نضيع وقت حتي لو انا في المستشفي انتي استغلي الوقت وانا بردو هستغلوا
عائشه بإذن الله ربنا هيقدرنا ان شاء الله
عمر أن شاء الله
صلي كل منهما ما تيسر من قيام الليل
وبداوا في قراءة القرآن
بعد الانتهاء بقولك ياعائشه
عائشه بانتباه نعم
عمر انا عندي فكره احنا نحاول نراجع القرآن انا حاسس اني نسيت اللي كنت حافظه انا طبعا في الفتره اللي كنت فيها في بريطانيا مكنتش براجع الا نادر فرصه بردو اننا نراجع من تاني
عائشه خلاص اتفقنا كل يوم نراجع جزئيه ونسمعها لبعض آخر اليوم
عمر تمام
عائشه يلا بينا ننزل بقا
ترجلوا سويا إلي الاسفل
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الفيلا
كان الجميع يجلس في جو من البهجه والسرور
تجمعوا علي مائده السحور
الجد حامد ربنا يديم لمتنا يااولاد
محمد اللهم آمين ياحج
انطلقوا إلي الجنينه
خديجه مش قادره هفطس
أحمد وانا كمان مش قادر
عمر غريبه والله طيب بتشربوا ليه عايز اعرف
احمد والله يابني ماعارف احنا واخدين علي كده
عمر بابتسامه اعمل فيكم ايه
ليكمل احنا بقا عايزين نتكلم في الجد
احمد بس نتفق
عمر علي ايه
احمد بعد مانتكلم في الجد نتكلم في الهزار
عمر قوم من قدامي احسنلك
احمد خلاص والله هسكت
عمر بجد احنا عايزين نخلي رمضان السنادي غير
خديجه ازاي
عمر هقولكم
فتح عمر هاتفه وبدأ ان يقرأ من عليه
اولا في ايات عن شهر رمضان
{شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ}
إنَّ في الجَنَّةِ بَابًا يُقَالُ له الرَّيَّانُ يَدْخُلُ منه الصَّائِمُونَ يَومَ القِيَامَةِ، لا يَدْخُلُ منه أحَدٌ غَيْرُهُمْ، يُقَالُ: أيْنَ الصَّائِمُونَ؟ فَيَقُومُونَ لا يَدْخُلُ منه أحَدٌ غَيْرُهُمْ، فَإِذَا دَخَلُوا أُغْلِقَ فَلَمْ يَدْخُلْ منه أحَدٌ”
أولى هذه الأفكار هي التّوبة إلى الله، فإنّ المرء حين يدخل رمضان عليه أن يعلم أنّ هذه نعمة قد أتته وقد حُرم منها غيره حين اختارهم الله -سبحانه- لجواره؛
فليعلم أنّها منّة ومكرمة عظيمة من الله -تعالى- له، فعليه أن يعلن حياة جديدة ويتوب ممّا قد مرّ به قبل شهر رمضان توبةً نصوحًا، وأن يعلن الإنابة إلى الله امتثالًا لقوله تعالى {وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ}؛
لازم نصفي النيه وننسي بقا أي شخص اذانا ونعفو
لازم نستغل الأيام دي افضل إستغلال في عباده الله
مثلا نقسم وقتنا نحاول نراجع القرآن وبردو نقرأ ونستغفر ندعي نصلي الفروض في اوقاتها
نخلص في العباده ونحاول نخرج كل مالدينا
عائشه فعلا عندك حق
أحمد احنا خلاص نتفق يعني مثلا انا وعمر عندنا شغل نقدر نستغل الوقت اللي مش هنكون شغالين فيه
وانتي وخديجه بردو لو بعد مثلا ماتعملوا حاجه او تذاكروا تحطوا ساعه كده في النص وتستغلوها زي ماكنتم بتعملوا في الايام العاديه بس طبعا هيكون في تكثيف اكتر من الاول
خديجه فعلا خلاص اتفقنا
عائشه اه ونبدأ من دلوقتي
بداوا سويا وكان صوت تلاوتهم للقرآن يشرح القلب
بعد دقائق ارتفع الآذان وصل عمر بهم جميعا
بعد وقت من العباده
انا فصلت انا هطلع ارتاح بقا علشان كلها كام ساعه وهروح المستشفي
ترجلت عائشه معه وتوجهوا وناموا سويا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الصباح
استعد عمر وتوجه إلي المستشفي
واستعد احمد وتوجه نحو الجامعه ولم تذهب مع زينب
في الاسفل
كان الجميع يحضر للافطار بهمه ونشاط وكانوا جميعا متعاونون
ولم يخلوا ذلك من انهما قضوا أيضا فروضهم وقراوا ما تيسر من القرآن
وكانت عائشه تتلقي من الحين والآخر اتصال من عمر للاطمئنان عليها وايضا يحثها علي مداومه الذكر والتلاوه
واتي احمد أيضا وكان يجلس مع جده وكان كل منهما يرتل القرآن
اعلنت الجوامع عن قرآن المغرب
ترجل عمر الي الداخل وكان من الواضح انه متعبا بشده
عائشه بابتسامه حمدالله علي السلامه
عمر الله يسلمك
عائشه اطلع خد دش وانا محضرالك اللبس وعلي ماتخلص يكون المغرب آذن
عمر تمام انا محتاج فعلا افوق كده
بعد دقائق
فطر الجميع علي حبات التمر وبعض العصائر ثم صلوا فرضهم وعادوا إلي المائده لتناول الفطار
عمر انا رايح الجامع علشان اصلي التراويح
عائشه تمام ياعمر
توجه الجد حامد ومحمد وعمر واحمد إلي المسجد القريب منهم لقضاء صلاه التراويح
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
بعد انتهاء عائشه من الصلاه وجدت ميار تهاتفها
ميار السلام عليكم
عائشه وعليكم السلام ورحمة الله وبركاته
ميار كل سنه وانتي طيبه وبخير يااحلي عائشه في الدنيا
عائشه وانتي طيبه وبخير يااحلي ميار في الدنيا
ميار انا فرحانه اوي ياعائشه تعرفي ان دا أول رمضان ليا من فتره كبيره اكون ملتزمه وبصلي وبصوم انا مش مصدقه نفسي
عائشه بابتسامه ربنا يسعدك دايما ياحبيبتي ويثبتك دايما
ميار اللهم آمين
لتكمل بمرح لا وكمان بقيت متجوزه ودبلتوا في ايدي
عائشه بضحك انتي مجنونه ياميار
ميار وانتي قلب المجنونه ياعائشه
لتكمل ميار بقولك ايه هرن عليك فيديو كول علشان اعيد عليهم كلهم
عائشه تمام
وساد جو من الفرح والضحك والمرح
فاطمه اعملوا حسابكم معزومين عندنا بكره
ميار كده كده انا كنت هاجي افطر عندكم من غير عزومه
زينب بمرح هي دي ميار اللي اعرفها
ميار حبيبتي ياخالتو
انتهت المكالمة فيما بينهما
وعاد كل منهما إلي ما كان يقرأ من القرآن
اتي الرجال من المسجد
أحمد حلوه الكنافه مين اللي عاملها
عائشه انا ايه رائيك
أحمد حلوه زيك ياقلبي
ليكمل وانتي ياخديجه عملتي ايه
خديجه القطايف
أحمد كانت حلوه ياخديجه زيك
عمر ايه يااحمد اكيد وراك حاجه من ورا المدح دا
احمد بيعجبني فيك انك لماح
هقولك انا لما أمدح فيهم هيتحمسوا وكل يوم يعملولنا حاجه حلوه وطبعا في الاول والاخر احنا اللي هناكل وهتكوني احنا المستفادين
محمد بيعجبني فيك دماغك دي
أحمد تسلم ياعمي
ليكمل عدوا الجمايل اديني بعلمكم
محمد واحد صفر كده
عمر بابتسامه انا هقوم اجهز واروح المستشفي عندي جراحه
المريض كان مصمم يصوم أول يوم والصراحه محبتش اكسر بخاطره
محمد ربنا يجعلوا في ميزان حسناتك
بعد دقائق استعد عمر وتوجه إلي المستشفي
ليأتي الليل المعتم
كان الجميع نائم
اما عائشه فكانت جالسه تنتظر عمر
اتي عمر وكان متعبا بشده
عائشه بابتسامه حمد الله علي السلامة باين عليك فاصل
عمر الله يسلمك ياحبيبتي
ليكمل جدا والله ياعائشه مش قادر أقاوم
عائشه تمام نصلي ونام ونبقا نكمل لما نصحي قبل السحور
وصلوا وتوجهوا إلي النوم
فاقت عائشه علي صوت رنات علي هاتفها
خديجه ايه ياعائشه منزلتوش ليه
عائشه والله يابنتي كنا نايمين
لتكمل هننزل اهو
خديجه تمام
ايقظت عائشه عمر وتوجهوا سويا إلي الاسفل
لينتهي اليوم
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في صباح اليوم التالي
استعد عمر وتوجه إلي المستشفي
عائشه خالتو انا وخديجه هنساعدك انهارده بدل ماما
فاطمه لا ياحبيبتي انتي متتعبيش نفسك وبعدين انا وزينب حضرنا كل حاجه قبل ما تمشي ولو احتجت حاجه خديجه هتساعدني
لتكمل روحوا انتو ذاكروا وانا هطلع اقرأ قرآن
عائشه تمام
ذاكرت عائشه وخديجه لبعض الوقت
مر الوقت سريعا
قبل آذان المغرب وتقريبا وقت قرآن المغرب
كان الجميع يقف يعمل بهمه يد بيد
هند بقولك ياخديجه اعملي العصاير
فاطمه ميار حضري السفره
مني بقولك ياعائشه حطي الحلو في الاطباق
وكان الجميع يعمل بحب
وكالعاده الرجال كان يجتمعان في الريسبشن
علي المائده الرجال تناولوا طعامهم سويا
والنساء تناولوا طعامهم في الجهه الاخري
كان حسن يقف علي العوض يغسل وجهه
عمر عمي حسن انت هنا ليصمت فجأه
حسن بارتباك وهو يتحرك بتوتر اه اه
عمر بصدمه لم يظهرها …………..
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
- يتبع الفصل التالي اضغط على ( رواية احببت وصية رسول الله ) اسم الرواية