Ads by Google X

رواية نوارة الفصل العشرون 20 - بقلم فرح احمد

الصفحة الرئيسية

 رواية نوارة (كاملة جميع الفصول) حصريا عبر دليل الروايات بقلم فرح احمد

رواية نوارة الفصل العشرون 20

ـ╗══════════════╔
ـ  رواية نوِّاره الحلقة العشرون 
ـ╝══════════════╚

إبتدوا يــدوروا و نواره سمعا هب و دب علي الأرض و خايــفـة لأحد يشوفها ، بس فجأه لقت سُلم من الجانب التاني ، فبسرعــة جريت عليه و فِضلت تطلع عليه لِــحَــد ما و صلت لقت قُدامها باب بيؤدي علي الشارع ، فرحت و لِــسه جــايــة تُــخرج لَــقــت حَــد بيمسك دراعها 

نواره بِخَضــة و خوف:.
_سِــبني ،، أنــا مينفعش أكون هنا 

الحارس:.
_أدهم بيه قالب الدنيا عليكِ ي هانم 

نواره بدموع:.
_و أنـــا مش عايزه أرجع ، أرجوك ... مش عايزه أرجع للراجل دا ، ترضي إن حد يغضبك علي حد...؟! ، فأرجوك سبني أمشي

الحارس مسكها و فضل يُجرها و نواره تحاول تفك إيدها ، و تعيط ، لكن فشلت ، و وصلوا عند العربيه و فتح الــباب:.
_إركبي ي هانم

نواره:.
_أرجووك مش عايزه أرجعله ، أرجوووك

و ركبها غصب و قفل الباب و ركب طلع بيها لحد م وقفه واحد زميل لي و نواره أول م شافته بيقف عيطت أكتر 

الحارس:.
_رايح فين يــا عمر..؟!

نواره كانت منتظره إجابته إلي كانت متوقعها و لكن لقت عمر بيقول:.
_أُختي مُزن تعبانــه ، فلازم أروحلها

الحارس:.
_تمام يــا عمر ، و ألف سلامة علي مُزن

عمر:.
_الله يسلمك

 إتحرك عمر و نواره حست إن حمل و إنزاح و أخدت نفسها بالتدريج...!

نواره:.
_إنتَ وخدني فين...؟!

عمر:.
_البيت عندي

نوارة صُعقت وقالت بعصبيه:.
_بيتك إزاي مش فاهما..؟! ،، أنــا مش جاية معاك في حته ، إتفضل نزلني هنا

عمر:.
_لو نزلتك يــا هانم ، هيبقي عند أدهم بيه

نواره:.
_دا تهديد ولا إيه...؟! 

عمر:.
_لا يــا مدام ... إنتِ طلبتي منِ أسيبك ،، و لو سبتك هتروحي فين...!! ، علي م أظن ملكيش مكان تروحي 

نوارة:.
_و مش معني كلامي بردو إنِ إجي معاك بيتك 

عمر:.
_متفهميش غلط يــا مــدام ، أنــا أُختي عايشة معايا ، و متنسيش إن حضرتك مــرات أدهم بيه ، و الراجل دا خيره عليا

نوارة:.
_و لية هربتني..؟!

عمر:.
_لإنِ تخيلت في يوم أُختي متجوزه و مش طايقا جوزها و مقبألش إنها تكمل معا غصب ، حتي لو جوزها م أحسن الناس ، بس اٌلله أعلم معاملته بزوجته إزاي..!

نوارة:.
_البيت بعيد..؟!

عمر:.
_بالنسبة لفيلا أدهــم بيه ، أكيد

نواره رجعت رأسها لوراء و نــامت من التــعــب.....!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

عمر:.
_مــدام نوار ، مدام

نواره:.
_أيــون

عمر:.
_إحنا وصلنا ... فــ يالا

و نــزلــوا و هما طالعين نوارة رجــليها إتجزعت فــ بِــســرعة كــان مسكها قبل مــا تُقــع و قال:.
_حَضرِتك كــويســة...؟!

نواره:.
_أه كويسة .. أنا بس مشوفتش السلمة 

و شال إيدة من عليها إلي نــواره إتحرجت منها و طلعوا...!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
 
عمر:.
_مُزن ، يــا مُزن

مُزن و جت و أول مــا شافـت أخــوها حضنته و قالت:.
_حبيبي ... وحشتني

عمر بــإبــتــسامة حُــب:.
_و إنتِ كمان يــا حبيبتي 

و قــام من حُضنها و قال:.
_إتفضلي يــا مــدام نواره

و دخــلــت نواره و هـيــا مُحرجة ، و بَصة في الأرض 

مُزن إستغربت بس سِكتت لحد م تفهم من أخوها مين دي..؟!

عمر:.
_إتفضلي يــا مــدام أُقعدي هــنا ، و ثــوانِ و جــاي

و قعدة نواره و أخــد عمر أُخته و دخلوا الأوضه 

نــواره سَــرحــت مع نفسها و إفتكرت إلي حصلها مــع أدهــم ،، و غصب عنها دمعة نزلت من عيونها ،، و أخــدة نفس طوويل و خرجته ،، بس لما رجعت تاني إفتكرت إنها خسرت أعز حاجة تأملكها ، و مع الإنسان الغلط ،، أنا غبيه .. غبيه ، إزاي ضِعفت ، إزاي..! ، مــعـقولــة أنــا حبيت أدهم .. معقولة إيه ..! ، إنتِ حبتيه أصلاً يـا نواره .. بس قُدام حبك دا خسرتي عذريتك إلي فضلتي محافظا عليها طول فترة شُغلك مع فوزي .... و مــع شخص عُمره مــا هيفكر فيكِ .. أخدك مجرد تسلية مش أكــتر ... و تلاقي بيدور عليكِ .. عشان بس هربتي من غير من يديكي الإذن ، بس كدا مش أكتر

كُــل دا كــان حديث نواره مع نفسها و قالت و هيا بتخبط إيدها علي رأسها:.
_بــس بقا ، بــس ،، بطلي تِفكري بقا .. بطلي 

و جُــم مُزن و عمر

مُــزن بإبتسامة:.
_منورنا يـا نواره

نواره بإبتسامة:.
_بنورك

مُزن و قربت منها و مدت إيدها:.
_أنــا مُزن ، عندي 20سنه ، في 3 جامعة ، كليه أصول دين ، و فرحي كمان شهر ، يعني خلاااص هوودع العزوبيه ، أه ي قلبي الصغير لا يحتمل

نوارة بإبتسامة:.
_ربنا يحفظك يــا حبيبتي ، و يوفقك

مُزن:.
_يــا رب .. بُصي إنتِ هتباتي معايا في أوضتي ، ماشي ، و لو عايزا تنامي علي السرير لوحدك ، قولي أنا معنديش مشاكل ، و أروح أبـــات مع عمر عادي ، و أخلي ينام علي الكنبه

عمر بضيقه مصطتنعه:.
_يعني أنا إلي هطرد في الأخر

مُزن بلهجه دبلوماسية:.
_أجل سيدي

نواره:.
_لالا أنا مش هأجي أبوظلكم نِظامكم ، ِأنــا هنأم علي الكنبة عــادي ، و خليكم في أوضكم ، و أســفـة لو هعمل إزعاج ، بس هو يومين و إن شاءالله أشوفلي شغل و مكان ، و أمشي 

مُزن بضيق مصطتنع:.
_لالا إخص عليكِ يــا نوارة ، دا إنتِ ضيفة عندنا ، و كمان أنــا نفسي يبقالي أُخت ، فهزعل منك لو نمتي برا

نواره:.
_طيب

مُزن:.
_أحلي حاضر دي و لا إيه..؟! ، كفايه عيونك الخُضر دول ، الأقيش عندك 

نواره بإبتسامة:.
_هههه لو عندي مش هبخل عليكِ

مُزن:.
_طب يالا تعالي معايا ، عشان نصلي و ننام ، و إنتَ يــا عمر ، روح إتوضي و تعالي عشان تصلي بينا إمام

عمر:.
_تمام

و راحوا يتوضوا و لأحظت مُزن كمية التاتوهات إلي في إيد نواره و رجليها و وشها ، الأخرام .. فأستغربت  و إتوضوا و صلوا و دخلوا الأوضه 

مُزن:.
_مــمكن أسالك سؤال..؟!

نواره:.
_إتفضلِ..!

مُزن:.
_هــو دا وشم..؟!

نواره:.
_لا دا تاتو ، جربت الوشم ، و بيوجع ، فبقيت معملوش ، و أعمل تاتو ،، و كل فترة بروح أجدد عليه

مُزن إستغربت و قالت:.
_بس إزاي بتصلي..؟!

نواره:.
_أنــا قعدة فتره كبيره قطعه الصلاه ، بس إية علاقته بالصلاه التاتو..؟!

مُزن:.
_الوشم حرام ، و النبي نهي عنه في حديثه " لعن الله الواشمة و المستوشِمةَ..." ... التاتو مينفعش ، لإنه بينقض وضوئك و إغتسالك ، يعني أي صلاة ليكِ باطلة ، عشان المايه مبتوصلش للعضو ،، هو إنتِ مكنتيش تعرفِ...؟!

نــواره صُعقت من الكلام و قالت:.
_لا 

مُزن بإبتسامة:.
_طالما متعرفيش ، يبقي عادي ، للجهاله ، بس لما يروح ، معنتيش تجددي عليه ، لإنك دلوقتي عرفا 

نــواره:.
_إن شاءالله 

مُزن:.
_يالا تصبحي علي خير

نواره بإبتسامة بسيطة:.
_و إنتِ من أهل الخير

و نامت مُزن و فضلت نواره صاحيا معرفتش تنام ، كل م تيجي تنام تفتكر إلي حصل ليها مع أدهم و حياتها ف الكبارية ، و قالت لنفسها:.
_هو أنا للدرجادي حياتي كلها حرام و غلط .. مفيش فيها حــاجة كويسه و صح..! ،، و يــا تري ربنا هيغفرلي كُــل دا..! ، و لا أنــ ا إلي زي باب التوبة ليهم إتفقل..! 

و نامت نواره بعد صراع ف التفكير و في حياتها ، و دموعها علي خدها إلي كذا مره توقفها معرفتش...!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

في الفيلا عند أدهم 

أدهم منمش الليل ، فضل يدور علي نواره ، و مش لأقيها ، و كُل الحرس قلبوا الفيلا ملقوهاش

رجب بأسف:.
_مش لأقينها يــا أدهــم ، إحنا دورنا عليــها في كُل حته ، حتي الشارع الرئيسي ، إختفت..!

أدهــم سأند رأسه علي إيده ، و قال بحُزن:.
_شُــكرًا يــا رجب ، إمشي إنتَ الوقتي

و مشي رجب مُراعياً حالة أدهــم و إنه مش قادر يتكلم..!

حُلم رأحت لأدهم و لتاني مره تشوفه في الحالة دي ، قربت منه و أخدته في حُضنها و قالت بصوت مهزوز:.
_متخفش يــا أدهم ، إن شاءالله هتلأقيها و هتبقي كويسه 

أدهــم بحزن:.
_أنــا خسرتها يــا حُــلم

حُلم:.
_لا مخسرتهاش ، صدقني ، نواره بتحبك 

أدهــم:.
_أنــا ضيعتها بغبائي ، والله كنت رايح ورأها ، بس كُنت عايز أسبها تهدي ، بس هربت ، و مدتنيش فُرصة إنِ أوضحلها حاجة 

حُلم و بعدته عن حضنها و قالت:.
_متخفش يــا أدهم ، نواره هترجع ، بس هيا حبت تبعد شوية ، و هتهدي و هترجع تاني ، خلي عندك ثقه في ربنا 

أدهــم:.
_ونــعمة بالله

و قامت حُلم و عنيها دمعت لإن نــواره وحشتها ، و مش متخيلة إنها معدتش هتشوفها ، و متعرفش حتي سبب الخناق ما بينهم ، و أدهــم في حالته دي ، مش هيقدر يكلم ، بس هتروح تخلص شُغلها و تدعيلها....!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

في منزل حــاتم 

إستيقظ حاتم و دخل الحمام و أخذ شاور سريع و خرج عمل فطاره ، و هذه المره الشقه كانت نظيفه بسبب إن البواب إلي نظفها ، و إتفق معا كل أُسبوع هو إلي يعملها 

تك تك تك تك 

كان هذا صوت الباب ، فقام حاتم و فتح الباب و كانت حِصَه:.
_إزيك يــا حــاتم

حاتم بإبتسامة جافة:.
_كويس .. إيه إلي جابك...؟!

حِصَه:.
_العريس جاي بليل ، و كُنت عايزاك معايا زي م قولتلك

حاتم و دخل و دخلت ورا حِصَه و قفلت الباب:.
_كان ممكن تقوليلي في التليفون أو تأكدي يعني

حِصَه:.
_كُنت عايزا أشوفك يــا حاتم .. صحيح كُنت عايزا أحكيلك علي موضوع 

حاتم:.
_حِصَه أنا مش قادر أسمع حكاوي و مواضيع ، و يالا عشان أفطر و أروحك ... لو جعانة عندك في المطبخ عيش و رومي ، إعمليها في سندوتش و سخنيها

حِصَه بإحباط:.
_لا شُكرًا ، عن إذنك .. هروح أنا..!

حاتم:.
_براحتك .. سلام...!

و غادرت حِصَه و هيا عنيها مدمعه بسبب إحراج أخيها لها...!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

في المنزل عند عمر

نواره صحيت و شأفت مُزن بتلبس خمارها 

مُزن بإبتسامة:.
_صباح الخير يــا نواره

نواره بإبتسامة:.
_صباح النور

مُزن:.
_هستأذنك عشان عندي إمتحان النهارده .. إدعيلي

نواره:.
_من عيوني

و فضلت نواره متبعها و هيا بتلبس خمارها إلي إدها منظر برئ مع ملامحها الطفولية ،، و إتفجأت نواره بالنقاب إلي بتلبسه وقالت:.
_إنتِ منقبه..؟!

مُزن بإبتسامة:.
_أه ، بقالي 4 سنين ، لابسا 

نواره:.
_شكلك حلو فيه

مُزن:.
_حبيبتي تسلمي 

و خرجت مع نواره و كــان عمر برا بيحط الفطار علي الطرابيزه 

مُزن:.
_هتوصلني يــا عمر 

عمر بضيق مصطتنع:.
_و جوزك فين..؟! ، و لا هو بينطلي بس لما أكون بحضنك و فالح بس يقولي " متحضنش مرأتي يــا عُمر"

مُزن بتكشيره:.
_متتريقش علي جوزي لوسمحت  ، و بعدين هو مش فاضي ، يالا عشان توصلني

عمر:.
_صبرني يــا رب

نواره:.
_هو إنتم هتنزلوا..؟!

مُزن و حست إن نواره مضايقة فقالت و هيا حاطا إيدها علي إيد نواره:.
_أنا مش هتأخر ، هيا ساعتين زمن و هكون هِنا .. و شغلي التليفزيون لو عايزا ، و عندك التاب بتاعي في أوضتي ، لو عايزا إلعبي عليه ، بس متجيش جمب لعبة كاند كراش بالله عليك ، لأحسن أنا ف النهائيات ، هاا ماشي

قالت الجملة الأخيره و ضحكوا عليها نواره:.
_حاضر ، بس متتأخريش عليا

مُزن:.
_من عيوني

و قاموا عمر:.
_مدام نواره ، لو عوزتي حاجة .. هتلاقيني حاطط رقمي جمب الأرضي ، كلميني ، تمام

نواره:.
_حاضر

و مشيوا و إفتكرت من روح مُزن و كلامها مليكة ، و قد إيه هيا وحشتها ، و إفتكرت الداده ، و لقت قُدامها الأرضي و قررت تكلمها

نواره:.
_داده فوزيه ، وحشتيني

فوزيه و عيطت وقالت:.
_و إنتِ كمان يــا بنتي ،، كدا مبقتيش تسألي عليا يــا نواره

نواره:.
_أسـفــة يـا داده ، بس كُنت مشغوله 

الداده:.
_الحمدالله إنك بخير يـا بنتي 

و فضلوا يتكلموا و نواره هَدت الداده لإنها كانت بتعيط ، و قفلوا مع بعض ، و نواره مسحت دُموعها ، و راحت المطبخ ، و قررت تعمل أكله ، و إبدت تُبدع ، ما هو أكلها لا يُعلي عليه..!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

أدهم:.
_قولت مش رايح في حته يــا أكرم

أكرم:.
_أدهم ، بطل جنان ، إنتَ عارف إن الصعلوك من أكبر الشركات إلي نحب نتعامل معاها ، و شركات كتير تتمني تبقي مكانا ، و رفضك للحفلة ، هتعملنا مشاكل كتير ، فـ لوسمحت ، بلاش عند و هيا ساعة و إمشي 

أدهم:.
_طيب يــا أكرم ، إرتحت بقا ، يالا برا 

أكرم خرج و هنا قابلته:.
_هو الكلام إلي سمعته صح..! ، نواره هربت

أكرم:.
_تعالي المكتب الأول

و راحو مكتب أكرم و قعد وقال:.
_مع الأسف صح .. أنا معرفش هربت ليه..؟! ،، و لو هيا عايزا تهرب فعلاً و متكملش معا ، ليه موفقتش علي عرضي...!

هنا:.
_أكيــد عشان إنتَ صاحبه ،، تفتكر إية السبــب إلي يخليها تهرب..؟!

أكرم:.
_معرفش ، حتي أدهم مش راضي يحكي

هنا:.
_متجبروش ، و هو هيجي يحكي متخفش ، عن إذنك

و خرجت هنا و تركت أكرم محتار...!

ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥

مُزن كانت طالعة علي السلم و لقت جارتها بتقول:.
_هو في حد عندكم في البيت يــا مُزن..؟!

مُزن إستغربت وقالت:.
_أه واحدة قريبتي .. ليه بتسألي..؟!

الجارة:.
_أصل شاما ريحة طبخ ، فقولت أسالك لإنِ عرفا إنك مش في البيت لا إنتِ ولا عمر

مُزن:.
_ماشي ، شكرا يـا منيرة

منيرة:.
_العفو

و طلعت مُزن و شالت النقاب و دخل المطبخ ، لقت نواره بتحط الأكل علي الطرابيزه بتاعت المطبخ

مُزن:.
_ليه يــا نواره قومتي ، أنا كُنت هاجي و أعمله أنا..!

نواره:.
_مــا هو أنا زهقانه ، و بصراحه بحب أطلع زهقي في الأكل ، و يالا روحي إغسلي إيدك ، و تعالي نتغدي ، و لا نستني عمر..؟!

و قربت مُزن من الأكل و جابت قطعة عيش صغيره و حطت فيها ملوخيه إلي عاملها نواره و داقتها و قالت بإعجاب شديد:.
_الله يــا نواره ، طعم الملوخية رائع بجد 

نواره بإبتسامه إنها عجبتها الملوخيه:.
_طب كويس إنها عجبتك ، ها قوليلي هنستني عمر ولا نأكل لوحدنا..؟!

مُزن وبتبص للأكل إلي نفسها تأكله الوقتي:.
_نفسي أكله الوقتي ، بس عمر مبيعرفش يأكل لوحده ، فــ نستاني عشان ميزعلش

نواره بإبتسامة:.
_ماشي 

و قعدوا مع بعض و فضلوا يدردشوا و حكت نواره حكيتها بإختصار مع أدهم وقالت:.
_عــرفــا إلي مضيقتي و  مخليني مش طايقا نفسي ، إنِ حبيته .. أنــا مكنتش حاطا في بالي و لا مخططاتي معا ، إنِ أحبه ، بس مع الأسف مشاعرنا ، و إحسسنا منعرفش نتحكم فيها

مُزن:.
_فعلاً ، بس أدهم بيه والله ما في أطيب منه ، شخص مُحترم جدًا و متواضع ، أنا كذا مره كنت أشوفه و بيسلم و يرحب بيا في شركته ، و عرض عليا كذا مرة أجي أشتغل في الشركة  ، فصدقيني عيدي حساباتك هتعرفي إنه أفضل شخص تقابلي في حياتك 

نواره:.
_هو لو واحد عمل معاصي كتيره ، و عايز يتوب ، ربنا يقبل توبته...!

مُزن:.
_أكيد طبعاً ، ربنا رجمته وسعه ، بس أهــم حاجة الشخص لما يعزم إنه يتوب ، ميرجعش تاني ،  و تكون توبتك خالصة لله ، و ندمان علي إلي عمله

نواره:.
_ونعمه بالله 

و فضلوا يرغوا لحد مـا عمر و إبتدوا يتغدوا

عمر:.
_مين إلي عامل الأكل دا..؟!

نواره كانت هتقول أنــا بس سكتت لإن ممكن الأكل معجبوش و يحرجها

مُزن:.
_ليه بتسأل..؟!

عمر:.
_أصــل يستحيل يكون دا أكلك يــا مُزن ، إنتِ أكلك مش بالحلاوه دي

و تنفست الصعداء نواره 

مُزن:.
_نواره إلي عامله ، و بصراحة الأكل رائع ، بس ماله أكلي يــا أخويا ، إنتَ تحمد ربنا إنِ بطبخ أصلاً 

عمر:.
_تسلم إيدك يــا مدام نواره " و وجهه كلامه لمُزن:.
_جميل يــا مُزن ، بس إتعملي شوية من نواره ، و إنتِ هتتجوزي ، مش عايزك تجيلي تاني يوم مطروده بسبب أكلك المحروق أو إلي ناقص ملح

مُزن وبطلع لسانها:.
_ملكش دعوه ، علي قلب محمد زي العسل

و خلصوا غداء و قعدوا و كانت نواره هتموت و تسأل عمر علي أدهم بس مش عرفا تجيبها إزاي

نواره:.
_هو أخبار أدهم إية..؟!

عمر:.
_كويس

نواره:.
_متأكد

عمر:.
_تقريبًا ، بس هو عنده حفله النهارده بليل

نواره:.
_حفلة إية..؟!

عمر:.
_الصعلوك إلي عملها ، بمناسبة الصفقه إلي ما بينهم

نواره:.
_و أدهــم رايح..؟!

عمر:.
_أكــيد

نواره و فكرت لدقايق وبعدين قالت بعزم:.
_أنــا عايزه أروح يــا عمر

عمر:.
_و لو أدهم شافك..؟!

نواره:.
_متخفش ، بس أنا عايزه أروح

عمر:.
_تمام

مُزن:.
_تروحي فين يــا إنتِ بتستهبلي

نواره:.
_لأزم أروح يــا مُزن

و قامت دخلت الحمام 

مُزن:.
_إنتَ هتسمحلها تروح..؟!

عمر:.
_أنا مش واصي عليها عشان أمنعها ، و متخفيش هيا هتبقي مع جوزها مش حد غريب ، و أنا معاها

مُزن:.
_براحتك

و دخلت أوضتها..!

نواره في الحمام ، فتحت الضلفه و جابت المقص و بصت لي بعزم و إصرار:.
_و هبتدئ بالتخلي عن أكتر بحبها ، لأزم أغير من شكلي 

و مسكت شعرها و وووو......!!

ـ━━━🅐🅗🅜🅔🅓𖣘🅐🅛🅕🅐🅝🅝🅐🅝━━━❥

   •تابع الفصل التالي "رواية نوارة" اضغط على اسم الرواية 

google-playkhamsatmostaqltradent