Ads by Google X

رواية لم يكن عالمي الجزء (2) الفصل السابع 7 - بقلم شيماء شاكر

الصفحة الرئيسية

 رواية لم يكن عالمي كاملة بقلم شيماء شاكر عبر مدونة دليل الروايات 


 رواية لم يكن عالمي الجزء (2) الفصل السابع 7

  
فاطمه أعدت على الركنه بصدمه وهى بتتكلم في التلفون : ماتت؟!!!!..انت بتهزر صح….يعنى اي ماتت…
خالد بيكلم فاطمه في التلفون بملل : يعنى ماتت…عربية خبطتها فماتت..ودتها المستشفي معرفوش يعملولها حاجه وماتت….
فاطمه دموعها نزلو بصدمه : همس ماتت…انت أزاي بتقول الخبر بلبساطه دي….
فاطمه بعياط : ماقولتليش لي….كنت عايزه أكون معاها….كنت عايزه أشوفها…
خالد بضيق : تشوفي أي….بقولك ماتت…هي رحله…ويلا بقا سلام
خالد قفل التلفون في وش فاطمه..
فاطمه بصت على التلفون…. بصدمه وبدموع…. وبتردد : همس ماتت؟!!!…
………………………..
وائل دخل لخالد المكتب بأبتسامه مصطنعه : نورت شركتك يا خالد بيه…
خالد رفع حاجبه بأبتسامه : ده أي التغيير المفاجئ ده…شكلك أتأكدت من الاوراق…
وائل بابتسامه : بظبط….ميهمنيش أذا كانت الشركه لمستر مالك او لخالد بيه..المهم الشغل يبقا ماشي…والفلوس تبقا مغرقاني…
خالد ضحك : اه فهمت…كنت بتغفل مالك في الفلوس….
وائل أبتسم : صح…
خالد كمل بأبتسامه : طيب يا وائل…. انا ميهمنيش…. خد براحتك..المهم أنك مطتمعش في أكتر من كده….
وائل : أكيد….
خالد بأبتسامه جانبيه : أسم مالك يتشال من على الشركه….انا عايز بدل…شركة الحديدي للأستيراد والتصدير…..تكون شركة الشافعي للأستيراد والتصدير…خلاص…
وائل داس على سنانه بغيظ : اللى تأمر بيه يا خالد بيه…بعد أذنك….
وائل خرج وقفل الباب وراه….
نور راحت لوائل بسرعه : أي اللى حصل…
وائل بضيق : عايز يغير أسم الشركه…
نور بستغراب : يعنى أي…
وائل بغيظ : يعنى بدل شركة الحديدي..شركة الشافعي…
نور بضيق : ده مجنون ده…أذا كان الشركه واقفه بجبروتها ده بسبب الاسم وصاحب الاسم…ولو أتغير… العملاء هتفكر أنها شركه غير الشركه خالص… فبتالي الشغل هيقف…
وائل بضيق : متقلقيش…هنغير الاسم لوقت مؤقت بس…المهم عايزين نبتدي ندور على مستر مالك…فكري معايا ممكن مالك الحديدي يكون فين…
……………………….
همس بصت على قشر جوز الهند اللى في كل مكان وفضلت تضحك : انا كنت بقول أنك بتحبه…بس مش للدرجه دي…
مالك أعد وسند ضهره على الشجره وبص لهمس بأبتسامه واسعه….
همس بصتله بأبتسامه وراحت أعدت جنبه وأتنهدت : انت عارف…
مالك باصص لهمس….
همس بصت قدمها وكملت : انت الوحيد اللى كنت بتشيل هم كل حاجه تخص حياتنا….مكنتش بتشيلني أي هم….
همس عيونها لمعو بدموع وكملت : انا كنت برمي كل همومي عليك….دلوقتي انا مش لقياك يا مالك…انت فين…..حاسه أنى تايهه…خايفه خالد ياخد كل أملاكك بعد ما تعبت وكونتها…..نفسي تفتكر بقا….حاسه أن الدنيا واقفه….انت أعد جنبي ولاكن مش معايا…انت قريب منى ولاكن بعيد أووي….خايفه عليك…خايفه عليك تخسر كل حاجه…..
همس حطت أديها على وشها وعيطت جامد….
مالك باصصلها بضيق ودايس على سنانه بغضب…مخنوق أووي أنه مش فاهمها….حاسس أنها شايله هم حاجه هو مش قادر يستوعبها….حاسس أنها عايزه تقوله حاجه مهمه…ولاكن اللغه منعاهم يتواصلوا مع بعض….نفسه يخفف عنها ولاكن مش عارف يعمل أي…او يبدأ بأيه….
مالك شال أيد همس من على وشها وأبتسامه خفيفه ظهرت على شفايفه…
همس بصت لمالك وعيونها مليانه دموع…
مالك مسك حبه جوز الهند وبص لهمس…
همس بصت على الحبه بستغراب وقالت بصوت مهزوز بسبب عياطها : ماله جوز الهند….
مالك بأبتسامه خفيفه وقال بتلعثم : جوز أند…
همس بصت لمالك بصدمه…فهمت أنه عايز يتواصل معاها….فهمت انه عايز يتعلم لغتها عشان يفهمها وتفهمه…. فهمت أنه نفسه يخفف عنها أي هم…وأول طريق لده لازم يفهمها ويفهم كلامها…
همس دموعها نزلو : حتى وانت فاقد الذاكره بتحاول تساعدني…حتى وانت متعرفش أنى مراتك..عايز تشيل الهم عنى…
همس حضنت مالك بعياط : أنا عمري ما هقابل حد ذيك…انت مش بتتكرر يا مالك….بجد أنا محظوظه أووي أنى مراتك….محظوظه ان ربنا جامعني بيك…انا بحبك أووي…
مالك حضن همس بحب : سوف أتعلم تلك اللغه لأجلك…لأني أحببتك أيتها الانسيه….لا أريد شىء سواكي…
همس بعدت عن مالك وبصتله بأبتسامه رقيقه والدموع لمعه في عيونها: بحبك…
مالك بص لهمس والعشق ظاهر في عيونه…رفع أيده وبقا يملس على خدها برقه : سوف أحارب لأجلك….ستكونين لي…لن أتركك لغيري…شاء العالم ام أبَىَ ستكونى زوجت مصاص دماء….سوف أتعلم لأجلك أي شيء يقربني لك…
همس مش فاهمه كلامه…بس شايفه في عيونه تحدي وأصرار…
مالك رفع صوابعه شوايه على خدودها الاتنين….. ومسك خدودها بأيد واحده وقرب منها بهدوء….. وهو باصص في عيونها
همس باصه في عيونه وتايها في سودهم….
مالك قرب منها جامد لدرجه بقا يتنفس نفسها وعيونه نزلت على شفايفها…..
وهى غمضت عيونها بأستسلام….
فاجئه فتح عيونه وبعد عنها….
همس بصتله بخجل مموزج بأستفهام……
مالك بص حوليه : هناك بشري على هذه الارض….
همس بصتله بعدم فهم : في أي…
مالك حط أيده على بؤها : هششش…
همس سكتت وهى مش فاهمه حاجه… مالك أتسلق الشجره بسرعه…وبص على الشاطىء…
شاف مركب واقفه على الشاطىء وراجلين نزلو من المركب وبيكسرو في الاشجار وبيحطوها في المركب…
مالك نزل بسرعه ووقف قدام همس : هذه فرصتنا…يجب ان نذهب من هذه الارض…
همس بصت لمالك بعدم فهم : مش فاهمه….
مالك بسرعه دخل الكوخ… جاب طرحة همس ورحلها…. وحط الطرحه على رسها… وخدها ومشي بيها شويه ووقف بعيد عن المركب…
همس بصتله بعدم فهم
مالك شاور على المركب…
همس بصت في الاتجاه اللى مالك شاور فيه…شافت المركب…
همس بفرحه : دي فرصتنا…
الراجل بص لصاحبه بستغراب : انا سمعت صوت حد بيتكلم…
صاحبه : ياعم مين هيكون في الجزيره دي…
الراجل بص حوليه : لاء انا متأكد أنى سمعت صوت حد….
صاحبه بص حوليه…. شاف شاب في منتصف التالتينات مش لابس حاجه من فوق…. وبنت واقفه جنبه وكتفها مربوط وفيه بقعة دم كبيره….
صاحبه بص للراجل : هناك اهو في شاب وبنت…
مالك خد همس وقرب من الراجلين…
الراجل بص لمالك :…أزاي دخلت الجزيره دي… مفيش اي مركب قريبه من الشط….
مالك بص لهمس وغمزها في أديها
همس بصت للراجل بتوتر : أحم…اه أحنا….تيهين…
الراجل بستغراب : تيهين أزاي…..
الراجل بص لمالك : خلاص ممكن نوصلكو في طرقنا…أحنا هناخد بس الخشب ونرجع تاني…
همس بتوتر : أيوا يكون جميلك على رسنا…
الراجل بص لمالك بستغراب : هو مش بيتكلم؟!…
همس بصت لمالك بتوتر وبعدها بصت للراجل : أي؟!..اه..أحم…اه مش بيتكلم…اه جوزي مش بيتكلم…
الرجلين بصو لبعض بستغراب وقلقو من توتر همس…
مالك بص لهمس بغيظ لأنه فهم قلقهم…
همس بلعت رقها بتوتر : أعذروني..أصل خايفه…خايفه..
همس سكتت وهى مش عارفه تقول أي..
الراجل أبتسم : متقلقيش انا فهمت…. شكلكو وقعتو في أيد ناس مش بترحم…وانت خايفه نكون زيهم…متقلقش…خدي جوزك وأركبي المركب..
همس بأمتنان : بجد انا مش عارفه أشكركم أزاي…بجد شكرآ أووي..
الراجلين أبتسمو : ولا يهمك…
همس بصت لمالك بأبتسامه وخدته وراحو المركب وركبو….
مالك أتنهد براحه : لقد قسمت أنهم لن يسمحو لنا بمرافقتهم…..لما كنتي مرتبكه…
همس بصتله بتوتر : أسكت يامالك…هما مفكرينك مبتتكلمش…لو شافوك بتتكلم هيشكو فينا…
قاطع همس الراجلين اللى ركبو…وبدأو رحلة العوده…
الراجل بص لهمس : مين عمل فيكو كده…
……………………………..
نور بصت لوائل بحماس : أنا أفتكرت حاجه…..
وائل بأهتمام : أي…. أفتكرتي أي…
نور : فاكر اليوم اللى همس طلبت فيه الطلاق من مستر مالك…
وائل هز راسه…
نور كملت : في اليوم ده مستر مالك طلب منى أوصله على عنوان………وقالي أن ليه حد هناك….
وائل بأبتسامه :حلو…. يبقا هنبتدي من هناك….
نور بتفكير : أيوا بس لما وصلته هناك ماشوفتش أي بيت…انا شوفت طريق وعلى الجبين غابه…
وائل : مش مهم شوفتي أي…المهم هنبتدي من هناك….
وائل وقف : يلا…
نور بصتله بستغراب : دلوقتي!!!….
وائل بتأكيد :أكيد دلوقتي……
…………………………….

google-playkhamsatmostaqltradent