رواية احببت وصية رسول الله كاملة بقلم نورهان محمد عبر مدونة دليل الروايات
رواية احببت وصية رسول الله الفصل الثامن عشر 18
في المساء
فاطمه اطلع ياعمر استريح انت باين عليك التعب
عمر بتعب فعلا ياامي انا تعبان
زينب بقلق لو كده يابني ناخدك المستشفي او نكلم الدكتور
عمر بابتسامه انا الحمد لله ياخالتو دا بس تعب بسيط من آثار الحادثه
محمد طيب تعالي انا هسندك لحد فوق
أحمد خليك انت ياعمي انا هسندوا
محمد تمام
ظل احمد مستندا عمر إلي ان اوصله إلي شقته
أحمد انا هنزل لو احتجت حاجه رن عليا
عمر لا تعالي انا عايزك
أحمد بهزار طيب يلا بينا
ليكمل عائشه كوبايتين عصير بقا وحصلينا علي الريسبشن علشان جوزك شكلو هيرغي
عمر الطموح حلو بردو رغي ايه داانا عايزك في موضوع
احمد لو في شغل يبقا اخد بعضي وانزل من غير ماتاخد بالك انا كده كده مستحمل شغلي وطلابي بالعافيه
عمر ياراجل وانا كده مش هاخد بالي منك يسلام
ادخل يلا من سكات
ترجل احمد امامه إلي الداخل وجلس
أحمد بابتسامه احكي يادكتور ولا نستني العصير
عمر عصير ايه انت هتجنني انا عايزه اتكلم قبل ما عائشه تخرج
احمد وهو يقترب منه ويميل عليه سر يعني اوعي يكون اللي في بالي عايز تتجوز علي اختي
ليكمل انا قلبي كان حاسس يخساره ثقة اختي فيك يعيني عليك ياعائشه يااختي
عمر وهو ينظر إليه بإعجاب تصدق التمثيل خسرك لا عملت الدور بابداع
ليكمل اختك دي هديه من ربنا ليا ولا يمكن افكر بس ابص علي غيرها هي ماليه عيني ودنيتي وعندي بالدنيا وما فيها
احمد بابتسامه افتخار لا والله بعد الكلمتين دول انت ونعم الزوج الصالح اللي يستاهل اختي
عمر بابتسامه ربنا يديمنا كلنا لبعض
أحمد اللهم آمين
ليكمل كنت عايز ايه
عمر ماانت من كتر الكلام نستني
ليكمل انا هحكيلك
أحمد بانتباه وملامح الجد ارتسمت علي وجه اتكلم انا سامعك
عمر انا موضوع الحادثه دا شاكك فيه
أحمد بانتباه ازاي
عمر انا اول ماخرجت من المستشفي كان في شاحنه كبيره ماشيه ورا عربيتي انا اتخيلت ان طريقها نفس طريقي
بس استغربت اكتر لما لفيت في الاتجاه العكسي ولفت معايا وبعدين لقيتها بتقفل عليا ومن الواضح كانت بتحاول انها تقلب عربيتي
أحمد معني كده انها مقصوده بس مين اللي يعمل كده
لتخرج عائشه في هذه الأثناء
عمر بانتباه خلاص اتفقنا انك تخلي بالك من المستشفي الفتره دي
احمد لا ياحبيبي احنا متفقناش علي كده
عمر لا اتفقنا
أحمد لا مش فاكر
عمر بنفاذ صبر ركز كده وانت هتفتكر
أحمد اه مش تقول كده خلاص اتفقنا اني مش هديرها تمام
عائشه انت بتقول ايه
عمر شكلو كده هنج وعايز ينام
احمد تصدق عندك حق انا اشرب كوبايه العصير وانزل اضايق خديجه وامي شويه وبعدين ادخل انام
عمر طيب وهتستفاد ايه
أحمد دا بيكون شعور غريب كده بس والله بيضحكوا بردو انا الغلطان
عائشه لا طبعا انت بتقول حاجه غلط احنا بس اللي ظلمينك
أحمد يلا مش مهم انا طيب وهسامحكم
ليكمل انزل بقا اشوف شغلي معاهم تحت
عمر تمام بس خف شويه بدل ما يتفقوا عليك
احمد لا متقلقش انا خبره
ترجل احمد إلي الاسفل
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الريسبشن
أحمد بمزاح انا جيت
فاطمه ايه كنت هتبيت فوق دااحنا نسناك
أحمد لا والله البت عائشه كانت عامله عصير جوافه كان جميل خلني نسيتكم اصلا
زينب هنعمل فيك ايه طول عمرك كده
أحمد بمشاكسه مش زي عصيرك يا ماما خالص
زينب انا دا كلو قوم وعصيري دا قوم تاني
لتكمل بس ما علينا الاهم عندي خديجه وعائشه يكونوا افضل مني دي بالدنيا
فاطمه والله يازينب فعلا دول هما اللي هيكونوا مكانا بعد كده
احمد ايه دا لا انا بحب اكلكم اكتر
زينب انت مش لسه بتشكر في اختك
أحمد مش هنختلف بس انا بحب بردو اكلكم وبعدين انا بهزر ايه ماهزرش
خديجه لا هزر محدش واخد منها حاجه
احمد ايوه كده يا زوجتي العزيزه طبلي لجوزك هو دا العشم
خديجه آمال آمال طبعا السبت تلاقي الحد
احمد قصدك ايه بقا
خديجه يعني مثلا تطبلي علي اكلي
أحمد خلاص اتفقنا
زينب قومي يافاطمه نرتاح دول تافهين وفاضيين زي بعض ما جمع الا ماوفق
أحمد شكرا ياامي
زينب الشكر لله ياحبيب امك
لتكمل تصبحوا علي خير
فاطمه انا هروح اطمن علي عمي حامد وكمان اشوف محمد لو عايز حاجه قبل ماانام
زينب تمام تصبحي علي خير
ترجلت فاطمه إلي غرفه الجد حامد طرقت عدة طرقات إلي ان اتي إليها الرد بالدخول
فاطمه وهي تترجل للداخل عامل ايه ياعمي
الجد حامد الحمد لله يابنتي في فضل ونعمه
فاطمه ربنا يباركلنا فيك ياعمي
لتكمل عمي انا هنام محتاج حاجه قبل ماانام
لتكمل وانت يامحمد محتاج حاجه
محمد لا انا هقوم انام انا كمان اليوم كان طويل
الجد حامد تمام تصبحوا على خير
محمد وفاطمه وحضرتك من اهله
توجهوا إلي غرفتهم
في الاوضه
فاطمه باستغراب مالك يا محمد في حاجه في الشركه
محمد بحزن الحمد لله علي كل حال في بس شويه مشاكل في الشركه
فاطمه خير ايه اللي حصل
محمد في ملفات ناقصه ومش عارفه سبب الاختفاء
فاطمه طيب راجعت الكاميرات
محمد راجعت وكان في توقف في دقايق معينه
فاطمه بقلق انت قلقتني كده هيكون مين يعني
لتكمل بتذكر اوعي يكون حسين
فلاش باك
في اوضه الجد حامد
الجد حامد مالك يا محمد في ايه
محمد مش عايز اشغلك معايا ياحج
الجد حامد بقلق لا احكيلي ايه اللي حصل
محمد بحزن في ملفات مهمه اختفت
الجد حامد ازاي دي أول مرة تحصل
محمد ما هو دا اللي خلاني اقلق وخصوصا ان انا وحسن شغالين علي اكمل وجه وكل حاجه باهتمام وتنسيق
الجد حامد طيب راجعت الكاميرات
محمد ايوه وفي دقايق معينه في كاميرات المراقبه اتوقفت
ودا طبعا اللي شككني انها اتسرقت
بس اللي هيجنني ازاي قدر يعمل دا كلو وخصوصا ان الشركه فيها تأمينات وامن
الجد حامد تقصد تقول ان في خاين في الشركه وهو اللي ساعدوا
محمد دا اكيد بس مين دا اللي هيجنني
الجد حامد اكيد حسين
محمد لا بس هو مسافر وكمان اه استفادته من كل دا
الجد حامد بتفكير استفادته كتيررر اوي يا محمد
ليقطع شروده صوت فاطمه
فاطمه بقلق محمد مالك سرحان في ايه
محمد لا ولا حاجه ارتاحي انتي وربنا هيحلها من عندو
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في شقه عمر
عمر بتعب انا هقوم اتوضي واصلي وبعدين انام
عائشه تمام هساعدك
وبالفعل ساعدته عائشه في الاستعداد للصلاه
وبعد دقائق انتهوا من الصلاه وجلسوا سويا يرتلون القرآن لبعض
عائشه بابتسامه لما بسمع صوتك في ترتيل القرآن بحس براحه وسعاده كده مختلفه
عمر بحب وانا بردو لما كنتي بتنصحيني في الاول علي القيام وقراءة القرآن كنت ببقا سعيد جدا وانا معايا زوجه صالحه زيك
عائشه ممكن اسألك سؤال
عمر بابتسامه اتفضلي
عائشه بتوتر يعني هو انت قبل ما تسافر
لاحظت عائشه تغير ملامحه
لتكمل خلاص لو هتزعل مش لازم اكمل
عمر بهدوء وملامح طبيعيه لا اتكلمي مش هزعل
عائشه يعني انت كنت بتعاملني كويس وكنت متعلق بيا ومره واحده حسيت انك اتغيرت وبقيت مش بتحب تشوفني وابتديت تتغير
وكمان الفتره اللي بعد كتب كتابنا نادر لما كنت بتكلمني وكنت بتقفل علي طول
عمر بتذكر
فلاش باك
قبل عدة سنوات
كان عمر يجلس في جنينه الفيلا يفكر في عائشه بشرود
ليقطع ذلك الشرود دخول شخص ما
الطرف الآخر اهلا ياعمر
عمر وهو يلتفت نحوه اهلا
الطرف الآخر بتعمل ايه
عمر عادي قاعد شويه
ليكمل انت جاي منين كده
الطرف الآخر كنت هقابل عائشه وجيت اشوفها
عمر بضيق انت ازاي بتتكلم كده عن عائشه
ليكمل وبعدين عائشه مش بتكلم شباب
الطرف الآخر بمكر ازاي دا هي اللي محدده الميعاد
عمر قولتلك اسكت وبعدين متقولش اسمها علي لسانك تاني
الطرف الآخر انت عامل كده ليه وبعدين عائشه بنت عمك مش ملاحظ انك مزودها شويه
عمر لا مش مزودها وبعدين حاجه متخصكش فاهم ولا لا
الطرف الآخر والله اللي يريحك
ليكمل وهو يقف انا همشي دلوقتي وابقا احدد معاها ميعاد تاني
عمر بنفاذ صبر اخرس بقا مره تانيه وهتصرف معاك تصرف مش هيعجبك
الطرف الآخر علي ايه انا ماشي
ليعود من شروده علي صوت عائشه
عائشه عمر عمر روحت فين
عمر معاك
ليكمل وهو ينظر إليها معلش حقك عليا كان في سبب بس الحمد لله ربنا هداني وبعد عني الناس الغلط اللي كانت في حياتي
عائشه بابتسامه ربنا يثيتك ياحبيبي
عمر الله الله هو دا الكلام
ليكمل وهو يقترب منها عارفه ياعائشه انتي احلي حاجه في حياتي في حاجه فيك بتشدني كل مااشوفك جمالك التزامك اخلاقك طيبتك حنانك كل دي صفات كفيله تخطف قلبي
عائشه وهي تحتضنه وانت احلي حاجه في دنيتي انت سندى وقوتي واملي انت الحضن اللي بلجي إليه في وقت زعلي او تعبي وبرجع منه احسن من الاول انت اجمل هديه في حياتي
عمر وهو يقبل رأسها كلامك دا في قلبي وهحاول بكل الطرق اكون عند حسن ظنك واسعدك
عائشه وهي تخرج من بين ايديه ربنا يديمنا لبعض
لتكمل يلا بقا ندخل ننام علشان ترتاح شويه
عمر يلا بينا
وتوجهوا سويا لينالوا قسطا من الراحه
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في مكان ممتلي بالشر
حسين كان يجلس في جنينه منزله يستنشق الهواء ويخطط بشر ليقضي علي عائله العمري
ليتذكر حواره مع ابنه حازم
حسين بتفكير كده احنا جربنا اتنين والخطه متمتش
مفيش غير حل واحد
حازم ايه
حسين بغل اننا نخطط بهدوء كده ناخد الشركه ازاي احنا معانا ملفات مهمه جدا هتسهل علينا كتير وفي حاله اننا ناخد منهم الشركه حامد هيموت فيها دي شقي عمره كلو
وطبعا لما يموت عيلتوا الحلوه هتبتدي تتفكك لوحدها ونفترض انهم فضلوا مع بعض مثلا مثلا يعني هيكون دورنا احنا بقا في اننا نخلص عليهم واحد واحد أهم حاجه الراس الكبيره
حازم بابتسامه شر ايه الدماغ دي وانا اقول طالع لمين بس حقيقي شابوه دماغ متكلفه فعلا
حسين آمال انت فاكرني ايه يلا
حازم عم الناس كلها
حسين ابني حبيبي عرفت اربي
حازم طبعا
نسيبهم بقا مع شرهم
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الصباح
تلملمت عائشه في نومها بتعب لتفيق اخيرا ولم تجد عمر بجانبها
عائشه بقلق انتفضت من مكانها وخرجت تلتفت عليه في أنحاء الشقه
لتجده جالسا في الريسبشن يتفقد هاتفه
عائشه بابتسامه صباح الخير
عمر صباح الخير ياحبيبتي
عائشه لما صحيت مصحتنيش ليه
عمر مردتش اقلقك وكمان علشان ترتاحي شويه انتي بقالك فتره مجهده
عائشه فداك أي حاجه أهم حاجه تكون بخير
عمر اه الكلام الحلو اللي زي صاحبته دا
عائشه بابتسامه دي اقل حاجه لزوجي حبيبي قرة عيني
عمر وكمان قرة عيني لا دا علي رأي احمد لما بيقول هتغر
عائشه احمد دا تحسه من كوكب تاني
عمر اه ربنا يسعدوا مع خديجه
عائشه اللهم آمين
لتكمل كنت بتعمل ايه وانا نايمه
عمر انا صحيت من حوالي ساعه وكنت بقرأ شويه حاجات حلوه
عائشه بتسائل ايه
عمر كنت بقرأ عن فضل صله الرحم
عائشه تمام هتوضي واصلي وهرجع تاني
بعد دقائق اتت عائشه إليه بابتسامه ممزوجه بحماس لتهتف بحب ابدأ ياعمر
جلست عائشه بجواره وبدأ ان يقرأ إليها من هاتفه
اولا فوائد صله الرحم كثيره منها
كثرة النعم ودفع النقم عن الإنسان.
تقوّي مشاعر الأخوّة والودّ والمحبّة والتكاتف بالاضافه الي زيادة للرزق.
سببٌ في طول العمر والبركة فيه.
بناء المجتمعات المتكاتفة والمتماسكة.
تحقيق الصلة مع الله- تعالى- في الدنيا والآخرة؛ فالرّحم معلّقة بالعرش
ليكمل وقرأت كمان كام حديث عن الرسول صلى الله عليه وسلم
عائشه باستمتاع عليه افضل الصلاة والسلام قولهم ياعمر
عمر حاضر
ليكمل أولا عن النبي صلى الله عليه وسلم قال : الصدقة على المسكين صدقة، وهي على ذي الرحم ثنتان، صدقة وصلة».
وفي حديث تاني عن النبي صلى الله عليه وسلم قال: «لا يدخل الجنة قاطع» يعني قاطع رحم.
والاحاديث دي تبين أهمية صلة الرحم وببيان منزلتها عند الله عز وجل، وبيان عظم جزاء من قطعها،
بحيث رتب الله سبحانه وتعالى وصول الخيرات للعبد وقرب
الرحمات منه على صلته للرحم.
وقد جعل الله تعالى منزلة من قطع الرحم كمنزلة من أفسد في الأرض، فاستحق اللعنة، ويوم القيامة يكون من المؤخرين عن الجنة، بل ربما طرح بسببها في النار والعياذ بالله.
وفي حديث عن الرسول صلى الله عليه وسلم «من أحب أن يُبسط له في رزقه وينسأ له في أثره فليصل رحمه»،
ومعنى ينسأ له في أثره يعني يمد له في أجله
وفي احاديث كثيره عن صله الرحم وحقيقي ياعائشه حاجه جميله اوي المفروض طول مالواحد عايش يتعلم ويثقف نفسه ويقرأ في الدين لازم يكون الإنسان ملم بكل حاجه
عائشه ايوه فعلا هو دا اللي المفروض نعملوا زي ما بنتعلم أمور في حياتنا وفي دراستنا وفي كل حاجه لازم بردو نتعلم في أمور دينا ويكون شئ أساسي في حياتنا
عمر اه صح والله احنا بردو نحاول علي قد مانقدر نتعلم ونجمع معلومات
عائشه بابتسامه بإذن الله انا وعائشه كنا بنعمل كده بس انشغلنا الفتره الاخيره
عمر أن شاء الله ترجعوا زي الاول
عائشه ان شاء الله ياحبيبتي
لتكمل عائشه هحضر الفطار علشان تاخد علاجك
عمر تمام
وبالفعل تناولوا فطارهم واخذ عمر ادويته وجلسوا مع بعضهم لبعض الوقت
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في مكان مظلم
حازم بشر هتعمل ايه بالأوراق دي
حسين دي بدايه المهمه
حازم يعني ايه
حسين يعني هنجمع باقي الاوراق وهتكون كل حاجه في ايدينا
حازم ايوه بس محمد مأمن الفتره دي واخد كل الاوراق في الفيلا
حسين بفكر منا عارف
حازم طيب وهتعمل ايه
حسين هقولك
طوال اليوم في الفيلا كان اليوم منقسم إلي عدة أشياء
ف احمد ووالدته في عملهم الجامعي
ومحمد أيضا في الشركه
اما فاطمه فكانت تحضر الطعام الذي ساعدتها فيه زينب قبل ذهابها
وعائشه كانت تعتني بعمر
وبعد مرور الوقت ذهب كل منهما لينال قسطا من الراحه
في عتمة الليل
كان الجد حامد مازال مستيقظا يرتل القرآن
وأثناء قراته سمع صوت في الغرفه المقابله
ترجل بكرسه المتحرك نحو غرفه المكتب ليصعق مكانه من الصدمه
الجد حامد بصدمه اثبت مكانك ……….
التفت حسين نحوه ……..
الجد حامد ……
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
- يتبع الفصل التالي اضغط على ( رواية احببت وصية رسول الله ) اسم الرواية