رواية احببت وصية رسول الله كاملة بقلم نورهان محمد عبر مدونة دليل الروايات
رواية احببت وصية رسول الله الفصل الخامس عشر 15
ميار بابتسامه السلام عليكم
اروي بلهفه الحقيني ياميار ماما تعبت مره واحده وعماله اكلم مازن مش بيرد وانا مش عارفه اعمل ايه
ميار بصدمه ايه طيب انا جايه متخافيش خير ان شاء الله
لتغلق معها ميار وتجمع اغراضها لتتجه للرحيل
عائشه وخديجه بخوف في ايه ياميار
ميار بدموع مش عارفه عمتي تعبت جدا واروي مش عارفه تعمل ايه
خديجه طيب انا هخلي احمد يوصلك وانا هاجي معاك
ميار بدموع طيب بسرعه
توجهت خديجه إلي الداخل لتخبر احمد
وتوجهت عائشه لتخبر عمر بما حدث
عمر الووو
عائشه بقلق عمر
عمر بخوف في أي ياعائشه كل حاجه تمام
عائشه عمة ميار تعبت جدا وميار كانت عندنا بلغ ابنها يروحلها
عمر بقلق تمام ياعائشه تمام
ليغلق عمر ويتوجه إلي مازن ليخبره
في الجهه الاخري استعد احمد مسرعا فهي ام صديقه ويجب أن يقف معه في هذا التوقيت لياخذ ميار وخديجه وتوجه نحو منزل عمتها
بعد مده وصلوا إلي المنزل
ترجلت ميار إلي الداخل بلهفه
لتفتح لها اروي بدموع ممزوجه بخوف
اروي بدموع ماما مش بترد عليا ياميار
ميار بدموع هي فين
اروي في الصاله وقعت علي الارض
ترجلت ميار إلي الداخل بلهفه لتجد عمتها متسطحه ارضا
كانت خديجه واحمد يقفان علي جنب ولم يتقدما
ميار وهي تحاول افاقتها دي اعراض غيبوبه سكر
اروي بدموع اه حصلتلها قبل كده بس المرادي مختلفه
ميار بلهفه طيب هاتي حاجه فيها سكر بسرعه وهاتيلي جهاز قياس السكر
أسرعت اروي واعطت لها قطعه من الحلوي وجهاز القياس
ميار بخوف السكر مرتفع جدا
واخذت قطعه الحلوه ووضعتها تحت لسانها
واخذت تفعل الإسعافات الأولية لافاقتها
بعد دقائق من المحاولات فاقت اخيرا
ميار وهي تلتقط أنفاسها بارتياح لتهتف بابتسامه اخيرا ياعمتو قلقتينا عليك
مني عمتها هو حصل ايه
ميار دخلتي في شبه غيبوبه سكر
مني بتعب وهي تحاول انا تقف كل دا حصل حقكم عليا تعبتكم معايا
اروي وهي تحتضنها انا كنت هموت من خوفي
مني وهي تحتضنها بعد الشر عليك ياحبيبتي متقوليش كده عدت على خير الحمد لله
ميار بس ياعمتو لازم تاخدي بالك من نفسك
مني ان شاء الله ياحبيبتي
أحمد بهدوء شفاك الله وعافاك الحمد لله علي سلامتك حضرتك احنا هنستاذن
مني وهي تنظر باستغراب معلش يا جماعه تعبتكم
ميار دا احمد ابن عم صاحب المستشفي اللي مازن شغال فيها وصاحب مازن من زمان ودي خديجه أخت عمر طبعا انا حكيتلك عنهم ياعمتو
مني بابتسامه منورين ياجماعه اتفضلوا انا مكنتش عارفاكم
خديجه الحمد لله علي سلامة حضرتك ياطنط بس احنا فعلا لازم نستأذن
مني والله ابدا يابنتي ايوه انا تعبانه بس اروي لازم تقدم كرم الضيافه وبعدين كفايه وقفتكوا دي
أحمد دي اقل حاجه
ليقطع حديثهم دلوف مازن متلهفا يلتقط انفاسه بصعوبه
مازن بخوف وهو يتفقدها ماما انتي كويسه ايه تاعبك نروح المستشفي
أحمد بابتسامه متقلقش يامازن عدت علي خير
مازن وهو ينظر اتجاهه الحمد لله يااحمد وشكرا جدا
احمد بابتسامه أولا انا اخك وامك زي امي ودا اقل حاجه اعملها واقدمها
مازن تسلم يااحمد ياارب
نسيبهم بقا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الفيلا
كانت عائشه تاخذ الجنينه ذهابا وايابا قلقا علي ميار وعمتها فهي اخيرا استقرت هنا وتجاوبت مع الأجواء والتزمت دينيا واصبحت فتاه مختلفه تماما
ليقطع شرودها وحزنها رنات هاتفها
عائشه بلهفه ايه اللي حصل ياعمر طمني
عمر بابتسامه ايه القلق دا كلو الحمد لله عدت علي خير وانا كلمت مازن وطمني
عائشه بارتياح طيب الحمد لله طمنتني انا رنيت علي احمد وميار مردوش وخديجه نسيت تليفونها وقلقت اكتر
عمر لا متقلقيش الحمد لله هي بخير
عائشه اه
لتكمل هتيجي علي امته
عمر علي المغرب ان شاء الله
عائشه ان شاء الله
وتبادلوا الحديث لبعض الدقائق
لتغلق عائشه معه
وتتوجه إلي الداخل
في جهه اخري احمد وهو يتفقد هاتفه ايه دا انا شكلي نسيت تليفوني في العربيه
ميار اه صحيح عايزين نطمن عائشه
خديجه ايوه عايزين نطمنها
ميار انا هكلمها واطمنها
وبالفعل هاتفتها واخبرتها عن حاله عمتها
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في المساء
تناولوا الطعام سويا ثم ذهب كل منهما إلي مكان ما
أحمد وعمر كانوا يتناولان الحديث فيما بينهم عن عملهم
أحمد انا راجع الجامعه بكره
عمر الاجازه خلصت
أحمد ايوه وانا الحمد لله بقيت احسن
عمر علي خير ان شاء الله
أحمد المستشفي عامله ايه
عمر الحمد لله كويسه وكمان الدكاتره ماشاء الله عليهم كفاءه وخبره رغم صغر سنهم وبيحبوا عملهم جدا
احمد ايوه ماهي دي افضل حاجه حب العمل هيسهل عليهم وعلي المرضي
عمر ايوه فعلا عندك حق
في الجهه الاخري
عائشه بابتسامه عمة ميار بقت كويسه صح
خديجه ايوه الحمد لله
عائشه انا اتفقت مع عمر نروح نزورها دي زيارة المريض حق على المسلم لأخيه المسلم
فغالباً ما يشعر المريض بالعجز والالم والضعف وأنه لا حول له ولا قوة، ولذلك كانت زيارته والاطمئنان عليه استجابة لأوامر الله والرغبة في ثواب الله والعمل على طاعة أوامر الله وربنا يجازينا بالأجر والثواب والمغفرة.
وكمان زيارة المريض سنة من سنن الإسلام دي تكاد تكون واجبة، لأن رسول الله صلى الله عليه وسلم أمر بالعيادة للمرضى لذلك يتوجب على مؤمن ولو لمرة واحدة
وفي حديث عن الرسول صلى الله عليه وسلم قال : (من عاد مريضًا أو زار أخًا له في الله، ناداه منادٍ: أن طبتَ وطاب ممشاك وتبوَّأت من الجنة منزلاً )
خديجه اللهم بارك ماشاء الله عليك ياعائشه بيعجبني فيك اطلاعك الدائم والمعلومات الجميله اللي بتكون عندك
عائشه والله ياخديجه لازم نكون مجمعين معلومات واحاديث وآيات عن الحاجات اللي وارد تقابلنا في حياتنا منها نفيد نفسنا ونفيد اللي حوالينا
خديجه فعلا عندك حق يعني انا لما بكون في مكان والقي نفسي عندي معلومات بقدر اقولها او أفيد او انصح بطريقه تخلي اللي قدامي يستفيد بفرح جدا وبحس فعلا قد ايه احنا في نعمه عظيمه وهي نعمه الإسلام
عائشه فعلا وكما علي قد ما نقدر نجمع معلومات واحاديث اكتر
خديجه بابتسامه ان شاء الله
في جهه اخري من التجمع
فاطمه يعني ان شاء الله هترجعي الجامعه بكره
زينب بابتسامه ايوه ان شاء الله كفايه بقا سنتين بعد لازم بقا ارجع لحياتي وكمان الفتره اللي فاتت تجمعنا واللمه سهلت عليا كتير اني ارجع
فاطمه بحب وان شاء الله ربنا هيوفقك وهتكوني احسن من الاول وطلابك ينبهروا بيك
زينب اللهم آمين يافطوم
ليعم جو جميل من الحب والسعادة والتجمع الأسري الجميل
ليقطعهم ارتفاع اصوات الآذان في المآذن
بعد دقائق انتهوا من الوضوء وتحضير المكان الخاص للمصلي
وصلي بهم عمر جميعا
وبعد دقائق اتي اليهم حسن
حسن بابتسامه السلام عليكم ورحمة الله وبركاته
الجميع وعليكم السلام ورحمة الله وبركاته
توجهت النساء إلي الداخل وجلس الرجال بصحبه حسن
وبعد دقائق خرجت خديجه وقدمت لها بعض المشروبات والحلوي
وترجلت إلي الداخل مره اخري
عمر منورنا والله ياعمي
حسن دا نورك ياحبيبي
ليتدخل ذلك الكوميدي الذي يعيش معهم وبحديثه الذي يجذبهم دائما هاتفا بمرح وانا اقول المكان منور كده ليه
حسن ياشيخ الكلام دا من قلبك
احمد الصراحه لا انا لقيت عمر بيمدح قولت اهيص معاه انا كمان
حسن قولي بس جايب خفه الدم دي منين
أحمد من عيلتنا الجميله
عمر انت هتقولي بس انت جيت زياده شويه
محمد قصدكم ايه ياولاد دااحنا معروفين بخفه دمنا
عمر ايوه يابابا طبعا
الجد حامد ربنا يديم لمتنا دي يااولاد
ليكمل الجد حامد بقولك يا حسن حسين سافر ولا لسه
حسن وهو يتناول التفاح ايوه ايوه ياعمي سمعت انو سافر ما انت عارف ان علاقتي بيه شبه مقطوعه
محمد الصراحه هو شخص مش طبيعي
حسن ماانت عارف اني حاولت معاه كتير وهو رافض يتغير
عمر والله ياعمي ربنا يهدي
الحاضرين ياارب
وبعد مده من الجلوس استأذن حسن وترجل إلي الخارج
عمر بتعب يااه انا تعبت جدا وعايز ارتاح
محمد اطلع يابني ارتاح
ترجل عمر إلي الاعلي بصحبه عائشه
وبعد قضاء وردهم اليومي
توجهوا إلي غرفتهم لينالوا قسطا من الراحه
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في صباح يوم جديد يشرق علي الفيلا بحماس وامل
في الاعلي استعد عمر وعائشه لبدأ يومهم
صلوا فرضهم وقراوا الأذكار ومن بعدها تناولوا فطورهم واستعدت عائشه لتداوم علي ذهابها للجامعه ومن بعدها ترجلوا إلي الاسفل
في الاسفل استعدت زينب للرجول إلي الجامعه مره اخري
فاطمه بابتسامه سعاده ايه الحلوه دي يازوزو
زينب بابتسامه حلاوه ايه دااحنا كبرنا
فاطمه ولا كبرنا ولا حاجه
لتكمل انا مش مصدقه انك اخيرا هترجعي لحياتك
زينب خطوه مهمه ولازم اكمل فيها
فاطمه فعلا يازينب
لتكمل ربنا يقدملك اللي فيه الخير
دخل عمر وعائشه في هذا التوقيت والقوا التحيه وجلسوا
أحمد خرج في هذه الأثناء هاتفا جهزتوا
عمر ايوه يادكتور وانت اللي متأخر
ليكمل بهزار واخيرا بقا هنرتاح منك وهتكون مشغول في جامعتك
أحمد بهزار هو الآخر ومين قالك اني اقدر انشغل عنكم دا هخلص واجي علي طول علشان اضيف البهجه وبعدين انتو من غيري هتعانوا
عمر ايوه ايوه انت هتقولي
أحمد ايوه استني بس عليا اروح الجامعه وارجعلك يعني احنا هنروح من بعض فين
عمر هستناك يادكتور
أحمد بس كده من عنيا انت اللي طلبت
ليكمل خديجه فين
خديجه وهي تترجل من الداخل جهزت خلاص يلا بينا
لتكمل خديجه بابتسامه الجامعه هتنور ياخالتو
زينب بابتسامه دي منوره بيك ياحبيبتي
أحمد وانا ياست خديجه مش هتنور بيا ولا لحد عندي بقت ضلمة
خديجه بكسوف هتنور يااحمد الجامعه كلها
عمر ارتاحت كده وصلهم بقا
أحمد يلا بينا يا شباب التوصيله ب خمسين رايح جاي وراحه وكمان هفتح المكيف
عمر يارب صبرني يابني اعمل فيك ايه
ليكمل انا هوصلهم وببلاش كمان وهجبلهم كانز
أحمد بتفكير لا تصدق عرضك مغري طيب ايه رائيك توصلني معاك
عمر امشي من قدامي يلا انا لسه عندي شغل وباللي بتعملوا دا انا طاقتي هتخلص
احمد وعلي ايه انا اروح جامعتي ولا حد يقولي طاقتي ولا حد يقولي اجره سلام
ليكمل وهو يخرج يلا آخر نداء طياره الجامعه طالعه بسرعه بسرعه
توجهت زينب وخديجه خلفه
عائشه بابتسامه مش هتمشي ياعمر
عمر ايوه بس كنت مستني لما تتحركي
عائشه طيب انا همشي
عمر بابتسامه في حفظ الله وظل ينظر في خيالها إلي ان اختفت تماما
وبعدها ترجل هو الآخر إلي المستشفي
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الجامعه
استقبلت زينب بطريقه مبهجه من زملائها وطلابها
فكان الجميع سعيد بعودتها فهي كانت علي خلق في التعامل في زملائها وكانت عطوفه متحابه مع طلابها
لتسمع منهم اجمل الكلمات وارق المعاني تقديرا لمجه
في الجهه الاخري
استقبل احمد استقبال حافل للغايه من الساده الزملاء أيضا بالرغم من أنه جديد الا انه نال الترحاب والكلمات الطيبه ايضا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في استراحه الكليه
ساره بابتسامه خديجه وحشاني
خديجه وانتي كمان ياساره
لتكمل عامله ايه
ساره انا بخير
انتي اللي عامله ايه
خديجه الحمد لله تمام
ساره بتسائل عائشه فين
خديجه بتتكلم في الفون
لتاتي عائشه بابتسامتها المعتاده هاتفه بحب عامله ايه ياساره
ساره الحمد لله
انتي اللي عامله ايه
عائشه بخير الحمد لله
لتكمل عامله ايه في الدراسه
ساره تمام بس الترم دا صعب شويه
خديجه هو فعلا صعب علي الكل بس ان شاء الله ربنا هيعينا ويقوينا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
ساره محمد هي صديقه عائشه وخديجه وهي المسؤله عن الدفعه وعلاقتهم ببعض عباره عن علاقه صداقه
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في المساء
تجمع الجميع في الفيلا وتناولوا العشاء مع بعضهم في جو عائلي مبهج ومرح
وفي جهه آخر مخطط الشر مستمر في مسيرته
حسين عملت ايه في اللي قولتلك عليه
حسين ايه الحب دا كلو
الطرف الآخر طار قديم اوي
حسين اه فكرتني دا انت قلبك اسود اوي
الطرف الآخر محسسني ان انت اللي مش قلبك اسود
الطرف الآخر انا ليا أسباب
حسين وانا كمان من ناحيه الأسباب فاسبابي كتير اوي
الطرف ما علينا أهم حاجه ناخد حقنا منه
حسين عندك حق
الطرف الآخر المهم هنفذ ………..
حسين النهايه اقتربت اوي ………..
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
- يتبع الفصل التالي اضغط على ( رواية احببت وصية رسول الله ) اسم الرواية