رواية نوارة (كاملة جميع الفصول) حصريا عبر دليل الروايات بقلم فرح احمد
رواية نوارة الفصل الرابع عشر 14
ـ╗═══════════════╔
ـ رواية نوِّاره الحلقة الرابعة عشر
ـ╝═══════════════╚
الحقنه أول م دخلت ف ايد نواره مسكت ايد ادهم وعضتها
ادهم شد ايده و قال بضيق:ايه التخلف دا...؟!
نواره بوجع م الشكه:مش قادره وجعاني اووووي
و عيطت م الوجع و عملها التمرجي المحلول وقال:بالشفا ان شاءاالله
نواره بدموع:بتوجع اوووي
ادهم:بطلي عياط ، دا شكه فين الوجع
نواره:بتووجع
التمرجي:انسيها ي بنتي ، فكري في اي حاجه ، و عن اذنكم
و اخده ادهم و نزله و رجع لنواره الي كانت هديت
ادهم بصلها و اخد موبيله و مشي ،، عدي وقت و جت حُلم الي اطمنت ع نواره وقالت:متتحركيش عشان متتعوركيش
نواره:انا عضيت ادهم
حُلم باستغراب:مش فاهمه
نواره:واتا بحط الكانولا وجعتني فامكنش قدامي غير ايد ادهم فعضتها
حُلم بضحك:و هو عمل ايه...؟!
نواره:قالي ايه التخلف دا ، و انا اعيط
حُلم:و تعيطي ليه ي نواره...؟!
نواره:كانت وجعاني
حُلم:ربنا يشفيكي ي حبيتي
نواره:حاضر ، بس ممكن توديني الحمام
حُلم:حاضر
و ساعدتها و قامت نواره بتعب شديد و دخلت و خرجت و ساعدتها حُلم في قعدها ع السرير ، و سابتها حُلم و راحت تكمل شغلها
عدي دقايق و بتبص نواره ع المحلول لقت دم فاتخضت و قالت بصوت عالي مهزوز م منظر الدم الي متعرفش سببه:حُــــــــــــــــلم الحقيني
و بسرعه جه ادهم الي كان علي مقربه م الاوضه و دخل وقال بقلق:في ايه...؟!
نواره بدموع:شوف المحلول
و بــص علي المحلول و لقي الدم بسرعه راح مسك المحلول و صفا الدم في البــاسكت
نواره بخوف و رعب:هنعمل ايه الوقتي...!! ، الراجل هيجي يفكها و يركب غيرها ،، لا انا مش عايزه اركب واحده تانيه
ادهم:ممكن تبطلي عياط ، انا صفيت الدم و هركبها تاني ، متخفيش
و رسد الدم و دخل المحلول تاني و لقي ثابت ومفيش وقال:متتحركيش عشان ميحصلش كدا تاني
نواره مبطلتش عياط ، هيا عندها فوبيا و رعب م الحقن بسبب ان في حقنه اتكسرت جوا جسمها و عملت عمليه ، و من ساعتها لو حد جاب سيره الحقن تعيط و تصوت و تترعب...ادهم قعد ع السرير و رفع راسها بايده:خلاص مفيش حاجه ،، بطلي عياط
نواره بصوت مبحوح:انا مش عايزه اخد حقن تاني
ادهم باطمئنان:حاضر ، بس بطلي عياط
و فضل باصصلها و ملامحها البرئيه و عيونها الي بتلمع م الدموع الي فيها و قرب منها
نواره كانت مرتاحه لقربه و حست ف نبرته بالاطمئنان و للحظه سرحت و كان نفسها يقرب منها و لما لقته هيقرب افتكرت الي حصل في البسين و زقه ليها بكل عنف و ندمه انو قرب منها فبسرعه زقت ايده وقالت بجديه:عايزه انام
ادهم و فاق م الي كان بيعمله ع جديتها و زقها لي وانها عايزه تنام ، فقام بسرعه و قفل النور ورا و شافها وهيا بتمدد ع السرير و بتتغطي فخد الباب في ايده و خرج.....!؟
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
ادهم نزل قعد قدام البسين مش عارف ينام من التفكير ، الشغل ، نواره ، وحياته معاها ، هل هتفضل كدا ، و لا هتتغير ،، فضل يسال نفسه لحد م اتخنق فخلع التيشرت و نط ف البسين زي م بيعمل دايما ، اول م يبتدي يحس بخنقه و تفكير و اسئله مش لاقي ليها حل ينط ف البسين ، و ميفرقش معا الدنيا برد ، اهم حاجه انو ينط في المياه ، مهيا عشقه و بسبب والدته ، الي كان عندها العاده دي ، اول م تتخنق تنزل المايه او تحط رجليها فيها ، و ياما كان يجيلها نزلات برد بسبب المياه الي بتنزلها في عز التلج ، بس ميفرقش معاها ، بتشوف ان المايه هيا الرد ليها علي اي حاله عندها ، و خصوصا النط و تقعد تحت المايه تحت لحد م تحتاج للنفس و تطلع ، مجرد وجود المايه دا سبب كافي ان نفسيتها ترتاح ، و دا بالضبط الي ادهم بيعمله ، و يمكن لو ينفع ينام فيها هينام
فضل يعوم ادهم لحد م تعب و النوم هيغلب عليه فقام و دخل الفيلا لقي بورنس محطوط ع كنبه فلبسه و طلع اوضته بص ع نواره لقاها نايمه فدخل الحمام و اخذ شاور و لبس و خرج راح حط ايده ع نواره لقاها مولعه نار فبسرعه راح قال لخادمه تجيب كمدات و حطتلها
ادهم:امشي انتي قمر ، و انا هكمل
قمر:امرك ي بيه
و مشيت و قعد ادهم ع الكرسي و ابتدي يعمل لنواره كمدات و فضل ع الحال دا حوالي ساعتين و معدش قادر فراح جمبها ع السرير و حطلها الكمدات و معدش قادر و نام و ايده علي راسها......؟!
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
في صباح تاني يوم ، و في اوضه رامي
صحي رامي دخل الحمام اخد شاور و خرج ، لبس ، و صبح علي مامته و نزل راح درسه و خلص و راح النادي ،، و راح التدريب و كان قدامه كاميليا
رامي:كابتن ، مش انا قولت مبلعبش مع بنات
كابتن:رامي ، احنا بندرب مش جد
كاميليا بمكر:سيبه ي كابتن ، تلاقي خايف
رامي ببرود:اصل محبش اذي بنت ، اصل هيا بطبيعتها ضعيفه
كاميليا:بتحكم م قبل م تلعب ، و انا مش ضعيفه ، نلعب و اوريك
رامي ببرود:ماشي
و ابتدوا اللعب و كل دا رامي مش عايز يذيها ، و هيا عامله تتفرعن و تذي و كل مره رامي يصد ضربتها فرفعت رجلها ف وشه و كانت هتخبطه فبسرعه رامي مسك رجليها و وقعها علي الارض وقال ببرود مستفز:مش قولتلك انتي مش قدي "و وجهه كلامه للكابتن:و عن اذنك ، اصل مبحبش العب ف جوله خسرانه
و اخد حاجته و ساب كاميليا تولع م الي عمله و بروده
عطاء بتسقيف:اووووه ، الله عليك ي صاحبي ، ايون انا ي جماعه صاحبه القوي
البارد بزياده رامي
رامي بضيق:بس بطلي تسقيف ، و تفاهه
عطاء:بحيك انك كسبت البت دي ، بس كنت تديها بوكس يخليها صابونه لوكس
رامي:مليش ف اذيه البنات ي عطوه
عطاء:بهزر ي رامي ، بهزر
رامي:ماشي
عطاء:مش ناوي بقا توريني الرسمه
رامي:انتي عايزه تشوفيها ليه....؟!
عطاء:اه
رامي:ماشي "وطلع الرسمه م شنطته و وراها ليها:عجبتك...؟!
عطاء اول م شافتها انبهرت بيها جدا وقالت باعجاب و صوت عالي م الفرحه:دي تحفاااا ي رامي ،، انت مبدع بجد ،، بس مين دي...؟!
رامي:نواره
عطاء باستغراب:نواره مين..؟!
رامي:هتعرفي بعدين
عطاء:طب مش ناوي ترسمني بقا ي رومي ي حبيبي...؟!
رامي برخامه:اخاف علي الورق لا يبوظ
عطاء خبطته في كتفه وقالت بضيق:انت رخم ي رامي ، مش عايز منك حاجه
رامي بابتسامه:خلاص ي ستي متزعليش
عطاء و عيونها لمعت م الفرحه وقالت بابتسامه:هترسمني...؟!
رامي:لا
عطاء و رشت عليه مايه و قالت:انت رخم ، متنساش عيد ميلادي بليل ،، سلام
ومشيت و كان بيضحك عليها رامي و طريقتها الطفوليه
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
صحيت نواره تاني يوم لقت ادهم حاطط ايده ع جبهتها و نايم جمبها فاستغربت جدا ، وشالت ايده وكانت الكمدات نزلت ع عينها فشالتها فاستغربت وقالت"هو حرارتي ارتفعت امتي..؟! ، و معقول الطور دا هو الي عملهالي...!! "....نواره قامت و كانت عايزه تروح الحمام ، بس عايزه تفك الكانولا الاول ، و مرعوبه تيجي جمبها و يحصل زي امبارح ، وهيا كمان هتموت وتدخل الحمام ، فشالت المحلول بايدها و راحت الحمام.....!!
ادهم صحي ملقاش نواره جمبه فبص ع الحمام لقا الباب بيتفتح و لقا نواره خارجه وشايله الكانولا
ادهم:مفكتيهاش ليه...!! و قام شال المحلول منها و قعده السرير
نواره:انا خايفه افكها يحصل زي امبارح ، فهستني التمرجي يجي يفكها
ادهم:و نستنا ليه..!! ، م انا هعملها
و قرب و شال المحلول وكان لس السرنجه
نواره:شكرا ، سيب بقا الكانولا التمرجي يجي يفكها
ادهم:انتي خايفه لاوجعك ، لا متخفيش
و بيشلها و نواره بتمنعه وماسكه المخده من ايدها التانيه وحاطه وشها فيها وقالت بترجي وخوف:ونبي م تشيلها ، ونبي ، بتوجعك ، متشيلهاش ي ادهم ، التمرجي هيجي يعملها ، وبعدين انا مش مضيقاني ، سيبها ي ادهم ، متشيلهاااااش
ادهم وشد المخده منها وقال ببرود:انا شيلتها خلاص
نواره باببتسامه:بجد شيلتها ، دي موجعتينيش ، بجد شكرا بجد
ادهم:العفو
و دخل الحمام و سايب نواره ماسكه ايده ومبتسمه جدا ان ادهم شلها الكانولا من غير م يوجعها......قامت نواره و خرجت م الاوضه و نزلت لحُلم المطبخ
حُلم:ايه الي قومك م السرير ي نواره...؟!
نواره:انا بقيت كويسه ، متقلقيش ، بس قوليلي مين امبارح الي عملي الكمدات
حُلم:قمر كانت بتعملهالك ، بس ادهم بيه مشها و عملها هو ليكي
نواره:معقوله..!!!
حُلم:ايوه ي ستي ، و بقولك ي نواره
نواره:ها..؟!
حُلم:ابقي اطمني ع ادهم ، عشانه امبارح نزل المايه ف عز التلج
نواره باستغراب:هو مجنون ولا ايه...؟!
حُلم:معرفش ، بس ابقي اطمني عليه
نواره:حاضر
و مشيت نواره و اتقابلت هيا وادهم ع السلم
ادهم بحده:ايه الي قيمك من السرير....!!!
نواره بضيق:كلمني باسلوب احسن من كدا
ادهم بحده:اتفض "وقطع كلامه بانه عطس"
نواره بسخريه:يرحمكم الله
ولسه ادهم هيرد بس عطس مره واتنين و تلاته
فبسرعه نواره جريت ع اوضتهم جابت المنديل و راحت ادتهاله....ادهم اخدها و هو قاعد ع سلم و فضل يعطس
نواره:م انا اول مره اشوف حد بينزل مايه ف عز التلج دا
ادهم بضيق:ملكيش دخل , و خدي المنديل مش عايز حا "و قطع كلامه عطسه و بياخد منديل"
نواره بسخريه:خليهالك , و خد دوا للبرد عشان متزدش
ادهم:مش اخد زفت
ومشي و هو متعصب و ضحكت نواره عليه و طلعت اوضتها.....!!
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
في المكتب عند ادهم
هنا كانت بتديله ورق يمضيها وكل شويه يكح و يعطس لحد م قالت هنا بشك:ادهم انت نزلت الماسه امبارح صح....؟!!
ادهم:اه
هنا:كنت حاسه ، انت مش هتبطل العاده دي بقا ، ي بني غلط
ادهم:ملكيش د "و قطع كلامه العطس و شد منديل بسرعه"
هنا:انا هروح اجبلك دوا للبرد و الكحه عشان متزدش
ادهم بحد:مش اخد زفت
هنا:و لما تتعب هتستفاد ايه...!! ، هجبلك ي ادهم الدوا و هتاخده
ادهم:قولت مش اخد ي هنا ، و يالا برا
هنا خرجت وهيا بترزع باب المكتب وراها بسبب عناد ادهم الي ملوش لازمه ، و سبب نزوله المايه ، انسان غبي ، غبي ،، و راحت مكتبها و مسكت الاوراق بغضب و عصبيه لدرجه انها مسكت الكوبايه و رزعتها ف الارض و جه اكرم ع الرزعه وقال بخضه:في ايه...؟!
هنا بضيق:اكرم اخرج برا الوقتي
اكرم:حصل حاجه...؟!
هنا:اكررم لوسمحت برا الوووقتي
و خرج اكرم و هو بيضرب كف بكف ع المجنونه دي و دخل لادهم لقي بيقول بعصبيه:مش انا قولت مليون مره قبل م تدخل تخبط
اكرم لس هيرد لقي ادهم بيقول:برا ي اكرم ، بررا
و خرج اكرم بسرعه قبل م ادهم يطرده و خبط ف بنت نوظفه وقالت:في ايه ي اكرم بيه...؟!
اكرم:المكتب دا اهبل ، والله اهبل
الموظفه:هو ادهم بيه متعصب ولا ايه...؟!
اكرم:انتي دخلاله...؟!
الموظفه:اه
اكرم:اهربي ي بنتي ، اياكي تدخلي ، اهررررربي
الموظفه برعب:حاضر حاضر
و جريت البنت ع مكتبها و كذلك اكرم
في مكتب ادهم ،،، جاله تليفون فرد عليه و كان رامي
ادهم:نعم ي رامي
رامي:ازيك ي ادهم
ادهم:كويس
رامي:بقولك ، انا النهارده عندي حفله لعطاء صحبتي ، فكنت عايز نواره تيجي معايا
ادهم كان هيعترض بس افتكر ان نواره محتاجه للخروج وخصوصا بعد الي حصل وهيا حفله ف بيت يعني مش هتبعد عن عينه وخصوصا ان معاها رامي فقال:الحفله دي الساعه كام...؟!
رامي:علي حوالي ٧ كدا
ادهم:تمام ، عدي عليا و انا هوديكم انتم الاتنين
رامي:ماشي ي ادهم
ادهم:سلام
رامي:سلام
وقفل معا و كلم نواره ع موبيل حُلم
حُلم:ايون ي ادهم بيه
ادهم:هاتيلي نواره ي حُلم
حُلم:حاضر
و ادتلها الفون و نواره مستغربه عايز منها ايه.؟!
نواره:ايوه ي ادهم
ادهم كان بيكح و مستنيا نواره عشان يخلص:اجه " و عطس" اجهزي عشان رامي هتروحي انتي و رامي حفله
نواره اول م قال رامي فرحت لانه وحشها و كان نفسها تشوفه بس طبعا مينفعش تطلب من ادهم و استغربت شويه ازاي ادهم وافق انها تروح مع رامي الحفله بس الفرحه غطت ع استغربها و قالت:البس امتي...؟!
ادهم:رامي هيجي عندك ع حوالي ٧ عشان انا هوديكم
نواره:ماشي
ادهم:سلام
نواره:سلام
وقفلوا و قامت نواره اتنطتت وقالت بفرحه:هشووف رامي ، ي حُلم ، انا محتجاله جدا ، دا من الشخصيات الي بحبها و بعزها ، و بحب افضفضلها ، مع انه في صفات من ادهم زي البرود الدبش ، بس بحبه و متاكده انه محل ثقه و انه طيب
حُلم بعتاب:طب اقعدي عشان متتعبيش تاني
و قعدت وقالت:تعالي نشوف هلبس ايه...؟! ، بس حفله ايه الي هروحها ، هاتي كدا تليفونك اما اكلمه
حُلم:خدي
و اخدته و كلمت رامي
نواره:ازيك ي رامي...؟!
رامي بابتسامه لانها كانت وحشه بردو:الحمدالله و انتي...؟!
نواره بصت علي ايدها الي ملفوفه وقالت:اه كويسه ، بقولك حفله ايه الي هنروحها..؟!
رامي:عيد ميلاد عطاء
نواره:كل سنه وهيا طيبه
رامي:و انتي طيبه ، يالا سلام
نواره:سلام
و قفلت معا و راحت نجيه الدولاب و تطلع ف فساتين و هدوم و تحطه ع جسمها و تقول:مش حلو صح
حُلم و بتشاور ع الفستان:أكنه قصير شويه
نواره:طيب
و طلعت غيره و جابت فستان بس مفتوح م الجنب فاتحه من اول رجلها لاخرها:طب دا...؟!
حُلم بضيق:و بالنسبه لفتحه الي من الجنب دي ، انتي متخيله ان ادهم بيه هيوافق يخرجك كدا
نواره:خلاص
و طلعت فستان تاني و كان كاب :طب أيه رايك...؟!
حُلم:لا طبعا
نواره بضيق:بدل م انتي قعده كدا وعامالي تقول لا واه ، تعالي اختاري معايا
و قامت حُلم و فضلت قدام الدولاب تفكر تختار اي لنواره و كل دا و نواره قعده ع السرير مستنيها تخلص ،، اختارت حُلم بنطلون وردي عليه زارير من فوق و بلوزه بيضا بكمام ماسكه م الوسط و كعب شوز ابيض
حُلم:البسي بقا و وريني
نواره:ماشي
و خرجت حُلم و دخلت لما نواره أذنتلها تدخل ، و دخلت حُلم و بصت ع نواره الي كانت كالعاده ف غايه الجمال بمكياجها الخفيف و شعرها الي عملته ع شكل فيونكه و نزلت منها قصه ، بحلقانها الي حاطه ف كل حته و التاتوهات التحفا
حُلم:قمر بجد ي نواره ، ربنا يحفظك
نواره:شكراً ي حُلم ، يالا ننزل عشان رامي اكيد دقايق و جاي
حُلم:ماشي
و نزلوا و عدي حوالي ربع ساعه و جــا رامي
نواره:ازيك ي رامي
رامي:الحمدالله ، بس ايه الشياكه دي كلها
نواره بضحكه:طول عمري ي بابا
رامي:ماشي ي وثقه ، بس انتي ايدك ملفوفه ليه....؟!
نـواره:كنت بنتحر
رامي باستغراب:نعم...!!
نواره:أه والله كنت بنتحر ، بس محصلش نصيب و عشت تاني
رامي بعصبيه:انتي متخلفه ولا كنتي شاربه حاجه ، جرالك ايه ي نواره...!!!
نواره:مجراليش حاجه ، كنت مخنوقه ي رامي
رامي:بسبب..!!؟
نواره:اتخنقت مع ادهم
رامي:و ايه الجديد ، م انتم بتتخنقوا دايما ، حصل ايه ي نواره خلاكي تنتحري
نواره:مش هقدر احكي ي رامي ، انا قولتلك بس اني كنت هنتحر ، بس مش هقدر اقول السبب
رامي:ماشي ي نواره ، بس اخر مره يوصل جنونك انك تنتحري ، تمام
نواره:علي اساس اني لو مُت هفرق مع حد ، ي بني دا بالعكس دا كله
رامي:ملكيش دعوه ي نواره ، انتي عايشه عشان نفسك مش عشان تستني حد يكون يهتم بيكي اوعرفي قيمتك عنده ، اخر مره ي نواره
نواره:قولت طيب
و فضلوا ساكتين و نواره كل م تيجي تتكلم ميردش عليها لانه مضايق منها بسبب الي عملته و انها فكرت ف نفسها و مفكرتش في ، بإنه اتعود عليها و اعتبرها اخته ن صحبته ، و شايف ان ملهاش الحق انها تنتحر مهمل حصل ، هو عرض عليها كذا مره يساعدها و هيا مش راضيه ، يبقي ي تقبل مساعدته ي تسكت ، لان هو مش هيتخيل حياته م غير نواره الي اعتبرها اخته بما انه محروم من حنان الاخت ، و برغم من شخصيتها الجرئيه الا إنه اول واحد شاف فيها الحنيه و الطيبه ، عشان كدا لسه علي علاقه بيها و متمسك بيها زي اي اخ متمسك باخته و لو شافهها بتعمل غلط يعتبها و ينبها ليه
ادهم جا و اول م شاف نواره طبعا عجبه و بما انه اتعود انها دايما تبهره في اي حاجه فكرن متوقع كدا و يرغم ان الطقم بسيط بس عليها رائع بجرئتها و مكيجها الي برغم انه بسيط بس تحسه صارخ و تقيل من ملامحها الي بتجمع بين الجرائه و البرائه ، عيونها الي زي الغابه برغم ان فيها وحوش بس الي يدخلها يتمني يكمل م جمال الطبيعه هناك
رامي و قرب من ادهم و سلم عليه و حضنه و نواره وقفه يدوب قالت " ازيك " و هو رد بالحمد و بس ،، ادهم قال:يالا
و راحوا ركبوا العربيه
نواره:عايزه اعدي ع محل لعب اطفال
ادهم:تمام
رامي:عطاء مش عيله ي نواره
نواره:مفيش بنت كبيره ع الالعاب ، مهما كبروا بيبقي ف جزء بسيط منهم حتي لو بنسبه ١٪ متعلق بالالعاب ، و العرايس ، و حسيت من عطاء انها بتعشق الالعاب
رامي:هيا بتحبهم اه ، بس كنت افكر اجبلها هديه تانيه
نواره:لا انا هجبلها دي
و راحوا عند محل العاب و نزلوا هما ٣ و راحو قسم العاب البنات و فضلوا يلفوا لحد م شافت نواره عروسه باربي بهدومها بمطبخها باوضتها ، كامله من كل حاجه ، فاخدتها و حطتها في العربيه و راحو عند الكاشير حسبوا و شال رامي اللعبه وقال:عطاء لما تشوفها ممكن يغمي عليها م الفرحه
نواره:انا لو مكانها هيغمي عليا اكيد ، دا انا شكلي هاخدها ليا
ادهم بضيق:ممكن تبطلوا كلام بقا
نواره بصتله باستغراب و قالت ف سرها " اهبل دا و لا أيه..؟! " و رامي سِكت احتراما لادهم
و صلوا هناك و رامي اخد اللعبه و هديته الي ملفوفه و محطوط عليها فيونه و مكتوب عليها عطاء بخط حلو عريس بلون الاخضر
ادهم:لما تخلصوا كلمونش عشان اجي اخدكم ، و أنتي ي نواره متبعديش عن رامي
نواره بضيق:م تقولي احسن لو حد ادالك شوكولاته متروحيش معا
ادهم تجاهل لكلامها و قال:متشلش عينك من عليها ي رامي
رامي:تمام ي ادهم متخفش عليها ، دي اختي
ادهم:تمام ، سلام
و ركب العربيه و طلع بيها و دخلوا النادي و كل دا و رامي شايل اللعبه و الهديه بتاعته
نواره:هات ي بني اشيل حاجه ، كدا تعب عليك
رامي:انا مشتكش ، لما ندخل عند العيد ميلاد ابقي خديها
نواره:ماشي
و اول م دخلوا عند العيد ميلاد اخده نواره الهديه و كان العيد ميلاد مليان بنات و شباب الي هما ف سن عطاء او سن رامي ، و كان في اهالي ، و هكذا ، فضلوا يمشوا لحد م لقا رامي عطاء و قال:اهي هناك اهي
و راحو عليهاا و شافتهم عطاء الي كانت لبسه فستان وردي لحد ركبها ع كلون من تحت و شوز ابيض عليه ورده م قدام و لبسه قناع ع وشها و سايبه شعرها البرتقالي الي ورثته عن مامتها الوسط و عامله ع شكل كيرلي و كان شكلها طفله جدا ، سلمت عليهم و عرفها رامي ع نواره و هيا رحبت جدا و كانت عايزه تبوسها بس نواره طويله بالنسبالها ، فؤطت ليها و حضنتها وقالت:اتفضلي هديتك ي عطاء
عطاء فتحتها و اول م شافتها قالت بفرحه عارمه و صوت عالي:الله ،، تحفا بجد ي نواره ، تحفا
رامي:طفله
عطاء:ملكش دعوه " و طلعت لسانها لي"
و حضنت نواره و باستها
رامي:دي هديتي بقا ي ستي
عطاء اخدت الهزيه و فتحتها و اول م شافت الهديه انبهرت و قالت:اخيرا رسمتني ، مش مصددقه بجد ، شكرا ي رامي
رامي:العفو ، انا كنت سايبها لعيد ميلادك افضل
عطاء:طب يالا عشان هنقطع التورت الوقتي ، يالا
و راحوا عند الطرابيزه و كانت عطاء جدتها جمبها بس قعده و رامي و نواره و صحابها و بيقولوا " happy brith day" و طفت الشمع عطاء و اشتغلت الاغاني و ا باتدوا يرقصوا و يغنوا و عطاء خلت نواره تشترك معاهم و رامي كان واقف بيتفرج ، و ساعات يشترك و ساعات لا
عدي حوالي نص ساعه و فجاه..............!!
ـ━━━🅐🅗🅜🅔🅓𖣘🅐🅛🅕🅐🅝🅝🅐🅝━━━❥
•تابع الفصل التالي "رواية نوارة" اضغط على اسم الرواية