رواية نوارة (كاملة جميع الفصول) حصريا عبر دليل الروايات بقلم فرح احمد
رواية نوارة الفصل الثالث عشر 13
ـ╗═══════════════╔
ـ رواية نوِّاره الحلقة الثالثة عشر
ـ╝═══════════════╚
ادهم خرج م الحمام و بينشف راسه بالفوطه فقال:نواره , انا عارف انك مضايقه من الي عملته , طب متزعليش ي نواره , انتي مبترديش عليا ليه...؟!
شال الفوطه من علي راسه و لاقي نواره ممدده ع السرير و غرقانه في دمها....ادهم اتصدم و حس بان روحه بتتسحب منه , نواره قاطعه شرينها , نواره معدش هتبقي ف حياتي , ازاي ,
ازززاي...؟!.....قرب منها و هو مذهول ان نواره ميته , قرب بايد مرتعشه و ملامح مصدومه باين عليها الانكسار و دمعه ف عينه ماسكها غصب عنه عشان متنزلش....حط ايده ع دماغها
و مررها عليها و قال بصوت مكسور حزين طالع اكن روحه بتطلع:نوووووااااااره
فضل ثواني مصدوم مش قادر يعمل حاجه عاجز زي الطفل الصغير الي امه سابته اول يوم مدرسه و ودعته و هو يعيط انها سابته....ادهم فاق م الي بيعمله و بسرعه قطع حته من ملايه و ربط ايدها بيها شالها و اخد مفاتيحه و نزل ركب عربيه و بيجري بيها ع اقرب مشفي , و ساب العنان لدموعه , بيجري بطريقه رهيبه , و لولا ان يعتبر مفيش حد ف الشارع كان زمانه خابط حد و لا داخل ف عربيه , ولا اتقلبت العربيه , و كل شويه يبص ع نواره م المرايه و شايفها ، وشها اسحب منه لونه , بيحاول يوصل لاقرب مشفي , مش عايز نواره تسيبه , و مكنش يتخيل انه اذاها للدرجة انها تاذي نفسها و تموت , مكنش يتخيل , بس هيا شافت كتير , موت اهلها , زُل فوزي ليها و اجبارها ع شغل الرقص , صاحبت عمرها سابتها , البنت الي تعرفها مااتت....انا جيت عليها اووي , اووي... و دموعه نزلت اكتر لما اكتشف ان اوحش انسان معاها هو عمره م عمل كدا و لا يذي , هيا مش ذنبها انها تشيل ذنب حد تاني , مش ذنبها
و وصل المستشفي و شالها و اول م دخل حطوها ع الترولي الدكتور عمل فحص سريع و امر بدخولها العمليات , و ادهم فضل ماشي معاهم و اول م دخلوا العمليات قعد ع الارض بنهيار
تام...........؟!
عدي دقايق لقي حُلم جايه جري عليه وقالت:ادهم بيه
ادهم رفع راسه و قال:حُلم , انتي جيتي ازاي...؟!
حُلم بدموع:انا لقيت حضرتك شايل نواره , فجيت وراكم بتاكسي
ادهم:طيب
و قعدة حُلم و طلعت مُصحف و فضلت تقري ف سوره البقره و كان ادهم سامعها , لحد م خرجت الممرضه وقالت:مدام نواره نزفت كتير , و محتاجين نقل دم بسرعه , و فصليتها مش
متوفره ف المستشفي
ادهم اتعصب فوقف وقال:ازاي يعني مش ف المستشفي , انتم بتستهبلوا , نواره لو معشتش انا هقفلكم المخروبه دي
الممرضه خافت م عصبيه ادهم وقالت:هيا فصيلتها (....)
حُلم:انا فصلتي كدا
الممرضه:طب اتفضلي معانا
و عملوا فحص الاول و اتاكدوا انها مش مصابه باي امراض و بدوا نقل الدم....و خلصوا و خرجت حُلم و راحت عند ادهم
ادهم:شكراً
ُ
حُلم:نواره دي اختي ي ادهم بيه , واتمني انها تبقي كويسه
ادهم:ان شاءالله
حُلم:ادهم بيه تعالي ننزل نصليلها
و نزلوا و قبل م يدخلوا , ندت حُلم ف مايك المستشفي بانه يجي يصلي بنيه الشفاء لنواره و لكل مريض ف المشفي
و فعلا كل الي ف المشفي نزلوا و ادهم وقف امام , و كان بيصلي و صوته مبحوح , و خلصوا و بدا واحد م المصلين يدعي و يرددوا ورا بامين , و ادهم عيط , و في راجل كبير طبطب
عليه و هدا وقاله يدعيلها افضل و هتبقي كويسه.....
طلعوا و قعدوا قدام العمليات و فضلت حُلم تدعي لنواره و ادهم قاعد ف صمت يدعلها و منتظر خروج الدكتور الي هيبلغه مصير نواره ي تعيش ي تموت....؟!
خرج الدكتور
ادهم اول م خرج راح عليه و كذلك حُلم
ادهم:نواره عايشه صح...؟!
الدكتور:دا معجزه انها كانت تعيش ، فقدت دم كتير ، والحمدالله الفضل يرجع لربنا ، هيا كويسه و هتروح ع اوضه عاديه ع طول
ادهم م فرحته نزل سجده لله و حُلم عنيها م الفرحه عيطت
مشي الدكتور و خرجت نواره ع السرير و دخلوها الاوضه
الممرضه:نص ساعه و تفوق م البنج
ادهم:شكرا
الممرضه:العفو
حُلم:انا راحا اصلي ركعتين شكر لله انه ناجها
ادهم:انا جاي معاكي
و نزلوا صلوا و ادهم دمع من الفرحه ، مش مصدق ان نوارته عايشه ، الحمدالله
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
عدي نص ساعه و ابدت نواره تفوق فادهم قال:نواره
نواره بصوت ضعيف:انا فين ، انا لس عايشه ازاي...؟!
حُلم:دا نجاه ليكي ، بدل م كنتي تموت كافره ي نواره ، انتي مفروض تستغفري ربك ع الي عملتي
نواره بعصبيه:انت خلتني اعيش ليه...؟! ، لييه...؟! ، عايز تكمل زُل فيا ، حرام عليك كنت سبني اموووووت ، انا مكنتش عايزه اعيش ، انا بكرهه الحياه دي ، بكرررهاا
ادهم:اهدي ي نواره ، اهدي ، و انا اسف الي عملته ، بس ارجوكي اهدي
نواره بعصبيه:هو انت لوحدك الي جيت عليا ، انا من وانا صغير بشوف المُر ، انت واحد مولود في بؤقك معلقه م دهب ، انا اشتغلت شغاله و اشتغلت كناسه وكله عشان اصرف ع ابويا وامي
و اختي ، ابويا القعيد و امي الي كان عندها الي جالها فشل كلوي، و اختي الي كان عندها القلب ، اشتغلت خدامه ف كباريه عشان اجيب فلوس اعرف اصرف علي الي عندي ، و لما اشتغلت
رقاصه اهلي ماتوا ، و فجاه لقيت الكل بيتحكم فيا ، و بزل من فوزي ، و صحبتي اهلها فرضوا عليا انها تبعني عشان خايفين ع نفسهم ، بابيع جسمي لدا و لدا عشان الفلوس الي بكرها ، الي
بسببهم بتهان و بزل ، اوعي يُغرك منظري دا واني مثلا كنت فرحانه ببدله الرقص ولا لمه الاو* ** حواليا ، و رمي الفلوس تحت رجليا ، دا انا كل يوم ببقي نفسي اقطع جلدي و ابلده ، بقيت
كرها نفسي ، معنتش حبها ، انا البنت القموره الهاديه الي كانت غايتها ف الدنيا ترضي ربها و اهلها ، بقيت او** انسانه ف الدنيا ، كل دا ليه...؟! ، عشان معنديش سند ولا فلوس ، فلي زي
لازم يبع جسمه و كرامته اي حاجه يملكها ف الدنيا دي عشان يعرف يعيش ،، تعرف انا بشكرك ع حاجه واحده بس ، انك حررتني م فوزي و شويه العواهر الي كنت بشوفها ف الكباريه ،
و قولت ان اخيرا ربنا حررني م الي كنت بشوفه في الكباريه ، طلعت او*** منهم مليون مره ،، بس مع الاسف لازم استحمل ، و يوم الي اتمردت و انتحرت لحقتني ، صح طبعا ، عايز تتخلص
مني ازاي و انت بتزلني كل يوم ، و شايفني مقهوره ،، عرفتي بقا ي حُلم انا مش عايزه اعيش ليه ، حتي لو هدخل النار ، مش مهم علي الاقل هرتاح م الدنيا دي ، دا كفايه ان مفيش هناك لا
ادهم و لا فوزي ، دا مجرد التفكير في عدم وجودهم هرتاح ، تخيلي بقا لو حصلت بجد ، هبقي اسعد انسانه ، في الاخره
و بطلت نواره كلام و الصمت سيطر ع المكان مفيش الا صوت شهقات نواره الي طالعه م العياط و حُلم اخدها في حضنها بتهديها ، اما ادهم مكنش صادر منه اي ردة فعل وجهه بلا ملامح ،
بيسمع كلام نواره و مش مُتخيل ان هيا كرها للدرجه دي ، اه هو معملش اي حاجه تفرحها او يثبتلها انو كويس ، بس مكنش متخيل انه وصلها للدرجه دي ، انها تشوفه اوحش م فوزي الي
زلها و بهدلها....بص عليها و كان هيكلم بس لقي نفسه بيخرج برا الاوضه برا المستشفي كلها و بيركب عربيته و بيطلع بيها
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
حُلم:بطلي ي نواره عياط عشان خطري
نواره:تعبت ي حُلم , تعبت , الدنيا دي م ساعة م وعيت عليها و انا مشفتش يوم حلو , معرفش
ليه ربنا بيعمل فيا كدا , ليه...؟!
حُلم:مسمهاش ليه ي نواره , دا بلاء م ربنا ليكي ي نواره عشان ترجعيله , بس انتي بتستغلي غلط , كل الي بتعملي معاصي في معاصي , عرفا لو ف مره روحتي اتوضيتي و صليتي و
قراتي م القران شويه , والله هتحسي براحه نفسيه و جسديه , و ان هموم الدنيا كلها انزاحت , فرجعي لربك ي نواره , توبي عن الي عملتي زمان , وانتي هتلاقي قدام فرق بين حياتك
القديمه الي مليانه ذنوب و معاصي , و بين حياتك الي مبينه ع القران و الصلاه
نواره:و تفتكري انا الي زي توبتهم هتتقبل
حُلم:طول م فيكي نفس هتتقبل , مهما عملتي , ربنا رحمته وسعه ي نواره
نواره:حاضر ي حُلم , ان شاءالله هنويها و هرجع لربنا تاني
حُلم:ربنا يهديكي ي رب
و فضلت حُلم تقري قران ع نواره لحد م نامت
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
ادهم فضل ماشي بالعربيه مخنوق , مضايق , قرفان , ازاي يعمل كدا ف نواره , هو عمره م كان يتخيل انُ يعامل انسانه بالشكل دا خصوصا لو ضعيفه , قد ايه انا حقير بلي عملته و ازاي
برودي و قسوتي خلوني اشوف كل البنات "وسيله" ازاي , اجي ع واحده ملهاش ذنب , و اعقبها مكان الي تستاهل , انا ظالم , انا ظالم ,, اذيت نواره بلسانك و تهديدك و هيا ملهاش ذنب , و
كل دا بسبب وسيله , كل دا بسببها
و فضل يكلم نفسه لحد م وصل للمستشفي و طلع لنواره الي كانت ف سابع نومه و حُلم الي نايمه علي الكنبه , فقرب من نواره و باس جبهتها , و شد كُرسي و نام و هو ماسك ايد نواره
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
عطاء:ي بني كُل دا وبس
رامي:ابنك...!! , لا ي ماما مش عايز , في ايه ي عطاء م قولت مش جعان
عطاء:ع فكره دا مفيد جدا
رامي:مفيد ايه ي عطوه..؟! , دا مربي ع طحينه ع جبنه رومي , دا عك
عطاء:بس بيسد جوع , وخصوصا بتاع الساعه 12 بليل
رامي:انا م راي تبطلي اكل , طولك بقي قد عرضك ي عطاء
عطاء:هو في احلي م الظلظه ي بني , مش احسن كدا م بقي عصايه ماشيه , و بعدين انت محسسني اني 100 كيلو , ي عم انا 50
رامي:طيب , امشي بقا عايز اذاكر
عطاء:ي عم م تذاكر هو انا مسكاك
رامي:ماشي , اخرسي
عطاء:ي عم هو انا اتكلمت
رامي:ي رب ارحمني م اللماضه الي جمبي دي
ضحكت عطاء و طلعت كتاب تذاكر فيه هيا كمان , و فضلت تشخبط مذكرتش حاجه و رسمت رُسومات م الزهق
رامي و بص عليها:انتي بتذكري ولا بترسمي....؟!
عطاء:زهقت , بقولك انا هروح اعمل فشار و اجيب شوكولاتات و عصير وبيبسي , اجبلك معايا....؟!
رامي بحسره:ي رب ارحمني , ي بنتي مش احنا لس اكلين
عطاء:اي علاقة الفشار و الحاجات دي بالاكل , دا تحليه ي بني
رامي:اه عندك حق , امشي ي عطووه , امشي
و طلعت تجري و هيا بتضحك و رجع رامي يكمل مذاكره.....عدي وقت قليل و سمع رامي صوت طرقعه و صريخ م عطاء , فبسرعه طلع يجري للمطبخ و راح لقي عطاء واقفه ورا باب
المطبخ و الحله بتاع الفشار و اللبن فار
عطااء:الحقني ي رااامي
بسرعه راح قفل البوتجاز و رمي الحله ف الحوض
رامي بضيق:ايه الي انتي عملتي دا....؟! و بعدين انتي بتسخني لبن ليه...؟!
عطاء وبتاخد نفسها:اصل وانا بعمل الفشار شوفت واحد بيفتح غطاء الحله فعجبني قولت اجرب , و ي رتني م جربت , اهو كله طااار
رامي:انتي مفكره نفسك الشيف الشربيني , و بالنسبه للبن
عطاء:اصلي لمحت اكياس كريم كراميل فنفسي هفتني عليه , قولت اعمله
رامي بضيق:اررحمني ي رررب
عطاء:يالا بقا مش مهم , هبقي اخلي ذكيه تيجي تنظف , و تعالي ناكل الشوكولاتات بقا
رامي:انا مااشي , مش قاعدلك , سلااام
عطاء:ي بني خليك , هتمشي ليه....؟!
رامي:مش فاضيلك , سلام
و راح اخد حاجته و مشي
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
ف الشركه , و ف مكتب اكرم
اكرم:هو ادهم مجاش ليه...؟!
هنا:هتلاقي جاي اهو بس الطريق زحمه ولا حاجه
اكرم:يمكن
هنا:بقولك , انا احتمال بليل اودي مازن الجنينه و افسحه شويه , تحب تيجي معانا...؟!
اكرم:ماشي , صحيح لسه معتز بيكلمك
هنا:ع قد مازن و بس ,, و مبيزودش ف الكلام معا يدوب ع قد اخباره و يقفل , و دا ماثر ع مازن اوي , ابوه بيفضل م بين اخته ملك , و مش محسسه بي
اكرم:خلاص سيبي الموضوع دا عليا
هنا:شكرا بجد ي اكرم , انت اجدع اخ بجد
اكرم:العفو ي ستي ,, يالا روحي كملي شغلك
هنا:ماشي
و خرجت و كمل اكرم شغله
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
ادهم صحي و مكنش حد صحي , فراح غسل وشه و راح ع الشركه , والي كانت شافته حُلم و قررت متقولش بإن ادهم كان موجود ,, فصحيت اتؤضت و صلت و صحت نواره عشان تفطر
نواره:هو ادهم كان هنا...؟!
حُلم:يمكن , بس ليه بتسالي....؟!
نواره بحيره:خلاص مش مهم
حُلم بابتسامه:ماشي , يالا نكمل اكل
و كملت اكل نواره لحد م رن تليفون حُلم
حُلم:دا ادهم بيه
نواره:طب ردي
حُلم:ايوه ي ادهم بيه
ادهم:السواق هيعدي دلوقتي يديكي هدوم لنواره تلبسها و تروحوا ع الفيلا
حُلم:ماشي ي ادهم بيه , سلام
ادهم:سلام
نواره:كان بيقولك ايه...؟!
حُلم:كان بيقول ان السواق هيجي يديلنا هدوم ليكي و نروح
نواره:انا مش عايزه اروح الفيلا دي
حُلم:طب تحبي تقوليلي لو مشينا م الفيلا هنروح فين...؟!
نواره:اي حته , مش عايزه اشوفه ي حُلم
حُلم:نواره ,, بلاش تحطي نفسك في مشاكل اكتر م كدا ,,, و ادهم بيه مش هيهدي الا م تبقي معا , انتي متعرفيش عمل اي امبارح ف المستشفي , دا لما عرف ان المستشفي مفيهاش فصيلتك
, كان هيطربقها , لولا ان انا فصلتي زيك و لحقته قبل م يتخانق
نواره:يعني انتي الي اتبرعتي بالدم...؟! , شكرا ي حُلم , انتي بجد رزق ليا م عند ربنا , و تعويض م حرمان الاخت و الصحاب و الام كمان
حُلم:و انتي والله ي نواره , و تعرفي لما نزلنا نصلي وقف امام و خلا المستشفي تدعيلك , و صوته ساعات مكنش بيطلع م العياط و احساسه بالذنب , و لما نجحت العمليه دمع م الفرحه و
نزل سجده لله
نواره متفاجاه م كلام حُلم , لسانها اتلجم مش عرفا تقول كلمه , مش قادره تصدق ان معقول ادهم عمل كل دا عشانها , ادهم البارد الي معندوش رحمه يعيط عشانها , طب ازاي
حُلم:ادهم بيه بيحبك , يمكن مش الحب الي يقولك بحبك , و بعشقك و الكلام دا , بس الحب قبل الاقوال افعال , الكلام ببلاش ممكن يتقال و مش هيخسر حاجه , انما الافعال صعب تتعمل حتي
لو ابسط حاجه , لان الي بيقول كتير دا مبيعملش , وبلي شوفته امبارح ف ادهم حسيته عامل زي الطفل الي خايف تروح منه امه , و دموعه و زعيقه ف الممرضه , و دموع فرحته بانك عايشه
, فدا اعظم حب ممكن تشوفي , و تفريطك في , يبقي انتي مجنونه
و سكتت وكانت هترد نواره بس لقت باب الاوضه بيخبط و بيدخل السواق:اتفضلي ي هانم
الهدوم , وانا منتظركم تحت ف العربيه
نواره:ماشي شكرا
ومشي , و ساعدت حُلم نواره في اللبس , و خلصوا و نزلوا وهيا بتسند نواره , و ركبوا العربيه , و روحوا
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
حُلم:اقعدي هنا متتحركيش م السرير ,,, لوعوزتي حاجه اندهيلي , بس متقوميش , انتي لس تعبانه
نواره بابتسامه بسيطه:حاضر
حُلم:شويه كدا و هجبلك الغدا
نواره:ماشي
ومشيت حُلم و بصت نواره ع السرير و الاوضه وقالت بسخريه:واضح اني قدري الاوضه دي , كان نفسي اخلص منها ,, بس نعمل ايه , طول عمري م بوصلش للنفسي في ,, دا بقا شئ
طبيعي اصلا , يالا الحمدالله
و مسكت السلسه ع رقبتها و فتحتها كان ف صوره هيا و اهلها و صوره التانيه لمليكه , فعيونها دمعت:ي ما كان نفسي اجيلكم ,, عشان ارتاح م الدنيا دي ,, بس نصيبي البهدله دايما و
الشقي ,, بس ان شاءالله اجيلكم
وقفلت السلسه و فتحت الكومودينه لقت البوم صور صغير , فاخدته و ابدت تقلب في ,لقت صور لست و راجل ف منتهي الجمال الست , و الراجل ف ملامح كبيره م ادهم فاتاكدت ان دول
والدته و والده , قلبت لقت الست قعده ف جنينه وماسكه الورده و ابتسامه صافيه جميله مرسومه ع وشها ,, فضلت بصه نواره للصوره دي عجبها ملامح الست , و شعرها الطويل , و فستانها
القصير ,, و فضلت بصه لصورتها ,, لحد م جت حُلم بالاكل , فعنته مكانه
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
هنا:ي ادهم مالك...؟!
ادهم:هنا قولت مفيش ,, و قولت كذا مره اني مبحبش الاسئله الكتير
هنا:طب نواره كويسه...؟!
ادهم:تقريبا ,, معرفش
هنا:هو حصل حاجه امبارح....؟! , م تقول ي ادهم
ادهم اتعصب م اسئلتها الكتير وقال بعصبيه:اه , نواره انتحرت , وكانت هتموت بس انا ودتها المستشفي و لحقولها ,, خلاص ارتحتي , يالا برا , عايز ابقي لوحدي
هنا خرجت ,, و صعبت عليها نواره ,, و فكرت انها بعد الشغل تروح تزورها ,, و تجيب معاها مازن , لان شكلها حبته م يوميها ,, فهتروح تاخده و تروحلها
و عدي ساعات و خلص الشغل ,, و راحت هنا جابت مازن و راحو لنواره
مازن:دي طنط نواره ,, طيبه اوي ي مامي , و لعبت معايا بلعابي ,, و زعلت اوي انها عيانه
هنا:ان شاءالله تبقي كويسه ي مازن , يالا انزل عشان نطلعلها
و نزلوا و ودتهم الداده لاوضه نواره
نواره اول م شافت مازن فرحت وقالت بابتسامه:ميزو ,, وحشتني اوي
و طلع يجري عليها يحضنها
هنا:براحه ع طنط نواره , ي مازن , عشان متتعبش تاني
مازن:سلمتك ي طنط نواره
نواره بزعل مصطتنع:اي دا اي دا , مش احنا اتفقنا المره الي فاتت , انك تقولي نواره , او اي دلع , بلاش طنط دي
مازن:خلاص متزعليش , ي نوري
نواره و باسته:احلي نوري , طالعه منك "و وجهت كلامها لهنا:شكرا ع زيارتك
هنا بابتسامه:العفو , زياره المريضه وجبه بردو ,, و انتي مرات ادهم , و بعزه , فابعزك زيه اكيد
نواره:شكرا
هنا:مازن حبيبي , مش هتوري نوري الهديه الي انت جايبها
مازن:حاضر
و راح نحيه شنطته و طلع منها عروسه باربي , لبسه فستان فراح لنواره وقال:اتفضلي ي نوري , اي رايك
نواره مسكتها و قالت بابتسامه فرحه:شكرا ي مازن , هديه جميله زي الي جايبها
و فضلوا يتكلموا شويه هيا و هنا , و تهزر مع مازن شويه
هنا:طب عن اذنك ي نواره , و الف سلامه
نواره:الله يسلمك
هنا:يالا ي مازن بوس نوري و سلم عليها عشان هنمشي
وحضن مازن نواره وقال:هشوفك تاني
نواره:ان شاءالله , مش احنا بقينا صحاب , يبقي اكيد هشوفك تاني
مازن:باي
نواره:باي
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
جه بليل , و دخل ادهم الاوضه , كانت نواره نايمه ,, فافتح الدولاب و خلع الجاكت و القميص
نواره صحيت لما حست بحد بيدخل الاوضه , فافتحت عيونها وكان ادهم , بس لما لقته بيبص عليها بسرعه غمضت عيونها , و فتحتها تاني , و قفلتها تاني لما لقت ادهم بيغير
ادهم وهو بيلبس البلوزه:لو صاحيه قولي , بلاش شغل الاستغمايه دا
نواره:انا حره ع فكره
ادهم ولف ليها:التمرجي , تحت , و هيطلع اهو , عشان يركب ليكي المحلول
نواره بصدمه:ااايه ,, لالا , مش عايزه محلول , مش عايزه
ادهم:بطلي شغل العيال دا , انا رايح اندهله
و راح يندهل و طلع بي , و حاولت نواره تقوم تقفل الباب بس مقدرتش م التعب , فجه التمرجي
نواره:ان
قطعها ادهم بنظره عشان تكست
التمرجي:هاتي ايدك ي بنتي عشان نعمل المحلول
و مدت ايدها نواره و اول م شافته بيطلع السرنجه عيونها دمعت وقالت:انا مش عايزه , انا خلاص خفيت , بس ونبي بلاش حقن
ادهم و قرب منها وقال:متخفيش , بصي النحيه التانيه , و مش هتوجعك
نواره:لا مش عايزه , لوسمحت امشي , انا مش عايزها
ادهم بحده:نواره , انا مش عايزه لعب عيال
التمرجي:متخفيش ي بنتي , دي شكه مبتوجعش , بس بصي النحيه التانيه
و بصت النحيه و مسكت ايد ادهم و مجرد م السرنجه دخلها...................
ـ━━━🅐🅗🅜🅔🅓𖣘🅐🅛🅕🅐🅝🅝🅐🅝━━━❥
•تابع الفصل التالي "رواية نوارة" اضغط على اسم الرواية