رواية انت عشقي وقسوتي (كاملة جميع الفصول) حصريا عبر دليل الروايات بقلم دينا قدري
رواية انت عشقي وقسوتي الفصل التاسع 9
- بارت ٩
شعرت ملك فجأة بالدوار الشديد لتمسك رأسها بتعب
ملك بتعب .. ادم افتح الباب بسرعة
ادم بقلق .. مالك يا حبيبتى ؟
ملك.. اتخنقت مش قادرة اخد نفسى .. افتح الباب
حاول ادم فتح الباب ولكن يبدو انه قد تعطل بهم
ادم .. الباب مبيفتحش
فقدت ملك توازنها لتتمسك بقميص ادم محاولة الا تسقط
ملك .. الحقنى يا ادم مش عارفة اتنفس .. افتح الباب .. انا ه هق هقع
ثم اغلقت عينيها واستلمت لضعف جسدها بين يديه
التقطها ذراعه قبل سقوطها وظل ينظر اليها برعب .. ادم بخوف .. ملك ملك مالك بس .. ملك فوقى
ولكن كل محاولاته لافاقتها باءت بالفشل .. فملك على ذراعه يحاول ان يساعدها لتنهض وتستعيد وعيها .. وبالذراع الاخرى يحاول فتح الباب ولا يستطيع
لم يجد حلا امامه سوى ان يطرق باب المصعد بشدة املا فى ان يساعدهم احد الجيران
ظل يطرق الباب بعنف هاتفا بذعر
ادم بقلق .. حد يفتح الباب .. ساعدونى معايا واحدة مغمى عليها
وطرق بعنف اكبر .. يا جماعة حد يساعدنا
الى ان استمع اليه احد الجيران وقام بالاتصال بالامن الذى سرعان ما تحرك وقام بفتح باب المصعد كى ينقذهم
فتح باب المصعد وادم يحمل ملك بين ذراعيه برعب شديد
ادم برعب .. لو سمحت كان معايا واحدة فى الاسانسير اغمى عليها .. ايه اقرب مستشفى هنا
دقق الرجل النظر بها .. دى بشمهندسة ملك .. ايه اللى عمل فيها كدة ؟
ادم بعصبية .. مش وقته نلحقها الاول ممكن
احد رجال الامن بشك .. حضرتك مين ؟
ادم بحدة .. بقول لحضرتك نلحقها الاول
احد رجال الامن .. منا مقدرش اخليك تخرج بيها الا لما اعرف انت مين .. ده شغلى
فكر ادم بما يجيب .. ولكنه لايريد ان تمس سمعتها بسوء بسببه
ادم .. انا قريبها .. كنا فى الاسانسير وفجأة جالها ضيق تنفس واغمى عليها
ثم اكمل بعصبية من شدة خوفه عليها .. بقول لحضرتك انت ممكن تتفضل تركب معايا نروح نلحقها عشان تطمن
فى ظل حديثهم ظهرت فتاة فى مقتبل العشرينات ويبدو انها على معرفة جيدة بملك
سهى .. ايه ده ملك مالها .. وحضرتك مين
ادم بتوتر .. انتى تعرفيها
سهى .. اه طبعا دى جارتى
ادم .. هيا مغمى عليها وهنوديها مستشفى
سهى .. لأ ثوانى .. ثم اخرجت زجاجة عطر من حقيبتها
سهى مقربة زجاجة العطر من انفها
ملك .. فوقى يا ملك .. انتى كويسة ؟؟
فتحت ملك عيونها برؤية مشوشة .. لن تستطع تمييز من حولها .. حتى وضحت الرؤية شيئا فشيئا لتجد ادم امامها ينظر اليها بقلق شديد وحوله بعض الناس
ادم بملامح قلقة متوترة .. انتى كويسة ؟
اومأت برأسها بضعف علامة الايجاب
حاولت الوقوف ولكنها لم تستطع التوازن فأعادها ادم على ذراعه مرة اخرى
وضعت يدها على رأسها
ملك بتعب .. اه يا دماغى .. دماغى وجعانى اوى
سهى لادم .. خلاص نزلها حضرتك انا هسندها
ادم بقلق شديد عليها .. هتعرفى تمسكيها ولا هتقع منك
سهى .. متخافش سيبها
انزلها ادم ببطئ شديد خوفا عليها .. اخذتها سهى واسندتها حتى وصلت لشقتها
اما ادم فغادر المبنى ولكن ظل منتظرا فى سيارته امام منزلها فلم يستطع الذهاب وهى بتلك الحالة قبل ان يطمئن عليها
.....
فى غرفته .. ظل يفكر فى قراره المتسرع هذا .. ترى هل اتخذت القرار الصحيح .. ام اننى اخطئ للمرة الثانية ؟!
فقد اتخذ قراره بالامتثال لاوامر والده .. وطاعته فى كل ما يريده منه
كان يفكر انه من الممكن ان يكون والده على حق .. وهو المخطئ الوحيد
قطع افكاره دخول امه بعد اذنه لها بالدخول
هالة .. انا سيبتك ترتاح خالص اهو عشان تهدى و نعرف نتكلم براحتنا
شادى بيأس .. هنتكلم فى ايه يا ماما .. انا اخدت قرارى وبلغت بابا بيه وخلاص
هالة .. وده عادى يعنى !! باة بعد ما كنت معارض الموضوع وسيبت حفلة اختك بسببه .. تيجى فجأة كدة تقول انا موافق
وبعدين تعالى هنا .. فين البنت اللى قلت بتحبها وهتتقدملها
شادى بعصبية .. كنت موهوم .. كنت بضحك على نفسي .. ياريتنى ما شوفتها ولا حبيتها .. ياريتنى ما عرفتها خالص .. ثم ظهرت دمعة بعيونه لم يستطع ان يمنعها .. انا كنت هخسر كل حاجة يا ماما .. كل حاجة
اخذته بأحضانها وقد شعرت بالخوف الشديد عليه .. ايه بس اللى حصل يا شادى فهمنى
لم يستطع شادى تمالك نفسه اكتر .. لم يستطع السيطرة على احزانه وجروحه واوجاعه .. وبمجرد ان دفن نفسه بحضنها ظل يبكى وينتحب كالاطفال .. فأمه هى الشخص الوحيد الذى يظهر امامها ضعفه ويأسه وانكساره وألمه .. فهى بالنسبة له الصدر الحنون والحضن الدافئ الذى يخرج به كل جروحه واوجاعه .. وهى فقط من يمكنها رؤية دموعه .
انفطر قلب هالة لرؤية شادى بهذه الحالة .. انه قلب الام الذى لا يتحمل رؤية اولادها بذلك الضعف والانكسار
حاولت تهدئته ولكنه ظل يزيد من تمسكه بها وضمها بقوة وكأنه يختبئ بحضنها من العالم بأكمله
هالة .. اهدى يا حبيبى .. اهدى عشان خاطرى متخوفنيش عليك
بعد فترة .. تدارك نفسه وحاول ان يهدئ بعدما افرغ مشاعره وجروحه بحضن امه
شادى .. خلاص يا ماما .. انا كويس متقلقيش .. كان لازم اخد على دماغى عشان اتعلم الدرس
هالة .. طب براحة بس وفهمنى .. ايه اللى حصل مع البنت دى
شادى .. ولا حاجة .. ثم ابتسم بسخرية .. رفضتنى .. واكمل بمرارة .. قالتلى انا بحب واحد تانى وانت اخ وبس
شوفتى انا كنت غبى اد ايه عشان اتقدم لواحدة واحبها وهى بتحب واحد تانى
هالة .. وانت كنت هتعرف منين !! وبعدين كنت لازم تواجه مشاعرك وتعترفلها عشان ترتاح
شادى بحزن مشاورا لنفسه .. وانا كدة ارتحت !! ده منظر واحد مرتاح !! ده منظر واحد عايز ينتحر ويخلص من حياته
هالة بلهفة وخوف .. بعد الشر عليك يا نور عينى .. متقولش كدة .. مش كل صدمة هنعدى بيها نبقى بنتمنى الموت .. الصدمات مبتموتش بس بتقوى .. انت هتتعب شوية هتتجرح طبعا بس بعدين هتنسى وتعيش حياتك وربنا هيعوضك بحب تانى
شادى بحدة .. لأ .. مش عايز احب خلاص .. مش حمل جرح تانى .. خلاص كدة قفلت قلبى وهدوس عليه ومش هفتحه لحد تانى
هالة .. ممممم وعشان كدة باة وافقت تخطب ماهيتاب
شادى بتنبيه .. اشوفها .. وافقت اشوفها .. قلت اديها وادى نفسى فرصة جايز بابا هو الصح
ثم اردف بمرارة .. انا مشيت ورا قلبى ومشاعرى وخذلونى .. وطلعت غلط .. وقفت ادام بابا عشان احقق اللى فى دماغى واثبت ان انا الصح .. وللاسف انا اللى خسرت فى الاخر
لازم اواجه نفسي انى كنت غلط .. كنت غلط لما فكرت بقلبى ومشاعرى
يمكن بابا معاه حق .. هو عنده خبرة عنى ويمكن انا اللى مش فاهم الدنيا كويس
يمكن كان عنده حق لما قاللى الحب مش كل حاجة .. هو صح الحب فعلا مش كل حاجة الحب ده وهم كبير بنعيش نفسنا فيه
مصلحتنا ومستقبلنا اهم من اى شئ .. هما اللى باقينلنا .. بابا صح وانا اللى كنت غبى
هالة مشفقة على حاله .. لا يا حبيبى الكلام ده مش صح .. الحب هيخليك تعيش اجمل ايام حياتك مع اللى بتحبها .. هيخليك فرحان دايما وقلبك مليان سعادة .. طبعا انت عمرك ما هتصدقنى دلوقتى ولا هتقتنع بكلامى لانك خارج من جرح صعب .. بس بكرة لما تنسى وتبدأ من جديد هتصدقنى وتحس كلامى ده
شادى بيأس .. ان شاء الله
هالة بطيبة.. طيب ذنبها ايه البنت اللى هتشوفها دى .. تخطبها وانت مبتحبهاش .. ذنبها ايه تظلمها معاك
شادى بمرارة و سخرية .. وهى يعنى اللى بتحبنى ولا تعرفنى حتى .. احنا عارفين كويس انها جوازة مصالح .. فمنستناش باة حاجة من بعض
هالة .. غلط يا حبيبى .. اكبر غلط .. الحياة بينكم لازم تكون مبنية عالحب والرحمة والتفاهم .. لازم يكون فيه وفاق بينكم .. ولازم تكون مبسوط معاها .. متحكمش على نفسك تعيش طول عمرك تعيس عشان صدمة مريت بيها
شادى .. هنشوف يا ماما .. هقابلها وبعدين اقرر
هالة .. ربنا يكتبلك كل الخير يا حبيبى
....
اتصل ادم بهاتفها .. ردت عليه ومازال التعب يظهر بصوتها
ادم .. عاملة ايه دلوقتى يا حبيبتى
ملك .. الحمدلله احسن
ادم .. على فكرة انا لسة عندك
ملك بدهشة .. عندى فين !! تحت البيت
ادم بضحكة .. ههههه اه .. مقدرتش اروح الا اما اتطمن عليكى
ملك ... هههههه انت تقريبا عامل داى يوز تحت بيتنا انهاردة هههه
ادم متظاهرا بالتعب .. اه والله وكله عشان ترضى عنى .. مصعبتش عليكى وانا ميت من الجوع والعطش من الصبح ومتحركتش عشان الحقك واصالحك
وفى الاخر مكنتيش عايزة تصالحينى كمان .. شوفتى انتى مفترية ازاى
ملك بقلق .. ادم انت مكلتش حاجة من الصبح ؟!
ادم .. ولا حتى شربت بق مياه .. شوفتى باة عملتى فيا ايه
ملك .. طب ما روحتش تاكل حاجة ليه لما مشينا ورجعت تانى ؟!
ادم .. خوفت ترجعى وانا برة وملحقش اشوفك .
ملك .. طب يلا روح باة عشان تاكل حاجة مينفعش كدة يا ادم
ادم .. طب ممكن طلب قبل ما امشى
ملك .. اطلب
ادم .. ممكن اشوفك .. مش هأخرك ٥ دقايق بس
ملك وقد خافت ان يراها احد معه مرة اخرى او تأتى والدتها وتراهم سويا
ملك .. لأ هطلع ابصلك من البلكونة احسن
ادم .. بس كنت عايز اشوفك ادامى .. ملحقتش اشبع منك
ملك .. معلش مش هينفع ماما ممكن تيجى فى اى وقت
ادم .. هيا فين صحيح .. وانتى راجعة لوحدك ليه ؟!
ملك .. راحت لخالتو تعد معاها شوية .. اليوم اللى بابا بيسافر فيه بيبقى صعب عليها اوى .. وعليا انا كمان
فبتروح تعد معاها عشان تتلهى شوية وتغير جو
ادم .. ربنا يرجعهولكم بالسلامة .. حظى باة انك مأعدتيش معاها هناك كنت استنيت كل ده عالفاضى
ملك .. رغم اتحايلو عليا كتير بس صممت اروح .. ثم اكملت بخجل .. زى ما يكون قلبى حاسس انى هشوفك تانى
ادم .. يسلملى قلبك الحنين ده اللى بيحس بيا دايما
ووسط احاديثهم خرجت ملك الى الشرفة تنظر اليه
وما ان رأها حتى تسلطت انظاره عليها .. نزل من سيارته مستندا اليها ناظرا لها بعشق
ملك متلفتة حولها .. ادم متبصليش كدة هنتفضح
ادم .. ميهمنيش .. انا قررت خلاص بعد الامتحانات هكتب كتابى عليكى ومحدش يبقى ليه عندنا حاجة
ملك .. هنتكلم فى الموضوع ده بس لما تروح واتطمن انك اكلت كويس
ادم .. بجد .. طيب حاضر طيران .. سلام مع انى مش عايز اسيبك واضيع اللحظة دى
ملك بخجل .. وانا كمان .. يلا سلام
ودخلت غرفتها سريعا قبل ان يضعف ويظل عندها
.....
دخل ادم منزله .. فوجد سيرين ووالده وسليم على طاولة الطعام يتناولون الغداء
سيرين .. حماتك بتحبك يلا اغسل ايدك وتعالى كل معانا .. الاكل يجنن طبعا عشان انا اللى عاملاه
صلاح .. انت فين يابنى مختفى من الصبح ليه
ادم .. ادينى جيت
سليم .. ازيك يا ادم .. كنت هزعل اوى لو مشيت من غير ما اشوفك
نظر له بابتسامة صفراء قائلا بضيق .. اديك شوفتنى اهو عشان متزعلش
صلاح .. بصلى هنا وقولى كنت فين طول اليوم
ادم .. بعدين يا بابا .. بعدين .. ناكل ونتكلم انا جعان اوى
قامو بتناول الطعام وقد كان رائعا المذاق فسيرين تعشق المطبخ وتتفنن فى طبخاتها واكلاتها .. والكل يشهد لها بجمال اكلها
ادم .. الاكل تحفة بجد يا سيرى .. كان واحشنى الاكل الجامد ده
سيرين .. الف هنا وشفا على قلبك يا دومى
سليم .. ايه اخبار دراستك .. لو احتاجت اى حاجة انا موجود
ادم بسخافة .. انت كهرباء وانا حاسبات .. هتساعدنى ازاى !!
سليم بخجل من معاملته الجافة .. عادى .. ممكن اشوف اى حد معرفة فى حاسبات وهو يساعدك .. مش لازم انا بنفسي
ادم ناهيا الحوار .. لا متشكر مش محتاج حاجة .. انا شبعت الاكل فعلا روعة واكمل بعفوية غير مقصودة .. يا بخت اللى هيتجوزك يابت انتى
سليم بابتسامة .. يابختى فعلا
ادم بسخافة .. انا قلت اللى هيتجوزها .. مش خطيبها !!
سليم .. طب منا خطيبها يبقى هتجوزها
ادم باستفزاز .. لا لسة مش اكيد الموضوع ده
سليم بغضب .. نعم !!
صلاح ناهيا الحديث .. خلاص يا جماعة .. الاكل فعلا جميل يا سيرى .. اعمليلنا باة كوبايتين شاى وتعالى اعدى معانا فى التراس
سيرين .. حاضر يا بابا
دخل ادم المطبخ معها بينما دخلا التراس كلا من صلاح وابن اخيه
فمنزل ادم عبارة عن طابقين تصحبهم حديقة كبيرة ممتلئة بالورود والازهار .. ويتوسطها حمام سباحة صغير
فجلسا يتأملان جمال المنظر مستمتعين بروعة الجو ونقاؤه
صلاح .. ايه اخبار رسالة الماجستير يا سليم ؟
سليم .. شغال فيها يا عمى .. بس اليومين دول موقف الشغل فيها شوية عشان امتحانات الترم الاول قربت وبنحضرلها .. وبنعمل للطلبة ملخصات وسكاشن مكثفة
فمفيش وقت
صلاح .. ربنا يوفقك . انا لسة عند كلامى هتخلص رسالة الماجستير من هنا .. وتمسك شركة من شركاتى فى الامارات وابوك هيكون معاك ويساعدك متقلقش
سليم بعدم حماس .. ربنا يسهل
...
عند ادم وسيرين فى المطبخ
سيرين .. يالهوووى كل ده حصل .. ده انت بومة انا بدأت اخاف منك
ادم بضحك .. هههه المهم انها سامحتنى وقدرت اأثر عليها فى الاخر
سيرين .. انت ليك نفس تضحك !! يعنى تيجى تصالح البت يغمى عليها لا وكمان الاسانسير يتعطل بيكم ومتعرفوش تخرجو .. وفى الاخر كانت هتتفضح لولا ستر ربنا جارتها انقذتك .. بعد كل البلاوى والنحس ده بتضحك
ادم بابتسامة حالمة متذكرا قرب ملك منه وعبيرها الذى زلزل كيانه .. زى ما كان فيه بلاوى .. كان فيه تفاصيل ولحظات حلوة اوى .. وفى الاخر سامحتنى ونسيت اللى عملته معاها
سيرين بحزن .. ايوة ياخويا انتو تتصالحو وتبقو سمن على عسل .. وتيجى هنا تضرب بوز فى وش سليم .. انت مش هتبطل باة سخافتك دى !!
ادم باقتضاب .. احمدو ربنا انى بقابله واتكلم معاه .. لولاكى مكنتش عبرته
سيرين .. لا كتر خيرك .. يلا خد الصينية على ما اروح اظبط نفسي
ادم بشقاوة .. تظبطى ايه ما انتى زى القمر اهو من غير حاجة .. والله انتى خسارة فى الواد ده انا مستكترك عليه
سيرين .. قمر ايه بس دى الطرحة مبهدلة خالص والروج اتمسح من الاكل وحالتى بقت بالبلاء
ادم بمعاكسة .. برضو قمر .. هو يطول اصلا
ضربته سيرين على رأسه بخفة .. طيب روح باة احسن الشاى هيبرد .. وانا ثوانى وجاية
ادم بغمزة .. طب هاتى بوسة وانتى مزة كدة
سيرين بدهشة .. ايه الروقان ده سبحان مغير الاحوال .. امبارح كنت مش طايق نفسك ولا طايقنى وانهاردة فايق ورايق عالاخر .. بركاتك يا شيخة ملك .. انا قلت من الاول البت دى لازم تكون خارقة عشان تقلبك ١٨٠ درجة كدة
ادم .. ايوة المرأة الحديدية ههههه
سيرين .. انت شارب ايه يا ادم قبل ما تيجى .. اوعى تكون ادتك حاجة اصفرة
ادم .. والله ما دوقت حتى بق مياه من ساعة ما نزلت .. بس احنا من ساعة ما اتصالحنا وانا حاسس انى مقبل عالحياة كدة
سيرين .. طب بطل غلبة باة وامشى يلا
ادم بغمزة .. مش هتجيبى بوسة
خبطته على ظهره بخفة .. ياعم روح الله يرضى عليك خلينى اشوف حالى انا كمان
وضع ادم صينية الشاى على المنضدة مستئذنا منهم ودخل حجرته
لم يضغط عليه والده بالجلوس معهم .. فهو يعلم جيدا انه ليس على وفاق مع سليم ولا يحب التعامل معه .. بل ولا يحب وجوده بحياتهم من الاساس .. فقرر ان يتركه بغرفته حتى لا تنشب بينهم المشاكل والمشاحنات مثلما حدث منذ قليل .. خصوصا وان ادم لم يترك فرصه الا وقام بمضايقته واستفزازه املا ان يشعر برفضه له ويرحل عنهم
اتصل بملك واتاه ردها
ملك .. ايه مزهقتش منى ؟!
ادم بتعجب .. ازهق !! انتى وحشتينى اصلا
ملك .. يا سلام لحقت اوحشك وانت كنت مقيم طول اليوم تحت بيتنا
ادم .. والله ارجع تانى عشان تصدقى .. انا مجنون واعملها
ملك بضحك .. ههههه لا خلاص خلاص مصدقاك
ادم .. ايوة كدة .. ناس متجيش الا بالعين الحمراء
ملك .. ههههه مش اوى كدة متاخدش مقلب فى نفسك
ادم .. طيب ممكن نتكلم جد شوية باة
ملك .. نتكلم
ادم .. انا طلبت منك للمرة المليون انهاردة اننا نكتب كتابنا بعد الامتحانات .. كل مرة كنتى بترفضى .. انهاردة تقريبا رأفتى بحالى وبدأتى تفكرى حسيت ان فيه بصيص امل كدة .. وقولتى لما تروح نتكلم
ملك .. ههههه ياااااه انت لسة فاكر
ادم .. فاكر !! ده انا مستنى بفارغ الصبر اروح عشان نتكلم .. شكلك حنيتى عليا وهتوافقى
ملك .. ممم الاول انت ...
ادم .. اه اكلت والله اكلت وزى الفل .. كنت عارف انك هتسألى عشان كدة كلت قبل ما اكلمك
ملك .. هههههه ده انت مش سايبلى اى فرصة
ادم .. مش هتعرفى تهربى متحاوليش .. يلا قولى انك موافقة .. قولى عشان اروح اقول لبابا ونجيلكم اخر يوم امتحانات
ملك .. يا سلام اخر يوم علطول كدة
ادم .. خير البر عاجله انا عايز اكتب انهاردة اصلا .. يلا باة قولى اى حاجة وريحى قلبى
ملك .. انا كنت فكرت فعلا فى الموضوع وكنت هوافق عشان نرفع الحرج ده عننا .. ثم اكملت بحزن .. بس للاسف مش هينفع
ادم .. ليه !! انا قلتلك متخافيش كتب كتاب بس .. عشان نبقى براحتنا
ملك .. بابا سافر انهاردة وادامه لسة ٣ شهور تانى على ما يعرف ينزل اجازة .. اكيد يعنى مش هكتب كتابى من غيره
ادم بتفكير .. ومينفعش يقولهم ان بنته بتتجوز وينزلك مخصوص ؟!
ملك .. يقول لمين ؟؟
ادم .. للناس اللى شغال معاهم
ملك .. ادم بابا مش شغال عند حد برة .. بابا رجل اعمال عنده شركته الخاصة بيه .. ومشارك ناس فى مشاريع كتير وليه اسهم فى كذا شركة.. وهو سافر لأنهم بيفتتحو شركة جديدة وطبعا لسة فى الاول محتاج يتابعها كويس بنفسه ويوقفها على رجليها
عشان كدة قالنا هييجى بعد ٣ شهور لما تتأسس ويعين الفريق الجديد و ناس يديروها يكون يعتمد عليهم
ساعتها هينزل اجازته اللى غالبا هتكون بعد الترم التانى
اندهش ادم حيث انه لم يكن يعلم ان والدها من الاثرياء .. او من اصحاب الاعمال .. فلم يهتم ابدا بالسؤال عن مستواها او عن عائلتها .. فهو يحبها لشخصها فقط ولم يهتم بأى شئ اخر .. وعلى استعداد ان يتمسك بها ويقنع اهله مهما كان مستواها
ولكن يبدو الامر الان اسهل مما تصور
فرح كثيرا يشعر ان احلامه على وشك ان تتحقق .. فبهذه الحالة والده لن يرفض ارتباطهم ابدا .. فمن حسن حظه ان نسب عائلتهم مشرف لاى عائلة
وان كان خائفا فى السابق من مواجهة ابيه والوقوف بوجهه للفوز بها .. فهو الان على يقين انه لن يحتاج كل ذلك
ادم .. اوبااااا ده بابا طلع جامد باة واحنا منعرفش
ملك بضحكة .. هههه اه جدا يابنى انت بتقول ايه .. ده كاظم باشا السيوفى
ادم .. ماشي يابنت كاظم باشا .. وياترى باة بابا الباشا هيوافق على حتة الطالب الغلبان اللى هييجى يتقدملك
ملك .. اولا انت لما تتقدملى هنكون خلصنا واتخرجنا .. ثانيا احنا هنبنى مستقبلنا سوا و ... ....
ثم توقفت فجأة متذكرة شيئا مهما
ملك .. صحيح يا ادم .. وانت فى اوضة شادى بتتخانق معاه .. سمعتك بتقول انا عندى اد اللى عندك اضعاف بس معرضتوش عليها .. هو انت كنت تقصد ايه بالكلام ده ؟!
شعر ادم انه قد حان الوقت لتعرف ملك كل شئ عنه وعليه مصارحتها بمستواه ومركز عائلته .. فزواجهم بعد شهور ويجب ان يكون كل شئ واضح وضوح الشمس .. لا مجال لاخفاء حقيقته اكثر من ذلك
ادم .. ايوة يا ملك دى حقيقة .. انا كمان بابا رجل اعمال كبير جدا فى الامارات .. له هيبته ومركزه ومكانته بين الناس
والحمدلله عندنا شركات كتير هنا وبرة .. بابا يا ملك صاحب مجموعة شركات سيرادم .. اكيد طبعا عرفاها
ملك .. اه طبعا من اكبر شركات البرمجيات فى الشرق الاوسط
ادم .. بالظبط كدة .. ليها فروع هنا وفى الامارات .. بابا صاحبها ومشارك معاه ٢ اصحابه
فاكرة لما قلتلك انا ناوى افتح شركة
ملك .. اه طبعا
ادم .. بابا متفق معايا اخلص دراسة وامسك شركة من شركات سيرادم علطول .. اكيد طبعا مش هبقى مسئول عن كل حاجة فى ساعتها لانى هبقى لسة متخرج ومعنديش خبرة
فشريكه هناك هييجى ويمسك معايا الشركة فى الاول وبعدين انا هكمل الموضوع لوحدى
ملك بقلق .. بس دى مسئولية كبيرة اوى عليك .. دى شركة كبيرة مش لسة بتبدأ واكيد انك تمسكها ده فيه ريسك كبير جدا
ادم .. فعلا عندك حق .. بس بابا مطمنى ان شريكه ده صاحبه من زمان وشاطر اوى فى الادارة والتسويق .. وبابا بيثق فيه جدا .. هو هيبقى معايا فى الاول لحد ما استوعب الدنيا
ملك .. ربنا معاك يا ادم .. انت كمان طلع باباك حد جامد اهو واحنا مش عارفين
ادم بجدية .. انتى عمرك ما سألتينى .. ولو كنتى سألتى كنت هعرفك كل حاجة .. عمرى ما كنت هخبى عليكى
ملك .. وانا عمرى ما اهتميت اعرف عندك ايه ولا عيلتك مين .. انا حبيت ادم .. حبيته لشخصه .. محبتش ادم الشناوى
ادم بسعادة .. وادم بيحبك وبيموت فيكى وهيفضل معاكى طول العمر ان شاء الله
ملك .. ان شاء الله
ادم .. يعنى كدة قفلت خلاص .. مفيش اى حل ؟؟
ملك .. للاسف خلاص كدة .. مضطرين نستنى لما نخلص .. كانت المشكلة فيا الاول .. بس حاليا المشكلة اكبر منى ومنك
ادم باصرار .. مش مهم .. انا مستعد استناكى العمر كله بس تكونى ليا فى الاخر
....
سليم .. تسلم ايدك الاكل والشاى وكل حاجة من ايدك جميلة
سيرين بخجل .. الله يسلمك .. بالهنا والشفا
سليم .. انا جيت اهو عشان متزعليش وتقولى الكلام العبيط اللى قلتيهولى فى التليفون وزعلنى جدا
سيرين باستغراب .. انا زعلتك !!
سليم .. اه جدا .. وحسستينى انى مقصر معاكى ومش بحبك .. رغم انك عارفة ان ظروف شغلى هيا اللى بعدانى عنك
سيرين .. معلش متزعلش .. بس انا يا سليم مبشوفكش خالص .. من ساعة ما اتخطبنا مش عارفة اشوفك ولا اتعامل معاك ولا هنا ولا فى الامارات
قلت لما هاجى مصر ما هتصدق باة وهتقضى الاجازة كلها معايا .. وهنقرب من بعض اكتر ونعوض اللى فاتنا
بس للاسف اجازة بابا قربت تخلص اهو ومشوفتكش غير مرة واحدة فى البيت ومأعدتش كتير كمان مشيت علطول
وكمان مكنتش عايز تيجى انهاردة
مكنتش متوقعة كدة خاالص
سليم .. انتى عارفة ان الامتحانات بعد اسبوع والوقت مضغوط اوى فغصب عنى .. وعشان اثبتلك ان كل اللى فى دماغك ده غلط وانى بحبك غمضى عنيكى
سيرين .. ليه
سليم .. غمضى بس
اغمضت عيناها وهى تشعر بالقلق لا تعلم ما سيقدم عليه فى عدم وجود والدها
وفجأة سمعت صوت سليم يتألم .. ااااه
.....
يا ترى ايه اللى حصل لسليم .. وكان ناوى على ايه
هنعرف البارت الجاى
تفاعل يا حلوين ❤️❤️
•تابع الفصل التالي "رواية انت عشقي وقسوتي" اضغط على اسم الرواية