رواية جمعنا القدر كاملة بقلم زينب محروس عبر مدونة دليل الرايات
رواية جمعنا القدر الفصل الثامن 8
فى غرفة قدر الفتيات يرقصون و يغنون …… اما الشباب يجلسون فى حديقة الفيلا الخلفية .تحدث مراد قائلا
مروان عدى انا و كرم عايزين نقولكم على حاجة
مروان : طب ما تقول انت بتستاذن
مراد : بصراحة انا عايز اطلب ايد مليكة …. و ايسيل لكرم
نظر مروان لعدى و صمتا الاثنين
كرم : انتوا ساكتين ليه ….. موافقين و لا لاء
ابتسم مروان ثم قال : انا عن نفسى موافق
عدى : وانا موافق مش هنلاقى احسن منكم …. بس لازم موافقة الكبار الاول و البنات طبعا
كرم و هو يتنهد براحة : ما تقول كدا من بدرى يا راجل ساكت ليه ……. قوم يلا اسالهم
عدى : ???????????? دا انت مستعجل بقى
مروان : لاء يا حلو انت و هو بعد فرحى طبعا عشان متخدوش منى الليلة و تقولوا نعمل خطوبة مع مروان
مراد : تمام يا معلم ابقى كلملنا الحج بقى .
????????????????????????????????????????????????????????????
اخيرا اليوم هو موعد الزفاف سوف تصبح قدر ملكه للابد انتظروا هذا اليوم كثيرا وها هو حلمهم يتحقق من اليوم لن يفرقهم الا الموت …… و صل الضيوف و الجميع بانتظار العروسين .
بغرفة الفتيات
نور : مشاء الله عليكى قمر
مليكة : طبعا يا بنتى دى اختى
ايسيل : صحيح مين هيسلمها لمروان
مليكة : خالى و عدى
قطع حديثهم دقات على الباب … ذهبت نور لتفتح الباب و وجدت عدى كان يرتدى بدلة رصاصى و يبدو وسيما حقا …. عندما راها عدى ظل ينظر لها …… حتى تحدثت ايسيل
: مين يا نور
فاق عدى من شروده قائلا : احم احم … قدر جاهزة ؟
نور و هى تفسح له الطريق ليدخل : اه اتفضل
ودخل عدى و قال
: عروستنا جاهزة
ابتسمت قدر فاكمل عدى بعد ما قبل جبينها
: قمر يا حبيبتى ربنا يبارك فيكى ويسعدك
قدر : شكرا
احتضنها عدى قائلا : الف مبروك
قدر : ربنا يبارك فيك …… عقبالك
نظر عدى الى نور ثم تحدث : قريب انشاء الله
خجلت نور من نظراته و لاحظتها الفتيات
عدى و هو يمد يده : يلا الكل مستنيكى تحت
وخرجوا من الغرفة والفتيات خلفهم ….. وساروا حتى وصلوا الى السلم وكان عامر ينتظرهم و سلمها له عدى و اكمل عامر مهمة تسليم العروس .
كان الجميع ينظر لها فهى حقا جميلة وحجابها يجعلها تبدو كملاك من السماء ….. سلمها عامر الى مروان ثم قال
: انا طول عمرى بعتبر قدر بنتى و حتى بعد ما اتجوزتوا هتفضل بنتى مش مرات ابنى اوعى تفكر فى يوم انك تزعلها …. ساعتها مفيش حد هيقفلك الا انا فاهم
مروان : فاهم يا بابا
عامر : الف مبروك يا ولاد ربنا يسعدكم
اشتغلت اغنية لمستك نسيت الحياة و رقص مروان و قدر عليها و مع انتهاء الاغنية حملها مروان و دار بها …. وصفق لهما الجميع ….. و ذهبت الفتيات ليرقصن مع قدر و الشباب مع مروان …. و فى منتصف الحفلة انطفأت الاضواء و وسمع الجميع مروان يقول
: لما بشوفك يا حياتى قلبى بيرقص بين ضلوعى … بيرجعنى زى طفل صغير …. قدر …. اول يوم دخلتى فيه على حياتى خطفتى قلبى مبقاش ملكى ملكتيه للابد …. بابا بيوصينى عليكى بس ميعرفش انه بيوصينى على روحى … حبى ليكى تخطى مرحلة الهيام … لو وصفتلك حبى عمرى كله مش هيكفى …. انتى كنتى حلم بالنبسة ليا واتحقق … حياتى من غيرك مش حياة ….. انا من غيرك ولا حاجة وبيكى كل حاجة ….. انا بوعدك قدام كل الموجودين انى عمرى ما هجرحك و لا عمرى هتخلى عنك لان مفيش حد بيتخلى عن روحه هفضل جنبك علطول مش هيبعدنى عنك الا الموت … انا بعشقك يا قدرى .
مع كل كلمة ينطقها يقترب منها خطوة و مع انتهاء كلامه كان قد وصل اليها ….. هو يتحدث و قدر تبكى من الفرحة
مد يده يمسح دموعها : مش عايز اشوف دموع فى عيونك تانى
…. ثم اخرج شبكتها من خلف ظهره فهى الى الان بدون الشبكة و البسها اياها …. ارتفع صوت التصفيق و صفير الشباب فى المكان والجميع سعداء ….. واشتغل فيديو يحتوى على صور تجمعهم سويا فى مراحل عمرهم مع اغنية لانك معايا …… و بعد ان انتهى الفيديو نظرت قدر الى مروان ثم قالت من بين شفتيها بهمس : بحبك
مروان : و انا بعشقك
مالت ايسيل على مليكة و نور : مكنتش اعرف ان اخويا رومانسى للدرجة دى
مليكة : والله انا اتاثرت
نور : يلا يا اختى انتى و هيا تعالوا نرقص احسن هيجيلى جفاف .
و عادوا يرقصون مرة اخرى …. وانتهت الليلة و صعدا العروسان الى جناحهم ….. وعاد الجميع الى منازلهم .
♡♡♡♡♡♡♡♡♡♡♡♡♡
فى اليوم الثانى فى المساء كان الجميع يجلسون فى الصالون تحدثت مليكة قائلة : ايسيل بتسلم عليكوا كلكم
صباح : انتى كلمتيها
مليكة : اه كلمتها انا و ايسيل من شويا كانوا لسا واصلين باريس .
نادية : ربنا يسعدهم و يرجعوا بالسلامة.
الجميع : يا رب
عدى : بابا ….خالو ….. عايزكم فى موضوع
عامر : موضوع ايه
عدى : ممكن بس ندخل المكتب
عامر : طيب يلا ….. وذهبوا الى المكتب
محمد : موضوع ايه
عدى : بصراحة مراد طالب ايد مليكة و كرم طالب ايد ايسيل
عامر : بصراحة الشباب دول كويسين …. ايه رايك يا محمد
محمد : انا عارفهم من فترة قصيرة بس مشوفتش منهم حاجة وحشة وباين عليهم اخلاقهم حلوة
عدى : يعنى رايكم ايه ؟
عامر : انا نفسى موافق
محمد : على بركة الله
عدى : خلاص هعرفهم انكم موافقين
محمد : استنى لما مروان و قدر يرجعوا و نعرف راى البنات
عدى : تمام .
♡♡♡!♡♡♡!♡♡♡!♡♡♡!♡♡♡
انقضى عشرة ايام و عاد عدى و قدر من شهر العسل وتحدث عدى مع مليكة ليعرف رايها و وافقت… و مروان تحدث ايضا مع ايسيل التى لم تاخذ بالها بان من يريده هو كرم و ليس مراد …..و اتفق مروان مع مراد و كرم ان ياتوا ليتقدموا رسميا
فى غرفة الصالون
مراد لمحمد : طبعا يا عمى حضرتك عارف ان انا طالب ايد مليكة … ايه راى حضرتك
سمعت ايسيل هذا الكلام و ذهلت ماذ ايطلب مليكة و ماذا عنها …. لقد اخبرها مروان انه يريدها …… مهلا مهلا هل يعقل كرم … ماذا كرم لا لا هى تحب مراد و ليس كرم يجب ان ترفض و لكنها ليس لديها الشجاعة لترفض اذا فلتتحمل نتيجة جبنها
محمد : و انا موافق يا ابنى
كرم لعامر : و انا يا عمى طالب ايد ايسيل
عامر : و انا مش هلاقى احسن منك لبنتى على بركة الله
مروان : نقرا الفتحة بقى
عدى : استنى فاتحة ايه
نادية : فى ايه يا عدى
عدى : استنى بس يا امى ….. دا انا الوحيد الل هبقى اعزب مش نفسك تشوفى عيالى … استنى بقى ..ثم وجه حديثه مراد وكرم : انا كمان بطلب منكم ايد نور … ؟
نظرا الشبان لبعضهم البعض ثم لاختهم و جدوها تكاد تنصهر من الخجل ….فعرفوا ردها
عدى : ايه مش موافقين
مراد : و مش هنوافق ليه …. بس مش هنا عندنا فى البيت
عدى : يا جدع وقعت قلبى …. يلا بقى استنونا بكرة الساعة 8 …… يلا بقى نقرا الفاتحة .
ضحك الجميع ثم قراوا الفاتحة و اتفقوا على كل شئ وان تكون الشبكة الجمعة القادمة و غادرا مراد و اخوته و صعدت ايسيل التى تحطمت كل احلامها الى غرفتها تبكى بقهر … ليتها رفضت من البداية لاحظتها قدر و صعدت خلفها .
قدر : ايسيل مالك فى ايه انتى مش كنتى مبسوطة ؟
احتصنتها ايسيل و هى تبكى : انا كنت مبسوطة بحسبه مراد مش كرم انا بحب مراد
قدر : طب و وافقتى ليه انا استغربت من البداية بس لما لقيتك مبسوطة متكلمتش .
ايسيل : كنت بحسبه مراد ???????? بحسبه مراد
قدر : خلاص ارفضى
ايسيل : ارفض ازاى بس مش هقدر و بعدين لو رفضت ايه اللى هيحصل مراد كدا كدا هيتجوز مليكة يعنى استحالة يكون ليا …….
قدر : طب هتعملى ايه ؟
ايسيل :مش هرفض و هكمل فى الجوازة دى واللى ربنا كاتبه هو اللى هيحصل
قدر : ربنا يعملك اللى فيه الخير يا حبيبتى …. ممكن سعادتك تكون مع كرم …. ممكن لو اتجوزتى مراد مكنتيش تبقى مبسوطة …. الجواز قسمة و نصيب ….. قومى بقى اغسلى و شك عشان محدش ياخد باله
ايسيل : حاضر
ثانى يوم ذهب عدى وعائلته ليتحدثوا بخصوص زواجه من نور واتفقوا انا الخطوبة سوف تكون مع خطوبة مراد و كرم .
………..
عاد عدى مرة اخرى الى الكلية ولكنه اصتدم باحد فاوقف السيارة ونزل …. و جد فتاة واقعة على الارض
عدى : انتى كويسة يا آنسة
نور و هى تنهض : اه انا تمام .
عدى : انا اسف مكنش قصدى تحبى تروحى المستشفى عشان تطمنى
نور : لاء انا كويسة شكرا لحضرتك عن إذنك
وتركته وذهبت وركب عدى هو الاخر سيارته واكمل طريقه مرة آخرى الى الكلية .
فى الكلية
قدر : هى نور اتأخرت ليه
نور من خلفها : ولا اتاخرت ولا حاجة انا هنا اهو
ايسيل : وصلتى امته واتاخرتى ليه
نور : عملت حادثة .
قدر بقلق : حادثة انتى كويسة
نور : ???????? اه الحمد الله كل الحكاية فى شاب مز كدا خبطنى بعربيته .
ايسيل : ايه حكاية المزز النهاردة
نور و قد لمحت عدى : بصى بصى دا هو المز اللى هناك ده بيعمل ايه هنا .
قدر : اوعى يكون قصدك على اللى لابس تي شرت ابيض
نور : اه هو مز صح
ايسيل : دا الدكتور اللى بيشرحلنا
نور بهزار : انتى قصدك الدكتور ولا العلاج .
ايسيل :???????? الدكتور
قدر : بس يا بت كدا حرام غضى بصرك
نور :بصة واحدة بس يا قدر
قدر : يلا يا بت من هنا
نور : مش هنستنى مروان
قدر : تعالوا نستناه فى الكافيه
ايسيل : يلا
وذهبوا الى الكافيه
ايسيل : انا هطلب عصير و انتوا
قدر : وانا كمان
نور : و انا زيكم
ايسيل : انا هجيب
نور : لاء خليكى هجيب انا وذهبت نور كى تحضر العصير
و فى عودتها اصتدمت فى شخص فانسكب العصير على كليهما نور و هى تشهق : يا نهار اسود على الفستان
عدى : انا اسف ماخدتش بالى
نور ???? : طب وانا اعمل ايه باسفك
عدى : انا آسف يا آنسة و الله مش قصدى
نور ????: خلاص مش مهم
عدى : طب بتعيطى ليه دلوقت
نور : عشان الرسمة اللى على الفستان هتبوظ
عدى : ????????????
نور بحدة : انت بتضحك على ايه يا استاذ
عدى و هو يحول الا يضحك : خلاص خلاص اسف معلش
فى ايه ؟ ……كان هذا صوت مروان
عدى : مروان
مروان : اهلا بالواطى إللى هنا من اسبوع ومش معرفنى
عدى : ????????والله كنت عايز اعملك مفاجأة … متخليش قلبك اسود بقى .
مروان : خلاص يا سيدى ….. نورت مصر
عدى : منورة باصحابها يا معلم
مروان : ايه يا نور بتعيطى ليه
عدى : ????????????
نور : هتضحك تانى يا استاذ
مروان : فى ايه و انت بتضحك على ايه يا عدى
عدى : اصلها بتعيط عشان خايفة على ميكى موس اللى على الفستان عشان العصير اتكب عليها
مروان : ????????????
نور : وانت كمان يا مروان انا ماشية
مروان : خلاص استنى مش هنضحك خلاص فين ايسيل و قدر
نور و هى تشاور عليهم : قاعدين هناك
مروان : طيب اندهيلهم وتعالى
نور : حاضر و ذهبت لتنادى على قدر و ايسيل
مروان :يلا يا استاذ عدى عشان نتغدى سوا
عدى : لاء مش هينفع عشان مليكة فى البيت لوحدها وانت عارفة ماما عندها شغل
مروان : خلاص هاتها معانا انا اصلا عايز اشوفها .
عدى : مش هينفع
مروان : لاء هينفع ومتجادلش كتير
عدى : مش النهاردة
مروان : لاء دلوقتى انا مواعد البنات هنتغدى برة و انت جاى قطع كلامهم قدر : مروان انت جيت امته
مروان : لسة جاى اهو يا حبيبتى
مروان : دى قدر خطيبتى و ايسيل اختى و نور اخت مراد
عدى : اتشرفنا
البنات : الشرف لينا
مروان : يلا عشان نتغدى يلا يا عدى
عدى : لاء معلش يوم تانى عشان مليكة
مروان : خلاص براحتك بس اعمل حسابك يوم التلات هنخرج كلنا وهات مليكة معاك
عدى : انشاء الله يلا انا لازم امشى سلام
مروان : سلام
واخذ مروان البنات وذهبوا و ذهب عدى الى منزله وعقله مشغول بقدر
مرت الايام و جاء يوم الثلاثاء
مروان : ايوه يا عدى انت فين
عدى : احنا خرجنا اهو انتوا اللى فين
مروان : احنا فى الطريق نتقابل هناك
عدى : ماشى متتأخروش
وصل عدى ومعه مليكة
مليكة : عدى انا هروح عند الاطفال اللى هناك دول
عدى : ليه
مليكة : عايزة العب معاهم مش هتاخر على ما مروان يوصل
عدى : ماشى متبعديش
و بعد قليل وصل مروان وايسيل وقدر و نور ومراد
عدى : متاخر خمس دقايق يا معلم
مروان : دا انت بتحسبلى بقا
مراد : طب سلم علينا الاول وبعدين اتخانق مع مروان بسبب التأخير
عدى و هو يصافح مراد و يحتضنه : اهلا يا برنس والله ليك واحشة
مراد : عشان كدا اول ما نزلت جيت سلمت عليا علطول
عدى : معلش والله كان فى شوية شغل
مراد : هعديهالك المرة دى
عدى : اومال كرم فين
كرم من ورائهم : مين اللى بيسأل على الرائد كرم
عدى : انا لو جيبت سيرة ربع جنيه مش هيجى
كرم : طول عمرى غالى عليك
الجميع : ????????????????
عدى و هو يحتضنه : واحشنى ياض
كرم : انت اكتر
و اثناء حديثهم جاءت مليكة
مليكة بضحك : عدى انا جبت البالونات وطيرتهم مع الاطفال اللى هناك كانوا مبسوطين اوى يا عدى
الجميع ينظر لها بصدمة هل يعقل هذا الشبه انها نسخة طبق الاصل من قدر
مليكة : فى ايه كلكو ساكتين وبتبصولى كدا ليه
عدى : بصى جنبك كدا
نظرت مليكة بجانبها كانت قدر هى من تقف بجوارها
مليكة بذهول : ازاى !؟
عدى : شوفتى بقا الكل ساكت ليه
مليكة : انا مش مصدقة زى ما اكون ببص لنفسى فى المرايا
مليكة و هى تتحسس وجه قدر : هو انا بحلم يا عدى … اقرصنى
قرصها عدى فصرخت مليكة : ايه براحة مش كدا
نظر الجميع الى بعضهم باستغراب ما عدا مروان لانه راها من قبل .
مليكة وهى تمد يدها لتصافح قدر : انا مليكة و انتى
قدر و هى تصافحها : انا قدر
مليكة : انتى شبهى اوى هوا احنا ممكن نكون توأم
قدر : ازاى بقا و انا قدر الهلالى و انتى مليكة المهدى
نور : سبحان الله فولة و اتقسمت نصين
مروان : ازيك يا مليكة
مليكة : الحمد الله يا مروان انت عامل ايه ….. و الله وحشتنى .
ايسيل : هو انتو تعرفوا بعض منين .
مروان : اتعرفنا على بعض فى لندن
مراد : و من ساعتها و بقينا اصحاب مقربين
مليكة : يلا بقا عشان اليوم هيخلص و احنا واقفين نتكلم
نور : اه يلا انتو كلامكم مش بيخلص و شوية و هتتكلموا فى الشغل
كرم : بلاش انتى تتكلمى عن كتر الكلام
مراد : يلا يا جماعة ندخل احسن دول لو مسكوا فى بعض مش هنخلص النهاردة
الجميع : يلا و دخلوا الى الملاهى
مليكة : انا هركب قطر الموت
عدى : لاء
مليكة : لاء هركب وانت هتركب
عدى : انا مش راكب حاجة خالص
قدر : و انا هركب قطر الموت
مروان : دا خطر يا قدرى اركبى حاجة تانية
قدر : ما انت هتركب معايا يا مروان
مروان : لاء يا قدرى انا مش هلعب انا اصلا مش عارف ايه اللى جابنى
نور : انا هركب المقص
ايسيل : و انا
مليكة : خلونا كلنا نركب مع بعض الاول قطر الموت وبعده المقص
كرم : طب ايه رايكوا نركب الغربال
مراد : انا رايح اقعد هناك على ما تلعبوا
عدى : خدنى معاك مليكة قطر الموت لاء و المقص لاء
نور : انتو رايحين فين انتو جايين تقعدو و لا ايه
مراد : انتى بقا اللى عدى قال عليهم وضيفى عليهم الغربال نور : لا يا راجل طب ما اركب زحلقة الاطفال اللى هناك دى
عدى : والله فكرة اركبوها
ايسيل : انا بقول نروح
كرم : يا جماعة تعالوا نركب كلنا مع بعض و عدى ومراد و مروان .
قدر : صح … نركب مع بعض .
مروان : لاء
عدى : و انا كمان مش هركب .
مراد : و انا كمان مش راكب .
البنات بعناد : اومال جايبنا ليه احنا مش هنركب الا دى
مراد : يا جماعة مش هيبطلوا زن اركبو وخلاص خلونا نخلص من ام اليوم ده
عدى : طيب هتركبوا ايه
البنات :قطر الموت
مروان : يلا موت موت يعنى هيا موتة ولا اكتر
و ركبوا جميعا و مع بداية اللعبة بدأت الفتيات فى الصريخ والشباب يضحكون عليهم
و بعد ان انتهت اللعبة جلسوا يستريحوا
كرم وهو يقلدهم : هنركب قطر الموت يعنى هنركب قطر الموت
نور : انتوا اللى مش بتحسوا احنا بنات مرهفين الحس
عدى : ???????? حلوة مرهفين دى
مراد : ???????????? اسكت يا عدى احسن هتستلمك دلوقتى
عدى : و على ايه انا رايح اجيب عصير
عدى : يلا ……….. وذهبوا ليحضروا العصير
مروان : فكرك تطلع قدر هى اختكم
عدى : لا يا عم ازاى مستحيل
مروان : مستحيل ليه … عارف …. انا من ساعة ما شوفت مليكة اول مرة فى لندن فكرت انها ممكن تكون توام قدر …. بس الاسماء مختلفة و عمتى قالت ان بنتها ماتت …. بس ممكن تكون هى توامها ….. و حوار الموت ده يطلع كدبة .
عدى : ازاى ؟
مروان : اختك اتخطفت و هى لسة طفلة مولودة و اللى خطفوها قالوا انها ماتت بس جثتها محدش شافها هما قالوا وعمتى صدقت ممكن عطوها لحد واللى انا اعرفه ان قدر مفيش ليها اخوات فاحتمال كبير تكون مش بنتهم
عدى : طب و هنعمل ايه
مروان : اسمع ……………..
هل قدر اخت عدى و مليكة؟
هيعملوا ايه عشان يعرفوا ؟
هنعرف البارت الجاى
- يتبع الفصل التالي اضغط على ( رواية جمعنا القدر ) اسم الرواية