رواية حي العشاق كاملة بقلم سلمي تامر عبر مدونة دليل الروايات
رواية حي العشاق الفصل الثامن 8
عمر كان قاعد في اوضة اخواته وزهقان وبيبصلهم بملل
_جماعة انا زهقان..انتوا بقيتوا مملين ليه
بصله سمير واتكلم ببرود
_والله يحبيبي لو احنا مش عاجبينك ممكن بمنتهى البساطة تاخد بعضك وتطلع بره
كريم بتأكيد
_وياريت تقفل الباب وراك
عمر قام واتكلم بغضب
_والله!
بقا بتكرشوني انت وهو من اوضتكم..طب تمام مش عايز منكم حاجة وانا هعرف ابسط نفسي كويس
وراح لأبوه اللي بيقرا الجرنال
_بابا ما تجيب ٥٠٠ جنيه
رياض بصله بإشمئزاز
_غور من وشي
عمر بتذمر
_يابابا حرام عليك بقا هو كل ما اقولك على فلوس تقولي غور من وشي
رياض قام بغضب
_انت ياض مش لسه واخد مني أول امبارح ألف جنيه وقولتلي علشان مصاريف الكلية,والمصحف ما انت واخد مني ولا مليم
عمر بهدوء
_طب بص بقا ياحج متزعلش من اللي هيحصل
فضل ينادي على زينب ولقاها في المطبخ
واتكلم بجدية شديدة
_ماما انا شوفت بابا واقف في البلكونة وغمز لطنط منى جارتنا
زينب بصتله بصدمة وطلعت تجري على رياض
_رياااض،انت يابيه
رياض بغضب
_يوه بقا هو فيه ايه يازينب هو انا هقضي الاجازة بتاعتي كلها خناق،ده انا بسافر بالست شهور وباخد اجازة شهر بس يعني المفروض في الشهر ده تدلعيني..نخرج ونتفسح..مش خناق خناق
زينب بحدة
_خلصت؟
قولي بقا غمزت لمنى ليه
رياض بص لعمر اللي ابتسم بخبث
بصله بتوعد ورجع بص لزينب
_عيني بتغمز لوحدها
زينب بتراجع وخوف عليه
_يحبيبي يارياض
طب مقولتليش ليه ناخدك لدكتور
عمر اتدخل بمكر
_ولما غمزت لطنط دعاء وطنط سمية وطنط حمدية ام سامح صاحبي كانت بتغمز لوحدها برضه
رياض بتأكيد
_اه لوحدها ايييه هتحاسبوني على مرضي
زينب بغضب وصوت عالي
_وهي مش بتغمز غير لحريم بس يعنيا
عمر جاتله رسالة على موبايله وطلعه ولقى رسالة من وئام
برق بصدمة واتكلم بهمس
_وئام!
ده اللي هو ازاي يعني دي كل ما بتشوف وشي او وش اي راجل عمتا بتف علينا!
ورجع بص لأبوه وامه
_جماعة اهدوا خمس دقايق بالله عليكوا هعمل حاجة بس وهرجعلكم تكملوا خناق سوا
متتكلموش عقبال ما اجيلكم
زينب بفضول
_هتعمل ايه ياواد
عمر بنفي
_لأ طبعا مش هينفع اقولك دي حاجة شخصية
زينب ورياض بصوا لبعض بصدمة ورجعوا يبصوله
واتكلمت بغضب وهي بتمسكه من ودانه
_بقا يا بني آدم يامعفن فاضحنا في كل مكان وفاتن علينا لطوب الأرض ومطلع اسرار البيت للناس كلها ومتدخل في كل حاجة في البيت
ولما نيجي نسألك عن حاجة تخصك تقولنا اسرار شخصية
عمر بألم
_ااه ياماما وداني وداني اوعي
رياض سلك مابينهم بسرعة وعمر دخل على أوضته وهو بيجري
وزينب بصيت لرياض بتوعد
_بقا بتغمز للستات يارياض
~~~
في أوضة عمر
طلع تليفونه بسرعة وفتح الرسالة اللي بعتهاله وئام ولقاها كاتبة:
“هاي ياعمر
ممكن تيجي معايا مشوار النهاردة الساعة خمسة”
بص للمسدج بإستغراب وكتبلها :
“مشوار !
مشوار ايه ده”
ولقى وئام شافت الرسالة وكتبتله بسرعة:
“قابلني في(…..) الساعة خمسة وانا هفهمك كل حاجة”
عمر بص للساعة ولقاها اربعة
قام اخد شاور ولبس بسرعة وسرح شعره وحط برفان وبص لنفسه برضا واتكلم بغرور
_هموتها من وسامتي
_هي مين دي اللي هتموتها من وسامتك
بص وراه ولقاه سمير اللي بيبصله بتفحص
عمر بغرور وابتسامة واثقة
_وئام..واضح كده انها بتحبني وهتعترفلي بحبها ليا النهاردة
سمير بسخرية شديدة
_وئام!
وئام اخت يارا بتحبك انت!
عمر بشهقة
_ومالي انا يعنيا بقا!
ايه مشبهش ولا مشبهش
سمير بصله من فوق لتحت وضحك بسخرية وسابه ومشى
عمر بصوت عالي ليه
_موت يا سمير بحقدك وغلك مني علشان أمور وكل البنات بيموتوا فيا
طلع من الأوضة وأخد مفاتيح عربية رياض ونزل ركب العربية وراح للمكان اللي قالت عليه وئام ولقاها واقفة مستنياه واول ما شافته ركبت جنبه
وئام بإبتسامة
_اطلع ياعمر على العنوان اللي هقولك عليه
عمر وافق وانطلق على المكان واتكلم في سره
_شكلها محضرالي مفجأة بقا وهروح الاقيها عملالي ورد وشموع وتورتة وكتبالي بحبك ياعمر وهتجيبلي استاذ وائل الجسار يغنيلنا
وبص لوئام بإبتسامة واثقة وهي ابتسمتله بإصطناع
~~~~
_خير يامعلمة عايزاني في ايه؟
سماح بجدية
_بص بقا يا عمار..بما انك وشك لسه متكشفش للحكومة عايزاك في مهمة تعملهالي
عمار بإحترام
_عنيا ليكي يامعلمة واللي هتقوليه هيتنفذ
سماح برضا
_تعجبني ياواد
وطلعت صورة لفاطمة
_شايف البت دي..هديك عنوانها وعايزاك تاخد ابوك وامك وتروح تتقدملها
عمار بص لصورة فاطمة واللي كانت جميلة جدا بإعجاب
_أوامرك يامعلمة..بس ليه؟
سماح بغضب
_لأ ياحبيبي انت متسألش ليه
انت تنفذ اللي انا اقوله وليك فلوسك وخلاص..يلا اتكل على الله
والتنفيذ يبقى بكرة
طلع عمار وابتسمت سماح بشر
_انا هعرف بطريقتي ياكريم اذا كنت بتضحك عليا ولا لأ
~~~~
بعد شوية وئام وعمر وصلوا للمكان ودخل عمر مع وئام وهو بيبص للمكان بإستغراب وعدم فهم واللي كان زي مدرسة او سنتر
وئام بإبتسامة
_استناني هنا ثواني وهطلعلك تاني
عمر بإستغراب
_هو ايه المكان ده اصلا وفين وائل جسار والتورتة؟!!!
وئام بعدم فهم
_ايه؟
واتكلمت بنفاذ صبر:
استغفر الله العظيم يارب ثواني ياعمر..ثواني وجايالك
دخلت وئام أوضة وقفلت الباب وراها
وعمر قعد على كرسي وبص حواليه لقى المكان كله ستات وبنات ومفيش ولا راجل
وكل اللي معدي بيبص عليه بقرف واستحقار
عمر بإبتسامة واثقة وغرور
_هيموتوا من حلاوتي..فينك ياسمير تيجي تشوف ازاي الحريم هتموت نفسها عليا
~~
وئام بصيت للبنات اللي قدامها واتكلمت بجدية
_طبعا انتوا عارفين انتوا هنا ليه
انتوا هنا علشان تتعاموا ازاي تبقوا فيمنستات وتدافعوا عن حقوق المرأة
واعلمكوا تحموا نفسكوا من الرجالة التوكسيك (المؤذيين)
علشان كده انا جيبالكم النهاردة نموذج توكسيك و تجتمع فيه كل الصفات المقرفة
يعني ذكورية اكيد هتلاقي
فتنة هتلاقي
ف هجبهولكم دلوقت وهسأله شوية اسألة قدامكم
وطلعت من الاوضة وناديت عمر اللي جالها وبصيتله بإبتسامة وبعدين بصيت للبنات
_اقدملكم..عمر رياض البطل بتاعنا النهاردة
يتبع…
تفتكروا عمر لما يعرف هيعمل فيها ايه😂😂
وكريم هيعمل ايه لما يعرف ان فاطمة متقدملها عريس
- يتبع الفصل التالي اضغط على ( رواية حي العشاق ) اسم الرواية