رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الخامس و الستون 65
الحلقه السابعه و العشرون
فى شقه نور بعد فتره
نور بتكلم ندى فيديو كول و ندى صابغه شعرها و قصاه
نور / يا بنت اللعبه عملتى اللى فى دماغك برده
ندى / قمر صح تحفه كنت هموت عليه
نور / ليكي حق يا عم ما انتى فطمتى خلاص بس كنتى طولتى شويه
ندى / هى مش عاوزه اقولها لا و بعدين ما هى بتشرب لبن و بتاكل و زى الفل اهى الحمد لله
نور / مجنونه
ندى / بس قمر
نور / حلو عليكي فعلا ما شاء الله حسام قالك ايه لما شافك
ندى / عجبه طبعا هو كان عارف انى هعمل القصه دى و مورياه الصوره و واخده رايه و انا باخد الفلوس بس بيقولى انه ما كانش متخيل انه هيعرف يظبطه بالحرفنه دى
نور / كانه طبيعي فعلا هى بنت و لا ولد اللى عملك
ندى / بنت طبعا و قعدتنى فى مكان لوحدى و عملتلى بديكير لايديا و رجليا و عندهم قسم ساونا و مساج بس الفلوس اللى كانت معايا ما كانتش هتكفى حسام قالى اول الشهر الجاى مش ده لما يقبض اروح لان الشهر ده وراه اللتزامات كتير اوى
نور / ربنا يعينه يارب المهم انك مبسوطه
ندى / الحمد لله و بابا كمان اتحسن كتير
نور / سمعت انه بدا يتكلم
ندى / همهمه كدا مفيش كلمات واضحه لسه
نور / و عامله ايه مع انجى
ندى / زى ما انا عاوزه تشوفنى او تشوف حبيبه بتيجي البيت حتى زعلت لما عرفت انى روحت الكوافير من غير ما اقولها بس تتفلق اى حاجه المهم اخلص من ابوها العبيط ده
نور / و زياد ما حاولش يكلمك تانى خالص
ندى / لا … انتى بتفكريني ليه و تنكدى عليا ما انا رايقه اهو
نور / عندك حق عندك حق انا بس حاله الهدوء دى مقلقانى
ندى / على راى حسام عبيط دفع ربع مليون دولار و مرزق اخدهم و احنا طلعنا من المولد بلا حمص نقلق نفسنا ليه
نور / ما هو ده بالظبط اللى قالقنى واحد يدفع المبلغ ده و ينام عليه طب كان بيدفعه ليه اكيد فى ان فى الموضوع
ندى / ما يمكن الفلوس دى كدبه من زياد عشان يعفرتنى تانى انا اصلا كنت غبيه اوى لما مشيت وراه اول مره مستحيل اعمل كدا تانى ابدا
نور / جدعه و بعدين انتى و حسام اهو لما اديتيله فرصه اهو الحمد لله عايشين زى الفل و كلو تمام و مدلعك اخر دلع و مش ناقصك حاجه هتعوزى اكتر من كدا ايه
ندى / و الله يا نور انا ما كنت عاوزه ربع اللى انا فيه كنت بدور على حاجات تانيه خالص بس ما ليش نصيب فيها
نور / مش يمكن الحاجات التانيه دى ما كانتش هتسعدك المهم الرضا يا بنتي
ندى / هههههههههههههههههه على رايك و قال على راى المثل ان جالك الغصب هاته بالرضا بس اهى كانت حلاوه روح مش اكتر انتى عامله ايه و أية عامله ايه
نور / انا تمام على وضعى الحمد لله لزقت فى السرير زى ما انتى شايفه بس الحاله مش بتسوء على وضعى يعني الحمد لله و العيال كويسين طبعا حجمهم صغير جدا اقل من الطبيعى بس الدكتوره قالت ان ده طبيعي يعني عشان الحاله و كدا و أية بقي حامل فى بنت
ندى / قالتلى بيتخانقوا على الاسم
نور / فاضلهم تكه و يشرشحوا بعض فى المحاكم
ندى / هههههههههههههههههههه عسل
نور / لا و مستقويه بعلى و عمر قافش و مدخل طنط منال و طنط ليلى
ندى / أية حاولت تجندنى قولتلها اعملوا قرعه و اخلصوا بس مش راضيه
نور / بصراحه انا عاجبنى الاسم اللى اختاره عمر اكتر
ندى / بكره تتولد و يسموها اسم تاني خالص
نور / هههههههههههههه بابا بيقول كدا برده
نغم تدخل تقعد جنب نور و توريها رسمه
نغم / شوفتى رسمتى
نور تاخدها و توريها لندى
ندى / دى حلوه اوى مين البنت القمر دى
نغم/ دى مليكه اختى الجديده و ده فستان و دى شنطه عليها ورده
ندى / حلوه اوى … هى بنت و لا ايه
نور / يا بنتى احنا عندنا صراع اكبر من اللى عند عمر و أية ولد و لا بنت و يس و نغم عمالين يعملوا قرعه مرتين تلاته فى اليوم و كل يوم باسم مش النهرده مليكه اول امبارح كانت … كانت ايه يا نغم
نغم / كانت تالين
نور / اتفضلي
ندى / كلها اسامى حلوه ربنا يتملك على خير
نور / ادعيلى اوى بالله عليكي
ندى/ بدعيلك والله طول الوقت بدعيلك
نور / هقوم اخش الحمام هتعوزى حاجه
ندى / كدا كدا كنت هقفل الباب بيخبط يلا سلام
نور / سلام
………………….
فى شقه ندى
ندى تفتح الباب انجى تدخل
انجى / عن جد بيعقد شو هيدا
ندى / حلو صح
انجى / لا لا لا ما راح تضحكى على كتير كتير زعلانه انا
ندى / طب ايه رايك اصالحك بحله محشي من ايديا
انجى / محشي مصرى
ندى / الله يرحمها امى ما كنتش تحلم تعيش و تدوقه من ايديا يلا ربنا رحمها تدوقى انتى مكانها بقي اقعدى هغرفلك
انجى / فيني ساعدك فوتى فوتى
انجى و ندى يدخلوا المطبخ
انجى / يا بيي الريحه بتشهى كتير ساويتي كل هيدا لحالك
ندى / مش هكدب حسام ساعدنى فيه
انجى / خبرينى بالله فى من هالحسام نسخ تانيه بمصر طب باى مطرح بهالدنى والله ما فيني اخجل لما اقول انى بحقد عليكي
ندى / حسام قعد عازب فتره طويله جدا فى الامارات علم نفسه يعمل كل حاجه فى الحاجات دى هيعجبك
انجى / طب و الحاجات التانيه
انجى تغمز لندى
ندى / مش فاهمه حاجات ايه
انجى / بلا غلاظه كنت عم امزح معك شو خصنى انا فيه
ندى تدى لانجى طبق و هى بصالها باستغراب
انجى / كتير طيبه ما شاء الله … ندى راح تيجي عيد ميلاد الماما مو هيك
ندى تبصلها و تاخد طبقها و تطلع بره و انجى تطلع وراها و هى مستغربه
انجى / شو
ندى / هو انتى مش هتبطلى زن انا مش ناويه احتك باى حد و لا اروح فى اى حته
انجى / من شان اللى صار مع كرم مو هيك
ندى / و اللى حصل بعده و اللى حصل قبله انا عاوزه اعيش فى حالى اكل و ازاكر واللعب مع بنتى و اخد بالى من ابويا و انام شكرا
انجى / و حسام
ندى / ماله حسام
انجى / وينه من هالقصه
ندى / لا ما تقلقيش على حسام هو بيعرف يحط نفسه فى المكان اللى يريحه فى الوقت اللى يريحه مش محتاجه تعملى حسابه فى اى حاجه
انجى / متل هلا بتاكلى و ما فيكي تنطريه
ندى / هاكل معاه تانى هههههههههههههه انتى ما بتاكليش ليه
انجى / ما فيني اكل كتير جسمي راح يخرب …بس ضعيفه كتير قدام هيك ريحه و هيك منظر يا ربى دخيلك شو هالعذاب
ندى / كلى يا بنتى كلى اللى بيحبنا هيحبنا على اى وضع كلى كلى
انجى تمسك صابع
انجى / دخيلك يا الله
انجى تاكل و ندى بتضحك عليها
…………………
قدام الشركه
حسام يخرج من الشركه يبص على عربيته يلاقي عجلتين نايمين يبص على الكاميره على باب المبنى ثوانى و عدنان يخرج
عدنان / شو صاير معك لساتك هون
حسام / حد زباله ابن حرام نيملى الكاوتش
عدنان / يلعنه … لا تعتل هم هلا الشوفور بيوصل و بنمرئ على البيت حتى انجى هلا حدك بالبيت
حسام / و ماله
عربيه تركن عدنان يفتح الباب لحسام حسام يبصله و يبتسم و يركب و عدنان يركب جنبه و يقفل الباب
عدنان / لا تنسي تيجي عيد ميلادها للينا مرتى
حسام / ازاى بس دا انا حتى اشتريت انا و ندى هديه حلوه اوى امبارح بس هنعملها مفاجأه اوعى تقول
عدنان / عن جد عذبت حالك
حسام / ازاى بس دا مدام لينا غلاوتها عندنا مختلفه و بعدين دا يجي ايه من بعد خيرك يعني
عدنان / ايي ايي اتذكرت هدايه ما فيها تضل هونيك كل هالوقت
حسام / ليه بس طب دا انا حتى سمعت انها بتاخد حوافز و بدل سفر حلوين اوى طب دا ياريتنى كنت انا والله ياريتني كنت انا بس نقول ايه اهم حاجه عندى رضا الانسه انجى
عدنان / يا بيي شو فيني احكى عن هالبنت راح عمرى اقنع فيها لتتجوز كرم او حتى تعكيه وج تعرف شو … اذا صار تعاون بيناتنا هاى الشركه راح تصير امبراطوريه ما لها حدود راح نسيطر على سوق الدواء فى العالم العربى كله
حسام / ما هو اللى جلنف
عدنان / شو
حسام / سي كرم ده … مش عارف يبلفها بكلمتين شويه رومانسيه حبه حنيه هو انا اللى هقولك
عدنان / دخيلك خبرنى انت مثلا شو بتساوى بهيك وضع
حسام / مع ندى تقصد
عدنان / مثلا يعني
حسام/ لا ندى عمليه جدا تحب تدخلها دوغرى ندى انا بحبك و عاوزك
عدنان / بهالبساطه
حسام / ندى مش بتاعه روعه البدايات ندى بتحب انك تفضل تثبتلها طول الوقت ان غلاوتها ما قلتش اللحظه اللى هتحس فيها انك ملكتها هتخلع عشان تفضل تجرى وراها
عدنان / هيدا نوع متعب كتير شو هالولدنه
حسام / اما بقي الانسه انجى حاجه تانيه خالص دى بقي بتحب اوى الاهتمام و الهدايا و الكلام الحلو قلبها فى ودانها و عنيها يعني سكه كرم سالكه بس هو اللى مصر يكون جلنف
عدنان / شكلك خبير نسوان و مانى دريان عليك
حسام / و لا خبير و لا نيله الموضوع مش محتاج خبير عندك هدايه مثلا دى بقي لو اتشقلبت قدامها سكتك سد شاورلها بقي بكام ورقه من الاخضر هتيجي جرى
عدنان / ههههههههههههههههههههه هلا اتاكدت انها مو مساله خبره لانك كتير غلطان بخصوص هدايا انت مانك عارفها انا بعرفها من لساتها بنت صغيره بتساوى شعراتها ضفيره على ضهرها و تغطى عيونها بعوينات سميكه
حسام / هدايه كانت بتلبس نضاره!!!
عدنان / ايي بتعرف ليش هدايه هيك غاليه عندى لانها اعظم انجازاتى لهلا محتفظ باول صوره اللنا سوا
عدنان يطلع من محفظته صوره ليه و هدايه واقفه جنبه بنضاره و ضفيره طويله جيباها على جنب و لبس مقفول و واقفه مبتسمه و مكسوفه فى نفسها و عدنان واقف لازق فيها
عدنان / كانت قصه حب شو فيني قول متل اللهب يا حسام كنت اللها كل شي بها الدني ابوها اخوها رفيقها حبيبها عشيقها قول كيف ما بدك
حسام / فين الانجاز فى التحول اللى حصلها ما تاخذنيش ايه اللى يربط بنت براجل متجوز و كبير فى السن غير انها طمعانه فيه
عدنان / مانك شايف فيني اى شي تانى غير المصارى لتغرم فيني البنت
حسام / ما تزعلش من بس لو كنت جامد زى ما بتقول ما كانتش مدام لينا رمت طوبتك و سابتك ماشي شايل صوره عشيقتك فى محفظتك لو هدايه بتحبك ما كانتش نامت معايا و لا مع غيرى هدايه كانت زى ما انت شايلها فى الصوره عيله هبله و بقت احم كبيره … يلا ربنا يستر على وليانا
عدنان / و شو فيها يا زلمه ان كانت البنت بتحبها للمصارى و انت ندى بتحبك لشو غيرها اذا كان فيها تحبك لشي تانى ما كنت اشتغلت معنا
حسام / ندى تاكلها بدقه مع اللى بتحبه و لا تعيش فى قصر مع حد بتكرهه انا اللى بحب ادلعها بحس ان الدنيا شويه عليها
عدنان / بس اذا ما معك مصارى اديش فيها تتحملك للبنت
حسام/ اى كانت المده اكيد هتبقي اكتر من المده اللى هتتحملها مدام لينا … وصلت اهو ما تيجي تشرب حاجه
عدنان / خليها مره تانيه
حسام / اوعى تكون اضايقت من كلامى انا كنت بهزر معاك بنكشك يعنى احنا مش بقينا اهل و لا ايه
عدنان / شو طبعا فيك تمزح معى كيف ما بدك يا زلمه
حسام / طب يلا تعال كلك لقمه دا ندى عامله شويه محشي باكل لبنان كله
عدنان / هاجى معك بس من شان اثبتلك ان مزحك ما ضايقني
……………………..
فى شقه نور
نور قاعده على السرير على يدخل شايل علبه بيتزا
على / احلى بيتزا لاحلى نونو فى الدنيا
نور / العيال كلو
على/ هجموا على علبتهم بره و عديت علبه على ماما و بابا تحت
على يقعد جنبها
نور / ربنا ما يحرمنى منك ابدا … انا خايفه لما اولد انسي طريق المطبخ من كتر الانتخه اللى عايشه فيها دى
على / قومى بالسلامه و ما تفكريش فى اى حاجه تانى
نور / كلمت ندى النهرده
على ينتبه
نور / عملت اللى فى دماغها برده قصت شعرها و شقرته طالعه عسل اوى
على / هو ينفع تصبغ و هى بترضع
نور / ما هى فطمت حبيبه او حبيبه فطمت نفسها لما ندى دخلت الاكل و كدا المهم بقي انها مبسوطه جدا و بتقول شعر فى دلع حسام ليها
على / الحمد لله
نور / عشان تبقي تصدقنى
على / فى ايه
نور / ان حسام مش وحش و انه بيحبها و هيقدر يسعدها
على / كان فى اختيارات يعني الحمد لله دوقى بقي البوزه اللى غرقانه جبنه دى
على ياكلها
نور / المهم بقي عمال يفسحها و يوديها الكوافير و لما ربنا يكرمه بفلوس هيححجزلها فى سبا و كدا اول حاجه هعملها لما اولد انى لازمنى عمره دا انا عفنت
على / حرام عليكي دا انتى بتغيرى اكتر ما بتاكلى
نور / بقالى قد ايه بستحمى على الناشف انا جسمي وحشه الميه بقت زى الاسفنجه الناشفه
على / بت بطلى دلع قومى بالسلامه و انا هظبطك بس انتى اتحملى شويه
نور / هتحمل طبعا دا انا مستعده اتحمل اكتر من كدا كمان بس نخلص
على / صحيح بخصوص الفلوس انا قربت اجمع لاخوكى فلوسه يعني يومين تلاته و احطهمله فى حسابه يفسح مراته و يدلعها زى ما هو عاوز
نور / برده يا على
على / انا مش هرتاح غير كدا يا نور
نور / بس احنا ممكن نحتاج للفلوس دى انت عارف ايه اللى هيحصل بكره و لا الولاده هتكلف كام دا عمتى بتقول ان العيال فى الحالات اللى زى دى بيدخلوا حضانات
على / يعني ينفع
نور / هو ادهانى و انا محتاجاهم دلوقت هنسدهم حاضر بس لما ربنا يكرمنا اصبر شويه لما تحوش قرشين عليهم حتى
على / هديهمله و لو احتجناهم هبقي اطلبهم منه
نور / ولو صرفهم يا على
على / يبقي كان محتاجهم يا نور و الحمد لله اننا فكينا ازمته هو لازم يقول انه محتاج يعني ما هو كمان فى غربه و وراه مسؤليات و انا وانتى عارفين علاج عمى بيكلف قد ايه
نور / ما علاجى كمان بيكلف و الحضانات
على / ما يمكن لما نسد اللى علينا ربنا يسترها معانا و لا نحتاج حضانات و لا غيره و يمكن تولدى طبيعي و مصاريف الولاده تخف و يمكن ربنا يفتحها عليا و بعدين
نور / طب اصبر شويه انا هكلمه هقوله الفلوس جاهزه و انك عاوز ترجعها لو قالى هاتيهم هديهمله
على / نور
نور / عشان خاطرى
على / ما اخذ بسيف الحياء يا نور
نور / و الله ابدا و بعدين احنا كدا كدا هنرجعهم
على / طب كلى و اجلى الكلام لما اقفل المبلغ … تمام يا يس
صوت يس / تمام يا بابا
على / اكل اختك
صوت نغم/ باكل يا بابتى
على / احلى بابتى فى الدنيا هو فى كدا يا ناس
نور / بكره تسمع الاحلى منها
على / كل عيل و له غلاوته بس اكيد مفيش عيل بيغطى على غلاوه عيل تانى
نور / انا ما قصدتش على فكره
على / انا بتكلم عادى ما اقصدش حاجه كلى كلى
نور تبتسم و تاكل
………………..
فى شقه ندى
ندى واقفه فى المطبخ بتغرف و هى بتنفخ و حسام واقف بيساعدها
ندى / تتحجج باى حجه تقوله ماتت حتى مش تطلعه معاك
حسام / هو انا مطلعه لوحده انا طالع معاه و بعدين انا برده ما بسبش فرصه غير و بديله كلمتين جامدين
ندى / يا فرحتى
حسام / هتفرحى لو قتلته يعني و اتعدمت
ندى / لا طبعا بس الباب اللى يجيلك منه الريح
حسام / يا ستى ما تحطيش فى دماغك و بعدين خدى انجى و ادخلى الاوضه قال يعني هترضعى حبيبه و لا هتغيريلها و اقفلوا عليكوا الباب
ندى / طب اتفضل اطلع بقي كل معاه و ابعتلى انجى على اوضتى
حسام / طب مش هتاكلى
ندى / نقنقت مع انجى و بعدين الضيف ياكل و بعدين نبقي نتصرف احنا
حسام / طب خدى شويه من طبقي
ندى / اطلع اقعد مع الضيف خليه يمشي بقي ابوس ايدك
حسام / خلاص خلاص
حسام ياخد الطبقين و يطلع يروح لعدنان و هو مبتسم
………………
فى كافيه مرسال
زياد قاعد مع صاحبه
الشاب / و هتضلك ناطر ليوم الدين
زياد / يعني معقول فى حد بيرمى ملايين كدا على الفاضي ما اكيد فى حاجه هتحصل
الشاب / و احتمال يكون فى شي صار و انت مانك دريان باى شي
زياد / عيب عليك المصرى طول عمره معروف بجبروته و قوته هههههههههههه
الشاب / و شوى ناوى تساوى بالمصارى راح تتركها مخبايه هيك ليوم الدين و لا شو
زياد / المفروض اعمل بيها ايه اصلا
الشاب / فيك تعمل كتير اشيا تجدد الكافيه تفتح محل جديد فيك تشترى شو ما بدك على القليل تتجوز يا زلمه
زياد / دى فلوس حرام يا ابنى ما تدخلش عليا و لا على اهلى
الشاب / دخيلك يا الله صبرنى عن جد عم تحكى يا زلمه اذا هادول المصارى حرام ليش اخدتهن من الاساس
زياد / الله امال اسيبهالهم اهو اعورهم فى اى فكه بس ياريتني كنت طلبت اكتر
الشاب / راح يجيلى الضغط و السكر و كل الامراض من ورا الحكى معك
زياد / يا ابنى انا مش هقرب من الفلوس دى الا ما الحوار ده يخلص خالص هبقي اتبرع بيهم لاى جمعيه خيريه و لا اى حاجه لله
الشاب يتنهد
زياد / انا بس محتاج اى حاجه اى حاجه تقع تحت ايدي استفزهم بيها بدل الصمت الرهيب ده
الشاب يقوم و يسيب زياد
زياد / عاصي … عاصى انت يا ابنى … هتجيلى هههههههههههههه
……………………
فى شقه ندى
حسام و ندى
ندى / و انت بقي سرقتها منه ليه ان شاء الله وحشاك و نفسك فى تذكار
حسام / يعني يوم ما هاخدلها تذكار هاخد دى
ندى تبصله تقوم تحط الطرحه و تطلع البلكونه يطلع وراها و هو مبسوط
حسام / ليكون ربنا راضي عنى و بداتى تغيرى عليا
ندى تبصله و تبص قدامها
حسام / هو انا يعني حمار هتبقي مدلعانى كدا و عملالى شعرك و محشي و راضيه عنى و ابص لدى
ندى / عادى مش بيقولوا رضينا بالهم و الهم مش راضي بينا
حسام/ انا هم برده يا ندى اخص عليكي بقي بعد كل اللى بعمله عشانك و لسه شيفانى هم
ندى / خيانتك ليا هم شغلك مع واحد واطى زى عدنان هم
حسام / هو بمزاجى و بعدين انا عارف هجيب حقى من عدنان ازاى بس فى الوقت المناسب
ندى / براحتك
حسام ياخدها فى حضنه
حسام / انا بحبك انتى و عمرى ما هبص تانى بره والله غلطه و ندمان عليها
ندى / عشان اخرتك مش عشانى
حسام / و عشانك و عشان انا دلوقت ما عادليش لا حجه و لا عزر ربنا يهديكي ليا
ندى / انا تعبانه اوى هدخل انام شويه
حسام / و ماله ننام شويه نسيب حبيبه جنب عمى و ندخل نريح سوا و اهو ادعكلك ضهرك اللى تاعبك ده
ندى / معلش خليها بكره مصدعه فعلا و مش مظبوطه خالص و اللى اسمه زفت ده قفلى يومى خالص
……………………..
فى فيلا الضايعه
عدنان نايم جنب هدايه و هى بتشرب سجاره و مضايقه و هو بيضحك
عدنان / مفكر حاله اذكى زلمه بالعالم ههههههههههه
هدايه / هتفضل تلعب بيا لحد امتى يعني مش فاهمه
عدنان / مليت قديش فيني انطر اكتر
هدايه / و هى صورتى و انا صغيره هى اللى هتحركه
عدنان / لو مانا فيها تحركه ليش بالله سرقها
هدايه / يمكن لسه معجب بيا
عدنان/ ايله الف حق ايله الف حق و اكتر حتى انا ما فيني كون غير معجب
عدنان يبوسها من كتفها
هدايه / قطمه احسن من نحته ما تعرض عليه فلوس و تخلص و لا تخلص منه باى شكل
عدنان / ما فيني اخلص منه اذا مات او انسجن راح ترجع على مصر شو خصها بلبنان لتبقي فيها
هدايه / مش هتساعده يعني
عدنان / فيها تعمل اى شي من شان زوجها مو هيك تقصدى
هدايه / اكيد
عدنان / لا لا لا راح تسجد لالله الف سجده شكر انه فل من حياتها اللى توثق بالغريب و تهرب من زوجها و تتبهدل متل ما اتبهدت ندى ما فيها تضحى من شانه بكاسه ماى حتى
هدايه / حبيبه
عدنان / اخطفها و اساومها
هدايه / اللى خلاها ترجع و تبقي كلبه تحت رجلين حسام يخليها تبقي كلبه تحت رجليك
عدنان/ و انجى شو راح ساوى فيها انجى و ندى كتير رفقات الله ينتقم منه حسام شو خصه ببنتي هالحيوان
هدايه / يعني ناوى على ايه اصلا لو قولتلها هقتل حبيبه لو قولتى لانجى هتتخرس و تعملك اللى انت عاوزه و هى ساكته انت اللى بتتمرقع و قولت هتجيب الفلوس من زياد و لحد دلوقت ما شوفناش حاجه
عدنان / اى مصارى انا ما عطيت زياد اى مصارى
هدايه / ازاى يعني
عدنان / هاى المصارى مزوره بمجرد انه يحاول يستخدمها راح يتزت متل الكلب عالحبس و نخلص منه على الاخير
هدايه / انت هتجننى طب طلعته ليه ما دام هتدخله تانى
عدنان / ههههههههههههههههه طلعته لانى كان بدى منه شغله ما ساوالى اياها يبقي يتزت تانى على الحبس
هدايه / و ان عرف ان الفلوس مزوره و اتخلص منها
عدنان / زياد حاطت المصارى بشي مطرح ما بعرفه بشي طريقه عرف يفلت من الرجال هاديك اليوم و باذن الله ها المره ما راح يفلت منن و راح اعرف وين مخبى المصارى و راح بلغ عنه
هدايه / طب ما هو هيقول مش بتاعتى
عدنان / شو بك يا هدايه اكيد ما راح بلغ بدون دليل و شي يثبت انها ايله
هدايه / سكت اعمل اللى انت عاوزه … عاوزه فلوس
عدنان / عيونى بس ليش
هدايه / مش المفروض اجيب هديه كويسه للينا هانم و لا انا مش معزومه على عيد ميلادها
عدنان / حتى لو مانك معزومه ما فيكي ما تحضرى مو هيك
هدايه / كويس انك عارفني كويس و لعلمك انا اشتريت فستان احمر هياكل منى حته
عدنان / بعد ما اخلص معك الليله ما راح يبقي فيكي قطعه تتاكل يا بيي
هدايه / هههههههههههههههههههه
…………………………
فى شقه ندى
ندى نايمه و حسام ممدد جنبها بيلعب فى شعرها تفتح
حسام / صباح الخير
ندى / احنا امتى
حسام / الساعه داخله على عشره
ندى تتخض و تقوم تقعد
ندى / احنا نمنا كل ده … راح عليك الشغل؟
حسام / خدته اجازه وحشانى قولت اقضي اليوم معاكوا فى البيت او نخرج سوا نعمل اى حاجه او نروح اى حته بس طبعا انتى سهل توزعيني لو تقيل على قلبك
ندى / و اوزعك ليه بالعكس دى فرصه حلوه جدا تلعب مع حبيبه هى بتحبك اوى و بتحب تلعب معاك
حسام يشدها جنبه
حسام / طب و انتى
ندى / انا ايه
حسام / مش بتحبيني مش ناويه تحبيني
ندى / ما انا طول عمرى بحبك يا حسام ربنا وحده اللى يعلم انت كنت بالنسبالى ايه كنت بعتبرك اخويا و ضهرى و سندى … بس اسال نور او انجى او اى حد علاطول بقول انك زوج كويس و اب ممتاز انا مش طالبه منك اكتر من كدا انا عوزاك اب لحبيبه قبل اى حاجه تانيه و انا اوعدك انى هعمل كل اللى اقدر عليه عشان اكون زوجه كويسه
حسام / انا مش عاوزك زوجه كويسه انا عاوزك حبيبه يا ندى عاوز اشوف فى عنيكي النظره اللى طول عمرى بحلم بيها
ندى / قريت مره ان مفيش حب بعد الجواز فى موده و رحمه ففكك من كلام الروايات و سبني اروح الحمام
حسام / قومى قومى بدل ما تغرقينا ههههههههههههه
ندى / حضرلنا فطار حلو من ايديك بقى ما دام صاحي
حسام / ما تفوتيش فرصه تستغليني فيها انتى
ندى / الله مش لازم نستفيد منك باى حاجه
حسام / عنيا ليك يا قمر على ما تطلعى من الحمام احلى فطار هيكون محطوط
ندى تبتسم و تروح الحمام و حسام متابعها بحب
…………………..
فى شقه منال
عمر قاعد بيفطر
أية / ما المحل مفتوح هنلف شويه و نخلص بدرى بدرى و نروح
عمر / بدرى بدرى دى فيها رجوع على العصر
أية / هو يعني المحل بيقفل بالليل فهننزل بالليل ما تخلينا نخلص بقي يا عمر
عمر / ما تقولى حاجه يا طنط انا تعبت
منال / قولتلها هاخدها انا و ننزل فى تاكس مش راضيه
أية / و هو عمر مش ابوها و لا ايه
عمر / ابوها بس بثق فى زوقك اكتر و بعدين ما ابوها دا لازم يشتغل عشان يجيب المم و لا ايه
أية / هات المم … عن اذنكوا
أية تقوم تدخل اوضتها
عمر / و انا المفروض اعمل ايه فى هرمونات الحمل دى بقي
منال / تستحمل و تحتوى
عمر/ اكتر من كدا
منال/ حد غصبك على البت دى و لا انت اللى فضلت تفرك لحد ما اتجوزتها ليها غيرك
عمر يبص لمنال و يقوم يدخل الاوضه يلاقي أية بتلعب فى الموبايل
عمر / قومى اللبسي
أية تبصله
عمر / قومى يلا خلينا نلحق نجيب الحاجات اللى ناقصه و نرجع قبل الفجر
أية / بناقص على فكره مش عاوزاك تيجي معايا
عمر / بيقولوا البت بتاخد من جمال امها و انتى عماله تحلوى و تتزرزرى كدا
أية تبصله
عمر/ ما تاجلى اللفه دى و تيجى معايا المحل
أية / بقت بتاخد بالها على فكره
عمر / و احنا بنعمل حاجه غلط و لا حرام
منال تخبط على الباب عمر و أية يتلموا
منال / ها انزل المحل و لا هننزل نلف
عمر / لا انا هاخدها و نظبط الدنيا ثوانى يويو تلبس و اوصل حضرتك فى طريقنا
منال / لا براحتها هشوف انا تاكس عشان ليلى فى المحل لوحدها و البت لسه ما جاتش
عمر يبتسم و أية تشاورلها منال تمشي و ثوانى و صوت باب الشقه بيتقفل
أية / قولتلك بقت بتاخد بالها
عمر / قولت مليون مره نخلينا فى بيتنا هى اللى صممت و هتسيبونى بعد ما مليتوا عليا البيت
أية / فى مره عيطت و قالت كنت بتخاف تموت و هى لوحدها ما حدش يحس بيها دلوقت بقت تنام مطمنه بوجودنا حواليها صحيح العيال عزوه برده ربنا يرزق كل مشتاق
عمر / ما طنط ليلى اهى مخلفه و بتبات لوحدها برده انتى تدعى ربنا يخلينى ليكي انا اهم
أية / طبعا انت الاهم والاحلى و الكل حاجه ياختى عليكي بطه
أية تقرص عمر من خدوده عمر يبعد راسه و أية بتضحك
عمر / اوعى يا بت يلا قومى اللبسي خلينا نلحق ننجز فى يومنا ده اتحركى
أية تقوم تفتح الدولاب
عمر / و لا نخلينا
أية / مش كان وراك شغل و مستعجل
عمر / افضالك يا قمر
عمر يركب أية الهوا
عمر / اوعى … انجزى
عمر يطلع بره و أية مبسوطه
………………
فى البلكونه عند ندى
ندى / انا قولت مش رايحه و اللى يزعل يتفلق
حسام / ماشي
ندى / انا مش فهماك يا حسام منين بتحبنى و بتغير عليا و منين عارف انه بيعاكسنى وبتسمحله يشوفنى و يحتك بيا
حسام / انتى بجد متخيله انى بسمحله يحتك بيكي
ندى / ما بتمنعوش يعني
حسام / ما يمكن كل دى اوهام فى عقلك انتى يا قلبي فوقى الراجل ده عنده نفوذ و فلوس ما لهاش اول من اخر
ندى / صحيح هيبصلى على ايه
حسام / لا طبعا مش قصدى دا انت تعجب الباشا يا حته بغاشا بس الفكره انه لو عاوز يعاكسك الموضوع هيبقى اسهل من كدا بكتير مش هيحتاج يلف اللفه دى كلها
ندى / بقولك مسك ايدي و كان عاوز يشوف شعرى
حسام / واعتزر و اتلم
ندى / نقوم احنا نبعتره تانى مش كدا
حسام / نبعتره ايه بس احنا لازم نتعامل عادى
ندى / اه احنا ناس اوبن مايندد بقي و كدا و مش بيهمنا و خد راحتك
حسام / طب افهمها ازاى دى بس يا رب
ندى / ما تفهمنيش اعمل اللى انت شايفه صح و انا كدا كدا ايدى مش بتعطل بس لما اعملكوا فضيحه تانيه ما تزعلش
ندى تدخل و حسام متابعها و مبتسم
……………………
فى شقه منال
عمر / انا كدا ما ينطلبش منى بنبونايه لاول الشهر
أية / و انا كنت طلبت حاجه لنفسي ما كلو لبنتك
منال / تعيش و تجبلهم يا حبيبي
عمر / ربنا يخليكي يا امى
منال / بس ما شاء الله عليكوا يا ولاد ما نسيتوش حاجه
عمر / و هو احنا سبنا حاجه ما اشتريناهاش
أية / كتر خيرك
أية تقوم و تدخل اوضتها
عمر / دا جابت المنتج و بدايله
منال / اول بيبي بقي و فرحانه ما تنكدش عليها قوم راضيها بكلمتين انت عارف الحمل و هرموناته
عمر / الهرمونات دى مكلفه اوى
منال / وانت عندك غيرها تفرتك عليه فلوسك ربنا يباركلك فيهم
عمر / امين .. عن اذنك
عمر يشيل الاكياس و يدخل الاوضه يلاقي أية واقفه قدام المرايه نافخه بطنها زياده تشوف عمر تتعدل يكتم الضحكه
أية / هى بطنى فى الاخر هتكبر عن كدا صح اصل بطنى مش كبيره زى ما كنت متخيله
عمر / ما هو البيبي لسه صغير يعني
أية / تفتكر الولاده هتوجع
عمر / اكيد طبعا
أية تبصله
عمر / ما هى لو ما بتوجعش بيصرخوا كدا ليه و انت السبب و الكلام ده … بس ما تقلقيش خالص فى ولاده بدون الم دلوقت و ان شاء الله خير يعني و بعدين لسه شويه على المرحله دى
أية / نور قالتلى انها لقت حد بيظبط ايفنتات السبوع
عمر / حلو ده جهزى بقي لسته المعازيم بقي عشان ما ننساش حد … ايه ده ما عندناش حد نعزمه … انا اسف
أية تبص لعمر و تروح تنام فى السرير و تديله ضهرها عمر يروح ينام جنبها
عمر / على و نور و امها و ابوها و طنط ليلى و طنط منال و الواد شافعى و خطيبته
أية تبصله
عمر / حتى ام نور رخمه و هتنكد علينا بلاها
أية / ممكن نعزم اسماء و جوزها
عمر / اسماء مين يا أية ما تفكك بقي من البت دى معقول لسه بتفكرى فيها لحد دلوقت … لا اله الا الله
أية / طب هى نور هتعزم مين
عمر / و احنا مالنا … بقولك ايه ما تسيبك من التقاليع الهبله دى و تركزى فى المفيد احنا نعمل عقيقه و نطلعها وجبات لله
أية / اعمل اللى انت شايفه انا كدا كدا اتقفلت … شكرا
عمر / هنعزم الناس و يحصل تجمع … هتنبسطى فى الزحمه يا أية هتعرفى تتعاملى مع الناس يا أية
أية / طب ما هى هتكبر و تروح المدرسه و يبقالها صحاب
عمر / و تروح النادى و تتمرن و تكبر و تروح الجامعه
أية / و يجيلها عريس و نعملها فرح
عمر يبتسم
أية / مش دى كلها تجمعات يا عمر
عمر / لسه بدرى اوى على الكلام ده يا أية لسه بدرى
أية تهز راسها
عمر / انتى تعبانه بس من كتر اللف انما انتى لو نمتى شويه و ارتاحتى كدا انا متاكد ان باذن الله كلو هيبقي تمام
أية / يارب يا عمر يارب
………………..
فى عيد ميلاد لينا
لينا / حبيبه قلبي كنت كتير خايفه ما تعايديني اليوم
ندى / ازاى بس … اتفضلى كل سنه و انتى طيبة
ندى تدى لينا هديه
لينا / عذبتى حالك
ندى / ابدا خالص دى حاجه بسيطه ث
انجى / ليش ما اجت حبيبه معكن
حسام / مش هتقعد و لا هترضي افضل شايلها هتجرى و تدوخنا
لينا / محلاها كتير مشتاقتلها للبنت
ندى / نوريني فى اى وقت و انتى تتوبى من الشوق ده
انجى / بلا غلاظه ما فى اطعم و لا اطيب من حبيبه عن جد شو مهضومه
كرم يدخل مع عدنان
عدنان / اوووووه الحبايب متجمعين هون و تاركينا لحالنا
كرم / كيفك حسام ما اتقابلنا من عيد ميلادى
حسام / اهلا و سهلا و اسف جدا بخصوص اللى حصل
كرم / لا تعتل هم فيني دبر هيك امور
عدنان / اصلا هيك قصص كرم فيه يستفيد منها كتير مو هيك يا معلم
كرم / هههههههههههه
ندى / عن اذنكوا هروح الحمام
انجى / راح اجى معك … عن اذنكوا
انجى و ندى يمشوا
عدنان / هيك احسن هلا فيك تخبر كرم بهادول الاشيا اللى خبرتنى فيهن لما جيت اكلت المحشي عندك بالبيت
حسام / مش فاكر بصراحه اتكلمنا فى ايه يوميها بس لو حاجه تخص كرم يعني ممكن تكون
لينا / انجى يا حسام انجى شو ممكن يكون بينك و بين كرم غير هيك موضوع
حسام / ااااه سورى اصل حتى الموضوع ده ما يخصنيش فماجاش فى بالى بس تمام … هو انا شايف ان الانسه انجى رومانسيه و حساسه عشان تكسبها محتاج ورد و هدايا و شويه حركات من دى هو انا اللى هعلمك يا كرم
كرم / على اساس انى مقصر بهيك قصص هايدي ما فيها تتاثر و لو بمحل زهور و مصنع مجوهرات حتى
حسام / ما هو لازم يكون فى تاتش و انت بتقدم الهديه يعني كلمتين حلوين شويه مكالمات و رسايل كام جمله من كام فيلم شويه نظرات على حركات امال لو ما كنتش لبنانى يا جدع
كرم / و شو يعني الرجال اللبنانى تارك شغله و بارم يتغزل ببنات العالم مثلا
عدنان / مو هيك يا كرم بس البنت رومانسيه كتير و بدها شويه اهتمام هذا اذا كان بدك فيها اصلا
كرم / بدى اقسم بالله بدى و لو ليش عم اركض وراها بس هى مو بتعطينى وج
حسام / بصراحه انا حاولت اكلمها حكتلى عنك مواقف كدا يعني … سورى يعني مش ولا بد
كرم / شو حاكتلك هى
حسام / تديها مواعيد و تتاخر لو تعتزر او تروح و تجيلك مكالمه و تمشي طب وصلها فى طريقك على الاقل
كرم / كانت ظروف طارئه مو بكيفى يعني و خبرتها اوصلها بشي محل رفضت و تانى يوم اشتريتلها هديه غاليه كتير و حاولت اراضيها و هيك موقف ما صار البارحه و لساتها ما نسيتو شو فيني اعمل اكتر من هيك يعني
حسام / دلع بنات ايه ما اتعاملتش مع بنات قبل كدا خالص
كرم / يا زلمه ما فى اكتر من الصبايا بحياتي كلن يتمنوا بس شي نظره مو هيك عم اتبهدل بس كرمال ترد عليا على التليفون
حسام / على فكره ده تقل و دلع بنات … ههههههه انا شخصيا ندى معايا كدا لازم كل فتره تفكرنى اوعى تفتكر ان عشان اتجوزتنى خلاص بقيت بتاعتك لا انت لازم تفضل تهتم بيا زى اول يوم خطوبه بالظبط و بعدين بتلين و ترجع تشد و تلين كدا يعني
كرم / هايدي ما بتلين ابدا
حسام / يا سيدى بكره تلين و تدوب بس انت اصبر
………………….
فى الحمام
انجى / كرم ما بيلبقلى ليش بس بدى افهم مصريين على هيك سيره
ندى / الاهل بببقوا فاكرين انهم ادرى باللى يسعد ولادهم
انجى / اذا فيكي تحبى رجال و اهلك فيهن يغصبوكى على رجال تانى شو فيكي تساوى
ندى تبص لانجى و تبتسم بحزن
انجى / صعبه و لا شو طبعا فيكي تقولى لا مو من حق حدا يتحكم بحياتك هيدا زواج يا عالم مو لعبه زواج و اطفال بدهن يتربوا بشي بيت مستقر انا بدى ولادى يتربوا على الحب و الحنان بين ابوهن و امهم مو اتعذب بتبايتهن لحالى و هو كل همه يجمع مصارى و بالآخير ولاده راح يطلعوا متله
ندى / فدى بقي لا ولادك هيطلعوا زى ما انتى هتربيهم
انجى / كيف يعني ما هياثر عليهم هيدا اب يا ندى اب راح يعطيهن نصايحه و يقلدوه لانه قدوتهن كل بنت بالعالم بتشوف ابوها ابضاى ما بيتكرر و بتتمنى شي يوم تتزوج حدا متله انا بعمرى ما كنت من هادول الصبايا لانى وعيت على هالدنى على صرخات ماما و هى بتعيط للبابا بكل مره بيخونها فيها و بالاخير بيزتلها شويه مصارى و مجوهرات و بيعيدها للكره ما فى حدا بيتغير هى بدلت تدور وراه و هو احترف تخبايه الامور و انا بالنص لا بعرف شو ساوى و لا كيف فيني غير هالعيشه
ندى / بس كرم ما لوش فى الحريم يعني مش هيخونك
انجى / اديشك بريئه يا ندى متلك متل رفقاتى نفسي بس شي شخص يفهم عليي و يحس فيني
…………………
فى الشركه تانى يوم
حسام / الشغل عنده رقم واحد حتى الجواز بالنسباله مجرد صفقه
انجى / بس بابا شايف غير شي
حسام/ طول اليوم امبارح اقوله البنت بتيجي بالحنيه بورده بهديه دا نانسي لبنانيه مفيش حلوف برجلين
انجى / انت الوحيد يا حسام اللى فاهم شو مشكلتى مع كرم البابا و الماما و العيله و كل رفقاتى حتى ندى ما فيها تفهم عليي
حسام / دا اسالى مدام لينا فضلت طول الحفله اشرحله و افهمه ابدا صفقه واحد زائد واحد يساوى اتنين
انجى / صفقه هى صفقه كل شي مجرد صفقه ما فى مشاعر ما فى احاسيس ما فى اى شي غير المصارى
حسام / بصي هو انا برده لازم اقولك ان الجوازه دى هتفيد شركه بابكى اكتر بكتير من شركه كرم
انجى / بعرف و بعرف انى اكتر بنت محظوظه بهالعالم ان كرم بيك اطلع فيني و رضي عنى و قبل يتزوجنى و ان كل بنات الكره الارضيه يتمنوا يبقوا محلى بس انا اللى ما في شي يرضيني مو هيك
حسام / بالعكس انتى طلباتك بسيطه اوى و حقك انتى تستاهلى احلى و احسن حاجه انتى اللى زيك يا انجى تتشال فى القلب مش فى العين بس و هى اى بنت فى الدنيا عاوزه ايه غير حد يحبها الفلوس مش كل حاجه بس برده مهمه لو ما كانتش مهمه ما كنتش اتسحلت و اتغربت عشان اجيب لندى كل اللى نفسها فيه و ياريته مكفى يا ريته عاجب
انجى / ليش بتحكى هيك
حسام/ علاج عمى و مصاريف ندى و حبيبه و اللى بيتبقي بعد الاكل و الشرب و الفواتير اخرى اجيب بيه هدمه نضيفه قدام زمايلى هنا فى الشغل و فى الاخر برده بحس بالتقصير بحس انه مش كفايا انها مش بتحبنى قد ما بحبها او انها كان ممكن تلاقى حد احسن
انجى / ندى ما بتفكر بهيك طريقه عاطله
حسام / طبعا عمرها ما قالت و لا هتقول الكلام ده ندى بنت اصول بس احنا الفتره د بنختلط كتير بناس اعلى مننا فى المستوى بتشوف و بتتسمع اشترينا كذا جوزى جابلى كذا و انا اخرى يوم ما اتشقلب هديها ايه يعني
انجى / فيك تعطيها الحب و الامان امان انك ما فيك تتركها او تتخلى عنها شي يوم
حسام / عمرها ما هتسامحنى على اللى فات
انجى / علاقتك بهدايه تقصد
حسام/ كانت فتره وحشه اوى يا انجى اقولك ايه بس عمرك ما هتفهمى
انجى / خبرنى راح افهم عليك صدقني هحس فيك توثق فيني
حسام / انا و ندى اتخانقنا خناقه كبيره اوى يوم السفر كنا راجعين مصر عشان تولد و باسبورها فى ايدها و حاجتها معاها و اتخانقنا فى الطريق و حلفت لتنزل ياما ترمى نفسها اضطريت اقف نزلت اتخانقنا و من عصبيي سبتها و مشيت قولت ورقها معاها هنتقابل فى المطار وصلت المطار و انا مش عارف ان الطلق جالها ركبت الطياره و قولت كرسيها جنبى كنت غبى فجاه لقيت الطياره طلعت و هى مش فيها
انجى / لهيك شالت الرحم
حسام / ايوه كلمت السفاره و سالت عليها لما وصلت كنت خدت ممانعه انى ارجع الامارات عشان الكفيل ما كانش راضي يمشيني سبت الشغل و نزلت عشانها و فى الاخر بقت هى فى الامارات و انا مش عارف اروحلها فى الوقت ده كان بقالنا فوق السبع شهور ما لمسناش بعض عشان حملها كان ضعيف كنت بخاف عليها جه عليا يوم مع كل اللى كنت فيه جت بنت عمتى و … ضعفت و اختى عرفت لمينا الليله بسرعه و اتجوزتها عشان اصلح غلطتى و سترتها ندى لما نزلت مصر اتجنت اطلقنا و فضلت احاول اصالح فيها انا و اختى و نفهمها فى الوقت ده والدتها اتوفت و عمى تعب كانت محتاجه فلوس اضطرت ترجعلى قولت مش مهم هديها عمرى و بكره ترضي تخيلى ما لمستهاش كل الوقت ده زوج و زوجه على الورق هدايه لما عرفت … ما كنتش اعرف انها كدا وثقت فيها و فضفضت زى ما بفضفض معاكى بدات تتمايص و تتلاين و تدلع كانت محصرانى فى كل حته لحد ما ضعفت كنت بتحايل على ندى تعفنى بقولها انتى مراتى تقولى اتجوز طب منين دا انا مسحول عشان اديكي الفلوس اللى انتى محتاجاها اتجوز ازاى و منين مش مشكلتها
انجى / خنتها
حسام / هدايه بقي حاولت تستغل الموضوع اكتر عشان تفرق بينا و فعلا كنت هخسر ندى و حبيبه
انجى / و هلا
حسام / الوضع احسن بكتير من الاول بس ندى عمرها ما هتنسي و لا تسامح
انجى / فيني احكى معها
حسام / لا يا انجى ارجوكى انا وثقت فيكي ارجوكى ما تصدمنيش فيكي صدمتى فى هدايه خليلى مكان اللجئله لما اتخنق حد اثق فيه و ارتاح معاه انا ما ليش هنا حد غيرك
انجى / لا تعتل هم فيك توثق فيني كيف ما بدك
حسام يبتسم
انجى / تعرف شو كرم عنده مصارى ما الها عد و ما فيها تخلص لو عاش عمره كله يصرفها و مع هيك ما بيفكر غير بالمصارى المصارى و بس لو زواجه من غيرى فيه يعطيه مصارى راح يطلقنى و يتزوج غيرى ما فيه يعوضني عن حرمانى من حنيه الاب انا ما بدى رجال يخونى او يجرحنى انا ما راح قصر بحقوقه ما راح اجرحه و لو بكلمه من حقى فى شي حدا يطمنى كتير عليي يا حسام
حسام/ مفيش حاجه تكتر عليكي يا انجى انتى انسانه رقيقه و جميله و تستاهلى الخير كله
انجى تبص لحسام و هو مبتسم عدنان يدخل
عدنان / يا بيي على هادول عالم كتير بكرههم للالمان
حسام / عشان الورد يا مستر عدنان
عدنان/ جنينه ورد فيك تقول بستان يا زلمه
حسام / باشا لبنان
عدنان / لا تؤاخذيني يا قلبه للبابا كنتى ناطرتيني كان بدك منى شي
انجى / خلاص يا بابا حسام قام بالواجب
عدنان يبص لحسام
حسام/ كنا بنتكلم عن كرم بس واضح ان الانسه انجى مفيش حاجه ممكن تغير رايها
عدنان / و شو هو رايك يا انجى
انجى / ما فيني اتزوجه لكرم يا بابا هيدا زواج و عمر ما فيني قضيه مع حدا قلبي ما بيقبله حتى لو كان المقابل صفقه العمر لالك
عدنان / و انا ما فيني اقايضك بصفقه العمر يا قلبه للبابا انتى جوهرتى الحلوه اللى ما بتتقدر بتمن
انجى تبتسم و تقوم تبوس ابوها عدنان يبتسم
انجى / ميرسي كتير و سورى اذا كنت عطلتكن او شي
عدنان / فيكي تعطلينا كيف ما بدك فداكى العمر كله يا عمرى
انجى / قلبي انا … هلا بدى فل عن جد لاول مره فيني اتنفس هيك شو هيدا هم و انزاح
عدنان / بدك شي مصارى
انجى / ميرسي معى كفايا … سلام يا حسام
حسام / سلام
انجى تمشي و عدنان و حسام يتابعوها
حسام / هى طالعه عنديه كدا لمين دى نشفت ريقي و ريق ندى امبارح
عدنان / ما فيك تكسب كل شي حسام فيك تخسر جوله صغيره من شان تكسب شي تانى كبير
حسام / اكبر من كرم
عدنان/ مين بيعرف النصيب لوين بياخدنا
حسام / معاك حق
عدنان / فيك تكمل شغلك و انا بدى فل انا كمان كتير تعبونى الألمان
حسام / المهم بالخير
عدنان/ و لا اللمان و لا غيرن فيهن يضحكوا عليي سويت صفقه العمر معن و خرجوا مبسوطين كمان
حسام / قولتلك باشا لبنان
عدنان / هههههههههه … سلام يا حسام
………………
فى عياده النسا بعد فتره
نور / بتتكلمى جد ولدين
الدكتوره / اهو قدامى اهو
نور / الف حمد و شكر ليك يارب انا مش لاقيه كلام اقوله
على / قولى ما شاء الله و الحمد لله هتقولى ايه تانى
نور / انا مش عاوزه اى حاجه تاني ابدا
على / كويسين يا دكتوره صحتهم كويسه
الدكتوره / الحجم صغير طبعا و دا طبيعي بس غير كدا كل حاجه طبيعي
على / طب هى لو اكلت اكتر
نور / انا باكل كويس جدا والله و بشرب ميه و سوايل كتير حتى لو مش عطشانه بغصب على نفسي
الدكتوره / كل ده كويس بس لازم نراعى انهم ما شاء الله توأم و كمان نقص الميه مأثر على الحجم
على / يعني اكيد هيدخلوا حضانه صح
الدكتوره / ده مش اكيد بس بنسبه سبعين فى الميه ايوه هيحتاجوا حضانات
على / انا بسال بس عشان نسال عن الحضانات الكويسه و نحجز لو فى حجز و كدا و لا انا فاهم غلط اصلى الحقيقه ما اعرفش حاجه فى الحوار ده
الدكتوره / مش عوزاك تشغل بالك خالص بالموضوع ده هى بس تقوم بالسلامه و الباقي محلول باذن الله
على / كلو على الله ربنا يقدم اللى فيه الخير
نور / طب بالنسبه لاى حاجه تانيه مفيش مشاكل صح
الدكتوره / لا باذن الله كلو تمام
نور تبتسم و تقوم مع على
على / الف شكر تعبينك
الدكتوره / و لا تعب و لا حاجه
على و نور يطلعوا بره
نور / لو حد سالنى هقول بنات
على / و لما يجيلك لبس بناتى بقي هتعملى فيه أية و لما يشوفوكى بتشترى لبس ولادى هيبقي شكلك أية
نور / العين فلقت الحجر يا على و كفايا اوى عليا اللى انا فيه
على / احنا ممكن نقول مش باين لسه و نريح نفسنا
نور/ ازاى فاتتنى دى طب ما إية ممكن تسال الدكتوره و تقولها كان المفروض ننبه عليها
على / عاوزه ترجعيلها احنا فيها بس انا شخصيا مش فارق معايا فارجعى لوحدك بقي لو فارق معاكى اوى كدا
نور / انت ازاى مش فارق معاك هو اللى فى بطنى دول مش ولادك
على / ولادى و بحبهم جدا و خايف عليهم موت بس مش هبان كداب عشان خايف من حاجه فى ايد ربنا
نور / العين فلقت الحجر يا على
على / لو اجتمعت الانس والجن
نور/ عارفه بس
على / لو اتسالتي قولى ما شاء الله و خلاص
نور / هم ليه بيسالوا اصلا ليه بيدخلوا ليه يحرجونا ما احنا لو عاوزين نقول احنا هنقول لوحدنا ليه التطفل
على / اجبلك ايسكريم و لا مولتن كيك احسن
نور / ايه !!
على / فاكره المحل ده جيناه و احنا مخطوبين مره احنا بطلنا نيجي ليه يا نور صحيح
نور / هو احنا بقينا فايقين لحاجه خالص يا على
على يركن
على / طب ما تيجي نروق على روحنا
نور / انت بتتكلم جد
على / تعالى ندخل نقعد شويه اهو ما دام خرجتى غيرى جو بقي و لا تحبى اجبلك تيك اواى فى العربيه عشان ما تتحركيش كتير ايه يناسبك
نور / عاوزه تشيز كيك نوتيلا
على / تمام
على يفتح الباب نور تمسك ايده
نور / ممكن تجيب ليس و نغم كمان
على / عنيا حاضر
نور تسيب ايد على ينزل و يقفل الباب نور تليفونها يرن امانى نور ترد
نور / ازيك يا ماما
امانى / كنتى فين يا بنتى كل ده
نور / لسه خارجين من عند الدكتوره يا ماما هنجيب حاجه حلوه و نيجي علاطول
امانى / طب على الاقل طمنيني
نور / الحمد لله كل حاجه كويسه العيال بس صغيرين شويه بس بتقول انه طبيعي
امانى / بكره يرضعوا و يكبروا هم بس يجوا بالسلامه طمنيني عرفتوا ولاد و لا بنات و لا لسه
نور / عرفت اه
امانى / طب ها طمنيني
نور / ولدين
امانى / ما شاء الله ما شاء الله اوعى بقي تقولى لحد لحسن الحاجات دى بتتنظر
صوت تهانى / خليها تنبه على جوزها
امانى / و نبهى على جوزك
نور / هو فى حد جنبك
امانى / اه دى عمتك تهانى
صوت تهانى / سلميلى عليها
امانى / عمتك بتسلم عليكي
نور / ربنا يسلمك و يسلمها
امانى / المهم نبهى على على ما يقولش مرات اخوه حامل فى بت و ممكن تنق عليكي خليها تكمل على خير يا قلبي
نور / تمام يا ماما ممكن اقفل بقي
امانى / اقفلى يا روحى خدى بالك من نفسك يا ضنايا
نور / سلام يا ماما سلام
نور تقفل و تنفخ
نور / نبهى على على و انتى مقعده جنبك رويتر القاهره
على يركب و شايل علب يحطها على الكنبه ورا
على / جبتلك مخزون سنه اهم حاجه عندنا مودك … مالك
نور / اطلع يا على اطلع
على / هى فلوس حرام اصلها
نور / يا على اطلع ابوس ايدك انا هطق
على / ليه بس فى ايه
نور / ماما كلمتنى و عمتى جنبها و سالتنى عرفنا و لا لا
على / طب ما كدا مصر كلها عرفت
نور / انت هتطلع و لا انزل اخدها مشي
على / طالع طالع ربنا يعدى الايام دى على خير
على يسوق و نور بتنفخ
…………………
فى شقه ندى تانى يوم
حسام يطلع من الاوضه يلاقي ندى بتحط فطار على السفره
ندى / الفطار جاهز ثوانى اجبلك الشاى بلبن بتاعك
حسام / ما تتعبيش نفسك انا هخطف لقمه و انزل علاطول
ندى / اللبن مغلى والميه فى الكاتل هصب بس و اجبلك ثوانى
ندى تدخل جوه تليفون حسام يرن
انجى / ضهرت و لا لسه
حسام / نازل اهو
انجى / فيني فوت عليك اذا بتريد
حسام / لا لا نتفابل فى الشركه احسن
ندى تدخل تحط الكبايه
حسام / لما اوصل هكلمك يلا سلام
حسام يقفل و ياكل على الواقف
ندى / مين
حسام / انجى عندها حوار كدا و عوزانى معاها اخلصهولها
…………………
- يتبع الفصل التالي اضغط على ( رواية سلف و دين ) اسم الرواية