رواية احببت وصية رسول الله كاملة بقلم نورهان محمد عبر مدونة دليل الروايات
رواية احببت وصية رسول الله الفصل الخامس 5
ليقطع ذلك العناق الجد حامد هاتفا بهدوء عمر
ليلتفت إليه عمر
الجد حامد ايه يا عمر مش تسلم علي مراتك
عمر في نفسه مراتي اه صح فكرتني
ليتجه اليها عدة خطوات ويحتضنها لبعض الثواني ثم قبل اعلي رأسه
عائشه بحب حمدالله على السلامه يا عمر
عمر الله يسلمك
ليجلس الجد حامد ويجلس البقيه بجواره
وعائشه كانت جالسه بجوار عمر
لتمر الدقائق عليهم
زينب والله يا عمر فاطمه كانت لسه بتتكلم قبل ماتيجي بدقايق وكانت بتقول ان اللمه دي ناقصاك
عمر اه والله يا خالتو وانا كنت مشتاق ليكم ولمتكم جدا
والحمد لله اتجمعنا من جديد
الجميع بصوت سعيد الحمد لله وربنا يديم لمتنا
كانت تجلس شارده في حالها ليقطع شرودها
الجد حامد عائشه عايزك شويه
عائشه يانتباه وهي تلتفت إليه حاضر يا جدي
الجد حامد انا هتكلم مع عائشه شويه
ليوجه حديثه لفاطمه وزينب وخديجه معلش انا عارف ان الوقت متأخر لو بس تحضروا اوضه عمر
فاطمه ياعمي احنا كنا عاملين حسابنا انو هيوصل علي الاسبوع الجاي وجهزنا شقته هنطلع بس ناكد علي كل حاجه
الجد تماام ربنا يبارك فيكم
♥︎♥︎♥︎♥︎♥︎♥︎♥︎♥︎♥︎
في الداخل
الجد حامد تعالي ياعائشه
عائشه وهي تتوجه إليه وتجلس بجواره نعم يا جدي
الجد حامد طبعا يابنتي انا عارف ان جوازتك انتي وعمر جات بسرعه ومحضرناش أي حاجه علشان وفاة ابني محمود وكمان عمر سابك وسافر بعديها علي طول
فلاش باك
من سنتين
الجد حامد عائشه
عائشه بدموع نعم يا جدي
الجد حامد انا عايزه اتكلم معاك
عائشه بحزن اتفضل يا جدي
الجد حامد بعد تفكير انا عايز عايز
عائشه عايز ايه ياجدي
الجد حامد تتجوزي عمر
عائشه بصدمه اتجوز عمر
الجد حامد ايوه
عائشه طيب ووفاة بابا طيب….
الجد حامد مقاطعا دا هيكون كتب كتاب بس علشان اطمن عليك واكون مرتاح لو حصلي حاجه
عائشه بعد الشر عليك يا جدي متقولش كده
الجد حامد بحكمه دا أمر واجب علي الجميع والرسول صلى الله عليه وسلم قال -: (مَن أحبَّ لقاءَ اللهِ، أحبَّ اللهُ لقاءَهُ، ومن كرِهَ لقاءَ اللهِ، كرِهَ اللهُ لقاءَهُ، فقيلَ: يا رسولَ اللهِ كراهيةُ لقاءِ اللهِ في كراهيةِ لقاءِ الموتِ، فَكُلُّنا يَكْرَهُ الموتَ، قالَ: لا، إنَّما ذاكَ عندَ موتِهِ، إذا بُشِّرَ برحمةِ اللهِ ومغفرتِهِ، أحبَّ لقاءَ اللهِ، فأحبَّ اللهُ لقاءَهُ، وإذا بُشِّرَ بعذابِ اللهِ، كرِهَ لقاءَ اللهِ، وَكَرِهَ اللهُ لقاءَهُ).
عائشه عليه افضل الصلاة والسلام عندك حق يا جدي
الجد حامد قولتي ايه بقا
عائشه بتسأل وعمر موافق
الجد حامد ايوه طبعا و مستني رائيك
عائشه بعد تفكير تمام يا جدي وانا موافقه
لتفوق من شروده علي حديث جدها هاتفا
انا هحضر كل حاجه وهعملك فرح انتي زي اي بنت ومن حقك تفرحي ايوه كتب الكتاب مكتوب وكل حاجه بس عادي
عمر انتظر سنتين ماجاتش من الكام يوم دول
عائشه بهدوء وانا مش عايزه فرح ولا حاجه يا جدي
الجد بصدمه ليه ياعائشه بتقولي كده
عائشه وهي تفكر بداخلها لتكمل بعد أخذ قرارها انا حاسه اني مش محتاجه فرح واهم حاجه بالنسبالي هي رجوع عمر
الجد حامد متأكده من قرارك دا
عائشه ايوه ياجدي
الجد حامد طيب يلا نخرجلهم
عائشه تمام ياجدي
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الخارج وتحديدا الجنينه
كان عمر يجلس بصحبه والده وابن عمه احمد يتبادلان الحديث عن حياتهم
ليقطع تلك الحديث
الجد حامد هاتفا بجديه انت طبعا يا عمر جاي من السفره تعبان اطلع ارتاح دلوقتي ومن بكره نشوف هنعمل ايه
عمر فعلا ياجدي انا تعبان ومحتاج ارتاح
الجد حامد تمام اطلع يا عمر ارتاح انت دلوقتي
وقف عمر وتوجه نحو الشنط وقام والده بمساعدته وايضا احمد حمل شنطه خفيف بس تعبه
وهم في اتجاههم للصعود
الجد حامد طيب مش تاخد مراتك معاك
عمر بصدمه وهو يلتفت إليه وبصوت منخفض مراتي
الجد حامد ايه ساكت ليه مش مكتوب كتابكم وهي مكانها مكانك من دلوقتي
عمر بعد فهم بس …
الجد حامد مش قولتلك هنتكلم في كل حاجه بكره
عمر بطاعه حاضر ياجدي اتفضلي ياعائشه
صعدت عائشه بجواره ليدخلوا اخيرا
وكانت فاطمه وزينب وخديجه انتهوا من تحضير الشقه
محمد يلا بينا بقا ننزل خليهم يرتاحوا
فاطمه بتسائل يرتاحوا انت قصدك على مين
محمد علي عمر وعائشه
زينب بس …
ليقاطعها محمد الحج قال هيفهمنا كل حاجه بكره بإذن الله
توجه الجميع الي الاسفل باستغراب وعلامات الدهشه تعتلي وجوههم
خديجه بهدوء عائشه احنا لازم نتكلم بكره
عائشه حاضر ان شاء الله
خديجه اه كل حاجه في الشقه جاهزه وكمان في اكل جو لو حبيتي تحضري عشاء لعمر
عائشه تمام
لتترجل خديجه وتغلق عائشه خلفها الباب
وتتوجه إلي الداخل وتجلس أمام عمر
ليسود صمت لبعض الدقائق
ليقطع تلك الصمت عائشه بتوتر احضرلك العشاء
عمر وبدون ان ينظر إليها لا شكرا
ليسود صمت مره اخري
ولكن يقطعه هذه المره عمر هاتفا باستغراب الشقه دي جهزت امته
عائشه بطيبه من بعد ماسافرت انا بدأت اشتري كل الحاجات اللي فيها وكنا كل فتره نتجمع ونفرش فيها انا وماما وخالتو وخديجه
عمر اه ودا ذوقك في الاختيار ولا بردو كانوا بيساعدوك
عائشه بحسن نية عادي يعني اغلبيتها ذوقي بس كنت بأخذ رائيهم دايما
عمر في سره اه طبعا انتي هتقوليلي
عائشه بتسائل سرحان في ايه
عمر هااا لا ولا حاجه انا هقوم ارتاح
عائشه اتفضل
اخذ عمر شنطه من الشنط الموضوعه في الريسبشن واتجه نحو غرفه من غرف الداخل
عائشه وهي تتجه خلفه انت هتبات هنا
عمر ايوه وانتي ارتاحي في الاوضه التانيه
عائشه بابتسامه لا روح ارتاح انت هناك وانا هنام هنا
عمر لا مش عايز ….
لتقاطعه عائشه لا يا عمر انا هنام هنا
عمر وهو يتلاشي النظر في عينيها تمام اللي يريحك
ليتجه نحو الغرفه التانيه ويبدأ في إخراج ملابس له ليأخذ دشا وبعدها ينام
توجهت عائشه خلفه هاتفه انا بكره ان شاء الله هظبطلك لبسك في الدولاب
عمر شكرا
عائشه الشكر لله لتكمل بهدوء محتاج اي حاجه تانيه
عمر لا ياعائشه
توجهت عائشه إلي الخارج ونظر عمر في خيالها إلي ان اختفت من امامه ليجلس علي الفراش بتعب واضح من ما اوقع نفسه فيه
♥︎♥︎♥︎♥︎♥︎♥︎♥︎♥︎♥︎♥︎♥︎
في غرفه عائشه
عائشه بعدما اغلقت الباب جلست علي الفراش بحزن وبدأت الدموع في النزول
لتهتف لنفسها بحزن انا مش عارفه هو بيعاملني كده ليه انا عملتلوا ايه انا قولت انو لما يرجع هيتغير لكن لا دا كمان بيحاول انو ميتعاملش معايا ولا عينه تاجي في عيني
لتتحرك من مكانها عازمه علي انها تقيم الليل مثل عادتها
لتجلس مره اخري وتتذكر خديجه وصلاتهم وحديثهم معا
لتخرج من غرفتها وتتجه نحو غرفه عمر وتطرف عدة طرقات علي الباب لياتيها رد بالدخول
عائشه انت نمت
عمر التفت إليها لا لسه عايزه حاجه
عائشه كنت هقولك مش هتصلي قيام الليل
عمر بتبرير لا والله انا مش قادر
عائشه بحزن تمام
لتخرج عائشه من غرفته وهي تشعر بحزن شديد لممانعته قيام الليل
توجهت عائشه إلي غرفتها وتوضت وصلت فرضها بخشوع وتضرع
ثم همت بقرأءه الأذكار ومن بعدها سوره الملك لتتذكر خديجه
فلاش باك
من عدة سنوات
كانت تجلس خديجه
لتأتي عائشه هاتفه بقولك ياخديجه انا كنت ببحث من شويه علي النت وعرفت معلومات كتير عن سورة الملك
خديجه بانتبأه عرفتي ايه
عائشه وهي تقص عليها ما قرأته
أولًا أنها مانعة لعذاب القبر ومنجّية لمَن يحافظ ويداوم على قرائتها في ليلته قبلَ نومه.
ثانيًا: مجادِلةٌ عن صاحبها يوم القيامة، فهذه السورة تأتي يوم القيامة وتجادلُ عن صاحبها لتدخلَه إلى جنان النعيم، وتبعدُ عنه عذابَ جهنّم،
ثالثًا: مسبّبةٌ للحسنات والثواب لصاحبها، فمن يحافظ على قراءتها يوميًّا قبل نومه يحصلْ على الكثير من الحسنات والثواب،
فبكلِّ حرفٍ من القرآن حسنة، والحسنةُ بعشرةِ أمثالها
والله يضاعفُ لمن يشاء، حيث يحصلُ المسلم على الكثيرِ من الثواب والحسنات إذا داومَ عليها،
رابعًا: شافعةٌ لصاحبها حتّى يُغفر له يومَ القيامة
لتكمل وكمان قرأت حديث جميل هقولك عليه
عَنْ أبي هريرة رضي الله عنه، عَنِ النَّبِيِّ صلى الله عليه وسلم قَالَ: «إِنَّ سُورَةً مِنَ القُرْآنِ ثَلاَثُونَ آيَةً شَفَعَتْ لِرَجُلٍ حَتَّى غُفِرَ لَهُ، وَهِيَ سُورَةُ تَبَارَكَ الَّذِي بِيَدِهِ المُلْكُ».
خديجه وهي تستمع إليه بتشويق وسعاده الله ايه الجمال دا
لتكمل احنا ازاي كنا مش واخدين بالنا من حاجه زي كده
انا من انهارده لازم احرص علي قراءة سورة الملك كل يوم قبل النوم
وهتكون من ضمن أساسيات يومي وكفاية اني اختم اليوم بقراءة قران
عائشه وانا كمان هعمل كده وفعلا هتكون افضل حاجه ننهي بيها يومنا
خديجه بحب انا بحبك اوي ياعائشه
عائشه بابتسامه وانا كمان بحبك يارفيقتي وحبيبتي
لتعود من شرودها و تمسح دموعها هاتفه من أول يوم وحاسه اني ناقصني حاجه علي الرغم من وجودنا في نفس البيت
لتقرأ سورة الملك وتغفوا مكانها من شدة تعبها وارهاقها
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الصباح
تشرق الشمس علي غرفه عائشه معلنه عن بدأ يوم جديد باحداث جديده
عائشه بارق وهي تتحرك علي الفراش وتفرق في عينها مثل الصغار
واخيرا تفتح عيناها وتنظر حولها بدهشان لتتذكر المكان
عائشه ياااه داانا نمت محستش بالدنيا دا حتي صلاة الفجر راحت عليا
لتهتف نفسها بشده علي عدم قضاء صلاة الفجر في وقتها
لتترجل اخيرا من علي الفراش
وتقف تنظر حولها بارتباك هاتفه لنفسها طيب انا دلوقتي لبسي جوه في اوضه عمر اعمل ايه
بعد تفكير توجهت إلي غرفته وطرقت عدة طرقات بسيطه ولكن لم يأتي رد
عائشه بارتباك طيب اعمل ايه دلوقتي لتأخذ قرار بالدخول
دخلت عائشه وكانت تتحرك بخطوات بسيطه وفتحت الدولاب وأخرجت ملابس لها وخرجت مره اخري ومن حسن حظها انه
كان ينام بتعب واضح من آثار السفر حتي انه لم يشعر بخطواتها
عائشه توجهت إلي الداخل وأخذت دشا دافا وتوضت وصلت فرضها
وجلست علي الاريكه تقرأ الأذكار وبعد الانتهاء من وردها اليومي
خرجت من غرفتها وتوجهت إلي المطبخ
واعدت فطور لذيذ وشهي لها ولعمر
وبعدها توجهت إلي غرفة عمر وطرقت عدة طرقات حتي اتاها الرد
ترجلت إلي الداخل بهدوء عائشه الفطار جاهز يا عمر
عمر كان قد استيقظ أيضا لتجده يغلق ازرار قميصه ليهتف بهدوء حاضر ياعائشه
خرجت عائشه وبدأت في إعداد النسكافيه له فهو مشروبه المفضل
خرج عمر بعد عدة دقائق وجلس علي السفره ولم يجدها
لتخرج عائشه بعدها وبيدها مج النسكافيه وتضعه امامه اتفضل يا عمر
عمر شكرا تعبتك معايا
عائشه لا ولا تعب ولا حاجه دا واجبي
وبدأ في تناول طعامه وبعد الانتهاء تسلم ايدك ياعائشه
لتكتفي عائشه بابتسامه
لتمر الدقائق قبل أن يهتف عمر انا هنزل تحت جاهزه تنزلي معايا
عائشه اه بس ممكن تستناني بس خمس دقايق هرتب كل حاجه
عمر تمام هستناك في الريسبشن
انتهت عائشه من توضيب السفره وترتيب غرفته
لتتجه إليه انا جاهزه يلا يا عمر
عمر بتذكر اه صحيح تعالي معايا ياعائشه
توجهت عائشه خلفه ليدخل غرفة نومهم ويهم في فتح الشنط
عائشه هتعمل ايه
عمر انا جايب هدايا انتي بس هتساعدني اننا نعملها شنط علشان اهديهم بيها لما انزل
عائشه حاضر وبدأت في مساعدته لإخراج الهدايا وتنسيقها
بعد دقائق عمر كده احنا عرفنا كل واحده هديته ايه
عائشه اه
عمر تمام
ترجلوا سويا إلي الاسفل وعمر كان يحمل في يده الهدايا وبجواره عائشه أيضا
عمر صباح الخير
رد الجميع عليه وجلس معهم فهما كانا يتناولان الفطار في الجنينه
عمر بابتسامه بدأ ان يعطي كل منهما هديته
اخذ الجميع منه الهدايا بابتسامه وشكر
الجد حامد بعد دقائق عامل ايه يا عمر
عمر الحمد لله ياجدي
حضرتك اللي عامل ايه
الجد حامد انا الحمد لله بعد لمتنا دي بقيت بخير
ليكمل حديثه مش ناقص بس غير انك تفرحنا وتفتتح المستشفي الخاص بيك
عمر تمام ياجدي انا بس عايز انظم فريق طبي معايا علشان يساعدني لان زي ماحضرتك عارف انا دكتور جراح محتاج معايا دكاتره متخصصه في مجالات تانيه ومساعدين معايا علشان تكون مستشفي شامله
محمد والده يعني يا عمر انت عارف حد هيساعدك في كده ولا نبدأ احنا في البحث
عمر لا انا معرفش الا شخص أو اتنين انا هعتمد علي اننا ندور مع بعض
احمد بتفكير انا عارف دكتورين زمايلي لو كده اكلمهم هما ممتازين جدا
عمر تمام احنا ننسق كل حاجه واللي فيه الخير يقدمه ربنا
الجد حامد عندك حق ياعمر
طبعا في الوقت دا كان عمر وجده وابوه واحمد بس اللي موجدين
الباقيين دخلوا الفيلا
الجد حامد أخبار البلد معاك ايه مرتاح ولا لا ولا انت خدت علي بره
عمر عادي ياجدي كويسه
ليكمل هي بريطانيا طبعا مختلفه كتير بس بردو دي بلدي وكان لازم ارجع
الجد حامد ليه وانت كان عندك رأي غير كده
عمر لا ياجدي
الجد حامد وعامل ايه مع عائشه ايوه انتو بقالكم كام ساعه بس مع بعض بس بردو
عمر في نفسه يعني جوازه غصب هتكون عامله ايه ياجدي
ليكمل الحمد لله ياجدي كويسين مع بعض
ليلتقي مسدج في هذه الأثناء
عمر وهو ينظر علي هاتفه ليحدث نفسه ميار داانا نسيتها ليجدها ارسلت إليه عدة رسائل
من الرسائل انت فين
رد عليا
تليفونك مقفول ليه وهكذا
عمر انا رجعت اسكندريه
ميار بتقول ايه
عمر زي ما بقولك كده
مياار ابعتلي رقمك المصري
لتخرج عائشه في هذه الأثناء هاتفه عمر فين
محمد طلع فوق اطلعي ياعائشه ممكن يكون محتاج حاجه
عائشه حاضر ياعمي
ترجلت عائشه خلفه وتوجهت إلي الداخل
كان يقف في البلكونه وبدون انتباه
ميار رجعت امته وازاي
عمر امبارح وكلمتك كتير علشان اقابلك قبل ماارجع وحضرتك مردتيش
ميار بصوت مرتفع مخدتش بالي من الفون واي ان كان بردو تسافر كده بدون علمي
عمر بنفاذ صبر يعني قصدك ايه ومن امته وانا بستأذن منك لما برجع
مياار بدلع وتغيير مجري الحديث ياحبيبي مكنش قصدي ازعلك اسفه
كانت تقف عائشه خلفه فهي دخلت من عدة ثواني فقط وكانت علي وشك أن تسائله بتكلم مين إلي ان اتاها الرد
ليشعر عمر بانفاس حوله ليلتفت ويجدها عائشه
عمر بارتباك عائشه
ميار بصدمه مين ….
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
- يتبع الفصل التالي اضغط على ( رواية احببت وصية رسول الله ) اسم الرواية