رواية احببت ظابط غيور (كاملة جميع الفصول ) حصريا عبر دليل الروايات بقلم ياسمين اشرف
رواية احببت ظابط غيور الفصل الخامس 5
احببت ضابط غيور
البارت(5)
الدكتور: دا شروع ف قت*ل لازم نبلغ الشرطه
*عند فارس
فارس: يلا ي ابراهيم حضروا العربيه
ابراهيم: حاضر يفندم
فون فارس رن
جيهان: انت فين يحبيبي
فارس: انا نزلت يحبيبتي كلموني عشان ف جريمه قت*ل حصلت اسف بس لقيتك نايمه محبتش اصحيكي
جيهان: طيب يحبيبي خلي بالك من نفسك وابقي طمني عليك
فارس: حاضر يحبيبتي يلا روحي كملي نومك سلام
*بعد وقت فارس وصل
فارس: اسمك اي؟!
_ماجد يفندم
فارس: ماشي ي ماجد قولي اي اللي حصل
ماجد: احنا كنا قاعدين يفندم عادي ع القهوه سمعنا حد بيصوت جرينا نشوف ف اي اتفاجأنا ب 4 حريم ماسكين الانسه مها بيضربوها
فارس اتصدم وقال لنفسو ممكن تكون واحده تانيه مش هي
ماجد: انت معايا ياباشا
فارس: اه اه كمل
ماجد: واما حاولنا نحوش عنها اتفاجأنا ان هما معاهم مطاوي وكانوا بيهددوا اي حد يقرب يحوش انهم يضربوه
فارس: وبعدين
ماجد: لحد ي باشا مالقوها خلاص مبقتش تطلع اي نفس سابوها وقبل مايمشوا غزوها بالمطوه
فارس: حلو اوي الكلام دا شكلهم اي الحريم دول
ماجد: لا ياباشا كانوا منقبين
فارس: تمام عندكوا كاميرات في المنطقه هنا
ماجد: ايوا ي باشا وفي كاميرات في الطريق اللي جريوا منو كمان
فارس: حلو اوي اتصل بمهندس الكمبيوتر يجي يفرغ الكاميرات دي ي ابراهيم
ابراهيم: تمام يفندم
*بعد وقت المهندس جه وفتح الكاميرات
فارس بصدمه: مها؟!!!!!
ماجد: ايوا ي باشا هي اللي كنت بحكي لحضرتك عنها حضرتك تعرفها؟!!
فارس: لا معرفهاش
*في المستشفي
احلام: اختي كويسه ولا لاء يدكتور
الدكتور: اهدي يا مدام متخافيش هي كويسه
احلام: طيب ينفع اشوفها
الدكتور: بس هي لسه تحت الملاحظة هتفوق وتبقي تشوفيها براحتك
احلام بعياط: يارب احفظها يااارب
عبدالله حضن اخته: اهدي ي احلام هي كويسه متخافيش
وفاء: هو اي اللي حصل ي احلتم ياختي
عبدالله بغضب: اسكتي دلوقتي خالص
وفاء: الله ف اي عاوزه اعرف
عبدالله بعصبيه: وفاء اسكتي خالص
وفاء ب استفزاز: اديني ساكته اهو اما نشوف اخرتها
*احلام بصتلها بغضب وانهارت من العياط
احلام بعياط: انا السبب انا السبب
حربي: ااهدي ي احلام انتي السبب ف اي
احلام: انا االي قولتلها تعالي نروح نشوف عاوز اي انا السبب
حربي: مش فاهم حاجه سبب ف اي فهميني
فارس: مساء الخير
عبدالله: مساء النور
فارس: انا فارس محمد الرواي معاون مباحث
عبدالله: اهلا يفندم
فارس: اولا الف سلامه علي انسه مها
عبدالله: الله يسلمك ياباشا
فارس: انا عرفت ان مدام احلام اقرب واحده لانسه مها فاكنت حابب اعرف منك شويه تفاصيل صغيره لو هينفع
احلام: ايوا طبعا اتفضل
فارس: حضرتك بتشكي ف حد معين
احلام: انا مش بشك انا متاكده
فارس ب استغراب: متاكده ازاي مين هو او هي
*احلام حكتله علي مقابله سعيد ب احلام ومها والطلب اللي طلبو منها
فارس: يعني عشان ورق صفقه
احلام: ايوا يفندم كان عاوزو منها ومها موافقتش واحنا ماشيين كان بيبص لمها بكرهه اوي وكان نظراته توعد وهو فعلا وفي بوعده وانهارت من العياط
فارس: هو انسه مها فاقت
حربي: لا يفندم لسه مفاقتش الدكتور قال ان هي هتبقي تحت الملاحظه
فارس: تمام دا الكارت بتاعي اما تفوق بعد اذنك كلمني
حربي: حاضر يفندم
فارس: الف سلامه عليها ربنا يشفيها بعد اذنكم
*فارس روح البيت وهو حزن الدنيا ف قلبه
جيهان: مالك ي فارس
فارس: انتي منمتيش لي
جيهان: مجاليش نوم مالك ياقلبي
فارس اتنهدت بحزن وحكي لجيهان كل حاجه
جيهان بحزن: يحبيبتي ي بنتي وهي عامله اي دلوقتي
فارس بحزن: تحت الملاحظه لسه مفاقتش
جيهان: ربنا يشفيها ياحبيبي
*فارس كان حابس دموعه وفجأه دموعه نزلت وجيهان لقته بيعيط اخدته ف حضنها
جيهان: اكلم يحبيبي قول اللي فيك
فارس: اول مره احس بالاحساس دا نفس الاحساس اللي حسيته اما بابا اتوفي وسابنا خايف عليها اوي وخايف تروح مني
جيهان: اهدي يحبيبي هي كويسه وانت سمعت بنفسك الدكتور وهو بيقول
فارس: انا بحبها اوي
جيهان: اهدي يحبيبي هي ان شاءالله كويسه متخافش يلا قوم غير هدومك دي وارتاحلك ساعتين
فارس: لا عشان قولتلهم اما تفوق يتصلوا بيا
جيهان: طيب نام واما يرنوا ابقي اصحي
فارس: لا ي ماما انا هنزل
جيهان: هتعمل اي
فارس: هنزل الف شويه بالعربية واما تفوق اروحلها
جيهان: براحتك يحبيبي خلي بالك من نفسك
فارس: حاضر سلام يحبيبتي
* في المستشفي مها فاقت
مها بتعب: اااه
احلام: اي يحبيبتي مالك
مها: انا فين اي اللي حصلي
احلام: جريت عليها واخدتها ف حضنها: انتي كويسه متخافيش حمدلله ع سلامتك ياقلبي
مها: اي اللي حصل
احلام: في 4 ستات ضربوكي وعوروكي
*مها افتكرت حاجه وعيطت
احلام حضنتها اكتر: حقك عليا انا السبب
مها: وانتي ذنبك اي ي احلام بس
احلام: انا اللي قولتلك تعالي نشوفو عاوز اي
مها: تفتكري هو
احلام: انا متاكده ان هو
مها: الشرطه عرفت
احلام: اه عرفوا
*ف اللحظه دي مها اتمنت ان هو اللي يجي وتشوفوا تاني
احلام: مها روحتي فين
مها: انا معاكي اهو بس تعبانه شويه
احلام: اندهلك الدكتور
مها: لا يحبيبتي مالوش لازمه
احلام: بت ي مها ف ضابط قمر اوي جه وقعد يسأل عليكي واي اللي حصل بس يبت يمها كنت حاسه كدا انو زعلان اوي عشانك بس مش اي زعل لا دا زعل غريب كدا وكان باين من نبره صوته ونظراته
مها ضحكت: احنا ف اي ولا اي ي احلام
احلام: ماهو انا الصراحه تعبت من العياط فاههزر احسن بقا
*مها ضحكت جامد عليها والباب خبط
احلام: ادخل
_مساء الخير
احلام: مساء النور
مها بصت لمصدر الصوت ولقت.........
(نهايه الفصل)
زعلانه منكوا جدا التفاعل علي البارت اللي فات مكنش حلو خالص تفاعلوا عشان اكمل الروايه❤
•تابع الفصل التالي "رواية احببت ظابط غيور" اضغط على اسم الرواية