رواية قدري كاملة بقلم حبيبة عيد عبر مدونة دليل الروايات
رواية قدري الفصل الخامس و العشرون 25
الدكتور بأسف.البقاء لله للاسف فقدنا الجنين والمدام
عمر كان واقف ساكت مش متحمل الصدمه
عمر بتوهان .مين اللي مات
الدكتور بحزن وهو بيحط أيده على كتفه .انا اسف عارف ان الصدمه شديده بس للاسف المدام نزفت جامد ومقدرناش نلحقها
عمر هوا بيشيل أيد الدكتور من على كتفه وبتمشي هوا بيقدم رجل و بيأخر رجل
عمر بتوهان وهوا بيهز رأسه ب لاء .لاء اكيد غلطنين .لاء لاء
عمر فتح الباب ودخل وصل لحد السرير بتاع حبيبه
أيده بترتعش جامد وهوا بيحاول يشيل الغطاء الابيض من علي وشها ودمعه منه نزلت على خد حبيبه اول مارفع الغطاء وشفها
عمر حرفيا واقف تايه ومصدوم ازاي قدر يعمل كده في حبه الوحيد
عمر وهوا بيقوم حبيبه وبيحضنها جامد
عمر بانهيار وعياط كالطفل .حبي انتي مموتيش صح قومي قومي يلا عشان تعرفي كله انك مموتيش وانك عايشه عشان خاطري انا ظلمتك بس حقك عليا انا اسف كمل وهوا بيطلعها من حضنه وبيمسك وشها بين أيده.طيب قومي واعملي اللي انتي عايزاه فيا قومي اضربي فيا اعملي اي حاجه بس قومي متنميش كده قوووووومي قلها بانهيار وصوت عالي رجع اركان المستشفى كلها
عمر وهوا بيمسح دموعه جامد .طيب اااانا موافق قومي ولو عايزه اني ابعد عنك حاضر بس متموتيش بالله عليكي قوووووومي عشان خاطري
قوووووومي كان قاعد يحرك فيها عشان تقوم الدكاترة والممرضين كانوا شيفينه وفيهم اللي كان بيعيط على حالة عمر وازاي حبيبته بعدت عنه
الدكتور وهوا بياخد أيده وبيبعدوه عن حبيبه
عمر بهستريا.سيبوني انا هخليها تقوم ابعدو عني انا هفوقها هي ممتيتش هي زعلانه مني
عمر وهوا بيكلم الدكتور كأنه طفل .ه هي بس زعلانه مني عشان زعلتها وشكيت فيها قولها ترجع وانا عمري ما هشك فيها ولا هزعلها بالله عليك حد يفوقها
عمر دخل في حالة انهيار عصبي وفقد الوعي
الكل عرف الخبر اللي كان صدمه للجميع وخصوصاً ليوسف و ياسمين
الكل كان في صدمه اثر الخبر ده
عمر.كان من بعد ما فقد الوعي وهوا مفقش لسه كأنه مش عايز يتقبل الواقع المرير
هبه .كانت حزينه علي فراق بنتها واختها وصحبتها في الحياه
محمد .كان مش مصدق أن صحبة المشاكل الأولي والاخيره في حياته مش موجوده رفيقته في الحلو والمر كان معاه دائما خلاص مبقتش موجوده
فريده.كانت بتحب حبيبه زي بسمه بالظبط
بسمه وامل كانوا يعتبروا اخوات حبيبه ويمكن اكتر في ثانيه ضاعت منهم
أما يوسف من كتر الصدمه مكنش متخيل أن يحصل ده كله مقابل أنها تبقي معاه هوا خسرها وللاسف خسرها للابد
ياسمين.اول مره تعيط بصدق وندم حقيقي على وفاة واحده تعتبر من الد اعدائها
عند قبر حبيبه في جنازه مش معروف عددها
الكل كانت دموعه نازله فقدوا حد غالي جدا بالنسبة لهم قدي اي منظر يبكي القلب
محمد كان واقف وواخد هبه في حضنه وحطه راسها علي كتفه و دموعهم نازله
وبسمه بعياط وهي بتكلم سليم .ه هي مشيت ليه ها انا كنت عايزه اشوفها وأسلم عليها انا ملحقتش ا.انا قولتلك انا عايزه اكلمها وأسلم عليها انت مرضتش واخدت الفون مودعتهاش ليه سابتني ومشيت دي كانت اكتر من اختي. ليه
سليم دموعه نزلت اكتر من كلام بسمه.اخدها في حضنه جامد
سليم .انا اسف يا روحي حققك عليا
أمل كانت واقفه بتفتكر ذكرياتها مع صديقة طفولتها ودموعها نزله شلال حرفيا
ياسمين كانت سانده فريده وكانوا بيبكوا جامد
ياسمين اول مشافت قبر حبيبه احتقرت نفسها اوي قد اي هي زباله وعايزه حاجه مش بتاعتها
ويوسف مكنش أقل منها في شيء فعلا الاتنين كان في صراع شديد جواهم ازاي قدروا يجتمعوا في قتل روح بالشكل ده ويدمروا حياة اتنين بيحبوا بعض بس للاسف مش اتنين بس دول تلاته عمر وحبيبه وابنهم
(الوحيد اللي مكنش موجود كان عمر لسه من وقت موت حبيبه وهوا لسه في المستشفى مفقش ومش راضي يتقبل الواقع)
بعد فتره من الوقت كانت الناس مشيت ومش باقي غير العائلة
بسمه بدوخه .سليم اان وفجأة وقعت وفقدة الوعي
سليم اخدها وراح المستشفي والكل مشي معاه متبقاش غير ياسمين ويوسف
يوسف وهوا بيقرب من القبر وبيحط أيده عليه وهي بترتعش
يوسف بدموع .كنت سبب في قتلك حبيتك غلط وكان حب حرام مستعد اني اعترف بكل حاجه
بس ههههه بعد اي ما خلاص الوقت عدي وفات الاوان وبقت ايدي عليها دمك
وكمل هوا بيبص لياسمين اللي واقفه وسمعه كلامه وبيعيط جامد .
يوسف.صح ادينا بقت عليها دمها بقينا سبب في موت حد برئ
امنت لكي وساعدت واحده متعرفهاش
يوسف بقرف من نفسه .احنا قد اي وحشين ومش بنقبل باللي مقسوم لنا دمرنا نفسا ودمرنا عيله كامله وقتلنا روحين كنا سبب في موتهم ليييييه كل ده عشان مش بنقبل باللي مقسوم لنا
أكمل بهستريا وجنون .انا .انا عمري ما كونت كده عمري ما فكرت ااذي حد ولو حتي حشره
دلوقتي موت روحين
يوسف قعد على ركبته بانهيار. اااااااااه يارب سامحني .انا مقبلتش باللي مقسوم ليا اااه سامحني سامحني يارب
ياسمين كانت واقفه بتعيط على كل اللي عملته في حبيبه كل ده عشان تاخد عمر منها عشان يبقي فلوسه لها بعد موت حبيبه حست انها واحده رخيصه وكل تفكرها في الفلوس وافتكرت قد اي حبيبه امنت لها واعتبرتها صحبتها برغم اللي عملته فيها
ازاي في حد بالطيابه دي في الزمن ده
ياسمين فاقت من شرودها لما لقت يوسف واقع على الارض راحت جريت عليه وحاولت تفوق فيه بس مكنش بيفوق اخدت مفتاح العربية من جيبه و وحاولت كذا مره تقوم فيه لحد ما دخلته العربية من ورا وقفلت الباب
ركبت وساقت العربية وكانت بتلف بيها ومش عارفه تودي يوسف فين لحد مجات فكرة الشقه اللي كانت فيها هي ويوسف وحبيبه
اخدته وطلبت من الناس يشيلوا يوسف ويطلعوه الشقه
كانت بتفكر تمشي بس لما لقت يوسف مش بيفوق ف كشفت عليه لقت أنه عنده صدمه عصبيه (ياسمين دكتوره نفسيه)
ياسمين اضطرت تقعد معاه عشان حالته الصحيه
عند بسمه وسليم اخدوها المستشفي ودخلوها تكشف
سليم بعد ما الدكتور طلع.بسمه ملها
الدكتور بابتسامة.الف مبروك المدام حامل
سليم.الحمدلله يارب بتعوض كل حاجه
الدكتور .لازم حلتها النفسيه تتحسن ومتعملش حركه كتيرة تمام
سليم.حاضر يا دكتور نقدر ناخدها
الدكتور.ايوا اتفضلوا تقدروا تخدوها
موضوع حمل بسمه خفف علي عائلة الصياد شويه من موت حبيبه بس للاسف عمر دخل في غيبوبة
أما هبه ومحمد حالتهم لسه زي ما هي هما فقدوا شخص عزيز عليهم جزء منهم
موت حبيبه اثر جامد في الكل حتى ياسمين ويوسف ويمكن كان اكتر شويه عن الجميع
أما عمر فهرب من الواقع اللي مش عايز يعيشه ده من غير معشوقته
تفتكروا نسامح يوسف وعمر وياسمين في اللي عملوه في حبيبه 🙂
ولا لاء
•تابع فصول الرواية "رواية قدري" اضغط على اسم الرواية