رواية حكايا كاملة بقلم ايمان عبر مدونة دليل الروايات
رواية حكايا الفصل الواحد و العشرون 21
فى أيه يا أروى مالك متوترة ليه المرة دى
أناا متوترة يا دكتور ابدا
لا متوترة ومنزعجة كمان
بصى بقه يا سارة نجلاء بتقول ان فى حاجة بينى وبين راجى وده مش ممكن يحصل ابدا انا بحب رامى
طب بس اهدى
صدقينى انا بحب رامى ومفيش حاجة بينى وبين رامى
انت بتأكديلى انا ولا بتأكدى لنفسك
هه
أيه يا راجى رجل خدت ع الاتيليه انت كمان
ايه امشى يعنى يا شاهى
لا ابدا دا انت منورنا
امال يعنى مش شايف اروى
ااااه قولتلى هى لما عرفت انك جاى قالت انها تعبانه ونزلت ترتاح
راجى بتركيز : لما عرفت انى جاى تقصدى ايه
ايه انتوا فكرنا مش وخدين بالنا ولا ايه
وخدين بالكم من ايه وانتوا مين بقه
احنا مين دى يعنى كل اللى هنا اما وخدين بالنا من اهتمامك بيها وهروبها منك او بمعنى اصح هروبها من انها تبادلك حبك ليها
احم احم هو انا باين عليا اوى كده
شاهى بضحك : باين اوى اوى اوى بس يا حرام محتاج معجزة عشان الطرف التانى يعترف بالحب ده
تقصدى ايه يا شاهى تقصدى ان اروى بتبادلنى نفس المشاعر
ايوة طبعا
هى بتحب صورة رامى فيا مش اكتر
لا بتحبك وبقولك بثقه اروى بتحبك بس هى محتاجة شوية وقت عشان
تعترف لنفسها بكده والدليل هروبها من مقابلتك انهارده
طب وهى عرفت منين انى جاى
انا اللى قولت للكل بعد ما اتصلت بيا الحقيقة كنت عوزة اختبر هى حتتصرف ازاى لما تعرف انك جاى وطلع شكى فمحله
ياماما يا ماما
عوزة ايه فى ايه مالك زى اللى عضك كل ب
فانفجرت سلمى فى الضحك بعد ان كانت غاضبة للغاية
ايه يابت هو يتزعقى وتلمى علينا الناس يا تسخسخى على روحك من الضحك
اه ااه فكرتينى
فكرتك بأيه يا اخرة صبرى
أنا مش عوزة الواد امجد ده خلاص
بت ياسلمى اقلعى يابت شبكه الواد ده
سلمى بفزع : ليه يا ماما
عشان نرمهالوا فوشه ونخلص انا من يوم ما اتخطبتوا وانا ضغطى عالى
لالا مش ممكن اسيب مجودتى
أمجد : ولا انا اقدر ابعد عن لومى
امها بغضب : يبقه تتلموا انتوا الاتنين ومش كل ساعة والتانية تتخانقوا وتفرجوا الناس علينا
أمجد : تعالى تعالى يا لومى نقعد فى البلكونه احسن عشاان نشم هوا
سلمى : يلا بينا يا مجودتى
شاهى لراجى : ايه يا عم سرحت فايه
فسلمى وامجد
عقبالك يا خوي لما تبقه زيهم
ياااريت
ياريت ايه دول جننونا من يوم ما اتخطبوا دا انا بقيت حسه انى فحضانه مش فشغل كل شوية يتخانقوا ونخلص بينهم وياويلك لو اخدت صف واحد فيهم ضد التانى ينسوا خالص انهم بيتخانقوا ويتفقوا عليك
فانفجر راجى فى الضحك قائلا : بس مسلين والله
ايه يا اروى حتفضلى تتهربى منه كده
طب أعمل أيه بس
وفى اثناء حديثها لنفسها تفاجأت بجرس هاتفها فتناولته لتجد المتصل سناء والدة راجى
طنط سناء ازيك
ازيك انتى يا اروى عامله ايه يا حببتى
الحمد لله بخير
طب ممكن اتقل عليكى بطلب
انتى تأمرى يا طنط
طب لو فاضية بكرة الصبح ممكن تيجى تقعدى معايا شوية اصل عزة عندها مشوار وانتى عارفة ان راجى بيقضى يومه فالمستشفى وانا مش حبه اقعد لوحدى
بس كده خلاص بكرة حكون عندك
ربنا ما يحرمنى منك يا حببتى سلام
سلام
ايه يا سناء ناوية على ايه
ناوية اريح قلب ابنى يا عزة
مساء الخير يا سارة
مساء النور ياشاهى تعالى اقعدى
خير ليه صممتى اعدى عليكى قبل ما اروح الاتيليه
اصل فريد جالى انهارده
فريد ودا كان عاوزك فايه
هو مش عوزنى انا هو عوزك انتى
عوزنى انا ليه ان شاء الله
فريد فاق لنفسه وعرف انه غلط فى حقك
يسلاااام والمطلوب منى انا ايه دلوقتى اقوله عادى ولا يهمك حصل خير وكأنه داس على رجلى بالغلط مثلا
اهدى بس يا شاهى واسمعينى
اسمع ايه واهدى ازاى وانتى عارفة ادق تفاصيل اللى عمله فيا كصديقة وكمان كدكتورة معالجة ليا بفضل الاستاذ فريد واللى عمله فيا
اهلا يا اروى تعالى ادخلى يا حببتى
ازيك يا طنط سناء عاملة ايه واخبار صحتك ايه
انا الحمد لله بخير وبقيت احسن لما شوفتك
ربنا يخليك يا طنط
أروى انا مجبتكيش تقعدى معايا عشان عزة مش هنا
اروى متفاجأة : امال ايه الحكاية يا طنط
الحقيقة انا فى موضوع عوزة اتكلم فيه معاكى لوحدنا
موضوع ايه
من غير لف ولا دوران انا عوزاكى لراجى
نعم يعنى ايه مش فاهمه
مش فاهمه ايه انا عوزاكى تتجوزى راجى
انتى يا طنط اللى بتقولى كده
ايوة انا رامى الله يرحمه ابنى وراجى برضو ابنى
بس انا مقدرش انسى رامى
بس رامى مش نصيبك الحقيقى هو راجى
ايه بتقولى ايه ياطنط ايه الكلام ده
ايوة هى دى الحقيقة فاكرة لما راجى رجعلى وكان مش عوزنى ازعل من الست اللى حرمتنى منه فاكره انا قولتله ايه
ايوة وقتها قولتيله ان ده تدبير ربنا ويمكن لو مكنتش عملت كده كان ممكن راجى هو كمان يروح مع اللى راحه بس ده دخله ايه
انتى حبيتى رامى حب كبير لدرجة ان مر اكتر من سنه ومش قدره تنسيه او ترتبطى بغيره رغم ان اتقدم ليكى ناس كتير وفنفس الوقت ظهر راجى وحبك لو فكرتى فيها حتلاقى ان رامى الله يرحمه كان مجرد بيحجزك لراجى وبس
ورد ماجتيش الشغل ليه انهارده
انا صحيت لاقيت جواد سخن
طب وهو عامل ايه دلوقت
فقالت بدموع : الحرارة بتزيد وانا مش عارفة اعمل ايه وخايفة عليه اوى
طب بطلى عياط وما تقلقيش انا حتصرف
لم يمضى وقت طويل الى ان وجدت ورد جرس الباب يرن فذهبت لتفتح على الفور : شاهى كويس انك جيتى
جواد عامل ايه دلوقت
انتى عرفتى منين انه تعبان
مجد اتصل بيا وقالى اجيلك على ما يجيب الدكتور ويجى
فسمعا جرس الباب فقالت ورد : اكيد مجد
شاهى : لا دى اكيد البنات اصلى بلغتهم
بالفعل عندما فتحت ورد الباب وجدت سلمى واروى ونجلاء ومعهم ام سلمى وام اروى
وقبل ان تتفوه بكلمه قالت ام سلمى على الفور : هو فين جواد فانهى اوضة
ورد بدموع : تعالوا هو هنا
ام اروى : بتعيطى ليه بس دى حاجة بسيطة ان شاء الله ودلوقتى يبقه كويس
وما ان وصلت اليه ام سلمى وجسته حتى قالت براحة : ايه ده الواد زى الفل سخن حاجة بسيطة دى ما تستهلش حتى دكتور احنا ناخده تحت الدش بس شوية والحرارة دى حتنزل هوا يلا معايا يا ام اروى لحسن البنات دى مش حتعرف تعمل حاجة
ام اروى : هاتى اشيله ويلا بينا وقال عماله تعيط قال
نجلاء : خلاص بقه ياورد بطلى عياط
سلمى : يابنتى بدام امى وخالتى ادخلوا فالموضوع اتأكدى ان كل شىء حيبقه تمام
ورد بدموع : يارب يا سلمى يارب
ام سلمى : هاتى هدوم لجواد يا ورد
اسرعت باعطائها الملابس وهى تقول بلهفه : ها يا طنط عامل ايه دلوقت
يابنتى ما تخافيش والله زى الفل روخى انتى بس اعمليله حاجة دافية
حاضر
اروى خليكى انتى انا خروح اعملها ارتاحى انتى
وما ان خرجت من الحجرة حتى سمعت جرس الباب ففتحت لتجد راجى امامها فبهت وجههت ولم تدرى كيف تتصرف او ماذا تقول فقال هو بهدوء : ازيك يا اروى
فلم تجب بشىء وظلت تنظر له وفقط
فأزاحه مجد من امامه قائلا : ايه انت جاى تقف ع الباب ولا ايه
ثم وجه كلامه لاروى : هو فين جواد يا اروى
فنتبهت على صوت مجد فقالت مرتبكه : هو هو جوه اتفضلوا
فدخل مجد وخلفه راجى متوجهين للغرفة التى سمعوا بها اصوات الجميع
راجى : مساء الخير يا جماعة ممكن اشوف جواد
الجميع مساء النور
ام سلمى : اتفضل يا دكتور تعالى شوفو
وما ان جلس بجواره وجسه ثم اخرج سماعته واجرى الكشف عليه قال مبتسما : لا بقه انتوا عوزين تتعبونى وخلاص
ام سلمى : الواد كويس صح يا دكتور انا قولتلها كده
راجى : ايوة جو بخير الحمد لله وحررته ثونى وحتتظبط بعد الدش اللى واضح عليه ده
ام اروى : ايوة احنا دخلناه شوية تحت الدش
راجى مبتسما : خبرة الامهات تغلب طبعا
ايه القماش ده يا شاهى احنا مش خلااص خلصنا كل التصميمات
لا يا ست سلمى : وانتوا بتمتحنوا جاتنى فكرة تحفة تخلى الديفيليه متكامل من كله
نجلاء : فكرة ايه
شاهى : شوفوا التصميمات دى
اروى بفرح : ايه الجمال ده دى تصميمات فساتين زفاف تحفة ياشاهى
ايوة وبكده يبقه الكولكشن كله كمل
نجلاء : دى فكرة مدهشه
شاهى : يلا يا اروى انتى وورد عشان اخد مقاستكم
اروى : ليه
ورد : ايوة ليه
شاهى : ايه ده هو انا مقولتلكمش
ورد واروى : لا ماقولتيش
شاهى : سلمى ونجلاء حيعرضوا لبس البدينات ام انتى وورد حتعرضوا الباقى احنا مش اتفقنا مش حندخل حد غريب
ورد : بس
سلمى بمرح : طب والنعمه فكرة زى الفل وانا موافقة
اروى : ايه ايه وانتى توافقى ولا ترفضى عننا بمناسبة ايه
سلمى : والله فكرة حلوة يا اروى وفقى وفقى وانتى يا ورد دا انتوا حتبقوا احلى مزتين عليا النعمه
فانفجر الجميع فالضحك
شاهى : حلو ضحكتوا يبقه توكلنا على الله تعالوا اما اخد مقاستكم
استاذ امجد اتاخرت ليه
فى ايه ياورد
استاذ مجد عمال يسأل عليك من بدرى
ليه خير
ادخله بسرعة وانت تعرف
اخيرا وصلتى يا هانم
فأجابت وهى تتهاوى على اول مقعد : مساء الخير ياا جماعة
فرد الجميع : مساء النور
شاهى بشك : ايه يا ورد مابك جواد تعب تانى ولا ايه
ورد لا جواد كويس
سلمى : امال مالك يابنتى لونك مخطوف كده ليه
ورد مصيبة مصيبة كبيرة
- يتبع الفصل التالي اضغط على ( رواية حكايا ) اسم الرواية