رواية القاسي العنيد كاملة بقلم وحيدة كالقمر عبر مدونة دليل الروايات
رواية القاسي العنيد الفصل الواحد و العشرون 21
آسر بأستفزاز : ما ده من رحمه ربنا انك نسخه وحده …الكوكب مش هيستحمل اتنين
ساره بغضب طفولي : بقي كده يا آسر …ماااشي
ضحك الجميع عليهم ثم فجاءة رن هاتف ساره نظرت له بأستغراب : ايه ده ندي
ياسين بلهفه لاحظها الجميع : طيب ردي شوفي في ايه
ساره : الووو ايوه يا ندي
ندي : الحقي يا ساره كارثه انا متقدملي عريس وبابا مصمم اني اشوفه
نظرت ساره لياسين بخبث ثم أجابت : طيب تمام يا حببيتي الف مبروووك
ندي : مبروك علي ايه يا ساره انتي اتهبلتي
ساره : تمام يا حببيتي ايه المانع شوفيه
ندي بغيظ : مالك يا ساره ..ما انتي عارفه اني بتنيل بحب ياسين
ساره وهي تحاول كتم ضحكتها : ماشي يا حببيتي هكلمك تاني سلام …ثم انهت المكالمه قبل ان تعطيها فرصه للرد وأكملت الطعام بهدوء وهي تنتظر سؤال ياسين
ياسين : في ايه يا ساره …مبروك علي ايه
ساره : متقدم لها عريس
ياسين بصدمه : متقدم لها ايه يا أختي
ساره ببراءة مصتنعه : عريس يا ياسين ….مالك
ياسين بغضب : مفيش ……ثم تركهم وغادر
مرفت بقلق : فيه ايه يا ساره
ساره مطمئنه : مفيش يا ماما ……ثم خرجت وراء ياسين وجدته يجلس في الحديقه ويضع وجهه بين كفيه
ساره : بتحبها
انتبه ياسين ونظر لها بحزن :حتي لو …… ما خلاص ضاعت
ساره بأبتسامه : لا لسه الموضوع في أيدك لو اتقدمتلها دلوقت هتوافق لانها هي كمان بتحبك
ياسين بأمل : بجد
ساره : طبعا ….فرح ياسين جدا وكان علي وشك ان يضمها ولكن اوقفه آسر الذي كان يتابعهم من بعيد
آسر بمرح : ايه ياعم اتلم انا بغير …..ضحك ياسين بمرح ياسين بسعاده : انا هروح اقول للحج واتقدملها بكره …بجد شكرا يا ساره انتي احسن اخت في الدنيا انا بحبك اووي
آسر بغيره : انت شكلك عاوز تتضرب النهارده
ياسين : لا يا عم شكرا اروح للناس مضروب …طيب استني لم اتجوز
ضحك آسر وساره عليه ثم غادر ليخبر عزالدين ومرفت «««««««««««»»»»»»»»»»»»
اما عند آسر وساره
آسر : انتي ازاي كده
ساره بعدم فهم : كده ازاي يعني
آسر : عندك قدره انك تسعدي اي حد وتقدمي المساعده لكل الناس بدون مقابل
ساره بأبتسامه : عادي يعني …مش لازم كل حاجه تبقي بمقابل
آسر : بحبك
خجلت ساره كثيرا وحمرت وجنتها ولكنها كانت سعيده جدا
ساره بخجل : هاااا انا هروح انام ….ورحلت سريعا ضحك آسر علي خجلها وصعد ورائها وجدها تخرج من الحمام وترتدي (بيجامه برموده يوجد عليها رسومات طفوليه وصففت شعرها زيل حصان فكان مظهرها طفولي جدا )
آسر : هتنامي دلوقت
ساره : ايوه
آسر : طيب انا مش عاوز انام وانتي كمان مش هتنامي ……يالا نسمع التلفزيون …….ولم يمهلها فرصه للرد وسحبها وخرج من الغرفه
ساره : استنى بس يا آسر …انا عاوزه انام
لم يرد عليها آسر بل جلس واجلسها بجانبه علي الاريكه
آسر بعند : لا …واتهدي بقي واسمعي وانتي ساكته
وجلسوا يشاهدون التلفاز بهدوء حتي شعر آسر بأن هناك شئ ما علي كتفه فنظر بجانبه وجد ساره نائمه ابتسم بهدوء ثم وضع احد زراعيه اسفل رأسها والاخره اسفل ركبتيها وحملها ووضعها علي السرير بلطف واستلقي بجانبها وأخذها في احضانه
»»»»»»»»»»»»»»
في مكان آخر تجتمع فيه الافاعي
……. : كل حاجه جاهزه وهنبدء التنفيذ من بكره
……….. :احنا ليه استنينا لحد دلوقت
……….. : لان الاول مكنش بيحبها ……ومش هتفرق معاه ….اما دلوقت هدمره ثم ضحكا بشر
ياتري مين دول وعاوزين ايه ؟؟؟؟؟
- يتبع الفصل التالي اضغط على ( رواية القاسي العنيد ) اسم الرواية