رواية احببت حبك لي كاملة بقلم ريهام رفاعي عبر مدونة دليل الروايات
رواية احببت حبك لي الجزء (2) الفصل الثاني 2
خالد دخل الاوضه لقاها نايمه علي السرير وعماله تعيط راح قعد جنبها و قرب منها
خالد : ريم انا اسف والله انتي عارفه اني مبطقش الواد ده و مقدرتش استوعب كلامه و الله العظيم مقصدش اني اشك فيكي والله انا بس كنت بسالك انتي بتكلميه ولا لا هو ده كل الموضوع
ريم مش عايزه ترد عليه خالص
خالد : طب شوفي انتي عايزه ايه طيب وانا هعملهولك والله بس رودي
ريم بعياط : خالد ممكن تسيبني لوحدي دلوقتي
خالد حضنها من ضهرها
خالد: لا ماهو انا مش هسيبك انسي
ريم : خالد سيبني ف حاااالي دلوقتي لوسمحت
خالد : خلاص خلاص سيبيني جنبك ومش هتكلم ولا اقول حاجه
ريم : خااالد
خالد :خلاص بقي وربنا انا حمار وستين حمار ياستي ممكن تسامحيني بقي
ريم : طب سيبني طيب ههدي وهبقي اسامحك
خالد : مخلاص ياحبيبي وقومي ناكل بقي بدل النكد ده ، ايه رايك اطلبلك من الشاورما الي بتحبها
ريم : طب وحيات امك سيبني دلوقتي
خالد : طب وحيات امي ما هسيبك بقي وانتي حرة
قعد يزغزغ فيها وهي عماله تضحك
ريم بضحك : خلاااص خلااااص والنبي خلاص
خالد : قولي سامحتك الاول
ريم : سامحتك ياعم خلاص
خالد: خلاص برائه
ريم : بس قسما بالله ياخالد لو الحوار ده اتكرر تاني
خالد : هتعملي ايه ياحبيبت قلبي
ريم : هسيبلك البيت و امشي ومش هرجع تاني بجد
خالد : ينهار اسوح واعيش من غيرك
ريم : اه
خالد : لا لا مش هيتكرر تاني متقلقش، وبعدين هو انتي هتقدري تعيشي من غير خلوده حبيبك برضه
ريم : هي هتبقي صعبه شويه بس هقدر عليها اه لو كررت الموضوع ده تاني
خالد : خلاص بقي قولتلك مش هيتكرر
ريم : تمام
نروح نشوف زياد ونور
زياد قاعد ف اوضته و نور قاعده ف اوضتها
نور : لا خلاص مش قادرة انا هقوم اشوف اي حاجه تتاكل
خرجت من اوضتها وراحت المطبخ و فتحت التلاجه و نزلت وعماله تدور علي اي حاجه تاكلها
نور : ايه التلاجه الي مفهاش حاجه تتاكل ديه طبعا ما الحمار الي جوا ده عايش علي الاكل الي من برا بس
طلعت وقفلت باب التلاجه وجت تخرج لقت زياد واقف علي باب المطبخ ومربع ايده
نور جت تمشي بسرعه وتعدي من جنبه مسكها من دراعها
نور بعياط: سيب دراعي لوسمحت
زياد : يابنتي هو انا كل ما المسك بس تقومي معيطه
نور : ما هو انت اكيد هتزعقلي او هتضربني دلوقتي
زياد: ياست وربنا ما هعمل حاجه
نور : يعني انت مسمعتنيش
زياد : لا سمعتك بس هعديها بمزاجي
نور : طب انا اسفه عمتا مقصدش ، ممكن تسيبني اخش اوضتي بقي
زياد : يابنتي هو انتي مش جعانه
نور : لا
زياد : ياسلام اومال مين الي كانت غطسانه جوا التلاجه بتدور علي حاجه تاكلها
نور : يعني بصراحه جعانه شويه
زياد: طب ياستي اطلبلك ايه طيب
نور : اي حاجه مش هتفرق معايا بجد انا جعانه اوي حاليا وممكن اكل اي حاجه
زياد : هاكلك حاضر اهدي ، اعوذ بالله اومال فين البت الرقيقه الي كانت عماله تعيط ديه من شويه
نور : انا لما بجوع مبشوفش قدامي
زياد : طبعا اتفضلي
نور : هو انت طيب ولا شرير ولا بتتحول بليل انا مش فاهمه حاجه
زياد : مبدئيا انا اسف عشان الي عملته معاكي الصبح
بس انا كنت متعصب عشان ف لحظه لقيت نفسي انا وعيلتي متورطين ف حوار ملناش دعوه بيه
نور : حوار ايه مش فاهمه حاجه
زياد : انا هحكيلك بس وعد متقوليش لحد حاجه تمام ، ولا لا خلاص لا
نور : ياعم قول بقي متقلقش
زياد بزعيق : لاااااا كلي وبعدين خشي نامي
سابها ودخل علي اوضته وهي قاعده مستغربه التحول المفاجيء ده
- يتبع الفصل التالي اضغط على ( رواية احببت حبك لي ) اسم الرواية