Ads by Google X

رواية خادمة الصقر الجزء (2) الفصل الثاني و العشرون 22 - بقلم يوستينا سامي

الصفحة الرئيسية

  رواية خادمة الصقر كاملة بقلم يوستينا سامي عبر مدونة دليل الروايات 


رواية خادمة الصقر الجزء (2) الفصل الثاني و العشرون 22

  و فاجأه سمعوا صوت يزن و هو بيقول بحده/ تروح معاك فين يا بن …🤬 مين ده يا لارا
و بيقرب يزن من عاصي و بيمسكه من الجاكت بتاعه
و عاصي بيزقه و كانت هتقوم خناقة جامدة لولا ان لارا وقفت في النص بينهم
لارا بدموع/ والنبي لا سيبه يا يزن وحياتي انت متعرفش اللي فيها
يزن شدها من ايديها واتكلم بعصبية وقال / اللي فيها ايه ده انا هكسر عضمك و هخلي ابوكي يحبسك في البيت
عاصي زق يزن بعنف و شد لارا لحضنه / اقسملك بالله قبل ما ايديك تترفع حتي عليها هكون كاسرهالك
لارا بدموع/ يا جماعة بس والنبي مش كدة لو الحرس سمعونا هتبقي مصيبة ..
ولفت لارا لعاصي و حطت ايديها علي وشه / عاصي امشي انت بالله عليك وانا هكلمك و افهمك بعدين
يزن / تكلمي مين يا بنت الكلب انتي .. و بعدين هو ده عاصي السيوفي ده لو ابوكي شافه هيعلقوا كدة
من قفاه قدام باب الشقة و مش بعيد يعمله جرس كمان
عاصي بعصبية/ وحياه امك ليه فاكرني عيل فافي شبهك ولا ايه …ده انا عاصي السيوفي و أسأل عني لو مش عارفني و بعدين هو انا يلا مش قولتلك متلمساش ولا تطول لسانك عليها انت غبي مش بتفهم
لارا بزعيق/ يا عاصي ابوس ايدك كفاية كدة امشي وانا هكلمك
عاصي بغيره / عايزاني امشي واسيبك معاه لوحدك
يزن ضحك بتريقة/ يا واد يا حبيب اوي .. اي خايف عليها مني ولا عايز تثبتلها ان راجل
عاصي / انا راجل غصب عنك انت و اهلك كلهم
لارا بعياط بصت ليزن / يزن بالله عليك كفاية خناق بابا لو شاف عاصي هيموته .. وحياتي عندك تمشي علشان خاطري
عاصي بغيظ / انتي بتتحايلي ليه عليه انتي عايزة تجننيني يا لارا .. تعاالي معايا و يولع هو و غيره
يزن / اللهم طولك يا روح.. ياض هتحول عليك ياض انت متعرفنيش انا غبي. وايدي طارشة
وبص يزن للارا و لقاها منهارة و ماسكة ايد عاصي بخوف و قالها/ طيب خليه يمشي و حصليني يا لارا انا طالع البيت عندكم يلااا
و بعد عنهم يزن شوية و لارا بصت لعاصي و قالتله
بخوف/ لو بتحبني بجد .. امشي انا خايفة عليك
عاصي / انا عايزك معايا انا مش هستحمل البعد ده صدقيني يا لارا انا بحبك و عايزك في الحلال
لارا / وانا كمان .. بس مش انا يا عاصي اللي تكسر ضهر ابوها بعد العمر ده كله ، بعد اذنك امشي و بعدين هنتكلم .
و اقنعته انه يمشي و راحت ليزن اللي كانت نظراته عباره عن الف استفسار و قالها/ مش هتكلم في الموضوع ده دلوقتي لاني شايف حالتك ازاي بس احنا بينا قاعدة يا لارا.. يلا اطلعي قدامي
في بيت عساف طلع يزن هو و لارا و فضل يستني عساف لحد ما جيه
________________________________________________
في البلكونة 👏
عساف اول ما دخل و شافه رفع حاجبه بستغراب
عساف بحده / لو جاي علشان تبات عندي فريح نفسك
و امشي لان ابوك لو عرف مش بعيد يقاطعني فيها يا فالح
يزن ضحك / لا انا عارف انه قالب عليا و عمره ما هيسامحني بسهولة ابدا و بعدين ربنا يخليلي المكتب هبات فيه مش حوار يعني
عساف/ والله .. و اي اللي جابك بقي طلاما عندك حلول لكل المشاكل يا جدع يا محترم يا اللي بتدخل البوليس بيت ابوك
يزن / وحياه ابوك يا عساف بلاش تانيب انا مش ناقص .. انا جاي عايز اعرف مين يوسف ده و ليه كريم بيكره جابر جدي بالطريقة دي
عساف اول ما سمع اسم يوسف اتصدم و كان الايام بتعيد نفسها و شريط حياته و ذكرياته مرت قدام عينيه و سرح يزن لاحظ رياكشن عساف و حط ايده علي كتفه و قاله بقلق
يزن / للدرجة دي يوسف كان قريب منك كدة .. طب ليه بتكرهوه
عساف بوجع خبط علي السور بتاع البلكونة بتعب/ انا عمري ما كرهته .. عمري برغم كل اللي حصل واحنا صغيرين و انه ….
و سكت و قال بوجع / اقصد اني مسامحه و عمري ما زعلت منه و لا كرهتوا .. انت ايه اللي مخليك تيجي تسالني عنه بعد العمر ده كله
يزن بغيظ / عايز اعرف مين الشخص اللي ابويا رافض اني اكون شبه و دايما بيشبهني بيه بس مكنتش اعرف انك بتحبه اوي كدة .. عساف والنبي قولي مين يوسف ده انا فضولي مموتني
عساف بوجع/ امشي يا يزن .. روح اسال اي حد غيري انا مش ناقصك
و خرج عساف من البلكونة و يزن فضل واقف محتار و مضايق من كتر التفكير و بدا يحس ان يوسف ده وراه سر كبير و فاجاه لقه نغم حطت ايديها علي كتفه
نغم / يا يزن بلاش تقلب في دفاتر قديمة علشان انت اللي هتتعب و هتتعب كل اللي حواليك
يزن / ليه ابويا بيشبهني بيه .. هو يوسف ده كان شيطان اوي كدة
نغم رفعت حاجبها بهزار و قالتله / يعني انت عارف نفسك ياض يا يزن .. عارف انك زفت و شيطان مش كدة
يزن حط ايده علي وشه بتعب و قال / هي اللي حولتني كدة ضحكت عليا يا نغم و فضلت في بيتي و هي مخبية عني حقيقتها كنت قربت ..
و سكت يزن و مقدرش يكمل الجملة و نغم ابتسمت و قالتله / قربت تحبها مش كدة .. شوف هو انا قابلتها مره واحدة بس ساعة لما جيت هنا غضبانة من خالد بس من كلام ياسمين عنها هي تتحب
يزن اتوتر جدا و خرج من الشقة و مشي و قرر يروح المكتب يبات فيه .
________________________________________________
في المكتب
يزن قاعد مضايق و بيفكر في كلامها واتفاجاه بالواء حمدي داخل و ملامحه متبشرش بالخير .
اللواء / انت بتعمل ايه هنا.. عندك شغل
يزن باحترام / احم ايوا يا فندم شغال علي قضية خيري و ..
اللواء قاطع يزن و قاله بحده / لا القضية دي خلاص انساها و اعتبرها اتسحبت منك و ميرا طلاما اخدت اقوالها يبقي مافيش لازمة لحبسها ولا ايه
يزن اتصدم و عرف ان تقريبا ورقه اتكشف و كان ده جزاته ان القضية تتسحب منه بعد تعبه عليها كل الشهور اللي فاتت
يزن بحزن / ايوا يا فندم بس القضية دي انا شغال عليها بقالي شهور انا و كل رجالتي و ..
اللواء بحده / حلو جدا و فشلت فيها علشان كدة هتتسحب منك و صدقتي لولا غلاوتك عندي و كفائتك اللي شفعتلك عندي .. كنت اتخذت معاك اجراء اشد يا يزن .. ياريت تنفذ التعليمات حالا و تمشي البت اللي انت حابسها دي
و خرج اللواء من المكتب و يزن فضل واقف مصدوم في مكانه مش بس علشان القضية اتسحبت منه لا علشان مكانته اللي اتهزت قدام اللواء و زمايله
يزن قعد علي المكتب بحزن/ و ادي القضية راحت و ميرا كمان هتمشي .. ماشي يا كريم اكيد انت اللي عملت كدة
و كلم يزن الشاويش و امره انه يخرج ميرا من الحبس و بعد دقايق ميرا كانت واقفة قدامه بهدومها الجديدة اللي يزن جابهالها بعد اللي حصلها و امر ان مافيش مخلوق يقرب منها
يزن كان بيبصلها بتركيز و كانه بيحفظ ملامحها جوا قلبه و دماغه لانه عارف ان دي هتبقي اخر مره يشوفها فيها و قالها / النهاردة اخر يوم ليكي هنا لكن مش هتبقي اخر مره تشوفيني فيها … انا هطلعلك في كوابيسك و هفضل وراكي
ميرا قاطعته في الكلام/ ليه كل الكره اللي في عينك ده
انا عمري ماذيتك
يزن ضحك بتريقة / ايوة طبعا .. ده لولا انك دخلتي في حياتي مكنتش القضية اتسحبت مني و لا حصل كل ده معايا
ميرا بحزن حطت ايديها علي بقها بصدمة / معقول لا انا عمري ما فكرت اني اذيك خدي معاك وانا هشهد في صفك …يزن انا بحبك اوي
يزن بوجع / وانا بكرهك و بكره اليوم اللي شوفتك فيه و صدقت انك مظلومة و جبتك بيتي و اخرتها انتي تكسريني .. انتي اه خارجة من هنا غصب عني لكن وشرف امي لادخلك هنا تاني انتي و حبيب القلب و ساعتها ابقي قابليني لو خرجتي غوري اطلعي براااا … برااااا
ميرا عيطت بوجع /حاضر يا يزن انا همشي و الله اعلم هعيش لحد ما اشوفك تاني ولا لاء .. انا عارفة اني ماليش غلاوة عندك بس وحياه كريم و ياسمين عندك ما تكرهني كدة
و خرجت ميرا من المكتب و كانت عارفة ان اللي هيقابلها مش خير أبدت و يزن قعد علي الكرسي بغيظ
و قال لنفسه / تغور في داهية و لا تفرق معايا
________________________________________________
في المقابر 😭
كان قاعد ادهم جمب قبر والده وولدته
و نايم بعمق .. قرب عم سعيد و بدا يصحيه بهدوء
سعيد/ يا ادهم بيه.. يا ادهم باشا.. قوم يا ابني كفياك نوم هنا .. انت بقالك يومين قاعد جمبهم الدنيا برد عليك
ادهم قام من علي الارض و كانت هدومه كلها تراب و متبهدله و قال بتعب / مشيوا و سابوني لوحدي اه والله جابوني الدنيا دي لوحدي و سابوني فيها برضو لوحدي
سعيد / يا بني ماتقولش كدة و احمد ربنا …
ادهم بدموع / احمد ربنا .. حاضر يا عم سعيد
الحمدلله على نعمة الاهل اللي ماتوا
الحمدلله علي نعمة الاخوات اللي معنديش
الحمدلله علي نعمة الاهل و الاخوات اللي مفكروش يسألوا حتي عليا .. كل واحد مهتم بحياته
فرد ادهم نفسه علي الارض بتعب و قال/ عارف نفسي اغمض عيني و افتحها والاقي نفسي روحتلهم اه والله نفسي
و غمض ادهم عيونه و مثل النوم و قام عم سعيد من جمبه
و ادهم بدا يعيط زي الطفل الصغير لوحده
* عارفة ان في كتير مضايقين من ادهم بس بجد ده اكتر شخص يستحق التعاطف هو و اي حد بلا سند*
_______________________________________________
في الشارع 😉
ميرا كانت واقفة في الشارع قلقانة و مش عارفة تروح فين و حصلت اللي كانت متوقعاه … امها و جوز أمها قدامها جايين علشان ياخدوها بعد ما هربت منهم بس المره دي بقي معندهاش حد تلجاله
ميرا اول ما شافتهم بيقربوا ناحيتها عيونها خانتها و دمعت
و كانها بتفكرها بذكريات بشعة عاشتها وسطهم
ميرا في نفسها / لو ما روحتش معاهم .. هترمي في الشارع
امها قربت منها مسكتها من هدومها / اخيرا لقيتك
كنتي فاكره اني هسيبك عنده مش كدة يا …
جوزها عادل / مش وقت الكلام ده يا ليلي .. احنا قدام القسم هاتيها البيت و هناك هنتحاسب
و شدتها امها و ركبتها العربية و كانت ميرا مستسلمة ليهم تماما و كانت بتفكر اي ممكن يكون مستنيها
و عدي اليوم و يزن كان بايت في القسم لكن قلبه موجوع و متوتر ان ميرا مش جمبه .
____________________________________________
و عدي يومين و الوضع هادي لحد كبير
في الجامعة 😲
معاذ دخل المحاضره بتاعته و اتفاجاه بنسمة و فهد موجودين فرح اوي و بدا يشرح و فهد كان مركز معاه و مستوعب كل الكلام اللي بيقوله و كان ماسك ايد نسمة علشان يطمنها من نظرات اللي حواليهم
معاذ في اخر المحاضره/ بس كدة انا حليت معاكم اهم الاجزاء و خلصنا شابتر 4 لو حد عنده اي استفسار ياريت يتفضل
بنت اسمها خلود رفعت ايديها و قالت / معلش يا دكتور كنت بس عايزة اسال لو في واحدة معرفتش تحضر المحاضرات اللي فاتت تعوضها ازاي . صدقني هي كان عندها مشكلة كبيره
و بصت لنسمة بتريقة / مشكلة قلبت الرأي العام كله
فهد في اللحظة دي قام بكل غل و بصلها / وحياه امك .. ما تتظبطي يا بت بدل ما اجيبك من البروكة دي و تباني علي حقيقتك
كل الي كان موجود قعدوا يضحكوا جامد و عمر كان حزين علي نسمة و علي اللي بيتقال عليها
خلود بعصبية / والله انت فاكر كدة ان دمك خفيف اوي .. وبعدين انا موجهتش ليك كلام انا بقول واحدة صحبتي … اي واخد الكلام علي نفسك ليه يا فهودة
فهد كان لسه هيروحلها علشان يتخانق معاها لكن لا صوت معاذ اللي سمع اللي الموجودين/ انت و هي اطلعوا برا حالا .. و اللي حصل ده مش هيعدي بسهولة
فهد / ايوة بس
معاذ اتكلم بحده و كان صقر هو اللي بيتكلم و قال / مش عايز اسمع كلمة من اي حد فيكم ، و يكون في علمكم انتوا الاتنين مش هتحضروا ليا اي محاضرات حتي بعد الميد ترم .. برااااا
فهد بص لنسمة علشان يطمنها و خرج برا و خلود حصلته و معاذ انهي المحاضره و خرج علشان يلحق فهد قبل ما يحصل مجزره
_______________________________________________
في الجامعة 😲
فهد ماسك خلود من ايديها بعصبية / فاكراني هسيبك صح ده انتي يومك انتي و اهلك اسود
خلود بغيره / سيب ايدي يا فهد.. معقول بتعمل كل ده علشان البت اللي اسمها نسمة و بعدين ما الجامعة كلها اللي فيها و اللي انت عملته معاها
فهد ضربها بالقلم جامد و قالها بعصبية / دي مراتي يا بنت الكـ*لب و حياه امي ما هسيبك
معاذ شد فهد ناحيته و بعد بيه عن خلود اللي كانت بتعيط من قلم فهد
علي جنب
معاذ/ خلاص فضحت نفسك و فضحت مراتك اسكت بقي و اتلم احنا مش ناقصين فضايح يا ابنى
فهد بعصبية / هو انا عملت حاجة دلوقتي . ما هي اللي بتلقح كلام عليها و لا انت اعمي
بقولك اي يا معاذ انا اللي اجبرت نسمة انها تيجي يبقي واجبي اني احميها من اي حد زبالة ابن …
معاذ حط ايده علي بوق فهد / ما بس بقي فضايح اي ده بتعامل مع عيل في حضانه .. اعقل مش كدة
المفروض تتصرف بحكمة و عقل علشان نسمة مش علشانك
و حاول معاذ يهدي فهد لكنه كان متعصب اوي و كل صحابه خايفين حتي يقربه منه .
في المدرج كانت نسمة قاعدة و مخرجتش برا لانها كانت خايفة تواجهم و ساندة راسها علي البج و بتعيط في صمت و رفعت راسها اول ما حست بحد بيحط ايده علي راسها
نسمة بصدمة / عمر … خير ايه اللي جابك هنا
عمر ابتسم بحب / انتي يا نسمة شايفك طول المحاضره قاعدة جمبه كنت هتجنن
نسمة بعياط / لو جاي تقولي زي زمان انك بتحبني و الكلام ده فخلاص مبقاش ينفع انا متجوزة و كمان اديك شوفت بعينيك فضيحتي
عمر حط ايده علي بقها بسرعة / اوعي تقولي كدة انا عارف ان هو عمل فيكي كده و انتوا مش متجوزين
و انتوا اتجوزتوا بس علشان كلام الناس
نسمة حطت ايديها علي وشها وفضلت تعيط جامد و عمر قالها / انا عايز اتجوزك .. اطلقي منه هو ميستهلكيش .. انا اللي بحبك اوي صدقيني
نسمة بحزن / مينفعش .. صدقني مينفعش يا عمر
انا خلاص ضعت و بقي هو ملجئي الوحيد و …
عمر قاطعها في الكلام/ لا هو مش هياخد باله منك انا اللي هحميكي .. اوعي تنسي ان هو السبب في كل اللي حصلك ده و هو اللي اذاكي
فهد دخل بعد ما كان سامع اغلب الحوار / اه وانت هتحميها من جوزها ازاي بقي يا اخ عمر
نسمة وطت راسها بخجل من فهد و عمر قام وقف قدامه بثقة وقاله/ لا ما هي هتتطلق ولا انت فاكرها هتعيش مع واحد خسيس زيك .. انا مش فاهم انت جبتها الجامعة ليه اساسا .. علشان تشوفهم بيهنوها قدام عينيك مش كدة
فهد ضربه بالبوكس في وشه / لا علشان اشوفك و اعلم عليك زي كل مره يا عمر
و بدا يضرب فيه بعنف و عمر بيدافع عن نفسه بصعوبه
فهد بغل و هو قاعد فوقه و بيضربه ضربات متتالية في وشه / بقي انت جاي تخطف مراه فهد الحديدي و فاكرني هسيبك حي
و بعد فتره صحابهم قدروا يبعدوهم عن بعض و فهد اخد نسمة من ايديها و مشي بيها و هو في قمة غضبه و طلع علي بيت عساف …
في بيت عساف 💪
نغم فتحتله الباب و اتفاجات بشكل ابنها اللي ميبشرش بالخير و نسمة اللي بتعيط بنهيار
نغم / واد يا فهد ماسكها كدة ليه يلااا .. نزل ايديك كدة عنها
فهد / نغم والنبي تستني شوية مش وقتك خالص
نغم بصدمة/ ولاا انا امك ياض اتكلم معايا عدل
و بعدين مالك متعصب ليه كدة
فهد / انا عايز اشوف عساف عايزه في موضوع مهم
همس خرجت من المطبخ / طيب يا حبيبي اهدي عساف لسه نايم في الاوضة و هيصحي
فهد مستنهاش تكمل كلامها و سابهم و دخل اوضة عساف منغير ما يخبط و نط علي سرير عساف لدرجة انه قام مفزوع
عساف بخضة / اي ده في ايه ياض .. اي الي جابك هنا دلوقتي و ازاي تخش كدة عليا
فهد / والنبي سيبك من كل المظاهر دي انا عايز التحقيقات اللي تمت مع اسامة
عساف و هو بيدعك عينيه بيحاول يفوق / اسامة مين يا فهد علي الصبح
فهد مسك وش عساف ناحيته/ لا ركز معايا كدة و فوق بعد اذنك
اسامة اللي يزن جابه اللي صور الفيديو .. ها افتكرت
عساف/ اهاااا ماله ده محبوس دلوقتي.. و بعدين هو سلم الفيديو خلاص و مش معاه اي نسخة تانية
انت قلقان من ايه
فهد / لا قلقان اسامة ليه هياذيني من نفسه كدة .. هو معترفش ان اي حد حرضه علي كدة يا عساف
عساف / يا ابني لا . هو كل اللي قاله ليا و متكتبش في المحضر ان هو اللي حطلك المنشطات في العصير و صور الفيديو من نفسه منغير ما حد يطلب منه حاجة … بس طبعا اللي اتكتب في المحضر انه صور الفيديو بسس
فهد / ايوة فاهم .. بس الواد ده كداب انا واثق ان حد زقه عليا و هعرف مين اللي عمل كدة و قريب
وبص لعساف و قرب باسه من خده / حبيبي كمل نوم انت معلش علي الازعاج
و خرج فهد من الاوضة و عساف قال بحسره / الله يخربيت مجايبك يا خالد انت و نغم مخلفين قرد
و كمل عساف نوم و خرج فهد من الاوضة و شاف نسمة حاضنه نغم و بتعيط
فهد قرب منها بهدوء ولا كان في حاجة حصلت / حبيبي بيعيط ليه كدة .. هو في حاجة حصلت لكل الدموع دي
نغم رفعت حاجبها بستغراب / وحياه امك . هو انت قلاب زي ابوك البت بتقولي انك طول الطريق متعصب و بتزعق و جاي دلوقتث تقلب قطة
فهد قرب و باس نسمة من رأسها / انا اتعصب علي البسكوتة بتاعتي … طب ده كلام برضو
همس بصدمة / لا ابنك ده بجد لا يطاق .. انا داخلة المطبخ جاتكوا الهم
نغم / خديني معاكي يا همس .. احسن انا محلتيش الا مرارة واحدة و اتشالت من 10 سنين.
و قامت نغم و همس المطبخ و في نفس الثانية فهد شد نسمة من شعرها / ده انتي يومك اسود معايا و حياه امك لعلقك من رجليكي ..
و فاجاه دخل يزن الشقة و هو متعصب اوي بيزعق 👿
google-playkhamsatmostaqltradent