رواية الاسطى سارة (كاملة جميع الفصول) حصريا عبر دليل الروايات بقلم فاطمه عادل
رواية الاسطا سارة الفصل الثامن عشر 18
يوسف وقف بالعربيه والعسكري وقف ادامه وبيبص شاف جميله
العسكرى نده للظابط: ياباشا لو سمحت تعالى شويه
راح الظابط واول ماشاف جميله
الظابط طلع سلا|حه ورفعه فى وش يوسف
يوسف : هو فى ايه حضرتك
الظابط : انزل من العربيه وارفع ايدك لفوق
جميله : طب حضرتك فهمنا فى ايه
الظابط: بقولك انزل من العربيه وارفع ايدك لفوق ، ولا نفس
نزل يوسف وهو رافع أيده لفوق
الظابط : مش انت جميله السيوفى ، اخت تميم باشا السيوفى
جميله فهمت اللى فيها : ايوة انا ، وعلى فكرة هو ملهوش اى علاقه باللى انت قصدك عليه
يوسف : ياباشا انا عايزة افهم حضرتك عايز منى ايه
الظابط : انت متهم بخ|طف الانسه جميله السيوفى
يوسف : خط|فها !!؟، انا اصلا اللى مهربها
الظابط: الكلام ده تقوله فى القسم ، مش انا اللى هقولك براءة ويلا امشى ادامى وانت رافع ايدك
يوسف: انا مش هسيبها هنا ، مش هسيبها لوحدها وامشى
الظابط : متخافش اوى ياحنين ، اخوها فى الطريق لأننا كلمناه
جميله: طب هو فى الطريق سيبه لما يجى وانا هكلمه ،ارجوك سيبه
يوسف : متعيطيش ياجميله ، أن شاء الله مش هيحصل حاجه ، انا مظلوم وانتِ عارفه وربنا شاهد
جميله : متقلقش ، أنا مش هسيبك ابدا ، وهفضل ورا اخويا لحد ماتخرج
الظابط : اتحرك ادامى
مشى الظابط بيوسف وجميله قاعده على كرسى تعيط وكل العساكر حواليها لحد ماتميم وصل بسرعه
تميم نزل يجرى من العربيه وملهوف وعايز يطمن على أخته
تميم : جميله
جميله قامت وجريت على حضن اخوها وهى بتعيط وهو فضل يطبطب عليها
تميم : انت بخير ، فيكى حاجه ، طمنينى عليكى يا حبيبتى
جميله مش قادرة تبطل عياط : انا ..انا كويسه متقلقش عليا ، بس…..بس يوسف
تميم: أهدى ، يوسف مين
جميله: يوسف هو اللى انقذنى وهما قبضوا عليه ، ارجوك ياتميم روح وراه
تميم : طب بس أهدى وتعالى معايا لانى مش فاهم حاجه بسبب عياطك ، تعالى يلا اركبى العربيه واحكيلى كل حاجه
جميله : مش قادرة اتكلم حاليا
تميم : خلاص ارتاحى ولما نوصل تحكليلى
عند ايهاب
ايهاب فى التلفون: طب أهدى بس ياحبيبتى ، ارجوكى بلاش تعيطى
سلمى بعياط : بقولك منعنى من الخروج ورفض حتى فكرة خطوبتنا ، انا مش عارفه اتصرف ازاى يا ايهاب ، انت عارف لو هو عرف انى بكلمك فى التلفون هياخده منى ، انا متاكده
ايهاب : بصى ياحبيبتى ، بابا خايف عليكى ، بيعمل كده لمصلحتك ، وبعدين هو انت مش واثقه فيا
سلمى : واثقه فيك طبعا والا مكنتش حبيتك
ايهاب : طب ياحبيبى احب اعرفك انك عمرك ماهتكونى لغيرى ، حتى لو ايه حصل ، وانا هتصرف ، المهم دلوقتى تبطلى عياط علشان خاطرى
سلمى : حاضر مش هعيط تانى علشان خاطرك
ايهاب : يسلملى اللى بيحبنى ده ، بس انا بم|وت في امه
سلمى ضحكت بكسوف : طمنى طيب انت بقيت احسن
ايهاب : مينفعش تسالينى سؤال زى ده وانا بكلمك لانى دايما كويس طول مانت معايا
سلمى : ايهاب انا ….انا يعنى
ايهاب اتخض : مالك فى ايه ، قولى على طول
سلمى : يعنى بصراحه …بحبك
ايهاب : يابنت اللل……
سلمى ضحكت اوى : ايه فى ايه
ايهاب : انت بتخضينى وبعدين تقولى بحبك ، اقفل فى وشك دلوقتى
سلمى ضحكت اوى
ايهاب : مشكلتى أن قلبى ضعيف ومش بيتحمل تؤ ، وانا كمان ياقلب ايهاب بموت فيكى وبعشقك ، يلا بقى علشان محدش يقفشك
سلمى : ماشى سلام
قفل ايهاب مع سلمى ويدوب بيرتاح حاله تلفون تانى
ايهاب بيبص شاف اسم تميم ورد بسرعه
ايهاب : صاحبى الواطى ، طب اسال عليا ده انا خارج من الصبح ياواطى
تميم : ايهاب ، انا لقيت جميله
ايهاب بسرعه : فيين وازاى وايه اللى حصل ، انت فين انا جاى حالا
تميم : أهدى بس ، هى معايا هنا ، بس هى كانت مع شخص اسمه يوسف وبتقول ساعدها كتير وهو حاليا ممسوك فى القسم لانه كان سايق وهى معاه ، فأنا فى طريقى لهناك اشوف الموضوع
ايهاب : انا هلبس هدومى وجاى دلوقتى
تميم : يابنى خليك انت تعبان ، انا بس ببلغك
ايهاب : بطل هبل وانا جاى حالا ، يلا سلام
وصل تميم القسم وفعلا كان ايهاب هناك ومستنيه فى مكتبه
ايهاب : حمد الله على السلامه يا انسه جميله
جميله : الله يسلمك ، حمد الله على سلامتك انت كمان والف سلامه عليك
ايهاب : ايه اللى حصل ، ومين ده اللى اتمسك وبتقولى أنه ساعدك
تميم : اقعدى كده ياقلب اخوكى واحكيلى كل حاجه ، ولا اقولك اجبلك حاجه تاكليها الاول ايه رايك
جميله : لا مش عايزة حاجه ، انا بس عايزاك تخرج يوسف
تميم : هو اسمه يوسف ، يوسف ايه ومين ده وازاى ساعدك
جميله : اسمه يوسف منصور عطا
تميم وإيهاب سوا : نععععم
تميم : ابن منصور الكل|ب اللى على طول عايز ينتقم منى ومعرفش ليه اصلا
ايهاب : براحه ياتميم مش كده ، افهم الاول
تميم : فهمينى ياست جميله ، وازاى ده اصلا ساعدك
جميله: صدقنى ده محترم جدا وراجل بمعنى الكلمه
حكت جميله كل اللى حصل بينهم وازاى اتحدى ابوه وهربها وكل حاجه لحد ما اتقبض عليه
تميم : طب كتر خيره بس برضو ميمنعش أنه ابن اكبر عدو ليا ، وانا…
جميله: قبل ماتكمل ، انت شايف أن بعد كل اللى عمله ده برضو أنه زى ابوه
تميم بص لايهاب ومش عارف يقول ايه
ايهاب: احنا ممكن نخرجه بس نضمن منين أنه مش ممكن يأذي حد فينا
جميله: انت بتهزر ، بعد كل ده واللى مرينا بيه هؤذى حد ازاى
تميم : ياعسكرى
تمام يا افندم
هات المتهم اللى اسمه يوسف منصور
راح العسكرى وجابه ودخل عليهم وطبعا لانه عمره ماشاف تميم ميعرفش أنه اخو جميله
يوسف بلهفه لما شاف جميله: جميله ، انت بخير طمنينى عليكى
تميم برفعة حاجب : اه بخير يا حنين ، متقلقش عليها
يوسف : انا عايز اعرف هفضل هنا لامتى ، انا عايز اقابل اخو جميله واحكيله كل حاجه
تميم : هو بنفسه اللى قاعد ادامك وبيقولك انها بخير
يوسف : انت تميم
تميم : عندك مانع ، بص ، انا منكرش أن جميلك فوق راسى انك ساعدت اختى ووصلتها ، بس ده ميمنعش انك ابن اكبر عدو ليا ، ولولا اللى انت عملته مكنتش اتمنى اشوف اى حد من ريحة الك|لب ده
يوسف غضب من الكلمه لانه ابوه : طب واديك شوفت ، خير هتعمل ايه
تميم : هخلى سبيلك وياعم متشكرين على كل حال ، اتفضل بطاقتك وحجاتك اهى ومع السلامه
يوسف بص لجميله وهى قاعده وكان نفسه ياخدها معاه بس طبعا مش هيقدر
جميله بتبص عليه ونفسها تقوم تحتضنه بس طبعا مينفعش
ايهاب : هتعمل ايه دلوقت ، كده احنا اتأكدنا أن منصور هو اللى ورا كل حاجه
تميم : منصور ده راجل واصل ويقدر يخرج من حاجه زى كده من غير حتى مايرمش ، انا عايز اخليه يقع ويتمسك متلبس مش حاجه زى دى اللى هتوقعه ابدا
جميله : تميم ، يوسف ملهوش ذنب فى اى حاجه ، ولا عمل حاجه وحشه ، واحد غيره كان قال ابويا ومكنش ساعدنى ولا نطق بكلمه ، ارجوك خرجه هو من الموضوع
تميم حس أن أخته بتدافع عن يوسف اوى وكأنه حبيبها أو يخصها
تميم : انت مالك بقى ومال الكلام ده دلوقتي
جميله: انت بتقول ايه ، واحد ساعدنى وهربنى وضحى بوالده قدامك علشانى ، يبقى أقل حاجه ادافع عنه
تميم مش مرتاح لكلام أخته
طب يلا علشان تروحى ويلا يا ايهاب هوصلك معايا
ايهاب : لا روح انت انا ورايا مشوار كده وهبقى اروح
تميم: مشوار ايه ، من ورايا
ايهاب : هتعرف كل حاجه فى وقتها ، يلا سلام انت
تميم : سلام ياصاحبى
ايهاب اتصل بسلمى
سلمى : ايه يا ايهاب ، فى حاجه
ايهاب : لا ياحب ، بس كنت عايز أسألك ، هو والدك شغال فين
سلمى : شغال فى مصنع ملابس ، ليه خير
ايهاب : معلش بس قوليلى ، وبعدين انت خايفه كده ليه ، هو الحاج شغال فى الممنوع ولا ايه
سلمى ضحكت: مقصدش عمتا عنوان المصنع………بس هو انهاردة هو مش هناك لأن الجمعه والسبت اجازة وانهارده السبت
ايهاب : اومال هو عندك فى البيت ، طب اقفلى لحسن يسمعنا
سلمى : لا متقلقش هو ع القهوة
ايهاب : القهوة دى فين
سلمى : على اول شارعنا ، هو فى ايه يا ايهاب
ايهاب : فى أن بحبك اوى ياروح قلب ايهاب ، يلا سلام دلوقتى
سلمى باستغراب : سلام
ايهاب مشى بالعربيه لحد شارع سلمى ووقف عند القهوة اللى قالت عليها
نزل يدور ويبص وهو مش عارف هيلاقى واحد عمره ما شافه ازاى
وبعدين نده صبى القهوة
بقولك يا كابتن
اؤمر ياباشا ، تحب تطلب ايه
ايهاب: لا انا عايز اسال عن واحد قاعد هنا بس انا مش عارفه
الصبى : اسمه ايه ياباشا
ايهاب : حمدى عبد الحميد
ايهاب : متشكر وطلع من جيبه فلوس واداها للصبى
صباحك فل ياباشا
مشى ايهاب ووصل عند الترابيزة اللى عليها حمدى ، سحب كرسى وقعد وحمدى باصله اوى
حمدى : فى حاجه ، انت مين
ايهاب : انا الرائد ايهاب حسن العزازى
حمدى ……………
•تابع الفصل التالي "رواية الاسطى سارة" اضغط على اسم الرواية